توقعات و مناقشات حول الديربي رقم 99 للأهلي و الزمالك

[kokowawa1979]

وخرج كوكو واوا من الدرة

شفت السياسة ياعم موديست - أخونا سي السيد زعيم الأهلوية بيتبع سياسة التنويم المغناطيسي ويقول لك 3/صفر للزمالك علشان الأهلي بيلعب باحتياطي الاحتياطي والأشبال - لحد ما تيجي كرة عامشة من رجل بلال جون وبعدها كله يلعب دفاع !!

لكن على مين - إن شاء الله شيكا بيكا هايوريهم نجوم الليل في عز الظهر !!

إن شاء الله النتيجة التعادل أو فوز الزمالك 4/صفر !!!

ونرجع نلبد تاني لحد بكرة بالليل - ماحدش يصحيني

[drhouba]

أظن يا معلم ما فيش فرصة ذهبية أكتر من اللي الأهلي أعطهالكم ؟ ... هانعلب بالصف التالت

بجد بجد بجد.....هل هتبقى فرحان فعلا لما الزمالك يفوز على الأهلي وهو بيلعب بالأشبال.........أفهم بس ......!!!

بكل فخر و إعتزاز لا أجد أجمل من رد زميل العذاب موديست و الذى تمت ترقيته إعتباراً من اليوم إلى درجة المارشال تقديراً لجهوده فى

غيابى أنا و كوكو واوا

خلاص نصدّق بقى ماكينة الإعلام المُوَجَّه و لعبة عمو جوزيه الهربان و نقول على الأسماء التالية أشبال:

عبد الحميد حسن و إسلام الشاطر و أمير عبدالحميد و وائل جمعة .. أشبال

أحمد السيد و محمد صديق و طارق السعيد و أحمد شديد قناوي و أنيس بوجلبان .. أشبال :P

حسن مصطفي وأحمد حسن وأسامة حسني وأحمد بلال و أكوتي مانساه ... أشبال :wub:

نقول كمان و لا كفاية كده؟

15 إسم يعملوا فريق بالاحتياطي و معاهم 1 يلمّ الكور من ورا الجون

[drhouba]

أممممممممممممممم ......مش كل الستات هاتحضر الميكروكروم .....أنا عن نفسي مش هابقي فاضيه هأحضر الحته اللي علي الحبل

علشان العشاء المرتقب والذي طال انتظاره اعوما وسنينا عده

وبييييييييييييييييييب بييييييييييييييييييييييييب زاااااماااااالييييييييييييييييييييييييييييك

طيب خلي الحته على الحبل .... كده اضمن احسن الأهلي يخلف ظنكم ويكسب .... ويبقى لا منك طولتي العشا ولا الحته فضلت على الحبل

يا نانو إسمعى كلام أخونا داروين ده قديم و فاهم و ما حدش ضامن الظروف أنا زملكاوى قديم و عارف

وإبعتيلي الدكتور هوبا لما يخلص العيادة .. عشان عايزين نضحك عليه شويه

...........................................................

تم تعديل 20 مايو 2007 بواسطة drhouba

[kokowawa1979]

ع

بد الحميد حسن و إسلام الشاطر و أمير عبدالحميد و وائل جمعة .. أشبال

أحمد السيد و محمد صديق و طارق السعيد و أحمد شديد قناوي و أنيس بوجلبان .. أشبال

حسن مصطفي وأحمد حسن وأسامة حسني وأحمد بلال و أكوتي مانساه ... أشبال

نقول كمان و لا كفاية كده؟

لأ طبعا يادكتور هوبا كل دول ناشئين - حتى بلأمارة بيلعبوا في دوري كى جى 1 - حتى اسأل عصام عبد المنعم

[se_ Elsyed]

هييييه هيييه هوبا جه هوبا جه

اخلع بقى البالطو الأبيض وخلي نانو تناولك جلابيه الجزارين عشان الدم هايبقى للرُكب .. واللي خايف يروح

وأخونا بتاع الطماطم اللي بالكاتشب كوكو أبا واوا رجع من المزرعة ... ليلتنا فُل

خُدوا الحته دي نأ نأوا فيها لحد ما أرجع لكم

***** أدعية منتقاة ... في ليلة المباراة *****

منظر داخلي ... غرفة مُظلمة إلا من نور لمبة جاز نمرة 10 ... الكاميرا تقترب من هوبا وهو يقف في الظلام متوجها إلى القبلة مرتدياً جلبابه الأبيض الناصع وخلفه تقف زوجته نانو ترتدي خماراً أقحواني اللون وترفع يداها هي الاخر .. وهوبا رافعاً يده إلى السماء وهو يجهر بالدعاء " يارب ... يارب ... يارب لجل حبيبك النبي تنصرنا على الأهلاويين .. ولا تُشمت فينا سين سين ... وتُثبت أقدام شيكابالا المسكين ... وتشتت ذهن أسامه حسني اللئيم ... وترد نانو بحماس ... آمين آمين آمين .... هوبا : يارب عشان خاطر الغلبانه اللي بقت هفتانه لمدة 3 سنين ... وكل ماتش نبات مش متعشيين .... نانو : آه والنبي يارب آمين آمين "

