abu maryam بتاريخ: 17 مايو 2007 تقديم بلاغ مشاركة بتاريخ: 17 مايو 2007 البلد رايحه فين؟.. . لقد ظللت فتره طويله منقطع عن الإنترنت وعن عالم السياسة وعن كل شىء ماعدا العمل والجلوس فى المنزل بعد إنتهاء العمل.. لأننى كنت مشتت الذهن ما الثواب فى هذا الزمن ما الحل ما العمل.. ومنشغل بالبحث عن طريق الثواب .. الطريق إلى اصلح طريقة لنعيش بها حياتنا؟ هل هل هى؟ ياعم واحنا مالنا خلينا فى حالنا ... ياعم دور على لقمة العيش احسن من الكلام اللى لا بيودى ولا بيجيب بتاعك ده .. ياعم انت بتدن فى مالطه مافيش فايده .. ياعم امشى جنب الحيط خلينا نربى عيالنا .. وياعم... حاجات كتير من اللى كلنا بنسعمها.. ام أنها؟ كون إيجابى وشارك برأيك ومجهودك فى كل حاجة حواليك.. غير بنفسك متستناش غيرك يغيرلك .. مصر محتاجة لكل ايد من ايد أولادها علشان نحقق حلمنا.. وحاجات من نفس القبيل.. تعالوا مع بعض نعرف اية الصح واية الغلط .. ايه هى الطريقة الصح اللى نعيش بيها حياتنا.. وكل واحد مننا ايه رايه فى الطريقه الصواب.. طريق التغيير .. طريق تحقيق الحلم.. ******************************************* هابدأ بنفسى لأن البداية كانت سؤال انطرح على الأب والكاتب والأستاذ والمعلم/ محمد حسنين هيكل لما انسأل هى البلد رايحه على فين؟ فقال .. رايحه فى داهية.. هنا حسيت كأنه يقصدنى بالإجابه دى وبيقول " اسألوه وإسألوا اللى زيه اللى بيهربوا من المسئولية وأنهم يشيلوا مسئولية بلادهم وتحقيق الحلم فوق اكتافهم وفوق كل حاجة فى حياتهم.. اسألوهم وقوللهم عايزنها تروح فين تانى غير الداهية مادمتم بتقولوا واحنا مالنا وياعم خلينا جنب الحيط.. لما أنتم يا أولادها بتقولوا ده يبقى نجيب الصهيانه أو الأمريكان أو أى حد من أعداءها وأعداء ناصر العرب يشيلها فوق أكتافه أصل ما هموا من زمان بيتمنوا ترابها وكنوزها ولو قولتلهم تعالوا شيلوها فوق أكتفكم هيجروا ويلبوا لأنها غاليه عندهم بكنوزها وسحرها.. وساعتها يبقى من حقهم يستبحوها زى ماهما عايزين وينتهكوا عرضها وينهشوها شبر ورا التانى .. لأنها خلاص ولادها اتخلوا عنها قال إية علشان لقمة العيش .. علشان يعيش مستور ويعرف يربى عياله.. عيال ايه وعيشه إيه اللى بتتكلموا عليها مانتم لو فضلتم كده هيجى الوقت اللى مش هتلاقوا فيه رغيف العيش الحاف حتى وساعتها البلد تكون راحت فى داهية وانتم بتتفرجوا ". هنا عرفت اننا علشان نعرف فعلا نربى عيالنا ونأمن لهم مستقبلهم يبقى لازم نحقق حلمنا " القومية العربية" لأنها هى الأمان لينا ولاولادنا .. جايز يكون الطريق طويل وصعب بس لابد من نهاية للطريق ده نوصل فيها لحلمنا.. فليه مانبدأش بكل طاقتنا ونستغل كل لاحظه فى سبيل الوصول للحلم ونمهد ونعلم أولادنا يعنى إيه قومية عربية يعنى إيه العدل يعنى إيه الإتحاد يعنى إية السلام .. علشان لو مقدرناش نكمل الطريق هما يكملوا وأولادهم من وراهم .. لنحد مانوصل لحلمنا.. علشان كده كل واحد مننا يبدأ بنفسه وبأولاده وبأسرته وبجيرانه وبمعارفه يعلمهم ويعرفهم يعنى أيه قوميه يعنى لانزم نحقق العدل والاتحاد والسلام بينا على المستوى الشخصى وبعديه على مستوى الأسره وبعديه على مستوى العيله ونبتدى نكبر واحده واحده لحد ما نوصل لحلمنا .. وده فى ايجاز شديد هو رأيى وده اللى وصلتلوا علشان نقدر نحقق حلمنا.. فيا ترى إيه رأيكم؟؟ ودلوقتى جيه وقت أقول يعنى ايه " العدل - الإتحاد - السلام " أحمد عدلى أرض الكنانة 17/5/2007 ********** يتبع "العدل _ الإتحاد _ السلام" هدف يستحق التضحية " حرية _ اشتراكية _ وحدة" ثوابت ناصريه فى الهدف الأسمى والحلم الأعظم رابط هذا التعليق شارك المزيد من خيارات المشاركة
