السعوديون يطلبون 120000 شغالة مصرية ، و الوزيرة توافق

[Handicraft]

بص يا معلم

انا مع ضبط العملية ووضع معايير حماية ايا كانت حتى لا يتحول توريد خادمة الى توريد لحم بشرى ... فهمتنى ولا اقول تانى.

المصريات موجودات فى البيوت السعودية الآن كما أشرت ... فهل هناك اى دراسة لما يعانون او مل يتحملون ام ان الموضوع كله موضوع التوقعات المرئية ... والنوايا المستخبية.

على فكرة فى المنزل الذى اسكن فيه توجد اكثر من أسرة سعودية لديهم خادمات يعاملوهم معاملة أكثر من كريمة .... بمعنى الطيب موجود والرديء موجود ....

الموضوع بسيط .... ضبط العملية بمعايير تحترم آدمية البنات والسيدات المصريات الراغبات فى تلك المهنة ... وإن لم يوجد فلا اقل من سد الثغرات التى تتسرب منها المصريات لتلك المهن وايجاد مورد رزق لهم آمن وكريم ..... بس خلاص

[أسد]

هل لنا أن نسأل لماذا يطلب السعوديون خادمات من مصر ؟؟؟؟

وما الغرض من ذلك إذا كان هذا الموضوع حقيقي ؟؟؟؟

الموضوع كريه جداً ولا يجب القبول به أياً كانت الظروف ...

[darlengs]

للدرجادي معدش لينا تمن ولا كرامه 00 مصر اتباعت و بتتباع حته حته كل يوم و سكتنا00 شبابنا خرجو و اتغربو و اتبهدلو ( ارجعو لموضوع اللي رماك عالمر) و ادينا مستحملين 00معدش غير البنات هما كمان يتباعو؟؟؟

لا و الله اللي بيحصل دا حرام 00 دي السودان علي كل ما فيها من مشاكل و قلق و اوضاع مترديه 00 مفكروش يبهدلو بناتهم كدا000 انا فعلا مع راي ان الموضوع مش تجربه و نحاول فيها يا تنفع يا متنفعش 00 الموضوع باين اوي و ميحتملش اي معني تاني بنسبه 99 فلميه دي تجربه فاشله و غير قابله للبحث 00 لو ممرضات في مستشفيات ماشي 00 لو مربيات في حضانات 00 محدش يزعل 00 لكن احنا في الخليج و شايفين الخدم بيتعاملو ازاي 00 و الله 24 ساعه خدمه 00 عبوديه مقنعه 00 دا غير المعامله المهينه 00 و التحرشات اللي بنسمع عنها كل يوم00مين يقبل علي اخته او قريبته 000 او بنت بلده كدا ؟؟؟ و مين ياخدلها حقها لو حصلها حاجه؟؟؟ او ينصفها ؟؟؟دا الاطباء و المهندسين سفارتنا مبتنصفهومش و لا بتجيب لحد حقه00!!!

بلدنا مش فقيره للدرجادي 00 و بناتنا مش رخيصه اوي كدا00و مش ذنب الفقيره انها اتولدت في عصر حكومه نظيف 00

و فعلا زي ما الاخ زعلان قال 00دي اللي بتروح تؤديي فريضه الحج لازم معاها محرم 00 عيزين فتوي من مفتي السعوديه 00 عن حرمانيه او اباحه مبيت واحده مع رجال اجانب( يعني اغراب عنها ) في بيت واحد 00

يا جماعه فين الصيغه اللي هتعبرو عننا بيها 000 يمكن تريح الواحد بدل مهو بيغلي كدا؟؟؟؟؟؟؟؟

[se_ Elsyed]

أنا زعلان قوي يا جماعة من حالة الإتكالية اللي وصلنا لها وبقت جزء من ثقافتنا

حتى حتة صيغة خطاب أو شكوى الكل واقف على جنب ومنتظرين شخص يهبط من السماء ليكتب لنا الصيغة

واللي أنا متأكد منه إن جميعنا لديه القدرة على كتابة ألف خطاب ولكنه الكسل أو لنقُل السلبية

يا خسارة

[shazly]

Hأستاذ س س والأفاضل المحترمين,

من الواضح إن معظمكم من المغتربين إن لم يكن كلكم, بتتكلموا ونتوا متعرفوش أحوال البلد ودي نقطة

النقطة التانية هو إنو بينطبق عليكم بالظبط المثل إللي بيقول "مقدرش على الحمار وإتشطر على البردعة" و الحمار هنا هو الوزيرة والبردعو هو المصرية البسيطة إللي إنتوا محموقين لها أوي, لكن لو حد طلب منكوا إنو يعيلها ماديا عشان متبقاش خدامة هيقول "منين دنا عندي عيال" و "إللي جاي على قد إللي رايح" والكلام المصري جدا والمعروف لينا كلنا.

يا حضرات الأساتذه المحترميم أنتم سبب من الأسباب التي جعلت المصرية تتهافت للعمل ك"خدامة بالخليج" و المصري ك "سباك" (بتاع مجاري للخواجات).

حضراتكم سافرتم برا و للشغل لعدم وجود فرص توفر حياة كريمة, بمعنى أخر (هربتوا منها أو ما جت الفرصه عوضا عن كفاحكم في البلد لفرض واقع مختلف يتيح لكم الفرصه إللي بره).

عزيزي س س, أحييك فعلا على محاولتك لتكون إيجابي وسط مجتمع من الحملان. لكنك متفائل جدا فيما يخص "الخير فينا".

