هيستيريا وزراء أم هيستيريا إعلام؟

[Sherief AbdelWahab]

أقام الدكتور يسري الجمل والصحافة الدنيا ولم يقعداها على جدول الثانوية العامة ، والذي تقول الأخبار المنشورة عنه في الأهرام قبل أيام (طبعاً صعب تحصل على لينك من الأهرام لأسباب تقنية نعرفها جميعاً) أنه تم بطريقة غير مسبوقة وعن طريق الفيديو كونفرانس وبمشاركة الأهالي والمشاركة المجتمعية و...و.......

اللي أنا شايفه دة هيستيريا..

كل سنة بيبقى فيه ثانوية عامة وكل سنة بيبقى لها جدول ، ليه "الأزعرينة" دي حوالين الجدول السنة دي دوناً عن كل سنة؟

هل دة لغز زي قانون المالك والمستأجر بحيث ياخد كل المجهود دة علشان يطلع قبل الامتحان بكذا أسبوع؟

مين السبب في الهيستيريا دي؟ هل الوزراء اللي بيحبوا الميكروفونات ولا الصحفيين اللي بيحبوا يجاملوا على طريقة الأفراح البلدي (الوزير..الوزير.. والفرح..الفرح.. وأنا والسبعين مليون.. ألف مرة)!

ورقصني يا جدع على ثانوية ونص!

خلص الكلام