سؤال مهم جدا بخصوص كيف ارسل ال Bank Statment ,,,عاجل

[badroora]

انا قدمت على هجرة لكندا وارسلت كل الورق المطلوب معادا

الورقة من البنك التى تفيد بانى احصل على مبلغ 11 الف دولار كندى مع الابليكيشين .

ودلوئتى عاوزة ابعتها بس لدى سؤال .

انا هاحول من حساب لحسابي لمدة يوم واحد وبعدين اجيب الرسالة من البنك بما تفيد امتلاكى لهذا المبلغ بس دا هيكون لمدة يوم .

هل دا هينفع اما لا . ولو مش ينفع لازم المبلغ يظل فى حسابي قد ايه ؟ وهل دا هيفرق معاهم فى الهجرة ان الميلغ اتحول مرة واحدة وبعدها طلعت البنك استاتمنت ؟

الرجاء الافادة فى اسرع وقت شكرا

تحياتى

نجفة

تم تعديل 3 يونيو 2007 بواسطة نجفة المغرورة

[عادل أبوزيد]

لا أزعم أنى سأجيب على سؤالك و لكنى سأتداخل ربما فى أمر شخصى أرجو أن تتقبليه بصدر رحب.

يبدو لى من الموضوع أنك قدمتى للهجرة لكندا ليس كممرضة محترفة و لكن كمستثمرة !! و أنك إخترت الهجرة لكندا نتيجة كثرة الإعلانات فى الخليج من قبل الشركات المتخصصة فى تسهيل الهجرة لكندا.

عرفت كثيرين لم تكن تجربة الهجرة لكندا إختيارا جيدا.

بالنسبة لك أعتقد بمهنتك و كثير من الجهد يمكنك أن تهاجرى إلى الولايات المتحدة و لو فكرتى فى الدراسة ربما تكون المملكة المتحدة أكثر مناسبة .. أشفق عليكى عامة من فكرة الهجرة كما أشفق على أى شاب نابه من التفكير فى الهجرة.

لا أزعم أنى أعرف الكثير عن الهجرة و لكنى - على مستوى شخصى - أرفض الهجرة و أولادى يرفضون مجرد العمل خارج مصر.

[badroora]

الاب الفاضل استاذ عادل

طبعا مقدرة شعور حضرك كأب وايضا شعور اهلى الللى تعباهم معايا وقراراتى مش عجباهم

بس للاسف انا بدأت طريق ومعنديش الرغبة للرجوع فيه .

اعى ان قرار الهجرة صعب وخصوصا لانى لوحدى وغير مرتبطة ولكن دى احلامى وطموحاتى وطالما اقدر احققها يبقي ليه استنى لما يجي بن الحلال اللى يحققهالى .

ولا يتحكم فيا اعملى دا لا متعمليش دا انا باسعى فيها عشان يوم ما يجي ان شاء الله يبقي دا وضعى يقبله او ميقبلهوش كيفه !!

انا باعمل البورد الكندى عشان اشتغل الله كممرضة وليس كمستثمرة

انا باشتغل فى الخليج اه بس :ninja: بس ناقص الم تبرعات على عربيتي اللى جيباها جديدة وكل شهر بتتصلح يعنى اللى بيجي باليمين بيروح بالشمال يلا الحمدلله

B) مش باغذى العين والله

عموما شكرا لحضرتك جدا

على الاثراء برايك الذى احترمة كثيرا

.وكنت اتمنى ان قادرة على تفيذه

شكرا لك سيدي

تحياتى

نجفة

تم تعديل 17 مايو 2007 بواسطة نجفة المغرورة

[samwel3246]

سؤال كيف لغتك الانجليزيه هل هى مستوى اكاديمى او مستوى عادى او اقل لان هذا مهم ويختصر عليك مسافات ؟؟

المستوى محادثه - قراءه - كتابه

[badroora]

استاذ صامويل

شكرا جدا لحضرتك

انا موضوع الانجليزي معنديش مشكلة فيه الحمدلله

بس اللى كنت باسل علية

الرسالة من البنك التى تفيد بحصولى على مبلغ 11الف دولا كندى هل لو حطيت المبلغ فى حسابي وطلعت به شهادة فى نفس اليوم هيفرق معاهم ان المبلغ دا محطوط حديثا وتم عمل شهادة بيه ولا هيبقي عادى المهم ان المبلغ فى حسابي وخلاص

هو دا اللى عاوزة اعرفة ضرورى وشكرا لحضرتك

هو فى اخوة افاضل قالولى ينفع بس انا حبيت اتاكد قبل ماعمل الخطوة دى

تحياتى سيدي

نجفة

[علوي البحرين]

السلام عليكم

في البداية اشكركم على استضافتي في موقعكم الكريم ورغم اني لست مصريا الا انني واثق تمام الثقة ان منتداكم الكريم رحب الصدر للاخوة العرب ايضا وليس ابناء مصر فقط..