هؤلاء الغلابة بفعلون تماما مثلما فعلتم أنتم حضرا المغتربين و لكنهم في مهن أقل مكانة إجتماعية نظرا لتلقيهم تعليم ردئ -إن كانوا قد تلقوه أصلا-, ولا أرى أنه من حق أي منكم الإحتجاج على هذا لأنكم كنتم سباقين به.

ودعوني أذكركم أيها الأفاضل المغتربين أنكم لستم أفضل حالا ممن ستعمل كخادمة بالخليج فكلكم هناك في نفس الفلك تسبحون ولا يجرؤ أي منكم على العودة للبلاد -بإختياره- و لأسباب كلنا نعرفها.

أنتم تدورون في دائرة مغلقة تتناقشون وتتحاورون من أجل الكلام والكلام فقط. و إن كنتم تعتقدون أنكم نخبة مثقفة elit المجتمع المصري فأنا أعلن الحداد على هذا الشعب الأن.

لم أرى منكم إلا عضوين فقط يتحدثا عن المشكلة الفعلية وسبل العلاج الواقعي على المدى الطويل و القصير للمشكلة ولهما مني خالص الإحترام والتقدير أما مشاركات الأسى والعويل فهي كغثاء السيل أو ربما دموع تماسيح.

من منكم فكر في الإقتطاع من قوته لمساعدة تلك الخادمة المصرية على عدم العمل بالخليج. ما يعطيكم الحق في منع تلك الفتاه لعمل كخادمة هناك؟

ثم من منكم فكر مجرد التفكير في أخذ خطوة فعلية لتغير نظام قابع على النفوس أكثر من 25 عاما وأفضي لعمل المصريات كخادمات, أم أن هذا هو ما لا طاقة لكم به فالنتيجة لعن البردعة و ترك الحمار؟!!

خالص حزني على حالكم أنتم يا نخبة هذا المجتمع.

[nash]

الكثيرات سيفرحن بهذه الأتفاقيه وسيسارعن لرمي أنفسهن إلي التهلكه...

والله العظيم أري وأسمع الكثير مما يصيب الخادمات واخرها هروب خادمه صديقتي الإندونيسيه نتيجه المعامله الغير أدميه التي تلقتها من صديقتي والتي أنقطعت علاقتي بها بعد أن رايت بعيني أشياء لا تخطر علي البال من صنوف الإذلال....

وربي أن ماقاله أحد الأخوة هنا من أن جسدهم مباح لكل ذكور العائله ...فهي في نظرهم إمتداد لزمن الجواري....

أقسم بالله ان رب الأسرة او ربتها تأخذ خادمتها لتعطيها وسائل في المستشفيات حتي لا تظهر أثار الحمل وحتي تصبح مشاع للجميع...

هذه الوزيرة الغير محترمه ...ستحاسب علي ماأقترفته في حق هؤولاء النسوة ...وأستغلت حاجتهم الماسه لجمع بضعه جنيهات يقيموا بها أودهم....وغذا تذكرنا ماتحمله من علم أو شهاده سيذول العجب...

الخادمه والكوافيرة وراعيه المسنين ليست مهنه تخجل منها صاحبتها...ولكن نحن نعيش هنا ومطلعين أكثر علي المعامله والأوضاع ونعيش بالقرب منهم ونعرف كيف يتم التعامل مع الخادمات...وصاحبات المهن الأخري....

علي الأقل في مصر مهما كان هي في وسط مجتمعها مهما حدث لن يكون بنفس قسوة المجتمع هنا...ولا في قبليته....

تستطيع أن تترك العمل متي ما ارادت حتي ولو لم تاخذ حقوقها الماديه...لكن هنا بالله عليكم

أين ستذهب...ولمن ستلجأ بعد الله سبحانه وتعالي؟؟؟

حسبي الله ونعم الوكيل

أنا أرسلت ولم أنتظر أحد

مش لازم نرسل جماعه خلينا نزهأهم عيشتهم

تم تعديل 27 مايو 2007 بواسطة nash

[se_ Elsyed]

Hأستاذ س س والأفاضل المحترمين,

من الواضح إن معظمكم من المغتربين إن لم يكن كلكم, بتتكلموا ونتوا متعرفوش أحوال البلد ودي نقطة

النقطة التانية هو إنو بينطبق عليكم بالظبط المثل إللي بيقول "مقدرش على الحمار وإتشطر على البردعة" و الحمار هنا هو الوزيرة والبردعو هو المصرية البسيطة إللي إنتوا محموقين لها أوي, لكن لو حد طلب منكوا إنو يعيلها ماديا عشان متبقاش خدامة هيقول "منين دنا عندي عيال" و "إللي جاي على قد إللي رايح" والكلام المصري جدا والمعروف لينا كلنا.

يا حضرات الأساتذه المحترميم أنتم سبب من الأسباب التي جعلت المصرية تتهافت للعمل ك"خدامة بالخليج" و المصري ك "سباك" (بتاع مجاري للخواجات).

حضراتكم سافرتم برا و للشغل لعدم وجود فرص توفر حياة كريمة, بمعنى أخر (هربتوا منها أو ما جت الفرصه عوضا عن كفاحكم في البلد لفرض واقع مختلف يتيح لكم الفرصه إللي بره).

عزيزي س س, أحييك فعلا على محاولتك لتكون إيجابي وسط مجتمع من الحملان. لكنك متفائل جدا فيما يخص "الخير فينا".

هؤلاء الغلابة بفعلون تماما مثلما فعلتم أنتم حضرا المغتربين و لكنهم في مهن أقل مكانة إجتماعية نظرا لتلقيهم تعليم ردئ -إن كانوا قد تلقوه أصلا-, ولا أرى أنه من حق أي منكم الإحتجاج على هذا لأنكم كنتم سباقين به.

