معادلة الشهادة الجامعية للعمل في كندا

[Ghost]

اخواني الاعزاء

اود ان نفرد هذا الموضوع فقط لخطوات المعادلة الكندية للشهادات المختلفة

نود ان يكون هذا الموضوع مرجع لكل من ينوي عمل هذة المعادلة ( طب - بيطري - صيدلة - هندسة )

في البداية اعتقد ان اهم خطوة هي توثيق الشهادات الجامعية , في الحقيقة اني انا شخصيا سمعت كلام كثير في هذا الموضوع على هذا النحو :

اولا استخرج شهادة من الكلية مترجمة و موثقة من الجامعة أو استخرجها بالعربي ثم ترجمها في مكتب ترجمه معروف ( ممكن بتوع الكليه يقولوا عليه ) ثم ارجع الى الكلية لاستكمال ختم الشهادة المترجمة ثم

1. التوثيق من الخارجية المصريه ثم من السفارة الكندية
   
2. التوثيق من السفارة عالطول
   
3. فقط وضع الشهادة في ظرف مغلق ثم يختم بشعار الجمهوريه او الجامعة من الكلية التي تخرجت منها على قفلة الظرف
   

اما استخارج الشهادة مترجمة او بالعربي ثم ترجمتها بكندا هكذا بدون ظرف ولا يحزنون فاني اتشكك ان تكون محل قبول في الاوساط الكندية !!

هناك ملاحظة اخرى

من يتقدم الى الدراسات العليا بكندا يختلف عمن يريد العمل

ففي حالة الدراسات العليا تتقدم الى الجامعة او تراسلهم وتقدم شهادتك عالطولللللللل ( مفيش معادلة ) و هم يقرروا عليك ماذا تدرس من كورسات ...الخ

لكن في حالة انك تريد العمل فلا بد من عمل معادلة للحصول على رخصة لمزاولة العمل و من ثم التسجيل في النقابة

ملاحظة اخرى , ان لكل مقاطعة قوانينها و امتحانتها الخاصة سواء كانت مهنية او لغة

لمن اراد المزيد في حالة المعادلة لكلية الطب ان يذهب لهذا الموقع معادلة شهادة الطب

لمن اراد المزيد في حالة معادلة الصيدلة ان يذهب لهذا الموقع معادلة شهادة الصيدلة

لمن اراد معادلة الهندسة ان يذهب لهذا الموقع معادلة شهادة الهندسة

وهناك مواقع اخرى مفيدة في موضوع المعادلة زي

• www.wes.org
  
• www.cicic.ca
  
• www.ece.org
  

و في الحقيقة انا لا اعرف الترجمة الحقيقية لكلمة المعادلة فمرة تكون Evalutation OR Assessment OR validation ولا ادري ان هذة الكلمات لها نفس المعنى ام لكل واحدة معنى خاص

ارجو من عندة معلومات عن معادلة الطب البيطري ان يخبرنا عنه

و ارجو من الاخوة في كندا ان يبذلوا معنا بعض الجهد في اضافة معلومات او تعديل و تصحيح ما اوردته

و الله وحده الهادي و الموفق الى سواء السبيل

[Ghost]

معقولللللللللللللللل

عدد المشاهدات حتى الان 28 و مفيش حد يضيف او يعدل اي معلومه و لو بسيطة

انا خايف لاحسن يكون البخل اصابكم ... يا جماعة عاوزين نشارك و نفيد الجميع

وسلام

[Ghost]

انا مش هيصبني اليأس من الانتظار

اكيد فيه اخوة كتيرة تقدر تضيف و تثري الموضوع و خاصة المقيمين في كندا

شكرا و منتظر مشاركاتكم الفعالة

[GoldenTiger]

إن شاء الله الاخوة يشاركونا في الموضوع ده وياريت كمان لو توضحوا معادلة شهادات التجارة (المحاسبة)

[Ghost]

معقول يا ناس يا هووووووووووووووووووووو

والله انا مش مصدق نفسي بجد

مفيش واحد ابن حلال و لا واحدة عاوزة الاجر و الثواب في الناس الي عاوزة تعرف موضوع المعادلة

طب حت جد يعرفنا الطريق السديد لتوثيق الورق

او على الاقل يصحح الترجمة او يضيف كلمه

و الله في عون العبد ما كان العبد في عون اخيه

[Gihan]