ينتهي المشهد

يُتبع

[se_ Elsyed]

دورك جاي يا كوكو إنت والعميل بوديس .. بس إستنوني أخلص حتتين الغسيل اللي في إيدي

[Ahmad Farahat]

سؤال للزملكاوية

هتعملوا إيه لو اتغلبتوا بكرة

[النسر المصري]

الريس س س..ونائبه القيادي المخضرم آرسين لوبين....والقائد التاريخي دارووين

أخوكم النسر بصراحه حصل على فكره جهنميه....

إكمني أنا مرعووووووووب من ماتش النهارده.......فأنا قررت أعيط بدري بدري من دلوقتي.....

أنا شايف إن ده أسلم حل لمواجهة الأزمه النفسيه اللي هتجيلي آخر الليل

ربنا يستررررررررررررررر

[MZohairy]

تشكيل الأهلي في خبر حصري في مباراة اليوم

في حراسة المرمى مروان كنفاني

خط الضهر

احمد عبد الباقي مصطفى يونس حسن حمدي و فتحي مبروك

خط الوسط

طاهر الشيخ صفوت و قرن شطه

خط الهجوم

مصطفى عبده و الخطيب و عبد العزيز عبد الشافي

[Modest]

هاتفضل حبيبي .. وهانقعد سوا على القهوة نحتسي الفايف كلوك تي

طبعاً هاتفضل حبيبي يا سين سين wst::

بس أنا هاحتسي الفايف كلوك تي :angry: و انت تبقى تاخد المهدئات اللي الدكتور هوبا هايكتبها لك :blink:

[Ahmad Farahat]

الريس س س..ونائبه القيادي المخضرم آرسين لوبين....والقائد التاريخي دارووين

أخوكم النسر بصراحه حصل على فكره جهنميه....

إكمني أنا مرعووووووووب من ماتش النهارده.......فأنا قررت أعيط بدري بدري من دلوقتي.....

أنا شايف إن ده أسلم حل لمواجهة الأزمه النفسيه اللي هتجيلي آخر الليل

ربنا يستررررررررررررررر

حبيب قلبي مفيش داعي للقلق

إحنا أحسن حتى لو خسرنا هنفضل أحسن

أرقامنا

إنجازتنا

أخلاقنا

قيادتنا

في كل حاجة إحنا أشرف

إحنا قيم الحق والخير والجمال

ومفيش حد بيكسب على طول

[Ahmad Farahat]

تشكيل الأهلي في خبر حصري في مباراة اليوم

في حراسة المرمى مروان كنفاني

خط الضهر

احمد عبد الباقي مصطفى يونس حسن حمدي و فتحي مبروك

خط الوسط

طاهر الشيخ صفوت و قرن شطه

خط الهجوم

مصطفى عبده و الخطيب و عبد العزيز عبد الشافي

إيه يا ريس

فين الإحتياطي

صالح سليم-رفعت الفناجيلي -طه إسماعيل- شريف عبد المنعم-محمود الخطيب

[Modest]

لما كل الأهلاوية قالوا هانتغلب أمّال مين -إلى الآن - الستة اللي توقعوا الفوز للأهلي مقابل أربعة فقط رشحوا الزمالك :angry:

[se_ Elsyed]

هاتفضل حبيبي .. وهانقعد سوا على القهوة نحتسي الفايف كلوك تي

طبعاً هاتفضل حبيبي يا سين سين wst::

بس أنا هاحتسي الفايف كلوك تي :angry: و انت تبقى تاخد المهدئات اللي الدكتور هوبا هايكتبها لك wst::

عارف عشان ردك ده يا بوديس .. لو غلبناكو كالمعتاد أو حتى تعادلتو معانا وإحنا بالأشبال

مش هارحمك يا بوديس mfb: .. مهما تتوسل أو تستحلفني باكواب الشاي التي إحتسيناها سوا .. :blink:

ولعلمك بقى عشان أثبت لك إنك بتقرع عالناس ... الدكتور هوبا بتاع جلدية .. يعني مراهم ومرطبات واكزيما وحاجات من دي .. يعني مالوش في المهدئات :P

[kokowawa1979]

س.س كتب :

دورك جاي يا كوكو إنت والعميل بوديس .. بس إستنوني أخلص حتتين الغسيل اللي في إيدي

يا عم سي السيد أنا نشفت من كتر الوقفة في انتظار دوري :angry: :blink: wst::

[الحاج فوزى]

مبروك لفريق الزمالك الفوز بالمباراة .. والأداء الجيد

ماهو لازم يفوز .. مهوا غير كده تبقى وكسه وخيبة .. بيلاعب الصف التالت من الفريق ومش عايز يفوز ..