abu maryam بتاريخ: 17 مايو 2007 كاتب الموضوع تقديم بلاغ مشاركة بتاريخ: 17 مايو 2007 إخوانى فى العروبة تحية قومية عربية ناصرية العدل .. الإتحاد .. السلام العدل .. الإتحاد .. السلام .. هدف يستحق التضحية من أجله .. لكن ما المعنى؟ ما المقصود بتلك الكلمات؟ معظمنا إن لم نكن بالإجماع نريد تحقيق الحلم وهو القومية العربية .. الكيان العربى القوى المتماسك الأعظم بين الكيانات العالمية ( الإمبراطوريات العالمية ). لذا ما معنى تلك الكلمات من وجه نظرى؟ وما الهدف منها ؟ ولما هى بالتحديد؟ العدل!!! هى المشكلة والعقبة الأساسية فى طريق تقدمنا فالظلم أصبح شيمة العصر.. اصبح عنواناً لكل حركة نخطوها فى حياتنا. فى العمل نجد الظلم والتفرقة بين الزملاء بعضهم البعض.. وظلم الرئيس للمرؤوس .. وظلم الموظف لعمله بعدم إعطائه حقه وإتقانه وبقبوله الرشاوى ومصطلحات فوت علينا بكره يا سيد .. وياعم على قد فلوسهم .. وفى النهاية تجد الحصيله هى الخراب والدمار لتلك الشركات. فى معيشتنا وحياتنا تجد الظلم متفشيا فى كل شىء. فالطبقة العاملة الكادحة التى هى أساس أى مجتمع لاتجد رغيف العيش ابو 5 قروش واذا وجدته فهو لايصلح طعاما للحيوانات حتى واذا اراد أن يأكل رغيف العيش المخصص للبشر فعليه أن يشترى رغيف عيش بـ25 قرش . اى ان لو الأسرة مكونة من أربع أفراد ويستهلك الفرد رغيفين فى الوجبة فيلزمهم يوميا 24 رغيف أى 2.00جم فى الوجبه اى 6.00جم فى اليوم أى 180.00جم عيش فقط فى الشهر يعنى حوالى ربع دخله فى الشهر على إعتبار أن دخله 700.00 جم فى الشهر يعنى ربع مرتبه يدوب يأكله عيش حاف والربع التانى مواصلات وسجائر أو مصاريف شخصية والربع التالت فواتير الكهرباء والغاز والمياه والتليفون والإيجار وطبعا دول لوحدهم فاقوا ربع المرتب لكن هنحسبهم ربع المرتب والربع الباقى أى 175.00جم فطبعا لازم حاجة تتاكل مع العيش فها نقول ان كل واحد هياكل بـ 25 قرش طعميه فى الوجبة يعنى لازملهم 3.00جم فى اليوم وكمان 1.50 جبنه مع شوية مخلل يبقوا 4.50فى اليوم يعنى 135.00جم يبقى باقى من المرتب 40.00جم يابسوا ويشربوا ويصرفوا ويتفسحوا ويروحوا للدكتور ويتعلموا ويحوشوا كمان منهم ولا أقولكم بلاش يتفسحوا وبلاش يحوشوا وبلاش يتعلموا عن أبوهم ما حوش ولا اتفسح ولا إتعلم أصل ده يبقى طمع منهم!!!. وطبعا الحسبه دى على أساس ان دخل رب الأسره 700.00 جم فى الشهر وبالطبع هناك الكثير من دخله أقل من ده بكثير فتخيلوا كيف يكون حالهم.. وبالطبع كل ده مافيش فرصه ان العقل يفكر فى اى حاجه غير ازاى هصرف على اسرتى اما حال البلد وايه اللى بيحصل فمافيش مجال للتفكير فيه لأنه مافيش وقت لده .. الكل بقى عامل زى الحيوان المربوط فى ساقية الحياه عمال يلف فيها مش عارف ايه اخرتها كل اللى بيتمناه ان الساقيه تبطل لف وصاحبها يديلوه شوية برسيم ياكلهم ويسيبوا يستريح شويه .. وطبعا ده مبيحصلش لأنه قبل ما يشبع حتى الكرباج يشتغل ويرجع من تانى يلف وهكذا .