ودعوني أذكركم أيها الأفاضل المغتربين أنكم لستم أفضل حالا ممن ستعمل كخادمة بالخليج فكلكم هناك في نفس الفلك تسبحون ولا يجرؤ أي منكم على العودة للبلاد -بإختياره- و لأسباب كلنا نعرفها.

أنتم تدورون في دائرة مغلقة تتناقشون وتتحاورون من أجل الكلام والكلام فقط. و إن كنتم تعتقدون أنكم نخبة مثقفة elit المجتمع المصري فأنا أعلن الحداد على هذا الشعب الأن.

لم أرى منكم إلا عضوين فقط يتحدثا عن المشكلة الفعلية وسبل العلاج الواقعي على المدى الطويل و القصير للمشكلة ولهما مني خالص الإحترام والتقدير أما مشاركات الأسى والعويل فهي كغثاء السيل أو ربما دموع تماسيح.

من منكم فكر في الإقتطاع من قوته لمساعدة تلك الخادمة المصرية على عدم العمل بالخليج. ما يعطيكم الحق في منع تلك الفتاه لعمل كخادمة هناك؟

ثم من منكم فكر مجرد التفكير في أخذ خطوة فعلية لتغير نظام قابع على النفوس أكثر من 25 عاما وأفضي لعمل المصريات كخادمات, أم أن هذا هو ما لا طاقة لكم به فالنتيجة لعن البردعة و ترك الحمار؟!!

خالص حزني على حالكم أنتم يا نخبة هذا المجتمع.

الاخ الفاضل / شاذلي

حضرتك بتلوم النخبة المثقة اللي هما غحنا .. وكإنك قسمت المجتمع لنصفين .. نخبة مثقفة تلومها اللي هما إحنا .. ونخبه أخرى لا نعرف موقفها إيه ولكن شكلهم كده في السليم وموقفهم تماما التمام وأنت معهم

أخي الكريم ... المصريين العاملون في دول الخليج وأنا منهم لسنا مهاجرين واغلبنا على تواصل مع بلده ونتواجد بها أكثر من مرة سنوياً وعلى دراية كاملة باحوالها .

أما عن لومك لنا بعدم مساعد المحتاج .. فهذا ليس مجالاً للرياء .. يعني لا أتوقع ان أدخل على المنتدى في يوم واجد موضوع يتحدث فيه شخص عن نفسه ويقول " تم بحمد الله التبرع بمبلغ كذا لفلان الفلاني " فهذه الاعمال تكون بين العبد وبين ربه ... وهي ليست مجال للتفاخر

الخلاصة : كاني أفهم من كلامك هو دعوة للسكوت ودعوة للسلبية طالما لا نستطيع تغيير النظام القابع على أنفسنا طيلة 25 عاماً .. يبقى خلاص مالناش حق نتكلم ونرى الفساد ونسكت حتى يقضي الله أمراً كان مفعولاً .

وبدلاً من أن تلومنا اعتقد أن المجال مفتوح لك تماماً لإقتراح حلول إيجابية وأيضاً تغيير النظام الحالي في مصر .

سيدي الكريم

سواءً كنا مغتربين او نعيش داخل مصر .. فالمطلوب من كل منا أن يفعل ما بوسعه سواء بالكتابة أو الصراخ أو الإستنكار .. أما السكوت فعواقبه وخيمه وهو السلبية بعينها .

[أسد]

هذا بريد إلكتروني للشكاوى في وزارة القوة العاملة ..

shakawy@mome.gov.eg

ولا بد أن نكتب وندد بهذا القرار ... ونرسل لتحفيز كل الجهات المعنية والصحف .. لمنع تلك المهزلة قبل أن تبدأ ..

[إبن مصر]

Hأستاذ س س والأفاضل المحترمين,

من الواضح إن معظمكم من المغتربين إن لم يكن كلكم, بتتكلموا ونتوا متعرفوش أحوال البلد ودي نقطة

النقطة التانية هو إنو بينطبق عليكم بالظبط المثل إللي بيقول "مقدرش على الحمار وإتشطر على البردعة" و الحمار هنا هو الوزيرة والبردعو هو المصرية البسيطة إللي إنتوا محموقين لها أوي, لكن لو حد طلب منكوا إنو يعيلها ماديا عشان متبقاش خدامة هيقول "منين دنا عندي عيال" و "إللي جاي على قد إللي رايح" والكلام المصري جدا والمعروف لينا كلنا.

يا حضرات الأساتذه المحترميم أنتم سبب من الأسباب التي جعلت المصرية تتهافت للعمل ك"خدامة بالخليج" و المصري ك "سباك" (بتاع مجاري للخواجات).

تعجبت للهجتك المتعاليه فى الكلام وكأنك العالم ببواطن الامور الخاصه بالمجتمع المصرى وليس فى ذلك اى عيب بالطبع ولكن ان توجه كلامك بهذه الصوره جامعا معظم ان لم يكن كل المغتربين ةالمصريين بهذا الصوره... اتذكر انك اعترضت فى يوم من الايام على هذا الجمع ولكن كان الموضوع مختلف والشعب الذى نتكلم عليه كان مختلف ايضا .....رغم صحه كلامنا الا اننا تقبلنا صدامك وغضبك ثوره على شعب شقيق. والان تفعل نفس الشىء.. الا ترى انه شىء مستهجن قليلا... ؟؟؟

حضراتكم سافرتم برا و للشغل لعدم وجود فرص توفر حياة كريمة, بمعنى أخر (هربتوا منها أو ما جت الفرصه عوضا عن كفاحكم في البلد لفرض واقع مختلف يتيح لكم الفرصه إللي بره).