ايه بس يا ghost يا اخويا

ماانت اصلك عندك المعلومات المفيده والروابط معاها

والموضوع ده اترد عليه بشكل فردى فى اماكن تانيه

بس عشان ما تزعلش حاقولك اللى اعرفه

حوقلك تجربتى ولو انها قديمه شويه من 19 سنه ( كده مش حعرف اقول انى عندى 25 سنه :closedeyes: بس لكن كله يهون عشان الاجر والثواب :blush2: )

اولا انا لما هاجرت كندا كنت لسه مخلصه سنه تانيه هندسه وطلعت من الكليه ورق بالمواد اللى خلصتها ورحت وثقت الورق من وزاره الخارجيه

لما جيت هنا فى كندا رحت فى مكتب مترجم معتمد ترجم كل الاوراق و قدمتها للكليه مع طلب التحاقى

الكليه عملت معادله للمواد و للاسف ما ادتنيش credit لكل حاجه لكن اعترفوا بالمواد اللى فيه زيها فى برنامج البكالريوس اللى انا مقدمه عليه وبكده درست مواد اقل عشان اخد الشهاده

للاسف معرفش ازاى بيعملوا المعادله لما تكون مخلص الكليه لكن اللى اعرفه ان فيه نوعين من المهن

فيه مهن لها معامله و regulation خاصه زى الدكتور والمحامى وغيره ودول بيبقوا اصعب فى المعادلات و الحق فى ممارسه المهن دى بيبقى فقط لاعضاء نقاباتهم لاختلاف القوانين اللى بتحكم الشغل فيهم وفيه المهن التانيه ودول بيبقوا اسهل

الرابط ده بيدى معلومات عن المهن دى

http://www.cic.gc.ca/english/skilled/work-2.html

و الرابط ده بيديك مصادر معلومات عن طرق المعادلات لكل مقاطعه

http://www.cic.gc.ca/english/skilled/work-3.html

بالنسبه للمحاسبه اعتقد انى شفت فى المحاورات رد من اخ محاسب

انا لى صديق كان محاسب فى مصر ولما قرر يبق CA (chartered accountant كان لازم يدرس مجموعه كورسات وبعدين يروح يمتحن وبماانه كان بيشتغل فاخد الكورسات دى بالليل part time وخلص فى حوالى 3 سنين

انا عارفه ان الواحد لما بيسال عن الموضوع ده بيبقى عايز رد شافى ووافى لحالته هو لكن للاسف ده صعب لان فيه عوامل كتير زى قوانين كل مقاطعه ونوع المهنه ونوع الشهاده والكليه اللى اخدها منها وده كله بيختلف

بالتوفيق للجميع ان شاء الله

[samwel3246]

بالنسبه لمعادلة الشهادات فى كندا كل ما اعرفه هو ان المعادله تتم فى بلد اسمه guielphفى اونتاريو انا اسف ما عندى معلوملت بخصوص هذا الموضوع

[Ghost]

بالنسبه لمعادلة الشهادات فى كندا كل ما اعرفه هو ان المعادله تتم فى بلد اسمه guielphفى اونتاريو انا اسف ما عندى معلوملت بخصوص هذا الموضوع

شكرا يا صمويل على المشاركة

اقل شئ يمكن ان يقدمه الاخوة المقيمين بكندا هو المشاركة و لو بجزء بسيط جدا من المعلومة

زي جيهان و صمويل كدة ( معلومة + معلومة = موضوع متكامل )

شكرا صمويل مرة اخرى و شكرا لجيهان و مستنين الباقي من الاخوة بكندا

[east]

[قرأت موضوعك ....وأشكرك كثيرا على المعلومات

وأود أن اسأل عن المعادلة لمن يعمل استاذ مساعد في جامعة مصرية كلية التمريض(حاصل على الدكتوراة وجميع الشهادات من القاهرة )

وعندة رغبة كبيرة في الهجرة والعمل في كندا ..ولكن هناك تساؤلات .

...1- أولا مسألة المعادلة هل هى مطلوبة

...2-هل من الممكن التعاقد مع جامعة كندية ثم التقدم بطلب الجنسية من داخل كندا .

