في فن التعامل معهم !!

[نانو]

أوقات كتير أوي بنقف في موقف محرج جدا أمام أبنائنا وهو إني أخطأ أمامهم لأي سبب

سواء إن كان تصرف خطأ غير مقصود أو كلمه غير مناسبه او حتي اذا طلبوا مني طلب معين وأنا

فهمته غلط وعملت حاجه تانيه ....بلاقي تأنيب من طفلي بنفس شكل ومستوي التأنيب اللي

بوجههوله لما يخطأ ...وبأطالبه بالإعتذار .....طب أنا إيه موقفي دلوقتي .....هل أعتذر له ..هل أسكت ؟؟؟ برضه منظري مش هايبقي لطيف

هو صح إني اعتذرله وأقف أدامه موقف المذنب ؟....هل أطنش كده وأعمل مش واخده بالي

و لو إنه مش بيعدي عليهم وفيه عندي اطفال ماشاء الله ما بيفوتوش حاجه ...و اذا كان ضروري الإعتذار فتقريبا كده من سن كام أبدأ بالسلوك ده أدام اطفالي ...وهل ده يقلل من قدري امامهم ولا بيزده ويرفعه؟؟؟

[Folana]

و لو إنه مش بيعدي عليهم وفيه عندي اطفال ماشاء الله ما بيفوتوش حاجه ...و اذا كان ضروري الإعتذار فتقريبا كده من سن كام أبدأ بالسلوك ده أدام اطفالي ...وهل ده يقلل من قدري امامهم ولا بيزده ويرفعه؟؟؟

السلام عليكم ورحمة الله......

يعنى يانانو كده ان شاء الله لما يبقى عندك 22 سنة تبدأى تعتذرى لهم......مش تقصدى كده ولا هااا..... wst::

خلاص..خلاص...فهمت.....هم يعنى مش كده؟؟.............

بصى ياستى..لأ...بصى هنا ...ايون.... ...

الاسرة تعتبر وحدة اجتماعية ...وتعتبر العامل الاول فى ترسيخ المبادىء وتحديد سلوك الطفل واتجاهاته الاجتماعية...

تقدرى تحققى هدفك مع ابنائك عن طريق التفاعل الاجتماعى بين افراد الاسرة واللى له دور مهم جدا فى تكوين الشخصية وتوجيه سلوكيات الطفل....

الاطفال فى السن ده بيكونوا زى الاسفنجة - لو جاز التعبير يعنى - بيمتصوا من والديهم كل الصفات والسلوكيات ....

لازم يتعلموا ان يعتذروا ان اخطأوا وده يتعلموه منك اذا اخطأتى فى حقهم تعتذرى..انت كده بترتقى بسلوكياتهم وبتعلميهم انهم يعترفوا بالخطأ...ويبقى عندهم شجاعة الاعتذار....

وتبدأى الاعتذار فى السن اللى هم بيلحظوا فيه الخطأ..ويفرقوا بين الصح والغلط...يبقى حيعرفوا يعنى ايه اعتذار....

وبالطبع حتترسخ لديهم فكرة ان الاعتذار قوة وليس ضعفا يخفوا به اخطائهم ..وان الاعتذار خلق اجتماعى حميد ..ويتعلموا ان الاجمل من الاعتذار هو الا نقع فى الخطأ حتى لا نضطر للاعتذار عنه....

نانو يانانو...اعتذر لهم يانانوو...اعتذرى...وحبّى على راسهم كمان..دول اتفال بورءاء... :wub:

حارجع لك تانى يانانو...بس انت عارفة ظروف الامتحانات..... :P

[kokomen]

أوقات كتير أوي بنقف في موقف محرج جدا أمام أبنائنا وهو إني أخطأ أمامهم لأي سبب

سواء إن كان تصرف خطأ غير مقصود أو كلمه غير مناسبه او حتي اذا طلبوا مني طلب معين وأنا

فهمته غلط وعملت حاجه تانيه ....بلاقي تأنيب من طفلي بنفس شكل ومستوي التأنيب اللي

بوجههوله لما يخطأ ...وبأطالبه بالإعتذار .....طب أنا إيه موقفي دلوقتي .....هل أعتذر له ..هل أسكت ؟؟؟ برضه منظري مش هايبقي لطيف

هو صح إني اعتذرله وأقف أدامه موقف المذنب ؟....هل أطنش كده وأعمل مش واخده بالي

و لو إنه مش بيعدي عليهم وفيه عندي اطفال ماشاء الله ما بيفوتوش حاجه ...و اذا كان ضروري الإعتذار فتقريبا كده من سن كام أبدأ بالسلوك ده أدام اطفالي ...وهل ده يقلل من قدري امامهم ولا بيزده ويرفعه؟؟؟

الأخت نانو

مساء الخير .. موضوع حساس وبيحصل لمعظم الأسر .. وعادة الرد بيكون بعدم الأعتذار أو التجاهل .. ونقول دول أولاد صغيرين

مش فاهمين ومش حياخدوا بالهم والموضوع بسيط .. ودى المصيبة الكبرى .. والسبب في ذلك أن الأولاد في السن الصغير ده بترسخ

في ذاكرتهم كل الأحداث الكبيرة والصغيرة ويكتسبوا العادات السيئة والحميدة في سن مبكرة .. وعدم أعتذار الآباء لاولادهم في مثل هذه الحالات

تغرس في نفوسهم قيم خطيرة في عدم الأعتراف بأي خطأ أو الأعتذار عنه .. وتصبح صفات سيئة لن نستطيع تغيرها بسهولة للأسف

فالأعتذار بشكل جميل يعلم الطفل الصدق وتقدير الآخرين وأن يعتذر لهم اذا أخطأ في حقهم .. وهذا أسلوب تربوي ممتاز .. يا ليته نفذ معنا منذ القدم

ومشكلتنا كاباء وأمهات لم نتعود على هذا النوع من التعامل من ابائنا خلال مراحل حياتنا السابقة ... الأساليب التربوية مفيدة جدا في تربية أبنائنا

تمنياتي بالتوفيق ومعاملة أفضل لأبنائنا

أبو أحمد الأسكندراني

:closedeyes: :closedeyes:

[Ghost]

شكرا اختي فولانه و اخي ابو احمد

بجد انا لقيت حل كان تايه عني

شكرا مرة اخرى