القائم مقام " واحد تاني " في زيارة سريعة للرياض

[se_ Elsyed]

تم بحمد الله إفتتاح محلات

لأ مش دي ...

قام السيد اللواء قائم مقام واحد تاني - اعزه الله - بزيارة خاطفة للرياض أستغرقت دقائق معدودة ... مش سويعات .... يوم أمس ..

هذا وقد كان في شرف إستقباله في لوبي الفندق عالسريع السيد سين سين مندوب المحاورات بمحافظتي الرياض والخرج ..

وقد أستعرض الضيفان العلاقات الثنائية بين البلدين ... وبحثا سُبل دفع عربية الكشري .. قصدي عجلة السلام ...

وتناولا كوبين من عصير الكوكتيل - على حساب واحد تاني - ( ما جتش منك في مرة يا سي موديست ) . ثم قام السيد س س بوداعه في المطار ...

حفظ الله القائم مقام واحد تاني في حِله وترحاله

------------

بالمناسبة بقى وبجد مش هزار

المحاورات وشعب المحاورات وعز الدين أيبك وشجرة الدر وكل اللي نعرفهم .. لهم حق عرب عند واحد إبننا تاني ... وفيها مش أقل من عزومة ربع تيس مع الرز واللبن الرايب عشان نبلع ... ويتقسم الربع ده على 3 صواني ونقعد كلنا نضربه .. وده على حساب واحد تاني

لإن البيه طلع مهندس ديكور وإنتيرنال ديزاينر قد الدنيا .. وقاعد ومطنش وواقف لوحده في حته ناشفه واحنا زانقين الباش مهندسة نانسي في موضوع أنت تسأل ونانسي تجيب ببلاش عن أي تساؤلات تتعلق بالديكور .. والبيه متقل ودانه ولا كإنه هنا ...

وبعد إذنكم نقوم كلنا بإصدار عدة احكام عليه غير الحكم الاولاني بتاع الربع تيس ...

وهابدأ اول حكم

" يتم فتح موضوع تحت عنوان ... أنت تسأل وواحد تاني يجيب .. ومش بس كده .. لأ .. ده واحد تاني مُلزم بشراء الماتيريال بتاعت ديكور شقة كل واحد فينا "

هو العنوان طويل شويه لكنه مُعبر عن حجم خطأه ... عايز كل واحد يسأل بضمير .. ويطلب بقلب جامد ... نجف .. تحف ... أباليك .. سجاد .... فالنات .. شربات .. اي حاجه متعلقة بالديكور

وبعد إذن نانسي .. هي اللي هاتحكم إذا كانت الماتيريال دي سوقي ولا مطابقة للمواصفات

رُفعت الجلسة

إن ما وريت يا واحد ... انا تعزمني على عصير بس من غير أي حاجه جنبه تبلعه

[النسر المصري]

قشططططة بالزلابيييه

انا من زمان وكان نفسي ازنق واحد تاني ف حته ضلمه :rolleyes:

وعندك يا سيادة السين سين اول قائمه بالطلبات

اكمني اخوك النسر مقبل على وش جواز....وعنده مترح مفتوح من الجهات الأصلييه الاربعه ف المقطم

الحته دي ياخونا مبنيه على تلتمية متر وتلتميه زيهم دور تاني ياعم واحد تاني

تبقى الحسبه كده ستميت متر ...متر ينطح متر.......

وعندك كمان ميتين جنينه

يبقى كده الاجمالي تمنميييت متر......

خد جنبهم كمان ميه وخمسين متر محلات...على خمسين متر جراج العربيه والمخزن....يبقى كده بالصلتو عالنبي الف متر !!!

يلا شمر الدراعات يااونكل واحد تاني وخود القفتين دول وفاس ابو راس...وخشلي عالديكور برجلك اليمين وافرش على ذوقك انا مش هاتعبك !!! :lol: :lol:

[واحد تاني]

قام السيد اللواء قائم مقام واحد تاني - اعزه الله - بزيارة خاطفة للرياض أستغرقت دقائق معدودة ... مش سويعات .... يوم أمس ..

هذا وقد كان في شرف إستقباله في لوبي الفندق عالسريع السيد سين سين مندوب المحاورات بمحافظتي الرياض والخرج ..