....3-من اين احصل على معلومات حول هذا الموضوع

[Ghost]

أولا مسألة المعادلة هل هى مطلوبة

محنا قولنا المعادلة في حالة التقدم للعمل

في حالة الدراسة بيشوفوا اللي ناقص لك و يعطوة لك على المنهج اللي هتدرسه

هل من الممكن التعاقد مع جامعة كندية ثم التقدم بطلب الجنسية من داخل كندا

والله التعاقد = العمل

لازم تكون عامل معادلة ( في اغلب ظني ) + تكون فلته علشان ياخدوك

يعني لازم تكون مميز و لك ابحاث وبكدة يكون لك رصيد عالي في السيرة الذاتيه

و حصولك على الماجستير او الدكتوراة هيزودك 5 درجات في الهجرة

ممكن تقدم للهجرة لكندا من داخلها بس في القنصلية الكندية بامريكا مش مصر

من اين احصل على معلومات حول هذا الموضوع

موضع لهجرة تقصد

الموقع الرسمي لهجرة كندا هو cic.gc.ca فيه كل حاجة بس انجليزي و فرنساوي يا مرسي

سلام و بالتوفيق

[Gihan]

السلام عليكم

لقيت الرابط ده اللى ممكن يفيد الاخوه المحاسبين

http://www.cicic.ca/en/professions.aspx?so...1&prof=1111

تحياتى

[Gihan]

اهلا اخ east

اول واحسن رابط لمعرفه كل المعلومات عن الهجره او الدراسه او العمل فى كندا هو

http://www.cic.gc.ca/english/index.html

ده رابط وزاره الهجره والجنسيه الكنديه

وجواه فيه المكان ده بالذات فيه معلومات قيمه

http://www.cic.gc.ca/english/newcomer/guide/index.html

انصحك انك تقرا المعلومات اللى فيه وده حيديك فكره كويسه عن حاجات كتير

وده رابط لرقم مهنتك National occupational classification NOCووصفها (حتحتاجه لما تقدم على الهجره ان شاء الله)

http://www23.hrdc-drhc.gc.ca/2001/e/groups/4121.shtml

وحسب الرابط ده استاذ الجامعه مهنه non-regulated يعنى المفروض تكون اسهل فى عمل المعادله

حتلاقى كمان معلومات خاصه بكل مقاطعه وال associations

http://www.cicic.ca/en/professions.aspx?so...1&prof=4121

فيه كمان اعلان على الرابط ده

http://www.cic.gc.ca/english/press/07/2007-05-11.html

بيقول ان مقاطعه البرتا حتسرع قبول المهاجرين فيها وخصوصا فى مجال الصحه

فيمكن ده ينطبق عليك

وادى رابط بكل الجامعات الكنديه ممكن تحاول تبعتلهم بطلب للعمل

http://oraweb.aucc.ca/showdcu.html

بالتوفيق ان شاء الله

[Ghost]

ما تشوفي حاجة كدة لمعادلة الطب البيطري في اونتاريو يا جيهان

وايه احوالهم و الاعمال التي يقومون بها و مرتابتهم

لو تعرفي طبيب بيطري يبقى كويس

سلام

[Gihan]

الاخ العزيز ghost

ادى الرابط اللى بيدى معلومات عن مهنه الطبيب البيطرى

http://www.cicic.ca/en/professions.aspx?so...1&prof=3114

ولو محتاج معلومات اكتر ممكن تبعت ايميل ل Canadian Veterinary Medical Association (CVMA)

http://canadianveterinarians.net/Index.aspx

وبما ان دى مهنهregulated يبقى لازم ترجعلم فى موضوع المعادله والمواصفات المطلوبه

بالتوفيق ان شاء الله

[Gihan]

وادى كمان معلومه صغنونه لقيتها

فى 2004 كان متوسط المرتب السنوى للطبيب البيطرى 67000 دولار (طبعا قبل ما تدفع الضرايب)

http://www.bls.gov/oco/ocos076.htm#earnings

وللاسف ماعرفش طبيب بيطرى هنا

ده انا حتى نفسي فى كلب لكن جوزى منشف دماغه ومش عايز يعنى مش باينلى معرفه دكتور بيطرى

سلام

[GoldenTiger]

http://www.cic.gc.ca/english/press/07/2007-05-11.html

بيقول ان مقاطعه البرتا حتسرع قبول المهاجرين فيها وخصوصا فى مجال الصحه

فيمكن ده ينطبق عليك

طيب محدش يعرف التسريع ده هيبقى أد إيه تقريباً يعني الإجراءات هتخلص في خلال أد إيه من لما أقدم طلب الهجرة