وهو بيفضل زى ما هو مافيش تقدم. يعنى نقدر نقول ان 90% من الشعب على نفس المنوال و5% مستنيين دورهم و0.5% قدروا يتمردوا ويهربوا من الساقية و4.5% ماسكين الكرباج علشان محدش يهرب تانى وكمان علشان يرجعوا اللى اتمردوا وقدروا انهم يفلتوا ويفكروا ازاى يحققوا حرية اخوانهم. يعنى خلاص الطبقى الوسطى شبه معدش ليها وجود فى قاموس الحياه بقى فيه فقير وغنى .. سيد وعبد.. لإن الإنقسام الطبقى للحياه فى ظل الرأسمالية هو " أسياد وعبيد ". أسياد تاخد كل حاجة وتحصل على كل المميزات وأهمها صفة الظالم. وعبيد تتعب وتشقى ومتحصلش على اى حاجه ماعدا صفة المظلوم " الظلم " الظلم فى المعاملة فى تقسيم الموارد فى الحياه وفى كل حركه فى حياتنا بقى فيها ظلم. وبالتالى اتلغى خوف الإنسان على أخيه الإنسان. اتلغى خوفه على بلاده. اتلغى انتماؤة ليها. اتلغى معنى الوحده من تفكيره. الكل بقى ينهش فى بعضه معدش فيه ترابط. بالتالى معدش فيه الإحساس بالأمان. الكل بقى عايز يعيش بقانون الغابه .. البقاء للأقوى. وبالتالى معدش فيه سلام ولا حب وأمان. بقى فيه حروب وصراعات. والنتيجة الإجمالية لكل ده هو الجهل والتخلف والرجعية. العقل بطل يفكر .. بطل يشوف الصح من الغلط .. كله بقى متساوى. ينقاد الشباب ورا الجماعات الإرهابية المتطرفة الفاسده الهدامه الخاينه لكل شىء اللى لا ليها مله ولا دين ولا جنسية تحت شعار الدين أو شعار هنوفرلك فرصة عمل مناسبه أو حياه مستقره أو ... إلــــــخ. ومن غير ما يشعر الشباب يلاقوا نفسهم بيهاجموا الصح وبيكرهوا ناصر وكل مبادئه ويحاربوا حاجة اسمها قوميه عربية أو وحده .. اما فكرهم الهدام فهو الصح. ولو حاولت تدلهم على الطريق الصح وتقولهم اقروا التاريخ هيقولكم بداية تكوينهم تحت رعاية الغرب والصهاينة وعمالتهم ليهم وايديهم الملطخة بدم الأبرياء. تلاقيهم يكفروك ويحلوا دمك .. أو تلاقى نفسك ورا الشمس متشوفش النور تانى ويكون تمن كلامك غالى جداً. يبقى أساس كل حاجة بتحصل فى البلد ولينا هى الظلم.. يبقى لازم نبتدى بنفسنا اننا منظلمش نحاول نعدل فى حياتنا فى شغلنا فى بتنا فى كل حركة بنتحركها نحقق العدل .. ونعلمه لأولادنا أنهم يعدلوا ميظلموش ميخفوش من كلمة الحق يقولوها ولو على رقبتهم نطبق العدل فى كل شىء خطوه خطوه نبتدى من نفسنا لأننا مش هانقدر نصل الكون بين يوم وليله. علشان كده لازم نبتدى بنفسنا ونعلم أولادنا ده يبقى هيطلع جيل يحب العدل يكره الظلم ميخافش يحب بلاده ويفديها بحياته ومادام اتحقق العدل يبقى هنتحد وهنحب بعض ونكون ايد واحد منتفرقش ساعتها هانحس بالأمان والسلام وبالقوة .. ويبقى لو احنا عملنا خطوه للأمام هنبقى متأكدين أن الجيل اللى هيجى بعدنما هيحافظ عليها ويكمل المشوار.. وساعتها مبادىء ناصر العرب.. وحلمه .. اللى هيا مبادئنا وحلمنا .. " الحريه والإشتراكية والوحدة " والقومية العربية ... هتتحقق ومافيش قوة على وجه الأرض هتقدر تمنعها او تدمرها زى ما حل فى الوحده بين مصر وسوريا. وساعتها قوتنا هتخلينا نعيش أحرار وفى تقدم ورفاهية فى ظل الإشتراكية وفى قوة وأمان وسلام فى ظل الوحدة.. علشان كده .." العدل .. الإتحاد .. السلام.. هدف يستحق التضحية من أجله ". أحمد عدلى أرض الكنانة 17/5/2007 "العدل _ الإتحاد _ السلام" هدف يستحق التضحية " حرية _ اشتراكية _ وحدة" ثوابت ناصريه فى الهدف الأسمى والحلم الأعظم رابط هذا التعليق شارك المزيد من خيارات المشاركة
