ماذا لو المصريين اتحدوا واخذوا موقف ايجابي ,,,,,,؟

[badroora]

بصوا يا جماعة انا فكرت فى فكرة وقولت احتمال تفيد فى حل المشاكل بتاعتنا فى مصر

هو مش حل خيالى هو بس صعب شوية عاوز تعاون وناس قوية تقدر علية وانا نفسي كنت اكون فى مصر عشان اساعد من الجانب بتاعى عشان بس محدش يقول انى باتكلم عشان انا برة مصر ومش خسرانه شيء انا عملتها اثناء الكلية لما مكنتش حاجة تعجبنا كنا كلنا فى سكن الكلية نعمل اضراب عن الاكل مثلا لمدة يوم قبل اليوم مايخلص كانت الناس بتيجي وتسماعلنا وتشوف طلباتنا ايه اما فى الوقت العادى مكنش حد بيسأل فينا

الفكرة بتاعتى بتقول ان الناس فى مصر تبدأ تصرخ وتوصل صوتها دا احنا هنا بنصرخ بالكتابة وصرخنا كتير بلا جدوى كاننا بس بنفضفض لكن لو بجد عاوزين نصحح ونغير

يلا نصرخ بصوت مسموع

لو كل واحد فى شركة او مصنع

او اى مكان فى جميع انحاء الجمهورية عملووا اضراب ومارحوش يوم واحد الشغل او مثلا الناس اللى شغالين فى مجمع التحرير مراحوش الشغل

هتبدأ الدنيا تنقلب ويمكن حد يسمع وحد يحس وحد يعرف ان فى شعب لسه حى وبيصرخ ومحتاج نجدة

هو الموضوع صعب لانه عاوز تعاون كبير وعدد كبير عشان يصعب تنفيذ العقوبة عليهم

هو حل جه فى دماغى من كتر تفكيري فى احوال بلدنا اللى مخليانا مش قادرين ناخد قرار للرجوع والاستقرار

ومش معقول هنعيش طول عمرنا فى غربة

انا عوزاكم تشركونى واللى عندة فكرة جديدة بردوة يضيقها

وطالما الخارجية الامريكية بتابع محاوراتنا اكيد الخارجية المصرية هتابع هى كمان وجايز هما من نفسهم يتحركوا قبل الشعب ما يعمل اضراب ظنا اننا ممكن ننفذ الخطة

ملحوظة لو مظهرتش بعد يومين

انا مش باحب الحلاوة

ممكن باتية بالجبنة او اليشكولاته

تحياتى

وفى انتظار مشاركتم واقتراحكم

تم تعديل 1 مايو 2007 بواسطة نجفة المغرورة

[The Professor]

بس مش فاهم تحديدا يا مسز نجفة الشعب ها يعمل إضراب على ايه بالظبط : يعني ايه طلبنا او طلباتنا بالتحديد .... ماهو لازم يكون فيه طلب أو طلبات محددة وواضحة... واوعي تفتكري اني بأورطك لاسمح الله :ninja:

[badroora]

لا مش توريط ولا حاجة انت فعلا عندك حق

سؤالك نعمل اضراب على ايه كأن البلد بقت كويسة ومافيهاش اى مشاكل وتلاقينا كلنا بنكتب وبنصرخ وبناقش الاوضاع اللى مش عجبانا وملينا بيها المنتدى طيب نيجي نتجمع ونقول نغير او نعدل تلاقيني تفكيرنا تجمد ومش عارفين نعمل ايه او نعترض ازاى او نعمل اضراب على ايه بالظبط

اخى انا كنت متوقعة هذه الاجابة مش منك بالذات لا مننا كلنا احنا احسن ناس تعبر عن المشاكل وتناقشها على الورق ولما نيجي عند الفعل يحصلنا بلوك ونتجمد مكانا

موضوع الاضراب دا مش سهل عاوز ناس تقعد مع بعضها وتحدد اهدافها وتشوف ايه اكثر شيء مديقنا

غلو الاسعار

ولا الحياة الغير كريمة

ولا تفشي ظاهرة التلوث من لبن الى ذرة

سور شرم الشيخ

بحيرة ناصر والنيل

الدستور

دى مشاكلنا اللى بناقشها هنا وبنتكلم عنها

عمرنا مفكرنا ازاى نحل

احنا اتعلمنا نناقش نعقد الامور نلوم على الحكومة

فين الفعل مافيش

احنا الصغيرين مهما نصرخ ولا حد يسمعلنا

الكبار طول ماهما مرتحين وعيالهم بيتمتعوا بحياة كريمة يبقوا هيبكوا على الناس ليه

احنا كمصريين

خناقة تفرقنا وطبلة تلمنا

نغضب نغضب ولما نلاقي هيصة نهيص مع اللى بيهيصوا وننسي كنا زعلانين لية

ممكن يكون الحل اللى كتبتة دا خيالى

ومش معقول ولكنى كتبتة فى لحظة خنقة من الاحول ومن المواضيع اللى بتابعها وضغطى ارتفع قولت طيب نشوف الناس اللى بتعقد دى ممكن تحل