يعني لما هكتب في طلب الهجرة إني عاوز أروح ألبرتا هيبقى أسرع من الولايات التانية

[Gihan]

وادى كمان معلومه صغنونه لقيتها

فى 2004 كان متوسط المرتب السنوى للطبيب البيطرى 67000 دولار (طبعا قبل ما تدفع الضرايب)

http://www.bls.gov/oco/ocos076.htm#earnings

وللاسف ماعرفش طبيب بيطرى هنا

ده انا حتى نفسي فى كلب لكن جوزى منشف دماغه ومش عايز يعنى مش باينلى معرفه دكتور بيطرى

سلام

اسفه لانى غلط وبعت رابط للمرتبات فى امريكا مش كندا

ادى رابط عن مرتب طبيب بيطرى بيشتغل فى الحكومه الكنديه( الوحيد اللى لقيته) والمرتبات فيه محترمه برضه فى الستينات

http://www.inspection.gc.ca/english/hrrh/col/vm/appae.shtml

[Ghost]

والمرتبات فيه محترمه برضه فى الستينات

تقصدي 2006 ؟!

الف الف شكر على الاضافات الجميلة و اللمسات الرائعة التي قمت بها يا جيهان

طبعا هذا ليس معناه انك معفاة من تكرار الاضافات هنا في الموضوع , يا ريتك تكوني معنا عالطول في الموضوع مع باقي الاخوة بكندا

شكرا مرة اخرى و اتمنى لك دوام السعادة و التوفيق

[Ghost]

هذا الكلام انقله لكم , و فيه الفرق بين regulated and a non-regulated occupation

A "regulated" occupation is one that is controlled by provincial and territorial (and sometimes federal) law and governed by a professional organization or regulatory body. The regulatory body governing the profession/trade has the authority to set entry requirements and standards of practice, to assess applicants' qualifications and credentials, to certify, register, or license qualified applicants, and to discipline members of the profession/trade. Requirements for entry, which may vary from one province to another, usually consist of such components as examinations, a specified period of supervised work experience, language competency, etc. If you want to work in a regulated occupation and use a regulated title, you MUST have a licence or certificate or be registered with the regulatory body for your occupation. Some occupations are regulated in certain provinces and territories and are not regulated in others.

About 20 per cent of Canadians work in regulated occupations such as veterinarian, electrician, plumber, physiotherapist, medical doctor, engineer, etc. The system of regulation is intended to protect the health and safety of Canadians by ensuring that professionals meet the required standards of practice and competence.

A "non-regulated" occupation is a profession/trade for which there is no legal requirement or restriction on practice with regard to licences, certificates, or registration. The vast majority of occupations in Canada fall into this category. For some non-regulated occupations, certification/registration with a professional body is available to applicants on a voluntary basis, whereas for other non-regulated occupations there is no certification/registration available at all.

In general, applicants for non-regulated occupations will have to demonstrate to their potential employers that they possess the experience and training required for the job. Even when an occupation is not regulated, employers can still require that an applicant for a job be registered, licensed, or certified with the relevant professional association.

[BoOoDY]

السلام عليكم

يا جماعه انا كان عندي كام استفسار كده

انا كلها كام شهر واتخرج من هندسه اتصالات

معايا international certification

من شركه سيسكو في ال CCNA

حاليا بحضر لشهاده CCNP

لما بدور علي وظائف علي النت في كندا بالشهادات دي بلاقيها موجود فعلا

هل ده بيعبر عن اذا كان مجالي فيه شغل ولا لاء؟

وهل مجال الشبكات في كندا مقفول ؟؟

ولا ايه بالظبط

عوز اعرف كمان اذا كنت عوز اول اما اروح اشتغل بمجالي

هل الجامعه الكنديه في مصر شهادتها معترف بيها هناك؟؟

ولو معترف بيها

انهي افضل اعمل دبلومه هنا في مصر فيها؟ولا الاحسن اني اعمل معادله بس

هل الشهادات الدوليه دي معترف بيها؟؟وممكن اشتغل بيها اول اما اجي مؤقتا؟؟

ولا لازم اول حاجه اعادل شهادتي؟؟

شكرا لاهتمامكم انا فعلا حاسس اني بين اخواني

ربنا يوفقكم