وليد صفوت بتاريخ: 17 مايو 2007 تقديم بلاغ مشاركة بتاريخ: 17 مايو 2007 رجاءً للإدارة تعديل عنوان الموضوع لأنه لا يليق و إسم مصر و شعبها. تحياتى ... رابط هذا التعليق شارك المزيد من خيارات المشاركة
DARWEEN بتاريخ: 17 مايو 2007 تقديم بلاغ مشاركة بتاريخ: 17 مايو 2007 تم تعديل العنوان بمعرفتي الأداره داروين القسوة أن ألقاك غريبا ... في وطن ناء عن وطنك والأقسى غربة أنفاس ... بين الخلان وفي أهلك رابط هذا التعليق شارك المزيد من خيارات المشاركة
abu maryam بتاريخ: 18 مايو 2007 كاتب الموضوع تقديم بلاغ مشاركة بتاريخ: 18 مايو 2007 إخوانىفى العروبة تحية قومية عربية ناصرية سؤال .. لماذا لا يليق الموضوع باسم مصر وشعبها..؟؟؟ اليست بالفعل البلد رايحه فى داهية بالأساليب السلبيه للافراد وأمور الدروشه والإنخراط خلف الجماعات الإرهابية وما الى ذلك... والأخ العزيز: الذى يعترض على اسم الموضوع ممكن بعد إذن سيادتك تعرفنى السبب.. وانه مش لايق ليه.. وياريت لو تعرفنى على حضرتك؟؟ لأن اسم الموضوع اللى حضرتك مش عاجبك ده.. أقطاب القومية العربية فى القطر العربى وافقوا عليه.. وعلى رأسهم السيد والأستاذ1 والأب الروحى شيخ الناصريين/ سامى شرف " مدير مكتب جمال عبد الناصر للمعلومات " وبعد إذن إدارة المنتدى مادام اسم الموضوع لا يسىء الى اسم مصر فمش من حقكم تغيروا الإسم.. كون الإسم بيوصف فعلا حاله رايحه عليها البلد فده مش خطأ او إساءة.. لأنى من داخلى بعشق مصر أكثر من أى إنسان إتخلق فى الكون ده.. وبديها من غير ما قول هيا عطيتنى ايه.. وشكراً.. وأتمنى أنى أجد رد الأخ العزيز: وليد صفوت.. يوضح فيه التساؤلات اللى فاتت.. ويقولنا ايه وجة نظره للصح.. بدل ما تكتفى بطلب تغيير اسم الموضوع لمجرد أنه لا يليق بإسم مصر وشعبها دون حتى ما تذكر اسباب ذلك.. وأى شعب تتكلم عنه .. هل هو ذلك الشعب الذى يقبل الهوان أم ذالك الشعب السلبى اللى ماشى تحت شعار يا عم وانا مالى خلينا جنب الحيط.. ولا الشعب اللى سمح للجماعات الإسلامية المتطرفة انها تلغى عقول الشباب عن التفكير وتجعلهم ةعبيد لكلمه بيقولها واحد يدعى أمير الجماعة تحت شعار " وأطيعوا اولى الأمر منكم.. وشكراً مرة أخرى لإدارة المنتدى على تغيير الموضوع لمجرد رأى دون ذكر أسباب حتى .. ولو الكانت المسأله بتتاخد من منطلق رأى شخص واحد فقط.. فأنا عندى رأى أن الأخ العزيز : داروين ينشال من إدارة المنتدى .. لأنه سمح لنفسه يغير أسم موضوع لايوجد به أى شببه لمجرد أن عضو واحد فقط طلب ده دون ذكر أسبابه.. أرجو ان طلبى ينفذ مع العلم أنى ذكرت أسباب بخلاف الخ العزيز: وليد صفوت. وشكراً مرة أخرى.. أخى العزيز: داروين أنا لم أقصد الإساءة ولا اريد بالفعل حذفك من إدارة الموقع ولكن احببت أن أضرب مثال أنه ليس كل الأراء تأخذ حيذ التنفيذ فى وقتها.. أحمد عدلى أرض الكنانة 18/5/2007 "العدل _ الإتحاد _ السلام" هدف يستحق التضحية " حرية _ اشتراكية _ وحدة" ثوابت ناصريه فى الهدف الأسمى والحلم الأعظم رابط هذا التعليق شارك المزيد من خيارات المشاركة