ثانيا اشكركي اخت نجفة على كلامك عن البحرين في موضوع سابق عن ممكلة البحرين..

انا علي من البحرين وعموما ترى شلتنا فيها حوالي 15 شاب وشابة من مصر (إذا مو أكثر) ..

بالنسبة لموضوع كندا حبيت اقوللج انه عادي ممكن تسحبي الفلوس لان هم فقط يبون يتاكدون ان عندج بيزات (فلوس) وهاي اجراء روتيني .. بس مادام طلعتي البنك ستيتمنت واثبتي لهم تقدري تسحبي الفلوس الحين..

بس عندي سؤال(( ماطلبو منج تاخذين كورس فرنسي للراغبين بالهجرة للكند من النعهد الفرنسي اللي في مدينة عيسى))؟؟؟؟؟

[badroora]

اهلين اخ على

نورت محاورات المصريين ويارب تنبسط ويانا .

انذين مشكور خوى على الاهتمام والرد

بس عندي سؤال(( ماطلبو منج تاخذين كورس فرنسي للراغبين بالهجرة للكند من النعهد الفرنسي اللي في مدينة عيسى))؟؟؟؟؟

لا والله خوى ماحدا طلب منى الكورس دا بس انا حابة اخد كورس فرنساوى تقدر تقولى خوي مشكور وينه فى مدينه عيسي ويا ريت توصفلي الطريج لو جاية من الرفاع صوب دوار الساعة

شكرا وهلا بيك مرة اخرى

نجفة

تم تعديل 17 مايو 2007 بواسطة نجفة المغرورة

[علوي البحرين]

السلام ..

اخت نجفة انا المشكلة ماعرف وين اهو بالضبط داخل المدينة بس بسال لج وبرد عليج بشرح تفصيلي الموقع بالضبط من دوار الساعة مال الرفاع ..

عموما الكورس عبارة عن كورس لغة فرنسية تخصصي للراغبين بالهجرة للكندا تحديدا..

[Ghost]

بصي يا نجج , انا عارف انك قلقة جدا بهذا الخصوص ولسة ما عرفتي الاجابة الشافية

انا سألت مرة محامي هجرة هذا السؤال بالضبط

رد و قال : كل ما يهم بتوع الهجرة هو Statement فية المبلغ المطلوب من الدولار الكندي او ما يساوية بالعملات الاخرى فقط ( ما يهم انك عاملة الحساب اليوم او من 6 او 10 شهور )

و اكد قال : انهم غير مخولين معرفة السحب و الايداع بعد ذلك ( حتى لو سحبت المبلغ كله تاني يوم بعد عمل الاستيت منت ) لان هذة معلومات تخص العميل لدى البنك و ليس من حقهم ان يعرفوا عن ذلك شئ

لكن المهم هو عند السفر الى كندا سمعت انه لازم تعملي تحويل لهذا المبلغ الذي ادعيت انه معك في الرصيد لكندا علشان الفيزا ( لان المهاجر مش ياخد اي مساعدات من الحكومة الا بعد مرور 3 اشهر على ما اعرف ) او ان عامل الجوازات في كندا هيسألك ان معاك فلوس اد ايه ؟؟ ما هو برضوة مش معقول تتسولي هناك بالعقل كدة.

سؤال كيف لغتك الانجليزيه هل هى مستوى اكاديمى او مستوى عادى او اقل لان هذا مهم ويختصر عليك مسافات ؟؟

يا ريت يا صمويل توضح اكتر ايه علاقة اللغة الانجليزيه بموضوع تسهيل الاستيت منت ؟؟

[badroora]

Ghost الاخ:

مشكور ياغالى جبت المفيد هو استاذ زهيري الله يكرمة قالى كدا بردة بس انا حبيت اتاكد تانى وشكرا ليك ويارب نقدر على رد جمايلك !!

لكن المهم هو عند السفر الى كندا سمعت انه لازم تعملي تحويل لهذا المبلغ الذي ادعيت انه معك في الرصيد لكندا علشان الفيزا ( لان المهاجر مش ياخد اي مساعدات من الحكومة الا بعد مرور 3 اشهر على ما اعرف ) او ان عامل الجوازات في كندا هيسألك ان معاك فلوس اد ايه ؟؟ ما هو برضوة مش معقول تتسولي هناك بالعقل كدة.