وقد أستعرض الضيفان العلاقات الثنائية بين البلدين ... وبحثا سُبل دفع عربية الكشري .. قصدي عجلة السلام ...

وتناولا كوبين من عصير الكوكتيل - على حساب واحد تاني - ( ما جتش منك في مرة يا سي موديست ) . ثم قام السيد س س بوداعه في المطار ...

حفظ الله القائم مقام واحد تاني في حِله وترحاله

------------

فخامة الأخ الرئيس سين سين

يسرني ان اعلن لكم انه قد اثلج صدري حفاوتكم بنا وحسن استقبالكم لنا في بلدكم الشقيق

كما اود ان اعرب عن عظيم امتنان دولتنا حكومة وشعبا بهذا اللقاء التاريخي الذي يعتبر منعطفا حضاريا في مسار حياة شعبينا العظيمين ومنخطفا اقليميا في شتى مناحي الديموقراطية على الصعيد المحلي والعالمي ومنفتحا يهدف الى ارساء اسس وقواعد مختلف الانظمة الديموغرافية ...

المهم انه كان لقاء ظريف جدا وانا اتبسطت منه جدا جدا واستمتعت والله بالشوية الصغيرين اللى اتكلمنا فيهم ...

واحقاقا للحق يا جماعة اخونا س س هو اللي عزمني على الغداء في افخم مطاعم الرياض واكتشفت بالصدفة البحته انه صاحب الفندق اللي كنت نازل فيه وبالتالي حلف طلاق تلاته ما ادفع ولا هلله ووقع هو الشيك ... بل انه اصر يوصلني بطيارته الخاصة... وانا من هنا ومن هذا المنبر ومن تحت هذه القبة اقدم له اسمى معاني الشكر والعرفان

شكرا لكم يا فخامتك ...

بجد يا جماعة انا سعدت جدا بلقاء سي السيد هذا الشخص المهذب المحترم ذو العقل الذي قلما نجده في شاب مثله ,,, تقبل تحياتي

اما بخصوص الربع تيس وبرنامج ما يطلبه المستمعون اللي عايز يفتحه ده ... اوعوا تصدقوه ... انا اصلا لسه في سنة تانية في مدرسة محمد علي للصنايع وقدامي 3 سنين لسه على ما اقدر امسك رابيدو ...

واخد بالك يا نسر ياخويا ...

وبعدين تعالى هنا دكاكين ايه اللى عايزني اعمل لك انتريورز ليها دي ... وجراج ايه ده اللي 50 متر ؟ انت بتسوق تريللا بمقطورتين يابو النسور والا ايه

من عنيا يا جماعة اي حد محتاج حاجة انا في الخدمة العامة ...

تحياتي ,,,

[Ahmad Farahat]

المهم اتناقشتوا في دارفوار.........

أنا يهمني جدا موضوع دارفور.........

[Modest]

هذا وقد كان في شرف إستقباله في لوبي الفندق عالسريع السيد سين سين مندوب المحاورات بمحافظتي الرياض والخرج ..

وتناولا كوبين من عصير الكوكتيل - على حساب واحد تاني - ( ما جتش منك في مرة يا سي موديست )

مطلوب تفسير فوري و حاسم لمقابلتك لإبننا واحد بيه تاني في لوبي الفندق و في ذات نفسية الوقت رفضك مقابلتي في اللوبي برضه .. هل هو معرفتك المسبقة إني هادفّعك حق المشاريب؟

إبننا واحد بيه تاني mfb: .. لو كنت سبّقت بكام يوم كنّا عملنا عملية نضيفة مية المية لصالح شعبنا في المحاورات و فرّقنا دمُّه بين قبائل المنطقتين الغربية و الشرقية.. ياللا تتعوض المرة الجاية

;)

[عصام]

3 سنين لسه على ما اقدر امسك رابيدو ...

ويا ترى خد منك ايه اللى مايتسماش ؟ :closedeyes: يا ضنايا

معلش ولاد الحرام ما سابوش لولاد الحلال حاجة :rolleyes:

[Modest]

3 سنين لسه على ما اقدر امسك رابيدو ...