وليد صفوت بتاريخ: 18 مايو 2007 تقديم بلاغ مشاركة بتاريخ: 18 مايو 2007 ما شاء الله مداخلة "ناصرية" رائعة، لا تختلف كثيراً عن "زعيق" و "شخط" عبد الناصر أثناء أى خطبة من خُطبه العصماء... لكنى اترك الرد عن تساؤلات حضرتك لأنى لا أميل إلى الصدام حوارياً مع فكر "إنتهى أمره" منذ عقود، و "فنى جسده" تماماً حتى فى موطن ظهوره. تحياتى للإدارة الكريمة على جهودها الكبيرة... و تحياتى لك أخى الكريم. رابط هذا التعليق شارك المزيد من خيارات المشاركة
abu maryam بتاريخ: 18 مايو 2007 كاتب الموضوع تقديم بلاغ مشاركة بتاريخ: 18 مايو 2007 ما شاء الله مداخلة "ناصرية" رائعة، لا تختلف كثيراً عن "زعيق" و "شخط" عبد الناصر أثناء أى خطبة من خُطبه العصماء...لكنى اترك الرد عن تساؤلات حضرتك لأنى لا أميل إلى الصدام حوارياً مع فكر "إنتهى أمره" منذ عقود، و "فنى جسده" تماماً حتى فى موطن ظهوره. تحياتى للإدارة الكريمة على جهودها الكبيرة... و تحياتى لك أخى الكريم. تحية قومية عربية ناصرية أشكرك أخى على رأيك الكريم ولن أدخل معك فى حوارت الناصرية والزعيم الخالد/ ناصر العرب الذى سيظل الى يوم الدين ولا أملك سوى أن أقول سلام عليك يا أوطانى ويا إلاهى يارب الكون ارحم بلادى واحفظها وأرجو من إدارة المنتدى إعادة الإسم كما هو فلا يحق لها تعديل الإسم مادام لايخرج عن نطاق أداب الحديث أحمد عدلى أرض الكنانة 18/5/2007 "العدل _ الإتحاد _ السلام" هدف يستحق التضحية " حرية _ اشتراكية _ وحدة" ثوابت ناصريه فى الهدف الأسمى والحلم الأعظم رابط هذا التعليق شارك المزيد من خيارات المشاركة
drhouba بتاريخ: 18 مايو 2007 تقديم بلاغ مشاركة بتاريخ: 18 مايو 2007 (معدل) ناصر العرب الذى سيظل الى يوم الدين ناصر العرب ؟ ده إيه ده و بأمارة إيه ... بأمارة سيناء اللى راحت و اللا الضفه و اللا غزه و اللا القدس و اللا الوضع المزرى اللى إحنا فيه دلوقتى و كانت بدايتها وكسة 67 و ما قبلها من غيبوبه و شعارات من هذا النوع ( قوميه و إشتراكيه و تحالف قوى الشعب العامل و ميثاق و إتحاد إشتراكى و كفايه كده عشان الضغط و السكر ) و قمع و بذرة الفساد التى إينعت الآن حقول لا تنتهى حرام نقلب المواجع على الناس اللى هم أساسا مش ناقصين .... بقى بعد اللى إحنا فيه دلوقتى و فيه ناس كمان عاوزه تزودها علينا و ترجعنا 40 سنه للخلف لحقبه من الفشل المتتالى يا ناس سيبونا فى اللى إحنا فيه و خللونا نبص لبكره تم تعديل 18 مايو 2007 بواسطة drhouba دى لا باظت و لا خربت ..... و لا جابت جاز لا مؤاخذه دى عيشه ظريفه جدا و لا فيه دماغ ضربت ..... و لا حد بيشتكى لحظه ماشيه و الأشيه معدن http://www.youtube.com/profile_videos?user=drhouba&p=r http://www.arabtube.tv/users/drhouba68 رابط هذا التعليق شارك المزيد من خيارات المشاركة
DARWEEN بتاريخ: 18 مايو 2007 تقديم بلاغ مشاركة بتاريخ: 18 مايو 2007 abu maryam كتب : فأنا عندى رأى أن الأخ العزيز : داروين ينشال من إدارة المنتدى ..لأنه سمح لنفسه يغير أسم موضوع لايوجد به أى شببه لمجرد أن عضو واحد فقط طلب ده دون ذكر أسبابه.. أرجو ان طلبى ينفذ مع العلم أنى ذكرت أسباب بخلاف الخ العزيز: وليد صفوت. والله يا أبو مريم أنا محترم رأيك جدا .. لمن لما ننظر له من منظور ناصري قومي نلاقي أن تغيير العنوان ده شيء في منتهى البساطه جنب المعتقلات والسحل والجلد ... خصوصا أن العنوان الأصلي كان يفتقر لكل أنواع اللياقة والذوق ... وعلى الأخص أني قدرت سيادتك وأرسلت لك رساله