ولازم برضو الأهلى يعرف ان مش كل مرة هيكون الكبار برة الملعب و ينزل الناشئين هيطرقعوا للزمالك .. مرة كده ومرة كده

مش مهم مبروك وخلاص

[se_ Elsyed]

ألف ألف مبروك لولادنا الزملكاوية ......

وحقيقة أحب أحيي لاعبي الاهلي اللي ادوا اداء جيد ومتماسك بالأمس .. وبأمانة ده سر إختلاف الاهلي عن الزمالك ...

الزمالك الأمور بتكُر معاه بطريقة غريبة لما تكون حالته وِحشة ... وأدينا شوفنا الستة وما اتبعها

أما الأهلي وبالرغم من غيابات الأمس التي تُمثل اكثر من ثلاثة ارباع الفريق إلا إن الفريق كان متماسك وضاعت منه فرص في الشوط الثاني ولكن عدم وجود خط وسط لديه نزعة هجومية أدى إلى ظهور الفريق بهذا الشكل ...

اعتقد إن مباراة الامس أعطت شكل ولون مختلف لمباراة نهائي الكأس اللي اتمنى تكون بين الاهلي والزمالك .. عشان نستمتع ساعتها بمباراة جيدة ..

مبروك مرة أخرى لولادنا كوكو وهوبا وبوديس وكل الرفقاء الزملكاوية .. ولو إني واخد على خاطري من كوكو عشان حالته النفسية الوحشه اللي وصل لها وخلته كتب في توقيعه

نحن السراب الخادع في كل صحراء

يا عم صحيح فوزكو إمبارح كان خادع ... لكن أهو إسمكو اخدتو تلات نقاط ودخلتو في منافسة حقيقية على المركز الثاني :sad:

[yasovinas]

يا خسارة

كان نفسي النباراة تتأخر لها كام يوم علشان نستمتع بهذه المساجلات اللذيذة بين بنو حمير وبنو بيضون وخطين حمير برضه

كان نفسي اشرأ واستمتع بباقي المشاهد الخاصه بحبايبنا الوملكاوية من تاليف المبدع س س

بس بجد بجد وبدون زعل يا بني حمير

هل فعلا اسامه حسني وبلال وحسن مصطفى وباقي الجيش العرمرم اللي لعب امبارح دول ممكن نقول عليهم اشبال او لعيبة نصف لبه

يا جماعه دا الواحد فيهم بنص فريق من ال العشر فرق الاخرىفي الدوري وكمان بربع فريق الزمالك

العيب الوحيد في الموضوع دا ان الزمالك كده ضمن المركز التاني

[Ahmad Farahat]

يا خسارة

كان نفسي النباراة تتأخر لها كام يوم علشان نستمتع بهذه المساجلات اللذيذة بين بنو حمير وبنو بيضون وخطين حمير برضه

كان نفسي اشرأ واستمتع بباقي المشاهد الخاصه بحبايبنا الوملكاوية من تاليف المبدع س س

بس بجد بجد وبدون زعل يا بني حمير

هل فعلا اسامه حسني وبلال وحسن مصطفى وباقي الجيش العرمرم اللي لعب امبارح دول ممكن نقول عليهم اشبال او لعيبة نصف لبه

يا جماعه دا الواحد فيهم بنص فريق من ال العشر فرق الاخرىفي الدوري وكمان بربع فريق الزمالك

العيب الوحيد في الموضوع دا ان الزمالك كده ضمن المركز التاني

صديقي العزيز ياسو

أزمة الفريق امبارح إنه كان ناقصة مايسترو

لا أخفيك سرا

عندما كان الأهلي ينوي الدفع ببركات واستعجال عودة فلافيو توقعت إن الأهلي مش ناوي يسيب الماتش للزمالك

لكني تأكدت بعد إراحة فلافيو وبركات إن جوزية الساحر البرتغالي قرر يشتري كاس مصر والدوري الجاي والبطولة الأفريقية بمباريات الأهلي التلاته الباقية

وأنا لما أقول يشتريهم فأنا مش قصدي إنه هيكسبهم

مفيش مخبول يضمن فوز أي فريق بأي بطولة

أنا قصدي إنه هيريح اللعيبة دي عشان يبقى فيه فرصة قوية للمنافسة السنة الجاية

ولازم نقتنع إن الراجل عمل اللي بيعملة اي مدرب في اوروبا

عارف

فيه زملكاية هيقولوا طيب وأجازتة

يقدر يعملها فريجسون ولا فينجر

والجواب لأ طبعا

لأنه واثق إنه هياخد أجازتة

بس جوزية متأكد إنه مش هياخدها

بس هوا لازم ياخدها

لأنه هايعمل عملية في رجله

ده غير إنه هيرجع عشان يكمل المسيرة

ومبروك للأهلي جمهوره وإدارته المحترفة

الأهلي بجد فريق بطولات مش فريق مباريات

[Modest]

يعتذر الناقد الرياضي الكبير السيد موديست عن التأخُّر في التعليق على المباراة لانشغاله طوال يوم أمس في تلقي التهاني من أبناء شعبنا المناضل في كل مكان صحران كان أو بستان يبقى أمان :)

و طالما فرحانين كده إنكم اتغلبتوا بالأشبال :old: يبقى الكلام فنياً عن المباراة كالحرث في البحر smk:

و طالما الفرحة كانت مالية عيون الجماهير بعد الماتش بعد ما عمو الهربان لعبها صح و جهز جماهيره للفرحة بالهزيمة (ناس طيبين أوي :sad: ) يبقى برضه الواجب نقول ألف مبروك للنادي الأهلي على الهزيمة و يارب دايماً فرحانين بالهزائم :D.. بصراحة الراجل فهم نفسية جماهيرُه و مهّدهم للهزيمة بما لا يطفئ من بهجة الاحتفال بالفوز ببطولة الدوري،‏و علشان يكون الإحساس بالانجاز مضاعفا إذا فاز الفريق (ناس طيبين أوي wst:: )

الأشبال أمثال عبد الحميد حسن و أحمد بلال و وائل جمعة و أسامة حسني معذورين بصراحة للعبهم أمام الكهل شيكابالا :P

اللي كان ناقص الزمالك هو الاستقرار و الحزم لإن نفس اللاعبين اللي كانوا بيتغلبوا من طوب الأرض قبل حالة الاستقرار الحالية هم اللي حصلوا على أكبر عدد من النقاط في الدور الثاني.

الأهلي إذا كان ناقص شوية لاعبين مُستهلكين قضى عليهم العبقري جوزيه و لم يكن ليجد المبرر لفشلهم ففضل إراحتهم ، خصوصاً بركات اللي لعب يا ولداه 3 مباريات (مع احترامي و تقديري لبركات و أبو تريكة .. لكن الباقيين زيهم زي اللي كانوا موجودين)، فالزمالك كان ناقص عدد لا بأس به من اللاعبين الأساسيين و أولهم عبد الواحد السيد لأني عارف إنكم بتحبوا عبد المنصف جداً :D .... الفرق هو عدم التحجج و عدم امتلاك آله إعلامية تعمل من الفسيخ شربات و تفسر هروب جوزيه مرتين أمام الزمالك بالذات على أنه عين العقل يا ولاد bv:-

و بعد ما اتهرينا كلام عن إن الأهلي يملك بدل الفريق اتنين و تلاتة و إن عمو الهربان اشترى لاعبين من كل حدب و صوب ليكون دايماً جاهز ،اتضح في الماتش إنه كان بيفكر في نفسه فقط و استهلك مجموعة معينة لغاية ما خلّص عليهم و إن الباقيين فشلوا في أول اختبار رسمي لهم و أترك لكم الحكم عليهم بينكم و بين نفسكم علشان أنا عارف إن المبادئ بتيجي عند نقد الذات و تقف لكن تروح عند الغير و تفرد عضلاتها.

(ملحوظة صغنونة "للبعض"): اللي عايز يرد يقرأ الأول بدل ما يرد من غير قراءة و ييجي كلامه من نوعية إحنا بتوع المبادئ و الزمالكاوية "الرعاع" و إحنا "أشرف" و بقية الكلام الغير مُبرّر الموجود هنا في نفس الموضوع المفتوح بنيّّة الهزار لأنها في النهاية كورة لا طلعت و لا نزلت .

و دلوقتي هاتوا لي سين سين من التلاجة علشان يلحق ميعاد جلسة الكهربا :D