عزيزي س س, أحييك فعلا على محاولتك لتكون إيجابي وسط مجتمع من الحملان. لكنك متفائل جدا فيما يخص "الخير فينا".

هؤلاء الغلابة بفعلون تماما مثلما فعلتم أنتم حضرا المغتربين و لكنهم في مهن أقل مكانة إجتماعية نظرا لتلقيهم تعليم ردئ -إن كانوا قد تلقوه أصلا-, ولا أرى أنه من حق أي منكم الإحتجاج على هذا لأنكم كنتم سباقين به.

والان ما هذا الكلام الذى تتفضل وتتفوه به ظانا منك انه سيمر مرور الكرام على من يقرأه.. أى لغه مهينه تلك التى تعمد للحديث بها وكأنك تتشفى فى شعب بكامله.....؟؟؟؟؟؟

أى اهانه تلك الاتى تتوهم انك تكتبها حديثا الى كل من سافر وهرب؟؟؟ اهكذا يكون التعبير عن الرأى .. عفوا ليس هنا وليس معنا وليس لنا هذا الكلام...

مجتمع حملان؟؟؟؟؟؟؟؟؟؟؟

ما هذه اللغه التى تتحدث بها اى مجتمع هذا للحملان الذى تظن انك تتحدث عنه.. يبدو انك توهمت كثيرا وتطاولت كثيرا وشاب خيالاتك شىء من الوهم كى تطلق هذا التعبير على مجتمعنا .

ودعوني أذكركم أيها الأفاضل المغتربين أنكم لستم أفضل حالا ممن ستعمل كخادمة بالخليج فكلكم هناك في نفس الفلك تسبحون ولا يجرؤ أي منكم على العودة للبلاد -بإختياره- و لأسباب كلنا نعرفها.

وما هى هذه الاسباب التى تظن انك تعلمها لتتهم الجميع انهم ليسوا افضل من الخدامات وربما هذه الاسباب التى دعنك للسفر ليس بالضروره ان تكون نفس الاسباب التى سافر من اجلها الناس فلا تعمم تجربتك الذاتيه وتجعلها اساس لكل البشر فليس الكل يقبل ما تقبله او يتفاعل كما تتفاعل مع الامور فى مجتمعك الخاص.

أنتم تدورون في دائرة مغلقة تتناقشون وتتحاورون من أجل الكلام والكلام فقط. و إن كنتم تعتقدون أنكم نخبة مثقفة elit المجتمع المصري فأنا أعلن الحداد على هذا الشعب الأن.

هذا الشعبي الذى تعلن الحداد عليه ليس لك ان تتحدث عنه وان كنت ترى اننا لسنا فى مستوى تفكيرك الكبير فلم تحدثنا وتلقى بهذه الكلمات التى لها تعبير واحد عندى يمنهنى اخلاق النخبه ان اذكرها لك...

لم أرى منكم إلا عضوين فقط يتحدثا عن المشكلة الفعلية وسبل العلاج الواقعي على المدى الطويل و القصير للمشكلة ولهما مني خالص الإحترام والتقدير أما مشاركات الأسى والعويل فهي كغثاء السيل أو ربما دموع تماسيح.

وصلت بك الجرأه ان تهين كل من شارك فى الموضوع الا عضوين كانت ارائهم من وجه نظرك والتى لا ارى لها وجهه الا الاهانه والهمز واللمز على الشعب المصرى ثم تتهمهم بانهم كغثاء السيل ودموعهم دموع تماسيح.. عفوا كلامك غير مقبول حتى ممن لهم مثل تفكيرك.

من منكم فكر في الإقتطاع من قوته لمساعدة تلك الخادمة المصرية على عدم العمل بالخليج. ما يعطيكم الحق في منع تلك الفتاه لعمل كخادمة هناك؟

ثم من منكم فكر مجرد التفكير في أخذ خطوة فعلية لتغير نظام قابع على النفوس أكثر من 25 عاما وأفضي لعمل المصريات كخادمات, أم أن هذا هو ما لا طاقة لكم به فالنتيجة لعن البردعة و ترك الحمار؟!!

انت لم تدخل فى نفوس البشر لتعرف ما يفعلون لولا انهم ليسوا مثل بعض المتشدقين بكلام عنجهى يمنون بما يفعلوا اما ما نفعله مع نظامنا فعلى الاقل اوقر واقوى مما يفعله غيرنا مع اخوانه واشقائه فى بلد تنهار......

خالص حزني على حالكم أنتم يا نخبة هذا المجتمع

وخالص اسفى على أن يوجه مثلك هذا الحديث لمثلنا .بما فيه من تطاول على الشعب المصرى باكمله وتعدى حدود اللياقه فى الحديث .

[desert_eagle70]

انا قريت العنوان وأفتكرت أن الموضع فيه حفظ لكرامة اللى فعلاً سافروا وشايفين اللى بيحصل لشعب بلد قدامه كتير أوى على اما يصلح الفكرة اللى بقت أكيدة فعلاً فى ذهن الناس فى الخليج أن أحنا بلا قيمة داخل وخارج البلد .. وعلى الرغم من أن غيرنا من الدول شعوبها مفضوحين عننا .. بس الضرب بالمطرقة على دماغ المصريين بقى بشكل أصبح كالعادة عند كل مواطن خليجى ومواطنة خليجية .. المشكلة معدتش عندى فى الأخطاء بس أنا اللى بفكر فيه أحنا قدامنا أد ايه على أما نصلح الأخطاء دى وفعلاً مش هقدر ألوم أى واحدة هتجرى على السفارة السعودية وتحاول تكسب الفرصة دى ..ياااااااااااااااااااااااااااااااااااااه انا مجرد أن واحد أتصل فى يوم يذلنى انه ماشى مع مصرية منيمنيش طول الليل بس قلت هو أنسان منحط وخلاص .. ما بالكم من حرقة الدم اللى هنشوفها لما يبقى من النوع ده 120000 مقهورة على أمرها ومش بعيد أن هيكون منهم طلبة كليات ومعاهد عليا .. حسبى الله ونعم الوكيل فيهم دمرونا جوه وبره واللى نحاول نصلحه تيجى واحدة زى هالة سرحان فى ساعة تهدمه وبالتأكيد هيخرج الصالح والطالح والناس مبتفتكرش للمصريين إلا الطالح فقط زى ما نكون إحنا الوحيدين اللى عندنا فساد وأحنا الوحيدين اللى شعب رخيص .. اللهم أنى أقسمت عليك أن ترد إلى مصر كرامتها من أيدى كل ظالم .

[Handicraft]

أتعجب من تحول الموضوع الى مواجهات شخصية كما تعودنا وبذلك يضيع الموضوع الأصلى.

اتعجب ايضا من عدم ذكر اى من الأعضاء لرأى الدين فى عمل الخادم أو الخادمة .... !!!!

أتعجب ايضا من تنحية الجانب العلمى فى حل المشكلة بدءا من تعريف المشكلة - تحليل المشكلة - وضع حلول - اختيار الحل الأنسب - التطبيق - المتابعة والرقابة.

أتعجب اكثر من اللجوء لتحويل الموضوع الى موضوع فكاهى وكأننا نتجنب ان نطبق العلم فى حياتنا وكأننا نضرب الودع ونقرأ الكف.

اتعجب أكثر من فرض رأى على الجميع بدون دراسة واقعية معبرة بالأرقام وأخذ رأى المعنى أمره بالموضوع (الخادمات) فى الإعتبار وبذلك نحجر على تلك الطبقة من خلال بناء ديكتاتورية صغيرة.

اصدقائى هكذا تولد الدكتاتوريات الجانب الواحد والرأى الصواب والحجر الصحى على عقل الآخر .....

أسئلة متعلقة بالمشكلة:

-------------------------------------------

هل توجد خادمت مصريات الآن فى الخليج = نعم

هل ثار المصريين لكرامتهم قبل ذلك = لا

هل توجد اية آلية للحماية لهم = لا

لماذا ترغب الفتيات فى أخذ المخاطرة برغم كل ما يسمعن = الفقر والحاجة والطمع

هل ذكر احد المتحاورين حل للخادمات الموجودات حاليا = لا

هل توريد 120000 خادمة سيخلق مشكلة جديده = المشكلة موجودة أصلا ولكنه وضعها تحت الميكروسكوب

هل عمل الخادمات فى الداخل مثل الخارج = الخطورة أقل والتجاوزات والإعتداءات موجودة والحاجة والفقر اصل المشكلة

هل هناك دراسة علمية لأبعاد توريد ذلك العدد = لا

هل هناك دراسة علمية (عينة عشوائية غنية وأرقام) لما تواجهه الخادمات من مشاكل = لا

هل نطبق منهجية علمية لحل المشكلة او اقتراح حل = لا

هل توجهنا توجه ديموقراطى فى حل المشكلة = لا

هل يوجد حل للمشكلة = نعم لو تم تعريف المشكلة يمكن ايجاد حلول

هل توصلنا الى اصل المشكلة (Root Cause) = لا وحتى لم نحاول

هل هناك توجه لبناء مقاييس علمية لتعريف مهنة الخادم والخادمة (Standards) = لا وادعى انه لا يوجد نية ولا تفكير اصلا فى ذلك

ما النتيجة من هذا النقاش = لا يوجد انما سيخلق فريقين ويجرى بعض العبرات والآهات ويمضى كل فى طريقه

لماذا لا يوجد نتائج = لأننا غير موضوعيين وغير علميين فى كل النقاش ولا نذكر ارقاما محددة وانما نلجأ الى التوهمات والحالات الفردية والتكهنات والكوميديا والرأى الواحد ولا نتوجه الى اصل المشكل ولا نمارس ديموقارطية حقيقية ولا نبنى على دراسات تمت على ارض الواقع.

وتحياتى

[Abdulaziz Omar]

شكرا يااخ احمد محمود في ردك علي السيد شازلي فقد كفيت المشاركين الذين اساء اليهم الرد

وكان ردك في منتهي الادب

انا منذ دخلت الي هذا المنتدي وانا اتحاشي الدخول في سجال او مهاترات مع احد

ولكن يبدو ان بعض الاعضاء يحلوا له تبادل الشتائم

هدانا الله وهداهم

عمر

[عبدوس الوزير]

بغض النظر عن أسلوب الأستاذ شاذلي الذي لا أوفقه عليه إلا أنني أعتقد أنه قد أصاب بيت القصيد بهذا التعليق:

هؤلاء الغلابة بفعلون تماما مثلما فعلتم أنتم حضرا المغتربين

فظني أن معظم هؤلاء الخادمات يذهبن للخليج للعمل بحثا عن فرصة أفضل للحياة باختيارهن تماما مثلنا نحن المغتربين. وبذلك تكون الدعوة لتقنين وتنظيم هذا الوضع كما تفضل الإخوة هو الرد الصحيح لهذا الخبر، لا أن "ننحمق" على الكرامة المصرية التي لا أرى أنها أهدرت بأي حال سوى أننا نرى بحكم عاداتنا الاجتماعية أن هذه المهنة مهدرة للكرامة الشخصية والوطنية

[amrhoras]

الاخوه السادة الاعضاء

السلام عليكم ورحمة الله وبركاته

بعد التحية وفائق الاحترام احب أوضح لسيادتكم حاجة صغيرة جدا جدا جدا

انا مش حتفلسف بصراحة بس عاوز اقول كلمة بسيطه

أولا الخادمة دى تعتبر مهنه لا تعيب صاحبتها وهى شغله منذ قديم الاذل

كان زمان الجوارى او العبيد تحت امر سيدهم يسوقهم كالبعير ويتملك اجسادهم كيفما شاء فهم مجرد غنائم قد اكتسبها من غزوة ما

وجاء عصر الاسلام ودعا الى تحرير الرق او العبيد و و و و مش حتفلسف قولت معلش

بعد كدة فى عصرنا دة اصبحت مهنه لبعض السيدات من باب زيادة الدخل واصبحنا نراها كل يوم فى الصحف اليومية مطلوب مديره منزل بمرتب مغري لفنانة مشهوره او او او وقد اثيرت بعض القضايا عن تعذيب الخادمات صغيرات السن واغتصب ما اغتصب وهرب من هرب والبعض قد نال جزاء ما ارتكب

ونعرف ايضا ان هناك بدول الخليج تخرج بعض السيدات او الفتيات للعمل فى محلات الكوافير او البيوت او حتى الفنادق للأسف البعض قد انساق للاعمال المخلة لان ربحها زيادة وفي الاخر احج واتوب بس برده مقولتش كلهن انا بقول فئة بسيطة وبأكد انها فئة بسيطة جدا

اغلب هذه الاعمال كانت تتم في الخفاء عن طريق مكاتب الهنا (السفريات) انتى يابت جبتلك شغلانة حتكلى منها الشهد يله بقى انا عاوز الحلاوة ..... زى ماتقول انه اعطاها مياه المحياه

وللاسف اغلب الخليج عندهم عقده النقص واسف على الكلمة دى يشوفوا واحد اسود يقولك عبد كأننا فى عصر الجاهلية ويقعدو يتعالو على خلق الله وياسعده ياهناه لما يكون عنده شغاله وهندى وسيريلانكى ومصري و و و يقعد يقول انا كذا بن كذا عندى كذا وجايب شغالة من ومن ومن ومن

بس دة مش موضوعنا وفى بعضهم مريض عاوز لمؤاخذه قلة أدب ماهى من بقيت ممتلاكات ابوه غير اهانات سيدات المنزل ماهى عبده بقى انتى غبية انتى مافى فهم انتى حيوانة شيء من هذا القبيل وحلاوة سيداتنا انهن حامولات زيادة عن اللزوم عشان اكل العيش وعيالهم واسرهم

وللاسف تيجي البنت او السيدة تلاقى كل المواويل دى تقول حستحمل كام سنه عقبال ما اعمل حاجة

كل ده واقع احنا عيشينه بس منقدرش نحكم حد ونقوله متعملش كدة لاننا منعرفش ظروف الناس

انما قمة قلة الادب والاستهزاء لما هذه المهنه تصبح رسمية كل الكلام اللى فات دة كان افراد مرغمة ومش معلن عنها كل واحد حر فى نفسه وربنا يعين

انما تيجي حكومتنا والست عائشة للاسف بحب الاسم دة جدا وكلنا عارفين ليه مع الفرق الشاسع بين السيدة عائشة رضي الله عنها و الست دى اللى معرفتش ان اسمها يحمل نفس اسم السيدة عائشة يعنى كرامة الاسلام وربنا رزقها بشغلانة عمر اهلها ما يحلموا بيها وزيرة ياسيدى بس انها تمضى عقد لبيع سيدات بلدها وفتايتها بالرخيص مقابل ايه وعلى اساس ايه

هل تمت توفير سبل الحماية لهن؟

هل بنود العقد تشتمل احترام آدامية هذه السيدات او الفتيات؟

هل تم الاخذ فى الحسبان اذا تم الاعتداء عليهن الى من يذهبون؟ طبعا السفارة اللى حترحلهم احنا يابنت الحلال مش فاضيين للمشكلات الصغيرة دى مش هو ده الرد اللى حينقال؟

هل تم الاتفاق على الرواتب؟ ياتري زى الاخوة الباكستان والسريلانكيين والهنود ؟

هل تم تحديد ساعات العمل يارتي 48ساعة فى ال 24 ساعة؟

هل هناك شروط تحفظ كرامة هؤلاء المصريات؟

ولكن اى كرامة هذه بعد أن قامت الحكومة (وانا بقول الحكومة على أساس ان عيشة مش بتشتغل من نفسها لازم ترجع برده لولى أمرها ) بإعلان ان هذه المهنه اصبحت رسمية وختم النسر ومنور في هذه الاوراق؟

هل يعنى ذلك ان مكاتب التصدير للخارج ( ماهم حيشتغلو الله ينور) قانونيا فى السليم لما يبعتوا البنات لدول الخليج عشان يشتغلو خدامين؟

لماذا تقوم الحكومة بكل هذا الاستفزاز ؟

هل مبارك مُصر على زيادة كراهية الشعب له و لحكومة نظيف ؟

ام هل نسي دم الجندي المصري فى الحروب وكان للاسف من ابطالها ؟

هل ذهب دم هذه الجنود رياء كى يطردو المستمر ونفضي نفسنا كى نعمل خادمين في البيوت ؟

انا مستعد لاى شيء كى اقوم به من اجل الحفاظ على كرامتى وكرامة ابائي واجدادى وابنائي

اعرف ان فرد واحد لا يكفى لكن يجب ان نكون رابطة تقول لا والف لا

ملحوظة لاخوانى ( أرجو عدم الاختلاف مع بعضكم البعض فالاختلاف في الرأى لا يفسد للود قضية وجميعنا اخوة فى الله والوطن)

[إبن مصر]

الاخ الفاضل هاندكرافت.

أولا احييك على اسلوبك الموضوعى فى التحليل العلمى لأصل المشكله والمنطقى أيضا.

واسمح لى أن اعترض اعتراض اخوى فقط على جمله واحده زهى :

أ

تعجب من تحول الموضوع الى مواجهات شخصية كما تعودنا وبذلك يضيع الموضوع الأصلى.

أذا كنت ترى ان الاعتراض على اللغه التى لم تتعود انت شخصيا عليها هنا فى هذا المكان هو الدخول فى مواجهات شخصيه.. اسمح لى بكل الحب ان اعترض على ذلك.

فسيدى أنا اصلا لم أذكر أى رأى حتى الان فى هذا الموضوع ولكن ما كتبت كان اعتراض على لغه حوار واتهامات لكل المغتربين رغم انى لست مغترب ولكنى ابن مصر.

اخى الفاضل .

الموضوع بالفعل يحتاج الى نظره موضوعيه تحقق كل جوانب الموضوع بعيدا عن العواطف.. فهل نحن من الموضوعيه للنظر الى الموضوع كوظيفه سوف تدر على اصحابها دخلا وعلى اقتصاد البلد ايضا والنظر الى كيفيه تأمين حقوق هؤلاء الموظفين؟

هل نحن كنا سنناقش الموضوع بنفس الحميه لو كان الاعلان عن الاتفاق على عمل 120000 نجار مسلح بالسعوديه؟

هل نحن نفكر فقط من خلال الفكر الذكورى والنخوه لعمل الاناث كخادمات فى الخارج دون النظر الى موضوعيه الاعلان؟

هل سوف نوفر ما توفره اندونيسيا والفلبين من حمايه لمواطنيها؟

هذا فكرى بخصوص الموضوع والذى لم ادرجه لانى اريد ان الم بكل ما اكتب.

فلا تحاسبنى يا اخى العزيز على الاعتراض على لغه جارحه وتظن انى اغير الموضوع ويكون الرأى احادى.

عاتبتك عتاب الاصدقاء فارجو ان تتقبل.

وشكرا.

[Handicraft]

اخى احمد الخلاف الموضوعى فى الرأى لا يفسد للود قضية ولكنى اردت ان الفت النظر ان الموضوع به الكثير من الغضب والخوف على اخوتنا المصريات لذلك قد يخرج الغضب البعض عن شعوره فالكثير من الصبر مطلوب والنقاش قد ينتهى وتبقى المودة والأخوة فى الله.

فلك منى كل تحية ولكل المتحاورين.

تحياتى

[amrhoras]

ياسيد احمد محمود

السلام عليكم ورحمة الله وبركاته

بطلب منك طلب لوسمحت مش تطور القضية وتخليها عنصرية راجل او امرأة احنا بنتكلم فى حكاية الحكومة ازاى تخطو خطوة زى دى

اكيد اى حد وحقولهالك بالبلدى ميرضهاش على اخته او امه او بنته او حتى اخوه

بس فى ناس مضطرة واحنا مش اعترضنا عن العمل ده بس يا أخى نفسك كمثقف وماشا الله قاعد قدام كمبيوتر وبتناقش وتسأل شؤال الصراحة مستفز شوية سورى

بس نجار مسلح دى شغله هامة جدا متهيألى لن تجد عمارة تتبني الا ولازم يكون موجود نجار مسلح

انما شغالة دى شغلة مش تلاقيها فى كل بيت يعنى ممكن تستغنى عنها وممكن تكون مهمه برده بس هى معروفة فى مصر ان فى واحدة غلبانة مش عاوزة تمد ايديها بره ومش عاوزه تفرط في شرفها تروح عند واحدة من المعارف تساعدها فى اعمال البيت الست دى انت تفتخر بيها وتحاول تاخد بايديها تساعدها مش لازم بفلوس اقل الايامن ياخى بالدعاء ربنا يقويها

الستات اللى اتغربت بره دول برده تلاقيهم الدنيا خلاص قفلت كل ابوابها فى وجوههم داخل بلدهم برده ربنا معاهم ويحفظهم ويستر عوراتهن

انا وانت وهو وهى منقدرش نعمل الا حاجات بسيطة لاننا بشكل مجمل اقلية احنا وسط 75 مليون مصرى ونعمل اللى نقدر عليه وخويا واخوك ومعارفنا وكل الناس فيها خير

انما تيجي الحكومة المفترية اللى ممكن بدال ياخويا مهرجان السيما بتاع ميت سنه سينما دة ويقعدو يتخانقو مين صاحب ارخم فيلم ويجيلك المخرج يقولك انا نقيب مش عارف ايه لا هو اللى عملها

طب بفلوس المهرجانات والكام مليون بتوع كاس العالم اللى راحو الله اعلم فين يجيبو مشاغل فى كل مركز وفى كل قرية ويفتحو باب التبرع اهيه مهنه شريفه

ياخويا بدال خصخصة الشركات العامة وبيعها بتراب الفلوس كانو يفتحو باب الاستثمار لابناء البلد وضمنوا انها مش تباع من تحت التربيزة لواحد اجنبي زى ماكانو بيعملو على الورق يجي يقولك لازم ولابد من انه يكون في شريك جنسيته مصرى يجي الشريك المصرى ياخد الكام مليون من حبيبة الاجنبي ويتنازله طبعا مع علم السادة المسئولين

دوله 3000 سنه خيرها بيتسرق ومع ذلك سكتنا

دوله فيها 75000000 مواطن ومع ذلك لافيها تعليم عدل او وظيفة عليها القيمة

دوله ذات كرامة وكبرياء ضحى الملايين من اجل الحفاظ على كرامة ابوه واخوه وامه واخته وبنته وابنه ومراته

نيجي بكل بساطة نمضي عقد بيع سيدتنا لشعوب فشلت ان تقوم بنهضة بلادها بمعنى اصح ناس اغلبهم بلا عقل مفكر كل الهم

انا عندى كام مليون وعندى كام موظف وعندى شغلات اشكال والوان

يابني احنا نفسنا تم الاستغناء عننا داخل بلدنا

وشيفين القرف كله هنا بس عمرها متوصل ان واحد يقولى تعالى نظف المكان دة

بقالى هنا 6 شهور بس للاسف اكتشفت ان الاغلبية بلا عقل فمش ناقصه يجي واحد يقولى بكره عندى شغالة مصرية يلهوى على جسمها او عندى شغالة مصرية غبية دنا مبستحملش ان سواق مصري يهان قدامى سواق ها سواق يعنى رجل ملو هدومه والله بتخنق اكتر افهمو بقى افهمو الحكومة باعتكم وبالعكس ناويه تبيع ستاتكم كمان ومتهيألى انا مصرى ودمى حامى واقلبوها عنصرية بعنصريه انا دمى بيغلى لما اسمع عن مصرية عملت كذا او انعمل فيها كذا فين عادتنا ارجعو الى الله

شكرا ولا تعليق على اى حد

[إبن مصر]

ب

طلب منك طلب لوسمحت مش تطور القضية وتخليها عنصرية راجل او امرأة احنا بنتكلم فى حكاية الحكومة ازاى تخطو خطوة زى دى

اما تهدأ با اخى الفاضل منن ثوره غضبك أعد قراءه ما كتبت ستجد انى بعيد كل البعد عن تطوير القضيه الى عنصريه..بالعكس فهذا نص كلامى ..

هل نحن نفكر فقط من خلال الفكر الذكورى والنخوه لعمل الاناث كخادمات فى الخارج دون النظر الى موضوعيه الاعلان؟

فين بقى العنصريه فيه؟؟

أنا بتسائل يا راجل يا طيب.بقول هل....نحن نفكر مش كده والا ايه؟

الجزء ده رغم انك شخصنت الحوار فيه الا انى اقبله بنفس هادئه لاحساسى بثورتك المحموده على بلدك وابناء بلدك.

يا أخى نفسك كمثقف وماشا الله قاعد قدام كمبيوتر وبتناقش وتسأل شؤال الصراحة مستفز شوية سورى

اما الجزء ده فاعتذر لك انت تتحدث بمنتهى التلقائيه حتى لانك كتبت لى :

يابني احنا نفسنا تم الاستغناء عننا داخل بلدنا

وبما انك وجهت الحديث فى البدايه الى فاعتقد انك تعنينى بكلمه ابنى.... وربما تكون انت فى عمر اولادى.. لا يهم اريدك فقط ان تهدأ.

هدىء من روعك وانظر مره اخرى بموضوعيه الى الامر كله وليس بعنصريه لانك انت الان من يفكر تفكير ذكورى بحت...

كل ما تقوله عما يحدث فى الغربه يحدث هنا على ارض الوطن.. فهل الامتهان فى الغربه غبر مقبول والامتهان فى الوطن مقبول؟

لابد من الهدوء كى تستطيع ان تحدد الحجم الحقيقى للمشكله...

الموضوع ليس موضوع حكومه فقط....اسقاطا عليها فى كل المصائب....بالعكس.... الموضوع اكبر واعم.. الموضوع موضوع مجتمع باكمله.

لن نقبل بسهوله ان يعتبر العنصر البشرى من مصادر الدخل فى مصر بل ومن السلع التصديريه ايضا.

لذا بعيدا عن الصوت العالى والغضب.. ما هو الحل المنطقى؟؟؟؟

وشكرا لسعه صدرك.

[amrhoras]

ب

طلب منك طلب لوسمحت مش تطور القضية وتخليها عنصرية راجل او امرأة احنا بنتكلم فى حكاية الحكومة ازاى تخطو خطوة زى دى

اما تهدأ با اخى الفاضل منن ثوره غضبك أعد قراءه ما كتبت ستجد انى بعيد كل البعد عن تطوير القضيه الى عنصريه..بالعكس فهذا نص كلامى ..

هل نحن نفكر فقط من خلال الفكر الذكورى والنخوه لعمل الاناث كخادمات فى الخارج دون النظر الى موضوعيه الاعلان؟

فين بقى العنصريه فيه؟؟

أنا بتسائل يا راجل يا طيب.بقول هل....نحن نفكر مش كده والا ايه؟

انا غاضب لانى بصراحة عاوز اعمل حاجة ترد بيها كرامتنا الصراحة المسألة دى مش ينسكت عليها حكاية اهانه وشعارات فارغة اطلب الاستيقاظ من غفواتكم احنا بننباع رخيص جوه بلدنا وبراها

[إبن مصر]

اهانه وشعارات فارغة اطلب الاستيقاظ من غفواتكم احنا بننباع رخيص جوه بلدنا وبراها

للمره الثانيه غضبك لا يبرر لغه حوارك..ارجو ان تنتقى الحديث كى يكون نافعا ولا نسقك فى خيه الشخصنه ويتغير مجرى الحديث الى انت تتحدث وانت ترد.. وانا اقبل .. وانت لا تقبل...

رجاء أخير ان تهدأ لغه حوارك.

وشكرا