أعلمتك فيها بتغيير العنوان ... وعلى العموم يا سيدي المهم بس تكون راضي عني .. وأنا أعلم أنك قد أقتبست العنوان من أقوال أستاذك ومعلمك ونبراسك هيكل الآكل على كل الموائد ورجل كل العصور منذ عهد الملكية وحتى العصر المباركي المبارك وطبعا أنا هنا لست بصدد مناقشة قناعاتك وتوجهاتك إذا كان بداية الكلام والنقاش سيكون على وتيرة ( اللي مش عاجبني شيلوه ) فمن الواضح أن أول القصيده .... ناصر العرب لكن وللحق فأنا أشعر بالآسى والحزن لكل المتباكين على عصر الحنجوري والميكرفونات الفتاكة ... عصر سنهزم كل العالم ( من خلف الميكرفون ) وللأسف أيضا ... يأخذني أسلوب الإتحاد الإشتراكي لزمن كنا نحيا فيه وكأننا قابعين خلف أسوار تاريخ أكل علينا وشرب كل أزمنة العالم وياليتنا تقدمنا فيه خطوة واحدة في أي مجال ولكننا كنا دائما للخلف در ... ومازلنا نعاني من هذا حتى الآن .. مازلنا نعاني من ويلات هذا العصر الكئيب البغيض المنهزم كان الأجدر بك وبهيكلك بدلا من أن تتساءلوا البلد رايحه فين ... أن تسألوا البلد جايه منين أتركك الآن على وعد بالعودة في حالة رغبتك في عودتي لنناقش القومية الناصرية العربية الملوخية المهلبية القسوة أن ألقاك غريبا ... في وطن ناء عن وطنك والأقسى غربة أنفاس ... بين الخلان وفي أهلك رابط هذا التعليق شارك المزيد من خيارات المشاركة
خليفة السلفي بتاريخ: 18 مايو 2007 تقديم بلاغ مشاركة بتاريخ: 18 مايو 2007 إخوانى فى العروبة عروبة مين ******انت فاكرنا عايشين في زمن وطني حبيبي و طني الاكبر ...ألخ خلاص ***** عهد عبد الناصر انتهى بلا رجعة نحن الان في عصر الصحوة الاسلامية واقسم بالله لن ندخل القدس الا ونحن رافعين راية لا اله الا الله محمد رسول الله اتقي الله ياهذا قال تعالى ((انما المؤمنون اخوة)) و قال الصادق المصدوق صلى الله عليه وسلم ((ليس منا من دعا إلى عصبية وليس منا من قاتل على عصبية وليس منا من مات على عصبية)) تم التعديل بمعرفتي ويرجى من العضو الفاضل استخدام لهجه أهدأ في التحاور الأداره داروين رابط هذا التعليق شارك المزيد من خيارات المشاركة
عطاء بلا حدود بتاريخ: 18 مايو 2007 تقديم بلاغ مشاركة بتاريخ: 18 مايو 2007 ابو مريم السلام عليكم ورحمة الله وبركاته ،، بداية ما سبق هي تحية الاسلام وليست تحية ناصرية ... اخي الكريم .. جمال عبد الناصر مات ... وعمله الآن في الميزان ما بين حسن وسيء .. وهو لما يعطي لنا رسالة اشرف من الرسالة المحمدية المرسل من رب العالمين فلماذا التمجيد في رسالات جاءت من اشخاص عاديين او حتى كانو مميزين ... الم يقول الله تعالى فيما معنا "لقد كان لكم في رسول الله اسوة حسنة" ... فلماذا نبحث عن البديل .. هذا من جهة ... ومن جهة اخرى .. دعني اقول رأيي في مقالك مع احترامي لرأيك .. فإنك كتبت مقدمة جيدة ولكن في النهاية وجدت أنك هتودي مصر في ستين الف داهية بدعوتك القومية الناصرية ... فإنها إن سلمت وصلحت فهناك من يعاديها وستدخلنا في متهاهات وفي خلافات وانقسامات نحن في غنى عنها وستؤدي كل هذه الخلافات والانقسامات الى تدهور حالنا اكثر مما نحن فيه .. ان الراية الوحيدة التي تستطيع أن تجمع بها بين البشر هي راية التوحيد لا اله الا الله ، ونحن في حاجة لمن يحمل هذا اللواء وتأكدو جميعا ان جميع المسلمين في شتى بقاع الارض عرب وغير عرب وهذا من نبع احساسي العميق انهم بحاجة لمن يحمل لواء التوحيد وسيكون الجميع خلفه .. فقط نحن ننتظر القائد لاننا نفقد هذا القائد ولعله قد يكون المهدي المنتظر والله اعلى واعلم ... تحياتي للجميع Life is A big dream... Oneday we will wake up رابط هذا التعليق شارك المزيد من خيارات المشاركة