وهو دا المقصود من موضوعى ومشاء الله قراءة فوق ال26 وانت الوحيد اللى رضيت كتر خيرك

وتحياتى لك

نجفة

تم تعديل 1 مايو 2007 بواسطة نجفة المغرورة

[عطاء بلا حدود]

أنا في رأي عشان نلخص المطالب لان مطالبنا كتيرة جدا جدا لا تعد ولا تحصى

لاننا كلنا مشاكل وغرقانين في مشاكل

فمن رأيي اننا نلخص كل المطالب دي كلها في مطلب واحد بسسسسسسسسسسسسسسس

حسني مبارك يسيب البلد ويمممممممممممممممممممممممممممممممممممممممممممممممممممممممممشي

ننفيه بعييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييد

حسب الله ونعم الوكيل

حسب الله ونعم الوكيل

حسب الله ونعم الوكيل

[العمرلحظة]

أهلا يا أخت نجفه

من الواضح أنك بتحلمى متزعليش

الحلم ممكن يكون حقيقة لو كل واحد عمل اللى عليه

وممكن تكون البداية

بس للعلم الناس من كتر البلاوى التى باتت تحيط بها حصلهم دوخة ولما يفوقو منها إن شاء الله يبقوا

يفكروا فى الإصلاح

ندعو الله معك ومع كل من يحب مصر أن يصلح بالنا وأن يجمعنا ولا يشتتنا

[أبو المزاميز]

أنا في رأي عشان نلخص المطالب لان مطالبنا كتيرة جدا جدا لا تعد ولا تحصى

لاننا كلنا مشاكل وغرقانين في مشاكل

فمن رأيي اننا نلخص كل المطالب دي كلها في مطلب واحد بسسسسسسسسسسسسسسس

حسني مبارك يسيب البلد ويمممممممممممممممممممممممممممممممممممممممممممممممممممممممممشي

ننفيه بعييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييد

حسب الله ونعم الوكيل

حسب الله ونعم الوكيل

حسب الله ونعم الوكيل

[TIMON]

بس مش فاهم تحديدا يا مسز نجفة الشعب ها يعمل إضراب على ايه بالظبط : يعني ايه طلبنا او طلباتنا بالتحديد .... ماهو لازم يكون فيه طلب أو طلبات محددة وواضحة... واوعي تفتكري اني بأورطك لاسمح الله :ninja:

دي معلومات قيمه

[pink rose]

بس مش فاهم تحديدا يا مسز نجفة الشعب ها يعمل إضراب على ايه بالظبط : يعني ايه طلبنا او طلباتنا بالتحديد .... ماهو لازم يكون فيه طلب أو طلبات محددة وواضحة... واوعي تفتكري اني بأورطك لاسمح الله :ninja:

دي معلومات قيمه

حضرتك دخلت رفعت 11 توبيك ترجع لعام 2007 عشان تقول

دي معلومات قيمة

بس كده

يا سلام

[ozoozo]

بس مش فاهم تحديدا يا مسز نجفة الشعب ها يعمل إضراب على ايه بالظبط : يعني ايه طلبنا او طلباتنا بالتحديد .... ماهو لازم يكون فيه طلب أو طلبات محددة وواضحة... واوعي تفتكري اني بأورطك لاسمح الله :ninja:

دي معلومات قيمه

حضرتك دخلت رفعت 11 توبيك ترجع لعام 2007 عشان تقول

دي معلومات قيمة

بس كده

يا سلام

مايمكن تكون معلومات قيمه واحنا مش واخدين بالنا

هو بس عايز يزود مشاركاته

تم تعديل 18 أكتوبر 2010 بواسطة ozoozo

[nightmare]

حضرتك دخلت رفعت 11 توبيك ترجع لعام 2007 عشان تقول

دي معلومات قيمة

بس كده

يا سلام

مايمكن تكون معلومات قيمه واحنا مش واخدين بالنا

هو بس عايز يزود مشاركاته

انا كمان لاحظت كده وبعتله رسالة على الخاص افهم منها ايه وجهة نظره في المعلومات القيمة دي , ده فيه مشاركات رفعها من 2002 والمعلومات بتاعتها Unavailable

حاجة تغيظ بجد

مع تحياتي