اتسول حشي لله :unsure: انا عمرى ماتسول بس ممكن الم تبرعات من اخونا المصريين اللى هناك امال ايه الواحد ميتسندتش على اخواته قيمة 10 ,15 سنه كدا لحد مالواحد يرستق نفسه دا حتى يبقي عيب انى اتسول اخواتى موجودين بس يا رب المنتدى دا يظل مفتوح لحد ماسافر عشان اظبط من هنا مين اللى هيستقبلنى فى المطار ومين اللى هيسكنى عندهم كدا يعنى :sad:

عموما شكرا ليك على الرد القيم

نجفة المغرورة

[Ghost]

مشكور ياغالى جبت المفيد

دا أنت اللي غالية يا نجنج

وشكرا ليك ويارب نقدر على رد جمايلك !!

اميييييييييننننننننن , بس اوعي تنسيني لما تروحي كندا , و بعد ما اكلمك ,, تقولي لا لا جوست ,,, ما أعرفش حد بالاسم ده ,,,,

امال ايه الواحد ميتسندتش على اخواته قيمة 10 ,15 سنه

كويس قوي ,, بس انا ناوي لو روحت ان الم تبرعات منك ,,, مش انتي اختي برضوة يا نجنج

عموما شكرا ليك على الرد القيم

يا ستي احنا بنحب نخدم و بسسسسسسسسس

[samwel3246]

سلام

سؤالى بخصةص اللغه اذا كانت لغتك الانجليزيه قويه لانه عند وجودك فى كندل وتقديمك اوراق المهنه والتى على ما اظن انها لممرضه وهى مهنه عليها طلب لكن يجب الحصول على الرخصه الكندييه لمزاولة المهنه وهى تتطلب دراسه ومعادله للشهاده

اما بخصوص الفلوس ووضه الفلوس بالبنك انا لا اقدر افتى فى هذا الكلان لان معلوملتى فيه بسيطه افضل شىء ان تسألى محامى هجرة او السفاره الكندبه لا تخافى ان تساليهم

اللغه الفرنسيه مطلوبه فقط لاقليم كيبك فهو اجبارى اما بافى كندا ليس اجبارى

تحياتى واذا عندك شؤال للمره القادمه اهلا به

[God Father]

Bank Statement is not to worry about now, just hold till they call you for the interview, then make it and withdraw the money after you take a printed statement stamped and signed by the bank manager

There are matters which are more important than the bank statement, things that you have to do and things that you do not during the interview

I wish you the best of luck

بيان البنك هو ما يجب أن تهتمى به الآن ، يمكن الإنتظار حتى إستدعائك للمقابلة الشخصية و بعدها أطلبى بيان البنك مختوم و موقع عليه من المدير ثم قومى بسحب النقود كما تريدى.

هناك أشياء أخرى يجب أن تعرفيها عن المقابلة عن ما يجب و ما لا يجب أن تفعليه أثناء المقابلة

الترجمة تمت بواسطتى.

رجاء العلم أن المشاركة فى محاورات المصريين باللغة العربية فقط

[God Father]

By the way it is not 11000 CAD $, you can find exactly how much on the below link

المبلغ المطلوب ليس 11000 دولار كند على وجه التحديد ليتك تتصفحى الرابط التالى

http://www.cic.gc.ca/english/skilled/qual-4.html

[badroora]

سلام

سؤالى بخصةص اللغه اذا كانت لغتك الانجليزيه قويه لانه عند وجودك فى كندل وتقديمك اوراق المهنه والتى على ما اظن انها لممرضه وهى مهنه عليها طلب لكن يجب الحصول على الرخصه الكندييه لمزاولة المهنه وهى تتطلب دراسه ومعادله للشهاده

اما بخصوص الفلوس ووضه الفلوس بالبنك انا لا اقدر افتى فى هذا الكلان لان معلوملتى فيه بسيطه افضل شىء ان تسألى محامى هجرة او السفاره الكندبه لا تخافى ان تساليهم

اللغه الفرنسيه مطلوبه فقط لاقليم كيبك فهو اجبارى اما بافى كندا ليس اجبارى

تحياتى واذا عندك شؤال للمره القادمه اهلا به

استاذ صمويل : تحياتى لك وشكرا على اهتمامك باي سؤال بيتسأل ربنا يخليك لينا يا رب ويديك الصحة

ومتنسناش فى حفلة ال RETIRED

بتاعتك ولازم تقولنا عشان نحتفل بحضرتك هنا بردة

بص حضرتك انا مسجلة مع جامعة البرتا فى كلية التمريض بس لسه امتحانى متحددتش

وبخصوص موضوع البنك الاخوة قاموا بالواجب ربنا يخليك ويخليهم

شكرا لحضرتك مرة اخرى وربنا يخليك لينا يا رب

تحياتى

نجفة

[badroora]