Ghost بتاريخ: 18 مايو 2007 تقديم بلاغ مشاركة بتاريخ: 18 مايو 2007 السلام عليكم ( خير من اي تحية) انا و الله زعلان عليك كتير ابو مريم , اردت الوحدة و العدل و الاتحاد ز السلام و كنت على حسن نية من ارادتك , فاخترت طريقا علية الشوائب و السواد الم تعلم ابو مريم ان الله قد ابدلنا ما هو خير من القومية و البعثية و الناصرية بالاسلام , انستبدل الذي هو ادنى بالذي هو خير الم يكفنا ما ابتدعة النظام الناصري من سحل وجلد و اعتقال و تعذيب و مصادرة للمعارضين الم يكفنا ما نعاني منه حتى الان لان سيناء و الالاف الجنود ضاعوا بغباء لا نرضى عن الراسمالية المتسلطة و لا الاشتراكية السارقة لاموال الاغنياء الاسلام دين وسط لم يمنع الغنى , امر بالزكاة , حث الاغنياء على العطف و البذل للفقراء دون مصادرة و سرقة لاموال الاغنياء , حث الجميع على العمل , منع الاحتكار و الربا و السرقة و الفساد لا اريد ان اطيل ,, ارجو منك ان تراجع نفسك و تعيش في واقع لا الماضي و لا تركن الى الذين ظلموا و بغوا في الارض بغير الحق بدون زعل الحفاظ على قفاك مسئوليتك الشخصية رابط هذا التعليق شارك المزيد من خيارات المشاركة
abu maryam بتاريخ: 20 مايو 2007 كاتب الموضوع تقديم بلاغ مشاركة بتاريخ: 20 مايو 2007 إخوانى فى العروبة تحية قومية عربية ناصرية.. أشكركم على ردودكم الهادفة والتى تتسم بأدآب الحوار والحديث والموضوعية فى التخاطب والسماح بالرأى الآخر.. ولذا شكراً لكم ..وأعتذر عن الكتابة فى مثل تلك المواضيع بين جنبات منتداكم الرائع الذى يتسم بالعدل والديمقراطية وروح الإسلام السمح الذى يسمح بكل الأراء دون مصادرتها أو التهكم بألفاظ جارحه خارجه عن آداب الحوار مع الاخرين.. شكراً لكم أحمد عدلى أرض الكنانة 20/5/2007 "العدل _ الإتحاد _ السلام" هدف يستحق التضحية " حرية _ اشتراكية _ وحدة" ثوابت ناصريه فى الهدف الأسمى والحلم الأعظم رابط هذا التعليق شارك المزيد من خيارات المشاركة
darlengs بتاريخ: 20 مايو 2007 تقديم بلاغ مشاركة بتاريخ: 20 مايو 2007 يا سيدي الفاضل ابو مريم 00 لم يتهكم عليك احد من الاخوه المشاركين بالموضوع 00 و المنتدي فعلا ديمقراطي و لكن له قواعد للمشاركه 00 الاختلاف في الراي لا يعني انك غير مرحب بك 00 و لكن صدقا انت تتكلم كلام كبييير اوي 00 و غير مقنع ابدا في وقتنا الحالي 00 اي قوميه عربيه التي تتحدث عنها ؟؟؟ 00 و العرب اتفقو علي الا يتفقو 00كن واقعي و اهلا بك مره اخري 00 رابط هذا التعليق شارك المزيد من خيارات المشاركة
Abdulaziz Omar بتاريخ: 20 مايو 2007 تقديم بلاغ مشاركة بتاريخ: 20 مايو 2007 الاخ الكريم ابو مريم لقد تحاشيت في الايام الماضية الدخول في هذا النقاش الدائر........فقد اكتفيت من الجدال مع الناصريين والساداتيين وكل من يؤيد هؤلاء ال..........الذين اعادوا هذا البلد الي اسوا عصور الظلام انا لن اجادلك ولكن فقط اريد ان اقول لك لقد المت الناس في جرحهم وذكرتهم بالخراب الذي يرونه كل يوم بسبب مدعي القومية والاشتراكية والمهلبية....وبعد ذلك لاتريد لهم حق الاعتراض انا لن اجادلك......فعندما ياتي احدهم في اسوا عصور الظلام ويقول......الشمس ساطعة مااحلاها...!!!! هل ترك شيئا نتناقش حوله ؟؟ فقط....يااخي الكريم.... اذا نكات الجرح فمن حق الناس ان يقولوا اه رابط هذا التعليق شارك المزيد من خيارات المشاركة