ويا ترى خد منك ايه اللى مايتسماش ؟ :rolleyes: يا ضنايا

اعتقد إن واحد تاني يقصد لسه 3 سنين على ما يقدر يمسك إيدو و المقصود هنا إيد سي السيد المعروفة بصعوبة مسكها :blush2: .. لكن انت عارف الكيبوردات و حركاتها اليومين دول :closedeyes:

[se_ Elsyed]

عشان مابقاش زي فريد الأطرش في الزفة

يعني إيه رابيدو ؟

يعني دي كلمة وحشه ولا حلوه ولا محلها إيه من الإعراب ؟

أنا كل اللي أعرفه هو نادي " رابيد فيينا " النمساوي

لكن رابيدو ..... ماسمعتش عنها قبل كده

مطلوب تفسير فوري و حاسم لمقابلتك لإبننا واحد بيه تاني في لوبي الفندق و في ذات نفسية الوقت رفضك مقابلتي في اللوبي برضه .. هل هو معرفتك المسبقة إني هادفّعك حق المشاريب؟

تخيل يا موديست إن في أول لقاء وجهاً لوجه مع واحد إبننا طلب مني بدون اي مقدمات أو خلفيات إنه يذهب إلى الوكر .. حيث الــــــ .... أه .. فاهمني ؟

فقلت له يابني ده في ناس قبلك اكل عليهم الزمان وشرب عقبال ما وصلوا لمرحلة الولوج إلى الوكر .... منهم موديست مثلاً اللي لسه شايف الوكر في أخر زيارة فقط .. لإنه كان تخطى مرحلة التأهيل النفسي - جايه من الأنفاس - والبدني وبالتالي أُحق له هذا الشرف وأصبح نوطاً على صدره وسوطاً عل ظهره وبكره يحكي لأحفاده وأولاده عندما يجلسون أمام المدفئة عن هذا الوسام ...

الخلاصة .. قلت له مشيها بلدي يا معلم وكفايه عليك اللوبي المرة دي لإني خايف عليك من السِكة دي يا واحد يابني

بالمناسبة بقى

أحمد محمود وعصام شوقي السُهن اللي إنتو شايفينه قدامكم ده .. عندهم وكر أصلي في 6 أكتوبر إنما إيه ... بصراحة ما شفتش كده

[se_ Elsyed]

بالمناسبة .. وكلمة حق يعني

- هذا الواحد تاني في منتهى الخلاق السامية وده مش بعيد عن الإسكندرانية - أبو احمدات - وشكله كده كان علمي رياضة فعشان كده محترم قوي ... وهو في شبه كبير منك يا موديست

بس هو على أقصر .. وأرفع ... وعينه مش اخضره أو شعره أصفره

تحيه لهذا الواحد تاني وبإذن الله نخطط لزيارة جماعية ونكبس عليه في الخُبر حيث أنه وعدني بعزومة شوي وحركات على شواطيء المنطقة الشرقية وده هايكون غالباً في الصيف بعد ما نسرب القطط قصدي الأولاد ويروحوا مصر ونعيش حياة العزوبية المتشردة واهو ساعتها ممكن نرمي الهلب على موديست إسبوع في جده .. وأسبوعين عند واحد تاني في الخُبر .. وأهي تمشي العملية وتُرزق إن شاء الله .

[واحد تاني]

إبننا واحد بيه تاني :blush2: .. لو كنت سبّقت بكام يوم كنّا عملنا عملية نضيفة مية المية لصالح شعبنا في المحاورات و فرّقنا دمُّه بين قبائل المنطقتين الغربية و الشرقية.. ياللا تتعوض المرة الجاية :closedeyes:

:rolleyes:

اصل مش أنا اللي بسوق يا هندزة :hi:

اكيد هننفذ العملية بتاعتنا قريب ان شاءالله :FN:

[واحد تاني]

المهم اتناقشتوا في دارفوار.........

أنا يهمني جدا موضوع دارفور.........

سعادتك احنا كنا وصلنا لغاية اسوان كده بس كانت الدنيا ليلت فاضطرننا اننا نعود ادراجنا قبيل الغسق ...

3 سنين لسه على ما اقدر امسك رابيدو ...

ويا ترى خد منك ايه اللى مايتسماش ؟ :rolleyes: يا ضنايا

معلش ولاد الحرام ما سابوش لولاد الحلال حاجة :FN:

3 سنين لسه على ما اقدر امسك رابيدو ...

ويا ترى خد منك ايه اللى مايتسماش ؟ :blush2: يا ضنايا

اعتقد إن واحد تاني يقصد لسه 3 سنين على ما يقدر يمسك إيدو و المقصود هنا إيد سي السيد المعروفة بصعوبة مسكها :hi: .. لكن انت عارف الكيبوردات و حركاتها اليومين دول :closedeyes:

احم احم

[عصام]

يعنى بيتهبألى لو جت على شوية الاقلام دول تبقى بسيطة

ربنا يعوض عليك .. :closedeyes:

[nancy]

حمدالله على سلامتك يا تانى طيب ياعم كنت عدى على المدينة وكنا استقبلناك هنا كمان

عموما ولله يا س س انا كنت شاكة فى ان تانى مهندس ديكور من تعليقاتة عليا بس مردتش اتك علية

وعموما تسالوا تانى تسالونى زى ما تحبوا تانى صاحبى برضوا

وبعدين عملى يا س س بتعرف فى كل حاجة ومش عارف الرابيداو

فكرتنى الربيدوا وايام الكلية... بس دلوقت كلة بالاتوكاد

قولى كمان مش عارف الاتوكاد

مش عرفة الناس دى اية واللهِ :closedeyes:

[se_ Elsyed]

حمدالله على سلامتك يا تانى طيب ياعم كنت عدى على المدينة وكنا استقبلناك هنا كمان

أهو .. جبتش أنا حاجه من عندي ...

وحياتك إنتي إتحايلت عليه يا نانسي يا أختشي .. وأجيب فيه يمين .. شمال وأقوله يا واحد عيب .. يا واحد ما يصحش.. مادام جيت الرياض يبقى روح زور أختشنا نانسي في المدينة وأهي كلها 900 كم يعني فركة كعبت .. وهو راكب دماغه ويقولي أبداً .. يا سين سين ياخويا إنت ماتعرفش ولاد الكار بيعاملوا بعض إزاي ... فقلت له غزاي؟

ما خبيش عليكي .. قالي : نانسي مهندسة ديكور .. وأنا مهندس ديكور .. ممكن احود عليهم في المدينة تروح قصداني في مرمة محارة .. أو شغلانة عالسريع وتحرجني ومش هاقدر أقولها لأ ...

فأنا ما سكتش .. قلت له .. طب وماله .. يا أخي نفع وأستنفع

يقوم يقولي : والنبي تسكت إنت مش عارف حاجه .. خليني كاتم في قلبي وساكت ( وقال ساكت بالإسكندراني كمان )

...

وادي يا ستي جدعنة الأسكندرانية مع بعض .. وفالح يقولي : إسأل عليه في الأنفوشي ... وأنا بعبع محرم بيه ....

عالعموم إحنا جايين نهدي النفوس .. وإنتو سكندرانية مع بعض .. واللي داخل بناتكم خارج ... وربنا يعمل اللي فيه الخير .

------------

وبعدين عملى يا س س بتعرف فى كل حاجة ومش عارف الرابيداو

يا بنتي أنا عارف كل حاجه .. بس كنت باختبر معلوماته وبأشوفه لسه فاكر كتاب الأنشطة بتاع أول هندسة ولا لأ .. أيام الرابيدو والبرجل والمسطرة الحرف تي والحاجات اللي كان بياخدها في أولى كليه وجاب فيها ضاد جيم ...

-----------

قولى كمان مش عارف الاتوكاد

اهي دي بقى بالذات نعرفوها صم

أوتو يعني عربية بالإنجليزي

وكاد .. يعني بالعافية بالعربي ..

يبقى كلها على بعضها .. عربية بالعافية ...

ودي كان بيدرسها مهندسين الميكانيكا .. حتى بالأمارة في تانية كلية .. صح ولا مش صح ؟

[النسر المصري]

وجراج ايه ده اللي 50 متر ؟ انت بتسوق تريللا بمقطورتين يابو النسور والا ايه

رولز رويس اتناشر متر باتنين سواقين سلندر :closedeyes:

وعليهم طقم رابيدو روترينج كمان :rolleyes:

ليه هي انت عربيتك ايه ياواحد تاني :blush2:

تم تعديل 8 مايو 2007 بواسطة النسر المصري

[واحد تاني]

تخيل يا موديست إن في أول لقاء وجهاً لوجه مع واحد إبننا طلب مني بدون اي مقدمات أو خلفيات إنه يذهب إلى الوكر .. حيث الــــــ .... أه .. فاهمني ؟

طيب ورحمة طنط نرمين ما حصل ... أنا يا جدع انت قلت لك حاجة والا طلبت منك حاجة (غير الـ 37 ريال اللي انت كنت سالفهم مني وطالبتك بيهم وانت انكرتهم) ... وكر ايه ؟ طيب بزمتك انت ده منظر أوكار ؟

بالمناسبة .. وكلمة حق يعني

- هذا الواحد تاني في منتهى الخلاق السامية وده مش بعيد عن الإسكندرانية - أبو احمدات - وشكله كده كان علمي رياضة فعشان كده محترم قوي ... وهو في شبه كبير منك يا موديست

ربنا يستر طريقك يابو سامية ... :closedeyes:

:rolleyes:

[واحد تاني]

يعنى بيتهبألى لو جت على شوية الاقلام دول تبقى بسيطة

ربنا يعوض عليك .. :closedeyes:

شوية الاقلام دول يا مونشير كان لهم دور مهم غاية في الأهمية في حياة كل تلميذ في مدرسة المهندسخانة ... بس ده كان عهد وولى واختنا الباشمهندسة نانسي واخونا النسر المصري يقولولك ...

حتى ان اذكر انه ايام دراستنا في جامعة فاروق الأول باسكندرية في نهايات القرن الماضي وابان الحرب العالمية الثانية كان كل تلميذ مننا حتما ولابد يكون معاه هذا الجهاز العجيب الذي اطلق عليه المحتل الغاشم اسم الرابيدوجراف ... وكان عند بداية ايتها مشروع هلبت ما تفكر انك تشغل الجهاز الا وتلاقيه عطلان تروح واخده على حوض المطبخ وتفضل تنفخ فيه لحد ما يبان له صاحب على ما يسلك والحبر يجري في الانابيب بعد ما تكون بقيت شبه بربري مصر الوحيد من كتر الحبر اللى غطى وشك ... قوووم ايه هابت ما تبدأ تشتغل في المشروع يقوم القلم ابو سن 0.01 مم يقع منك ... تقوم ترميه وتروح تشتري غيره يا معلم لانه ودع حياته المهنية بمجرد وقوعة من على لوحة الرسم ... ايييه كانت ايام ... قولي لهم يا نانسي يا بنتشي ... :rolleyes:

[Handasah]

وفاكر (ياواحد) ياخويا ...

اما تينحنى ويطلع عينك على اللوحة وترسم وترسم وبعدين دكتور بجرة قلم واحدة يغيرلك معالم اللوحة خالص ..... ياة رجعتونا لايام زمان ....... :closedeyes:

[واحد تاني]

فكرتنى الربيدوا وايام الكلية... بس دلوقت كلة بالاتوكاد

قولى كمان مش عارف الاتوكاد

مش عرفة الناس دى اية واللهِ :closedeyes:

طيب فاكرة الهشارة ... :blush2:

والزنانة

والـ اير براش

والزيبتون ... هيه كانت أيام :rolleyes:

[واحد تاني]

وبعدين عملى يا س س بتعرف فى كل حاجة ومش عارف الرابيداو

يا بنتي أنا عارف كل حاجه .. بس كنت باختبر معلوماته وبأشوفه لسه فاكر كتاب الأنشطة بتاع أول هندسة ولا لأ .. أيام الرابيدو والبرجل والمسطرة الحرف تي والحاجات اللي كان بياخدها في أولى كليه وجاب فيها ضاد جيم ...

الا فاكر كتاب الانشطة ... ده سهل ميه ... وكنت حافظة غايبا

بس على فكرة انا مكنتش بجيب ضاد جيم ... انا كنت بجيب سين سين :closedeyes: