أفيدونا عن إجراءات الزواج من أجنبية (هولندية)

[Senior]

السلام عليكم أولا ثانيا السايت جميل جدا بصراحة و شدنى كتير ليه بس على فكر انا لسه ماسبتش مصر بس ناوى إنشاء الله على العموم انا هاتجوز من هولندية قريب جدا جدا إنشاء الله و كنت عايز أعرف الموضوع هايمشى أزاى من ورق و إجراءات و توثيق و الحدوتة دى يعنى علشان انا سألت و عرفت إن فى هولندا مابيعترفوش بالجواز العرفى بتاعنا يعنى مهما كان موثق فبسأل هل الزواج هايتم عند مأذون و لا فى وزارة العدل زى ماسمعت و لو فى وزارة العدل هايكون مأذون و لا موظف حكومــــــــــــــــــــــه خنيق بس دى القصة كلها و كمان لو فيها رذاله يعنى لو فى حد عايش فو هولندا انا عايز أسأله على حبت حاجات كده يعنى البلد إيه ظروفها بيدوا جنسية و لا لأ و كده و برضه ممكن يدينى إميله علشان أكلمه على العموم أشكؤ بصراحه الناس الجامده اللى عامله السايت و بقول لهم بجد السايت ممتاز و حلوه يا بلدى السلام ختام

[Senior]

'طب إيه 32 واحد دخلوا و محدش رد عليا خالص محدش يعرف حاجه خالـــــص عن جواز الأجـــــــــــــــــــــــانب ؟؟؟؟؟؟؟؟؟؟

[Th!nk]

عزيزى سنيور

كنت شاهد منذ عدة سنوات وما أعرفه أن الزواج من أجانب يتم فى الدور الرابع بوزارة العدل.. والموضوع يتم عن طريق موظف.. والأوراق التى تحتاجها هى وثيقة طلاق إن كان أحد الطرفين مطلق أو وثيقة بتاريخ وفاة إن كان أحد الطرفين أرمل أو تعهد بعدم وجود اى زواج فى حالة زواج الأعزب.. ووظيفة الموظف أنه يملأ البيانات ويتأكد من الوثائق ويتأكد أن الزوجة مثلا قد مرت عليها المدة الشرعية قبل زواجها بآخر.. وسوف تحتاج إلى شاهدين.. قد يطلب ترجمة لهذه الوثائق إن كانت غير عربية وأعتقد أنه من الأفضل الذهاب إلى السفارة الهولندية والحصول على كتيب بتفاصيل إجراءات الزواج وسوف تجد فيه التفاصيل التى تحتاجها والمستندات المطلوب منكم ترجمتها.

مبنى وزارة العدل تقريبا عبارة عن مبنيين متصلين ببعض .. واحد قديم وده من جوة ومن برة عبارة عن -وآسف فى اللفظ لكن ده اللى أنا شوفته- مقلب زبالة وكراكيب وموظفين بيقروا جرايد ومكان للعواطلية!! المبنى الجديد الذى سوف تذهب إليه أنضف شوية وخصوصا من بره لما تخش جوة بلاش تدوس على زرار الأسانسير لأنك حتستنى كتير أصل الزراير مش شغال!! خبط ع الباب!!!! وياريت لو تعرف تطلعها على رجليك يبق أحسن منعا لمشاكل الإختناق!! خد معاك فكة كتير علشان مفيش فكة بترجع وإديهم على أد ما بيطلبوا بالظبط!! إذا كان ورقك كله كامل وكله مشى تمام بتستلم الوثيقة تانى يوم.. يستحسن تروح هناك تسأل عن الورق المطلوب وعدد الصور المطلوبة والكلام الفاضى ده..

بالنسبة للعيشة فى هولندا لا أعلم عنها شيئا ولكن أعتقد انهم بدأوا يضيقوا شوية على المهاجرين والمقيمين الأجانب فيها ومخططين يرحلوا على قدر الإمكان المقيمين دون تأشيرات والكلام ده .. أنا لا أحبطك ولكن أقول ما أعرف..

أعرف أيضا ان اللغة الهولندية صعبة وليس لها جرامر محدد.. وطبعا لو أحد الإخوة مقيم فى هولندا حيفيدك أكتر وما ذكرته عن هولندا قابل للنفى لأنى لم أذهب هناك على الإطلاق. وفى حالة طلب الجنسية الهولندية يتم إجبار الطالب على التنازل عن جنسيته الأصلية!!

[Senior]

ألف ألف ألف شكر يا أخ think على المعلومات دى ربنا يكرمك يارب شكرا يا جميل

[Senior]

بس ياريت ياريت ياريت يا جماعه أكلم حد عايش فى هولندا فى حبة حاجات محيرانى و عايز أسأل عليها

[Senior]

214 .زباره ة لسه مافيش حد من او فى هولندا ؟؟؟؟؟؟؟؟؟؟؟؟؟؟؟؟ :blink:

[ggamal]

بسم الله،والحمد لله،والصلاة والسلام على رسول الله،وبعد:

الزواج من أهل الكتاب مباح شرعًا بشروط ،ومع كون الزواج مباحًا ،لكنه مكروه ،وخاصة في البلاد الغربية ،خشية تأثر المسلم بزوجته ،ولكن لانستطيع التحريم ،ولو ادعى البعض أن أهل الكتاب اليوم غير أهل الكتاب قديمًا.

ويباح الزواج من المسيحية خاصة ،وقد منع كثير من الفقهاء المعاصرين الزواج من اليهودية الإسرائيلية خاصة .

وفي شروط النكاح من أهل الكتاب يقول الدكتور القرضاوي:

يجوز الزواج من الكتابية بشروط :

أولها: أن يستوثق من كتابيتها فقد تكون مسيحية اسمًا؛ ولكنها ملحدة حقيقة أو بهائية أو نحو ذلك.

الشرط الثاني: أن تكون محصنة أي عفيفة لا تبيع جسدها لمن يريد، أو على الأقل تكون تائبة مما وقعت فيه من أخطاء.

الشرط الثالث: ألا تكون من قوم معادين للمسلمين كاليهودية في عصرنا.

الشرط الرابع: ألا يكون في ذلك مضرة على الزوج أو على أولاده منها أو على بنات المسلمين كأن تكون الجالية الإسلامية محدودة العدد فإذا تزوج غير مسلمة كسدت سوق مسلمة مقابلها.

بهذه الشروط الأربعة يجوز التزوج من الكتابيات.

[waleedss88]

لازم تجيب من السفارة بتاعتها عدم ممانعه من الجواز

[Senior]

ألف شكر يا أخ ggmal و ربنا يكرمك يارب على المعلومات القيمة دى و إنتا كمان يا اخ waleed و كل الناس اللى شاركتنى فى الموضوع ده و على فكره الحمد لله انا إتجوزت و خلاص خلصت كل حاجه فلو فيه أى حد هايخوض التجربه دى أو الموضوع ده و عنده أى إستفسار انا ممكن أساعده فى أى حاجه هوا عايزها لأن انا دخت السبع دوخات بجد شغلانه مايعلم بيها إلا ربنا يلا السلام ختام

[wahed masry]

مبروك ياعم همــــــــــــــــــــام قصدي ياعم سنيور وعقبال البكاري :lol: بس كان نفسي أعرف العمر الحقيقي لمراتك الهولنديه :blink: وياريت مايكونش جواز عشان الحصول علي الجنسيه الهولنديه فأنا عارف انها خلاص مالهاش لازمه العربي عربي حتي لو بقي رئيس أمريكا في الآخر إسمه عربي والدليل قالولو قصدي الدليل رئيس الأرجنتين أكيد عارفينوا

وكمان مبروووووووووووووك ياسنيور علي سنيوريتا . :lol:

[Senior]

هههههههههههههههههههههههههههههههههههههه

ربنا يكرمك يا جميل و يبارك فيك ياعم و ماتقلقش هيا صغنونه مش كركوبه و كده و سنانها واقعه و جوازه بجد :lol: :blink:

[صابر وراضى]

السلام عليكم ورحمه الله وبركاته انا مصرى وارغب بلجواز من هولنديه من اصل مغربى مسلمه عمرى 27 وهى 37 واتمنا اعرف من احد الاصدقاء هى نزله مصر قريب ان شاء الله علشان نتجوز عوز اعرف ايه هى اجراءات والاوراق المطلوبه بنسبه ليه ولها وموضوع ده هياخد كام يوم تقريبا وهل ضرورى اللغه واتمنا على الخاص ياهو diaa_diaa280 [جزاكم الله خير والسلام عليكم ورحمه الله وبركاته واتمنا التوفيق للجميه وارجو الدعاء صلى على الحبيب صلى الله وعليه وسلم

[صابر وراضى]

السلام عليكم أولا ثانيا السايت جميل جدا بصراحة و شدنى كتير ليه بس على فكر انا لسه ماسبتش مصر بس ناوى إنشاء الله على العموم انا هاتجوز من هولندية قريب جدا جدا إنشاء الله و كنت عايز أعرف الموضوع هايمشى أزاى من ورق و إجراءات و توثيق و الحدوتة دى يعنى علشان انا سألت و عرفت إن فى هولندا مابيعترفوش بالجواز العرفى بتاعنا يعنى مهما كان موثق فبسأل هل الزواج هايتم عند مأذون و لا فى وزارة العدل زى ماسمعت و لو فى وزارة العدل هايكون مأذون و لا موظف حكومــــــــــــــــــــــه خنيق بس دى القصة كلها و كمان لو فيها رذاله يعنى لو فى حد عايش فو هولندا انا عايز أسأله على حبت حاجات كده يعنى البلد إيه ظروفها بيدوا جنسية و لا لأ و كده و برضه ممكن يدينى إميله علشان أكلمه على العموم أشكؤ بصراحه الناس الجامده اللى عامله السايت و بقول لهم بجد السايت ممتاز و حلوه يا بلدى السلام ختام

[صابر وراضى]

السلام عليكم اناعندى نفس المشكله هتجوز ان شاء الله وحده هولنديه ومش عارف ايه هى الاجراءات ولا عارف هعمل ايه وتانى حاجه هى رسلت ليه زياره قبل كده واخت رفض وعوز اعرف فى اى حل فى موضوع اللغه ولالا واتمنا الى يقدر يفدنى يتفضل على الخاص ياهو diaa_diaa280 وجزاكم الله خير واتمنا للجميع التوفيق ان شاء الله والسلام عليكم

[صابر وراضى]

السلام عليكم اناعندى نفس المشكله هتجوز ان شاء الله وحده هولنديه ومش عارف ايه هى الاجراءات ولا عارف هعمل ايه وتانى حاجه هى رسلت ليه زياره قبل كده واخت رفض وعوز اعرف فى اى حل فى موضوع اللغه ولالا واتمنا الى يقدر يفدنى يتفضل على الخاص ياهو diaa_diaa280 وجزاكم الله خير واتمنا للجميع التوفيق ان شاء الله والسلام عليكم