Ghost بتاريخ: 21 مايو 2007 تقديم بلاغ مشاركة بتاريخ: 21 مايو 2007 انا مش عارف ايه اللي يزعل في الكلام ده ؟؟؟؟؟؟؟؟؟؟؟؟؟؟؟؟؟؟ الحفاظ على قفاك مسئوليتك الشخصية رابط هذا التعليق شارك المزيد من خيارات المشاركة
احمد الملاح بتاريخ: 26 مايو 2007 تقديم بلاغ مشاركة بتاريخ: 26 مايو 2007 مش عاجبكوا البلد رايحة في داهية , وقام المشرف بتغيير الاسم الي البلد رايحة فين ؟ يا حلاوة !!!!! سؤال جميل........ يا سيدي البلد رايحة في داهية ومش داهية واحدة دي رايحة في ستين داهية , ورايحة لية ماهي راحت خلاص انتوا عارفين البلد راحت في داهية لية علشان فيها من امثال هؤلاء الاشخاص الذين تولوا الرد علي الاخ ابو مريم . انا اولا عايز اسألكم سؤال واحد وبسيط انتم مش عاجبكم نظام الحكم الحالي لية ؟؟؟؟؟؟ اغلب توجهات هذا المنتدي يمينية راسمالية احتكارية امريكية صهيونية مباركية . يعني احسن لكم تنضموا للحزب الوطني وتبطلوا تقفوا في صفوف المعارضة . وانا متأكد ان غالبية المتحاورين في هذا المنتدي يبحثون ليل نهار علي بطاقة عضوية في الحزب الوطني . المشرف يقولك تغيير الاسم افضل بكثير من المعتقلات والسجون والسحل في الشوارع . ويقصد بذلك ما كان يحدث في زمن عبد الناصر . يا اخي سيبك من كتابات ابواق السلطة واقرالك كتاب لكاتب محترم زي يونان لبيب . ومش عايز اقول هيكل لحسن بيجبلكوا حساسية , زي الاخ اللي بيقول عن هيكل انه ياكل علي كل مائدة من ايام الملك فاروق لغاية مبارك ...... يا سلام ,,, انتوا بتقولوا اي حاجة وخلاص بتجيبوا الكلام دة منين , وواحد تاني يقولك الشخط والزعيق بتاع عبد الناصر في خطبة العصماء وانت كنت سمعتة فين ان شاء الله دي ازاعة بلدك اللي راحت في داهية ما بتزيعش غير خطاب التنحي . وما تقوليش انك كنت عايش ايام عبد الناصر لانك لو كنت عايش في هذة الايام كنت عرفت ان السجون والمعتقلات والسحل في الشوارع ما سمعناش عنها وشفناها باعيننا غير في زمانكم الكئيب . والتاني اللي بيسمي زمن عبد الناصر بالايام السودة , خليك يا عم عايش في الايام البيضة الحلوة اللي انت عايش فيها دلوقت . وبكرة ايه اللي حتبص علية اذا كانت العزة والكرامة والمساواة والعدل الاجتماعي والاشتراكية والقومية العربية كلها نغمة نشاذ . طيب يبقي بكرة بتاعك هو العالم الحر والعولمة وديمقراطية الدستور الجديد ومكافحة الارهاب والشرق اوسطية والتطبيع الجميل والخيار الاستراتيجي. عموما حبيت بس اقول لكم اذا كنتم تعتبرون انفسكم مثقفين , فعليكم ان تكونوا مثقفين فعلا وبلاش كلام القهاوي وترديد العبارات اللي بيقولها كتاب الكفته والسلطة ( مرة بفتح السين ومرة يضمها) . واخيرا لي عندكم خبر مهم جدا وهو اني لن اقرأ تعليقاتكم لاني قررت ان تكون هذة هي مداخلتي الاخيرة في هذا المنتدي . لانه لا يسعدني ان اكون منتمي لمجموعة لم تفهم ماضيها . ولا تدري متطلبات حاضرها رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان