العرب قادمون .... قادمون في سوق العقارات المصري

[se_ Elsyed]

للأسف ده خبر مش ظريف لناس كتير هنا .. وفي نفس الوقت ظريف لناس أخرى معدودين

فلقد اعلنت وزارة الأسكان عن بيع بالمزاد عن طريق المظاريف المُغلقة لعدد من الأراضي ذات المساحات الضخمة في المدن الجديدة خصوصاً " القاهرة الجديدة " اللي فيه االتجمُع الخامس عشان نقرب الفكرة

فوجيء الجميع بإكتساح عربي كبير ورغبة في الفوز بتلك الأراضي بأي ثمن .... مما ادى لإنسحاب كثير من الشركات العقارية المصرية التي لن تستطيع مواجهة الاموال العربية .. التي تدور حولها شبة غسيل أموال عراقية من المليارات المهربة من العراق والتي أغرقت كثير من البلاد المجاورة خصوصاً قطر والكويت والأردن وأصبح العراقيون يشترون هناك أي شيء وكل شيء بأي ثمن وبأعلى .... لدرجة أن احد الزملاء الأردنيين بيقسم لي بإنهم في الأدرن يشترون الخردة والسلع التي ليس لها اي لزوم .. فأهم حاجه عندهم إنهم يخفوا معالم تلك الملايين ويحولونها لسلع إستهلاكية .. واصبح الأردني غريب في بلده بعد أن أحلتها العراقيون بفلوسهم المنهوبة من العراق الحبيب .

مزاد الأرض كان النهاردة في مصر

والقادم أسوء

حيث سيترتب على ذلك غلاء فاحش في سوق العقارات

غلاء فاحش في مواد البناء أكثر وأكثر ويا بختك يا احمد يا عز وهيص يا حزب يا وطني بالفلوس اللي بالهبل .. ومصانع مواد البناء سواء الحديد ام الأسمنت أو البويات و و و و لن ينعينها إبن البلد ولن يعنيها التصدير طالما ستجد من يشتري .. ومن كانوا يصدرون لهم بالعملة الصعبة اتوا بانفسهم لكي يدفعوا ما يُطلب منهم ...

وطبعاً بقية فئات الشعب مش هايسكتوا .. فالصنايعية هايغلو أجورهم ... وبائع الجرجير هايغلي سعر الحزمة .... ودوخيني يا لمونه

للأسف المواطن المصري البسيط سيدفع ثمن العولمة والرأسمالية غالياً

أنا مع الرأسمالية قلباً وقالباً

لكني لست مع الإستغلال .. أو تطبيق الرأسمالية وآليات العرض والطلب في جزء ... أما البقية فمازال النظام الإشتراكي وبطاقات التموين والمرتبات الهزيلة هو قدرهم ومع ذلك هم مطالبون بقبول الرأسمالية والعولمة .... وكأنك أتيت بحصان هزيل له 3 سنوات لم يأكل وتطلب منه أن يجر مقطورة وزنها 50 طن ...

بالمناسبة سأفتح موضوع جديد بعنوان " متمردي دلتا النيجر .... ونواقيس الخطر في مصرنا العزيزة "

وإليكم الخبر

فحص طلبات قطع الأراضي الثماني بالمدن الجديدة.. غداً

توقعات بوصول سعر متر الأرض إلي 120 جنيهاً للسكني و3 آلاف للتجاري ( بالمناسبة ده سعر معقول عشان مئات الفدادين المشتراه .. إنما لما تتباع قطاعي بتبقى بألوفات والشركات اللي هاتبيع النهاردة كانت شاريه المتر بـ 5 جنيهات مصرية فقط لا غير )

كتب - جمال العليمي:

تنظر غدا لجان البت بوزارة الاسكان والمرافق فحص الطلبات المتقدمة من الشركات المتنافسة علي قطع الأراضي الثماني الكبري التي طرحتها الوزارة بالمدن الجديدة لاختيار أعلي العروض.

توقعت مصادر وثيقة الصلة بعدد كبير من الشركات المتنافسة أن يتراوح سعر المتر بالنسبة للقطع الثلاث الكبري 1600 فدان إلي 2000 فدان ما بين 110 و120 جنيها للمتر ليصل سعر الفدان بحد أقصي إلي 500 ألف جنيه.

من المقرر أن تخصص القطع الثلاث الواقعة بالقاهرة الجديدة وفقا لاشتراطات هيئة المجتمعات العمرانية لاقامة مشروعات عمرانية متكاملة "سكني وترفيهي وتجاري".

أما بالنسبة للقطعتين المخصصتين للأغراض التجارية والترفيهية والاستثمارية ومساحة الأولي 470 فدانا والثانية 90 فدانا فتشير المصادر أن تشهد أسعاراً خرافية بحيث يتراوح سعر المتر فيها مابين 1600 إلي 3 آلاف جنيه للمتر في ضوء تقدم 22 عرضا لشرائها وتتنافس شركة الفطيم الاماراتية بضراوة علي قطعة الأرض التي تبلغ مساحتها 90 فدانا علي اعتبار أنها تمثل امتدادا طبيعيا لقطعة الأرض الضخمة "7000 فدان" التي تمتلكها بالقاهرة الجديدة منذ التسعينيات.

علمت "المساء" من مصادرها بأن هناك موجة جديدة من ارتفاع أسعار العقارات سوف تحدث علي خلفية تزايد أعداد الشركات الخليجية الكبري التي تقدمت بعروضها للفوز بقطع الأراضي الثماني وأن تشتد المنافسة علي القطع الخمس الصغيرة نظرا لتقدم 37 عرضا لها من بين 59 تلقتها الهيئة.

خليكو فاكرين الموضوع ده لإن الإنفجار قادم لا محاله ما لم يتم معالجة الأمور بحكمة .. وما لم تتدخل الحكومة لوضع حد لتلك الامور المنفلتة .... ولنتذكر جميعاً بإن " كثرة الضغط .. تولد الإنفجار " .

[almasry1wk]

السلام عليكم <<<<<<<<<<<<<<<

شكرا اخي علي ذلك الموضوع (( كثرة الضغط تولد الانفجار ؟

دي كان رأيي في غلاء المعيشة وخصوصا الشقق والمباني الاول اتي المصريين من الخارج باموالهم واشتروا الاراضي

باسعار اعلي مما كان وبنوا واصبحت الشقق كما ترون

الان ياتي العرب باموالهم ليشتروا الاراضي باسعار خيالية والخوف ان ترتفع الاسعار وتكون خيالية

ربنا يستر ويفرجها

[almasry1wk]

السلام عليكم <<<<<<<<<<<<

بخصوص المزاد الذي تم في القاهرة الجديدة اليك تفاصيلة

‏13.3 مليار جنيه حصيلة بيع أراض في مزاد علني بالقاهرة الجديدة 5/13/2007 5:02:00 PM

القاهرة - في مزاد علني‏‏ أجرته هيئة المجتمعات العمرانية السبت فازت ثلاث شركات عقارية من مصر والإمارات وقطر بشراء ثلاث قطع أراض بمدينة القاهرة الجديدة بمبلغ‏13.3 ‏ مليار جنيه‏.‏

وقد تنافست في المزاد تسع شركات للفوز بتلك القطع التي يبلغ مجموع مساحاتها‏3860‏ فدانا‏.‏ وستخصص الأراضي لإقامة مشروعات سكنية تناسب القدرات المالية للمواطنين‏.‏

وتأتي عملية البيع في إطار جهود تشجيع الاستثمارات العقارية‏‏ ودفع التنمية في المدن الجديدة‏.‏

وسوف تجري الأحد مزايدة جديدة لبيع ثلاث قطع أخري بمدن القاهرة الجديدة‏‏ والشيخ زايد‏‏ و‏6‏ أكتوبر‏، حسبما ذكرت جريدة الأهرام.

وقد أسفر مزاد السبت عن فوز شركة رؤيا للاستثمار السياحي‏‏ وهي شركة مصرية‏‏ بقطعة أرض مساحتها‏460‏ فدانا بسعر المتر‏1288‏ جنيها بإجمالي مليارين و‏488‏ مليونا و‏907‏ آلاف جنيه‏.‏

كما فازت شركة واماك العقارية‏‏ وهي شركة إماراتية بالقطعة الثانية ومساحتها‏1500‏ فدان بسعر المتر‏7525‏ جنيه بإجمالي أربعة مليارات و‏741‏ مليونا و‏686‏ ألف جنيه‏.‏

أما القطعة الثالثة ومساحتها‏1980‏ فدانا‏‏ فقد فازت بها شركة بروه العقارية وهي شركة قطرية بسعر المتر‏7335‏ جنيه بإجمالي ستة مليارات ومائة مليون و‏999‏ ألف جنيه‏.‏

وحول المشروع الذي سوف تنفذه الشركة المصرية‏‏ أكد المهندس هشام شكري رئيس الشركة أن المشروع سيبدأ تنفيذه علي الفور‏‏ ويتضمن توفير مختلف مستويات الإسكان‏‏ خاصة الإسكان المتوسط الذي يخدم شريحة عريضة من المجتمع‏.‏

وقال‏:‏ إنه أجريت دراسة جيدة للسوق المصرية‏‏ ولذلك ستتم مراعاة أسعار الوحدات السكنية لتتناسب مع القدرات المالية للمواطنين‏.‏

كما يتضمن المشروع بناء أبراج بارتفاعات‏72‏ مترا تخصص للوحدات الإدارية ومكاتب للشركات‏‏ وسيتم مراعاة التراث المصري والشخصية المصرية عند البناء‏‏ ويستغرق المشروع من خمس إلي سبع سنوات‏.‏

وقد أشاد جميع الحاضرين بنزاهة الإجراءات‏‏ وبالمصداقية والشفافية التي تمت بها‏.‏

وأشرفت علي إجراءات الممارسة لجنة ضمت قيادات وزارة الإسكان‏‏ ومستشارا بمجلس الدولة‏‏ وممثلا لوزارة المالية‏‏ وإدارة الفتوي والتشريع بمجلس الدولة‏

ورابط الخبر <<<<<<<<<<<<

http://masrawy.com/News/2007/Egypt/Economy...13/auction.aspx

وشكرا

[عصام أبوالفتح]

أنا أرسلت رسالة من اسبوعين لوزير الاسكان يها الكثير من النقد لسياسته .. لعلى ألقى رد عليها .. لان الموضوع خطير فعلا

40 الف يتصارعون بالقرعة على 500 قطعة حوالى 40 فدان .. وشركة واحدة تقش 1980 فدان لوحدها ..!!!!!!!!!

[ابو حلاوه]

الاخوة الافاضل

انا مش عارف المشكلة فين بس الكام الف فدان اللي اتباعوا دول صحراااااااااااااااااااااااااااااااا وحط خط تحت صحرا -------- و الفلوس اللي ادفعت فيها فلوس جاية من بره مصر يعني مش من دقنه و فتله لا دي فلوس بحق و حقيق مدفوعة مقدما و امتداد صحيح للنمو السكاني و العمراني بدل ما نزحف علي الارض الزراعية

و اللي هيتبني عليها شقق و عقارات هتدخل سوق العقارات المصري و و بما يعني انها هتزود المعروض بشدة و بالتالي هتنخفض الاسعار عاجلا ام اجلا و الاهم من كده ان هيكون تعمير بحق و حقيقي و مدن مصممة بشكل صحيح مش عشوائيات مدينة نصر اللي تعتبر ارقي احياء مصر للاسف

مسألة ان دي غسيل اموال عراقية اكيد ان غير موافق علي الكلام ده و شايف انه غير مستند علي حقائق و لا داعي لنشرة الامارات و قطر و الكويت لديهم سيولة مالية ضخمة جدا في وقت قصير جدا و الدول دي تعلمت درس الثمانينات عندما ضاعت اموالها في قروض فاشلة لدول امريكا اللاتينيه انا لا اشك ان هناك لصوص عراقيين هم السبب فيما يعاني منه العراق حاليا و لكن اشك جدا ان اموالهم ما زالت في المنطقة

[عصام أبوالفتح]

ياعم ابو حلاوة طالما المصريين عموما وسيادتك منهم بتاخد المعلومات من فم الاعلام .. يبقى وجهة نظرك هاتكون استنساخ من اقوال المسئولين مع بعض التعديلات .. ولو رد الوزير شخصيا مش هايقول احسن من اللى انت قولته .. لا فض فوه وفوك .

يا سيدنا امنع تملك الاجانب زى ما بيعاملونا فى الدول العربية .. المعاملة بالمثل .. اللى معاها اقامة اهلا وسهلا بيت واحد للاقامة .. غير كده مفيش تملك .. لو مستثمر بيسكن عماله .. غير كده مفيش .. احنا اللى فتحنا الباب لتملك الاجانب بايدينا

وبعدين الارض دى سيادة الدولة لما تقعد تفرقها على كل من هب ودب يبقى مفيش مانع تلاقى شركات اسرائيل فى ارضك وبتشغلك عندها ودى الخطوة الجاية .

ولو اتفتح المجال من الاول للمصريين بتملك قطعة فى الصحراااااااااااااااااااء مكنش الغلاء الفاحس ده حصل .. لو المسئولين بيراعوا ربنا كانوا كملوا وعملوا امتدادات غير دى اللى مخططها السادات اصلا .. لكن تقول ايه .. وفى النهاية التصدير لو اتفتح وشالوا القيود اللى حاطينها على حديد دول بعينها هاتلاقى كل الاسعار فى النطاق العادى ..

انت رفعت ضغطى وربنا

[wave]

السلام عليكم

فى الواقع الموضوع صعب ومحير

نعم سوف تحدث زياده فى الأسعار ولاكن أسعار الأراضى فى القاهره الجديده وطبعا بالتبعيه

أسعرمواد البناء والعماله وسوف تمتد إلى باقى السوق بعد فتره (بعد أكثرمن سنه أو بعد طرح مجوعه جديده من القطع التى سوف تباع بالأسعار ألتى أنتهت عندها المناقصه.

مثلما حدث فى السبع سنوات الماضيه بعد عوده المصريين من بعض الدول بعد 11 سبتمبر وتوجههم لشراء العقارات و الأراضى لتردى أسعار الفائده فى البنوك وعدم وجود فرص حقيقيه للأستثمار مناسبه لهم مما أدى إلى القفزه الماضيه فى أسعار العقارات وظهور التجمعات السكنيه الفاخره فى كل مكان فى مصر التى أدة إلى وجود زياده فعليه فى اسعار العقارات ومواد البناء

والتى أدة أيضه لثراء بعض الأشخاص ( المهندسين , شركات المقاولات من الباطن , بعض مقاولين الأنفار الكبار) ألذين طلبو قروض من البنوك لتوسيع أعمالهم والوجاهه

مما أدا إلى زياده أسعار الفائده........ ألخ من هذه الدائره المفرغه

من جه أخرى هذه الأموال الأجنبيه سوف تزهب إلى خزانة الدوله وسوف توضع فى البنك المركزى وبعض البنوك الحكوميه ألتى تعانى من التخمه فى الأموال وعدم وجود العقول اللازمه لتشغيل الأموال

وأيضا سداد بعض من العجز فى الميزان التجارى المنهار وهذا فى الصالح العام الفروض أن يشعر به المواطن من تاحسين بعض الخدمات

ولاكن فى النهايه هل فى هذه الحكومه العقول الازمه لتشغيل وأستثمار هذه الأموال بالشكل الصحيح

لاأعتقد

[wave]

السلام عليكم

فى الواقع الموضوع صعب ومحير

نعم سوف تحدث زياده فى الأسعار ولاكن أسعار الأراضى فى القاهره الجديده وطبعا بالتبعيه

أسعرمواد البناء والعماله وسوف تمتد إلى باقى السوق بعد فتره (بعد أكثرمن سنه أو بعد طرح مجوعه جديده من القطع التى سوف تباع بالأسعار ألتى أنتهت عندها المناقصه.

مثلما حدث فى السبع سنوات الماضيه بعد عوده المصريين من بعض الدول بعد 11 سبتمبر وتوجههم لشراء العقارات و الأراضى لتردى أسعار الفائده فى البنوك وعدم وجود فرص حقيقيه للأستثمار مناسبه لهم مما أدى إلى القفزه الماضيه فى أسعار العقارات وظهور التجمعات السكنيه الفاخره فى كل مكان فى مصر التى أدة إلى وجود زياده فعليه فى اسعار العقارات ومواد البناء

والتى أدة أيضه لثراء بعض الأشخاص ( المهندسين , شركات المقاولات من الباطن , بعض مقاولين الأنفار الكبار) ألذين طلبو قروض من البنوك لتوسيع أعمالهم والوجاهه

مما أدا إلى زياده أسعار الفائده........ ألخ من هذه الدائره المفرغه

من جه أخرى هذه الأموال الأجنبيه سوف تزهب إلى خزانة الدوله وسوف توضع فى البنك المركزى وبعض البنوك الحكوميه ألتى تعانى من التخمه فى الأموال وعدم وجود العقول اللازمه لتشغيل الأموال

وأيضا سداد بعض من العجز فى الميزان التجارى المنهار وهذا فى الصالح العام الفروض أن يشعر به المواطن من تاحسين بعض الخدمات

ولاكن فى النهايه هل فى هذه الحكومه العقول الازمه لتشغيل وأستثمار هذه الأموال بالشكل الصحيح

لاأعتقد

[MABELGABRY]

ياعم ابو حلاوة طالما المصريين عموما وسيادتك منهم بتاخد المعلومات من فم الاعلام .. يبقى وجهة نظرك هاتكون استنساخ من اقوال المسئولين مع بعض التعديلات .. ولو رد الوزير شخصيا مش هايقول احسن من اللى انت قولته .. لا فض فوه وفوك .

يا سيدنا امنع تملك الاجانب زى ما بيعاملونا فى الدول العربية .. المعاملة بالمثل .. اللى معاها اقامة اهلا وسهلا بيت واحد للاقامة .. غير كده مفيش تملك .. لو مستثمر بيسكن عماله .. غير كده مفيش .. احنا اللى فتحنا الباب لتملك الاجانب بايدينا

وبعدين الارض دى سيادة الدولة لما تقعد تفرقها على كل من هب ودب يبقى مفيش مانع تلاقى شركات اسرائيل فى ارضك وبتشغلك عندها ودى الخطوة الجاية .

ولو اتفتح المجال من الاول للمصريين بتملك قطعة فى الصحراااااااااااااااااااء مكنش الغلاء الفاحس ده حصل .. لو المسئولين بيراعوا ربنا كانوا كملوا وعملوا امتدادات غير دى اللى مخططها السادات اصلا .. لكن تقول ايه .. وفى النهاية التصدير لو اتفتح وشالوا القيود اللى حاطينها على حديد دول بعينها هاتلاقى كل الاسعار فى النطاق العادى ..

انت رفعت ضغطى وربنا

الفاضل عصام - لدي وجهة نظر مخالفة ارجو ان تتقبلها بصدر رحب -- اعتقد فتح باب التملك للاجانب خطوة كويسة وده موجود في اماكن كتير بره منها دبي على سبيل المثال و معظم الدول الاوربية كمان -- العالم دلوقتي بقى قرية صغيرة الاجانب دول لما ييجوا اكيد هيزودا القوة الشرائية في البلد و ده هيستفيد منه ناس كتير --

لكن ده طبعا ما بيلغيش مسئولية الحكومة عن اسكان محدودي الدخل -- اظن الوحدات السكنية اللي 63 متر فكرة ممتازة لانها اكيد مش هتكون مناسبة للفئات الاعلى وده هيضمن انها توصل لمستحقيها بنسبة كبيرة

[عبده بيه]

الفاضل سي السيد الله يبارك لك ويحفظك الموضوع مقلق جدا ومقزز ولابد من وقفة الاسعار نار والله يخلص منهم الامراض اللي اصابتنا بسبب القلق بتاعنا ده ناس مرتاحةوناس بتموت من الغيظ وزير غير مدرك بافعاله وافكاره غبية والقانون الغبي الضي يوجب لي كي مقيم ان اشتري البلد كلها والله ده ظلم لاولاد البلد

يجب من وقفة

[عصام أبوالفتح]

الاخ MABELGABRY

دقت قبل كده السم فى العسل ... تأكد ان طعمه هيعجبك جدا .. لكن النتيجة معروفة ..الله يرحمك

العسل : هيصة وهوليلة على كام فدان متقسمين ونعمل قرعة علنية للشعب كله عليها .. وزيطة بقى وقرعة كومبيوتر ولا يدوية .. واستاد وحالات اغماء و عشرات التغطيات الاعلامية فى كل وسائل الاعلام و فى النهاية السماسرة اللى بياخدوا الكام فدان دول .

السم : الاف الفدانين تباع بالمزاد السرى ( مظاريف مغلقة ) ولا تدرى الا وهى مباعة من خبر صغير

النتيجة كل الشعب سيشترى من الكبار باسعارهم التى رفعوها للسماء

مثال تانى :

تخيل ان شخصا يبتسم امام الكاميرات التى تصوره وهو يطعم اسماك صغيرة فى حوض بفتات من الخبز فى يده .. وبعد ان يذهب المصورين وهو يشيدون برقته واحساسه .. يلقى بمياه الحوض وما بها من اسماك وطعام فى بركةكبيرة للتماسيح .

هذا ما يحدث

[felfel]

وقد أسفر مزاد السبت عن فوز شركة رؤيا للاستثمار السياحي‏‏ وهي شركة مصرية‏‏ بقطعة أرض مساحتها‏460‏ فدانا بسعر المتر‏1288‏ جنيها بإجمالي مليارين و‏488‏ مليونا و‏907‏ آلاف جنيه‏

اتفق مع الأستاذ عصام تماما النتائج المباشرة والغير مباشرة سلبية للغاية . تخيلو يا جماعة لما يكون تكلفة متر الأرض الخام 1288 تلت الأرض هيطير فى المرافق والخدمات والطرق دة غير تكاليف البنية التحتية يعنى تكلفة المتر النهائى هيكون فوق ال2000 طيب هيتباع بكام ؟؟؟؟ 2500 ؟؟؟

يبقى أولا إزاى هيعملو مشاريع إسكان متوسط على أرض بالسعر دة !!!!

موش بس كدة متوسط الأسعار فى المناطق الجديدة لسة أقل من 2500 جنية يبقى التأثير المباشر لبيع هذة الأراضى هو زيادة فى أسعار الأراضى اللى اصلا تضاعفت 3 أضعاف من أول 2006 لليوم

قرأت مقال اليوم بجريدة الأهرام عجبنى جدا وهو موجود فى اللينك دى

http://www.ahram.org.eg/Index.asp?CurFN=am...tm&DID=9221

تم تعديل 19 مايو 2007 بواسطة felfel

[عصام أبوالفتح]

اشكرك اخى الفاضل felfel على ردك و اسمحلى انشر المقال الذى اشرت اليه لاهميته

حديث السوق

بقلم: عماد غنيم

هل تضارب الحكومة؟‏!‏

لا يكفي أن تؤكد الحكومة استمرار بيع الأراضي في المدن الجديدة بأسعار محددة‏,‏ لكي تداوي أثار المزادات الأخيرة التي ألهبت السوق‏!.‏ واذا كانت حصيلة صفقات الأراضي التي باعتها وزارة الإسكان خلال الأسبوع الماضي‏,‏ هي الأعلي في تاريخ المبيعات الحكومية علي الإطلاق‏,‏ فإن هذا الأمر يمكن أن ينظر إليه من باب تعظيم موارد الدولة المالية‏,‏ ولكن وعلي الجانب الآخر‏,‏ فإن الارتفاع غير المسبوق في الأسعار يثير كثيرا من الهواجس بشأن مستقبل الحركة في سوق العقارات والتي تعاني بالفعل من قفزات متتالية تثير قلق المستثمرين العقلاء قبل المواطنين الباحثين عن سكن‏.‏

واذا كانت أسعار الصفقات الأخيرة قد تراوحت بين‏700‏ و‏4000‏ جنيه للمتر الخام‏,‏ فإن السعر الفعلي لمتر البناء سوف يتضاعف عدة مرات بعد اقتطاع المساحات المخصصة للطرق والمرافق والخدمات والتي تلتهم عادة ما بين ثلث ونصف المساحة الكلية لهذه المشروعات‏.‏

والقضية علي هذا النحو تفتح المجال ـ أو هي فتحت بالفعل ـ الطريق نحو قفزة جديدة في أسعار الشقق والأراضي بما قد يؤدي اذا ما استمر الي شل قدرة الشريحة العريضة من المواطنين علي شراء شقق يعيشون فيها‏!!‏

الأخطر أن سلسلة الارتفاعات العشوائية في السوق قد تعود بالأمور الي حالة الركود الناتج هذه المرة عن ضعف المبيعات بسبب عدم قدرة الطلب علي استيعاب المعروض‏,‏ برغم الاحتياج‏..‏ وهو أمر إن حدث فسوف يلقي بظلاله الوخيمة علي مختلف القطاعات الاقتصادية‏,‏ ولا ننسي أن الأزمة الاقتصادية الشهيرة في جنوب شرق آسيا عام‏1997‏ قد بدأت من سوق العقارات‏.‏

إن إعمال قوانين العرض والطلب في الأسواق هو أمر طيب وينبغي تشجيعه في هذه الفترة من مراحل الإصلاح‏,‏ غير أن مبيعات الدولة من الأراضي لا ينبغي إطلاقا أن تحددها قوي السوق خاصة اذا كانت في حالة غليان‏,‏ وعلي العكس فقد كان مأمولا من الدولة باعتبارها مالكة للأراضي أن تتدخل لتهدئة السوق بطرح مزيد من الأراضي لوقف المضاربات‏,‏ وقد كان هذا هو جوهر فلسفة بناء المدن الجديدة في الثمانينيات‏,‏ ولكن ما نراه الآن هو أن الدولة ـ بكل أسف ـ تسعي للاستفادة من أجواء المضاربة السائدة في تعظيم موارد الخزانة العامة‏..‏ وهذا عمل خطير‏.‏

الدولة ليست طرفا في السوق وانما هي مديرة له لصالح كل الأطراف وبما يضمن صيانة انطلاقة التنمية الحالية بثبات واستقرار‏.‏

انتهى

------------------------------

كما ارجو مراجعة هذا الموضوع لعلاقته الشديدة بهذا الامر

يصل ويسلم لوزير الإسكان والمرافق والتنمية العمرانية

[se_ Elsyed]

الحمد لله نحن لا نضرب الرمل ولا نوشوش الودع .. من اول يوم حذرنا .. وقد كان

الخبر في الصفحة الأولى بالجمهورية

خلو بالكم قبل ما تقرأوا الخبر ... إحنا لسه في أول إسبوع بعد المزاد والجاي أسود وأضل سبيل

ووزارة الإسكان أشعلوا أسعار العقارات والأراضي

أكد خبراء الأراضي ان اشتعال سعر المتر بالمدن الجديدة جاء بعد فتح وزارة الإسكان الباب للمزادات التي هجم عليها المستثمرون العرب مما سبب ضرراً بالغاً للمواطن البسيط ومحدود الدخل.. قال المهندس رشيد محمد رشيد وزير الصناعة والتجارة إن الأراضي الصناعية لا تخضع للمزادات أو القرعة ويتم توفيرها للمستثمرين بأسعار محددة لا تمثل عبئاً اضافياً عليهم بالنسبة للأراضي المخصصة للاستثمار العقاري.. من جانبهم اتهم أصحاب شركات الأراضي كلاً من المستثمرين العرب ووزارة الإسكان بأنهم السبب الرئيسي في الارتفاع الجنوني لسعر متر الأرض. وكذلك ارتفاع ثمن الوحدات السكنية.

مقالة أخرى للكاتب المحترم فهمي هويدي

الحكومة تتجمل بنا في بيع أراضى مصر....

بقلم فهمي هويدي

2007-05-16

لا تصدق أن بيع أراضى مصر لشركات الاستثمارات العقارية المصرية أو الخليجية سيحل مشكلة الإسكان في البلد لان العكس بالضبط هو ما سيحدث ، و لا تصدق أن الحكومة لجأت إلى عملية البيع لمواجهة أزمة الباحثين عن سكن ، لأنها في حقيقة الأمر تسعى لحل أزمتها هي

لقد نشرت صحف الأحد ( 13/5 ) أن هيئة المجتمعات العمرانية أجرت مزاداً علنياً لبيع مساحات من الاراضى بمدينة القاهرة الجديدة ، و أن ثلاث شركات مصرية و اماراتية و قطرية فازت بالقطع المعروضة للبيع ، و كانت حصيلة البيع 13.3 مليار جنيه في اليوم الأول ، و فيما فهمنا فإن تلك هي الدفعة الأولى من الاراضى المعروضة للبيع بالمزاد لان الشركات العقارية تنافست في اليوم التالي على شراء دفعة أخرى لأراض توزعت ما بين القاهرة الجديدة و 6 أكتوبر و الشيخ زايد ، و بلغت حصيلتها 17 مليار جنيه

ما يهمنا في الأمر ، أن صحف صباح الأحد ، وهى تزف إلينا الخبر ، حرصت على أن تبلغنا أن القطع الجديدة ستقام عليها مشروعات للإسكان تناسب مختلف المستويات و بخاصة الإسكان المتوسط الذي يخدم شريحة عريضة للمجتمع – كما ذكرت الأهرام – و انه بعد دراسة أوضاع السوق تم التوافق على أهمية مراعاة أسعار الوحدات السكنية لتتناسب مع القدرات المالية للمواطنين

و من التفاصيل المنشورة علمنا انه سيتم بناء أبراج بإرتفاعات تصل إلى 72 متراً (( حوالي 25 طابقاً )) ستخصص للوحدات الإدارية و مكاتب الشركات ، و أن المشروع سوف يستغرق ما بين خمس و سبع سنوات

هذا هو كلام الجرايد . أما الكلام الجد فهو غير ذلك تماماً و هو ما يسلط الضوء عليه حوار جرى بيني و بين مدير إحدى الشركات الاستثمارية الخليجية ، تصادف أن كان جالساً إلى جواري في الطائرة أثناء رحلة عودة إلى القاهرة . إذ بعد أن عرفني بنفسه و أعطاني بطاقته تطرق حديثنا إلى ما ترتب على دخول شركة ( إعمار ) الإماراتية في مناطق القاهرة الجديدة و المقطم و سيدي عبد الرحمن بالساحل الشمالي ، و مما قلته أن المشروعات الإسكانية التي تنفذها الشركات الاستثمارية تضاعف من أزمة السكن في مصر ، لأنها تعرض الوحدات السكنية بأسعار مرتفعة ، حيث تفوق قدرة المواطن المصري الذي يبحث عن سكن ، و بالتالي فإنها تقدم مساكن جديدة للطبقات الميسورة التي ليست لديها مشكلة و يتطلع أفرادها إما إلى الانتقال إلى مسكن أفخم من تلك التي يعيشون فيها ، أو إلى استثمار أموالهم في المساكن الجديدة ، و لا يقف الأمر عند هذا الحد و إنما يترتب على هذه المشروعات الاستثمارية ارتفاع قيمة الاراضى و ارتفاع الإيجارات بشكل عام ، و ضحية هذا الموقف هو المواطن المصري العادي ، الذي يعانى من مشكلة السكن ، و يفاجأ بان مشكلته قد ازدادت تعقيداً

أصغى إلى صاحبنا حتى انتهيت من كلامي ثم قال: من قال لك إننا جئنا إلى مصر لنحل مشكلة الإسكان فيها ؟ ، لسنا جمعية خيرية ،و إنما نحن مستثمرون نريد أن نوظف أموالنا في مشروعات تدر ربحاً معقولاً ،و قد اخترنا أن نستثمر أموالنا في بعض الدول العربية بعدما أصبحت المخاطر تهدد إيداعاتنا في البنوك الأمريكية ، خصوصاً بعد أحداث 11 سبتمبر ، بالتالي فنحن نبحث عن الأمان و الربح بالدرجة الأولى ، و في الوقت ذاته فإننا نشارك في تنمية البلدان التي نعمل بها . أما حل مشكلة الإسكان في مصر أو غيرها فتلك مسئولية الحكومات بالدرجة الأولى ، و من الخطأ أن يطالب مستثمر بان يضحى بأمواله لحل مشكلات الآخرين

رويت هذه القصة لأحد وزراء الاقتصاد السابقين ، فضحك وقال أن كلام الرجل فيه منطق و هو لا يعرف أن الحكومة تبيع الاراضى لمواجهة عجز التمويل الذي تعانى منه ، بعد أن استهلكت كل ما طالته أيديها ، بما في ذلك أموال المعاشات و التأمينات

[se_ Elsyed]

عارفين كل المخاوف جايه منين ؟

1- أنت تتحول مصر إلى الوضع الذي عليه دولة الامارات الأن - والعياذ بالله .. في سوق العقار فقط مش في مُناخ الإستثمار اللي خلاها ثالث دولة على العالم في الإستحواذا على ثقة المستهلك - وبالتاي نلاقي الأوضة أم صالة وحمام بـ 35000 درهم ولو لقيتها كمان .. في حين إن لسه في ناس ساكنه في عشش صفيح في القاهرة نفسها من غير ميه ولا كهربا ومرتبها 120 جنيه في الشهر .

2- الحكومة الفاشلة مازلت مستمرة في غيها تحت قيادة مبارك الحكيمة ولا مؤخذه بترقع عجزها وخيبتها ببيع اللي وراها واللي قدامها زي ما عملت في القطاع العام ... وياريت بتستغل تلك الحصيلة في مشاريع تنموية ... حاشا لله - بل تتدعي بإنها تسدد الدين الداخلي للقطاع العام ودي مصيبة كُبرى سيدفع ثمنها الأجيال القادمة اللي الحكومة هاتبيع حتى الحديدة اللي كان ممكن نقول " دي حكومة مبارك خلال أكثر من ربع قرن باعت البلد وسابتنا عالحديدة " فحتى الحديدة مش هايلاقوها

3- مبارك ونظيف وجوقة الفساد إتحطو في موقف لا يحسدوا عليه خلال الشهور القليلة الماضية وضربوا أخماس في أسداس ... عارفين ليه ؟

الإجابة : لقوا الخير - الوهمي - عمال يهل من كل حدب وصوب ومغارة علي بابا إتفتحت لهم على مصراعيها في كام سبوبه نُضاف قوي قوي هاتكلم عن غتنين بس منهم عشان ما تزهقوش :

1- السبوبة الاولانيه : الرخصة الثالة للموبيل .. ودي بالصلاتو عالحبيب حوالي 12 مليار جنيه .. توتو على كبوته ... واخدوا الفلوس كاش عالترابيزة .... مبارك إجتمع بالعصابة .. نعمل إيه ونسوي إيه يا رجالة ... شوروا عليه الله يخرب بيوتكو .... ونقول للشعب الفلوس راحت فين ؟

ولإن الناس دي نيتها طيبة .. وبتعبد شيطان المال ..... فعشان كدها أمورها ماشية وكل ابوب الشر مفتوحه في وشهم ... قال إيه يا خويا تبدأ بقطار كفر الدوار اللي إتحرق هو كمان ... وفجأة ماسورة قطارات ضربت في البلد وكل يومين تلاته بابوري رايح بابوري جاي .. وهب حاجات بتلبس في بعضها ... وفجأتون خرج علينا النضيف عشان يقول إنه تم تخصيص 5 مليار جنيه من حصيلة بيع الرخصة التالتة للموبيل لتحديث منظومة القطارات في مصر .. وأبشروا أيها الغلابة الذين تركبون قطارات تُستخدم في نقل المواشي في الدول المحترمة .. وأقسم بالله قطارات المواشي أنضف ولو قطارتنا إتنقل فيها خروفين نضاف من القاهرة لحد أسيوط مثلاً .. ليفطسوا في نص الطريق ....

ركزوا معايا

الكلام ده إمتى ... من حوالي اكثر من 6 شهور

وهات يا رحلات مكوكية للسادة المسئولين لحد الصين والهند والسند وبلاد تركب الكتاكيت ... بحجه إن الصين وصلت لمعدل عالمي في الحد من حوادث القطارات .. والصين هاتبيع لنا قطرات صيني من اللي بتتباع في شارع عبعزي ز. إنما إيه ما تقولش لعدوك ... بتمشي بالريموت كنترول وبتقول بابا وماما ... وبعد ما السادة المسئولين هنكروا وهيصوا وعملوا دماغ صيني محترمة ... رجعوا وقالوا إيه : تم إلغاء الفكرة لإن نظام القطارات الصيني مختلف تماماً عن نظام القطارات الهندي قصدي المصري

آه والهي العظيم

طب والخمسة مليار والمسرح والسيما والتليفزيون وبابوري رايح ... طب بابوري جاي ؟

إكتم يالا وكُل عيش ... هانعملكو إيه مانتو شعب وش فقر وتقطعوا الخميرة من البيت

والدليل على كلامي ... أتحدى خلال تلك الفترة إن في قطر إندهن حتى دوكو أو خد وش ورنيش .. واتحدى راجل بشنب في الحكومة يطلع يقول الخمسة مليار بتوع البوابير راحوا فين .. بلاش نتكلم على الـ 7 التانيين ..

معليش هاطول عليكو شويه أصلي مفقوع ومش أقادر أنام اليومين دول من الهم والنكد على حال البلد وهاتعرفوا ليه لما اكتب موضوعي الجديد اللي هاسميه " إيه اللي رماك عالمُر ؟ "

مالحقتش الحكومة تفوق من الضربة الأولانية بتاعت سبوبة الت 12 مليار .. إلا وفي سبوبة تاني بتاعت الأرض اللي بدأت يوم السبت اللي فات ..... 13 مليار يا ريس على المستريح ومن غير مجهود ...

إذ بالنضيف يعمل إجتماع على أعلى مستوى ولو إتفرجتوا على الإجتماع الموسع بتاع الإسبوع اللي

تفات هاتتخضوا ....

تعمل إيه يا نضيف .. يا نضيف تعمل إيه ؟

هوووووووووووووووب ... بس يا جدع نثبت الخلايق ونقولهم هانصرف الفلوس على الإسعاف والخدمات والحركات .. وإبقى قابلني واللي يحصلني يكسرني ... واهو كلام في الهجايص ... والنضيف أخد وعد على نفسه إن التحسن في الخدمات هايبقى ملموس خلال سنة بالكتير ... وعمل زي جحا لما وعد الملك إنه يعلم الحمار بتاع الملك القراءة والكتابة خلال 5 سنين .. وعاش مع الملك في القصر واكل نايم شارب لابس قالع ... ولما سألوه هايعمل إيه لما الخمس سنين يخلصوا .. فاجاب بكل حكمه مازلت سارية حتى الان " خلال الخمس سنين .. يا الحمار يموت - مع الإعتذار للحمار الاكبر - يا أنا أموت .. يا الملك يموت "

الخلاصة : مش حاسين إن إحنا في مصيبة لما الحكومة تعالج عجزها ببيع هدومها لحد ما هاتخلينا كلنا نمشي " شابونيز " ؟

[se_ Elsyed]

حته كده على جنب وعالسريع

إرجعوا كده لموضوع كتبته من حوالي شهرين عن تقسيم أراضي جديدة بجوار ملاهي أكوا بارك على طريق مصر الإسماعيلية وقلت اللي عايز يستثمر ويضارب يشتري هناك والمتر بحوالي 110 ج .. غتصلت إمبارح أستفسر وأنا عارف ومتاكد من الغجابة .. إيه يا جدعان بورصة القثطن حصل لها إيه بعد خبر المزاد .. قالوا لي .. كل سنة وإنت طيب .. في خلال 3 أو 4 أيام متر الأرض وصل 170 ج ... ولو لقيت كمان ..

مع إنها أرض مش مترخصة ولسه لم تأخذ قرار تحويلها لمباني .. لكن تزامن هذا الأرتفاع مع حدثين :

1- زي ما قلت الهجوم اللي عملوا العرب واخدوا متر الأرض من ضمن مئات الأفدنة على 1200 ج .. يعني بالقطاعي هايعدي 2000 ولو إتبنى المتر هايعدي 4000 ج سواء شقق أما لو مكاتب فهايعدي 5000 ج ... وده مبلغ خرافي في تلك المناطق الجديدة ...

2- قرار أصدرة عبد العظيم وزير محافظ القاهرة بعدم السماح بتقسيم الأراضي الواقعة بعد مدينة العوبر إلى المركز الطبي العالمي في أول العاشر من رمضان إلا بعد تقديم خرائط واضحة للتقسيم منعاً للعشوائيات ... يعني الموضوع بقى امر واقع وخلاص حكاية إنها مزارع زيتون والكلام الفاضي ده إنتهى لإن معظمها عليه مباني بالفعل ومنها مدارس إنترناشونال ....

كل ده حصل خلال أيام تتعد عالصوابع .. والقادم مازال أسوء ...

وعشان نقطع الطريق على من يتصور إنها في مصلحة البسطاء ... إسألوا آبيه نضيف بعد الإجتماع الوزاري بتاع السبوبة .. عن إشاعات تقول إن المستثمرين العرب القمامير هايبنوا مساكن شعبية تلائم الغلابه .. يعني العرب هايبقوا احن على المصريين من الحكومة واللي مالوش اهل الحكومة اهلو ... فالراجل ضحك ضحكه صفرا وقال : بأمارة إيه ؟ هل تتوقع من مستثمر أشترى أرض بمليارات ييجي ويقلبها جمعيات خيرية ؟

وسلم لي عالغلابة

فاكرين أوبريت الليلة الكبيرة لما الراجل القهوجي كان بيغني ويقول " اللي هايطلب راح يقعد .. واللي ما يطلبشي يبعد "

يالله بنا نخرج يا مِسعد شارع التروماي

يعني المفروض بقى نشوف صرفه في الغالبة وندبر لهم فيز عمل ونرميهم كلهم برا البلد عشان يريحوا ونرتاح كلنا ...

[عبده بيه]

حسبي ونعم الوكيل

[msoleiman]

فتح بيع الأراضي بالمزاد فتح لنا أبواب لمسائله الحكومه وهذا أفضل من بيعها بالملاليم كم حدث مع السيد احمد عز أو طلعت بيه مصطفى (انا سمعت كمان انه اخدها هديه مكافأه على إنجاز مشروع الرحاب) والنتيجه أيضا إسكان فاخر لا يلائم مستوى الشعب المصري (الشقه البسيطه في مدينتي تزيد على نصف أرنب) كما ان موضوع ارتفاع اسعار الخامات ما هو كده ولا كده كان بيتصدر بره لنفس المستثمرين بس الفرق انهم جائوا يبنوا بيها في مصر، اما موضوع ارتفاع اسعار الإيجارات فهيكون عرض وطلب،

يا جماعه معارضه عمليه البيع بالمزاد بيروج لها الساده الكبار امثال طلعت مصطفى و باشوات شرم الشيخ علشان مش هيعرفوا يخدوها بملاليم بعد كده وده لأن الناس حست بقيمتها الفعليه، طيب ما هو عندكم متر الأرض في مصر الجديده عدى ال 40 الف جنيه وعلى النيل عدى ال 60 الف و ما سمعناش انه رفع اسعار المناطق الأخرى اما موضوع الأرتفاع خلال الأسبوع الماضي في بعض المناطق فده بيحصل كل سنه في اول فصل الصيف، فمثلا العام الماضي كان متر الأرض في التجمع الخامس (مناطق الزهور) في شهر مارس 2006 يتراوح بين 300 - 450 جنيه و في نهايه الصيف وصل 1400 جنيه وفضل في ثبات حتى مارس 2007 وبعدين بدأ موضوع الأرتفاع تانى لحد ما وصل حاليا 1700 - 2000 جنيه، انا مع البيع بالمزاد في شفافيه بدلا من البيع تحت الترابيزه بملاليم مقابل عمولات ومنافع شخصيه

[felfel]

.. ودي بالصلاتو عالحبيب حوالي 12 مليار جنيه .. توتو على كبوته

بالمناسبة يا س س الرخصة التالتة دخلت 17.6 مليار جنية موش 12 مليار

[

[se_ Elsyed]

.. ودي بالصلاتو عالحبيب حوالي 12 مليار جنيه .. توتو على كبوته

بالمناسبة يا س س الرخصة التالتة دخلت 17.6 مليار جنية موش 12 مليار

[

المليارات كتيرة يا فلفل بس النفس اللي تصرف