كويس قوي ,, بس انا ناوي لو روحت ان الم تبرعات منك ,,, مش انتي اختي برضوة يا نجنج

انا رقبتي ليك يا غوست !! انا بنت بلد وافهم فى الاصول متقلقش من النقطة دى :sad:

بس يا ريت لو انا سافرت وانت طبيت علينا تبقي بس تفكرنى انت مين مش عشان حاجة والله انت عارف يا غوس يا خوى الدنيا تلاهى وكمان بردة لسه مفوقتش من صدمة المكان

شكرا يا زوء :sad:

[ايهاب سالم]

بقى يا نجفه شغاله في الخليج و مش معاكي 11000 دولار :sad:

ماشي

عموما كشف الحساب الأولاني ده جر رجل بس

قبل المقابله الشخصيه هيطلبوا منك كشف حساب لمدة 6 شهور .. يعني لازم تفضل الفلوس في حسابك 6 شهور

عموما ما بين تقديم الطلب و المقابله الشخصيه مش أقل من سنتين

مش معقول مش هتلحقي تحوشي 11000 دولار في سنتين و لا يبقى أنتي قاعده في الخليج بتتفسحي

و كمان بعد ما تنجحي في المقابله الشخصيه و تجيبي مجموع كبير هيطلبوا منك تحولي المبلغ ده لبنك في كندا قبل إصدار التأشيره

عموما إدرسي الموضوع كويس لأن التمريض من المهن regulated jobs

يعني لازم معادلات و إمتحانات و تصاريح عشان تقدري تشتغلي

[badroora]

بقى يا نجفه شغاله في الخليج و مش معاكي 11000 دولار :sad:

:sad: الاخ ايهاب البحرين غير قطر احنا هنا عايشين بالستر :sad: عموما يلا الحمدلله على كل شيء :sad:

موضوع ال11 الف دولار قبل المقابلة دى بيسطة انا عندى المبلغ بس مافيش سيولة :sad:

فبس حبيت اطلع البنك استامنت دلوئتى وعند المقابلة اكيد هيبقي فيى فلوس كتير بس يا رب الاقي البنك اللى يقدر يشيل wst::

تحياتى وشكرا على الرد

نجفة الفقيرة الى الله

تم تعديل 18 مايو 2007 بواسطة نجفة المغرورة

[ahmed_saleh]

الاخت نجفة

انا عضو مش جديد اوي بس مشاركاتي قليلة و لكن متابع جيد استغربت من قرارك للهجرة لاني تابعت مدى استياءك من كندا و كان في مداخلات كثير جداً منك في نفس الخصوص و رفض تام للفكرة و خاصة كندا فحبيت اعرف منك لاستفيد و يستفيد باقي الاخوة ما هو السبب في تغيير رايك 180 درجة و المضي بالاجراءات و على كل حال ترجو لك التوفيق و النجاح

[badroora]

الاخت نجفة

انا عضو مش جديد اوي بس مشاركاتي قليلة و لكن متابع جيد استغربت من قرارك للهجرة لاني تابعت مدى استياءك من كندا

انا مستائة من كندا حشي لله

و كان في مداخلات كثير جداً منك في نفس الخصوص و رفض تام للفكرة و خاصة كندا فحبيت اعرف منك لاستفيد و يستفيد باقي الاخوة ما هو السبب في تغيير راي

مداخلات لى انا بهذا الخصوص لا بالطبع مش انا انا دايما ادعوا واقول اللهم نولنا كندا وجنسيته كندا الرجاء راجع مداخللاتى من تانى اكبد حضرتك غلطان

ك 180 درجة و المضي بالاجراءات و على كل حال ترجو لك التوفيق و النجاح :P

بما انى طبعا مستائتش من كندا وبالتالى راي لن يتغير بس هاقولك معلومة عنى انا دماغى انشف من الحجر ومش من السهل تلين يعنى لما احط دماغى فى شيء هاعملة حتى ولو العالم كلة وقف ضدى فى الفكرة .ولو مش مقتنعة بشيء بردة محدش يقدر يلين دماغى ويقنعنى بشيء الا انا .

موضوع تفيكيري فى الهجرة دا فكرت فيه من زمان من ساعة ماحسيت انى ماليش مكان فى الجامعة كمعيدة ولا مكان فى مصر يحترم قدراتى

عموما ميرسي لك بدعوتك لى بالنجاح والتوفيق

وربنا يوفقك انت كمان

تحياتى

نجفة

تم تعديل 20 مايو 2007 بواسطة نجفة المغرورة