كيف تنهى الفيزا كى تغير كفالتك

[amrhoras]

اخوانى المغتربين طبعا انتو اكيد لمحتو بعض الردود اللى قولتها على موضوعاتكم وحكيت قصتى العاطفية الفاشلة واكيد عرفتم كتير عنى مع العلم انى جديد هنا في المنتدى ده.

وجديد في الغربه كمان يعنى لسه زيرو ههههه المهم يا اخوانى في الله انا جيت هنا والحمد لله لقيت اسوأ استغلال لطاقاتى وصحتى انا اعمل 12 ساعة شغل محاسب و مسئول مبيعات ومندوب بيع وسكرتير خاص ومراجع حسابات وساعات سائق واخر المتمة عوزنى ابات في موقع العمل عشان مؤتمنى على حلاله ومش عوزنى اسيب الموقع بتاتا على اساس احرسله بالمرة ومع احترامى لسيادة الوزيرة عيشة مش حشتغل كمان خدام مع احترامى للاخوة الخادمين بس انا مش واخد شهادة جامعية ولا كورسات ولا خبرات عشان اشتغل كل دة ب 1000 ريال طبعا بعد ما اصروا انهم ياخدو 200 ريال تمن الفيزا يعنى بشتغل بفلوسي برده هههه المهم انا بفكر انى اشترى فيزا ومن الواضح ان الكفيل مش حيدينى نقل كفالة لانه بكل بساطة مبيحبش الخير ابدا بيعتبر الموظفين حلاله هههههه المهم انا اكتشفت ان المكان كله غلط عارف لسه جديد 6 شهور شغل كل يوم من 7.30 لغاية 9.30 بالليل وغير ساعتين راحة اللى سيادته بيقعد يهرينى فيهم فاكسات معلش ياخوي بس تبعتلي الفاكس ده ضرورى معلش ياخوى انا كنت عاوز كذا ويدنه قاعد في المكتب اغلب وقت راحتى المهم

انا حكيتلكم بالمختصر انا دلوقتى بدور على فيزا فبعد اذنكم بس تقولولي :-

ايه الخطوات اللى اعملها عشان احول على الفيزا التانية هل انزل مصر ولا فى حل اخر مع العلم انه مش حيدينى نقل كفالة

تانى حاجة ماهى رواتب المحاسبين مش بقول القدام لا واحد جديد 6 شهور ارجوكم افيدونى لوسمحتم

تالت حاجة الفيزا الحرا احسن ؟

هل هناك كفالة على شركات وليس افراد؟

افيدونى افادكم الله

[فولان بن علان]

الأخ amrhoras

تحية طيبة ومرحبا بك في المحاورات

بالنسبة لوضعك وسؤالك

نصيحة مني أكمل عقدك إن كان سنة ثم قدم طلب عدم رغبة في تجديد التعاقد قبل انتهاء العقد بشهرين حتى تحصل على كامل مستحقاتك

لو رغبوا في استمرارك سيساوموك

لا أرى أي إهانة فيما تقوله ..هل يسئ معاملتك

تحميلك أعمال كثيرة ربما يعود عليك فيما بعد بالخير لو أثبت كفاءتك

بالطبع الراتب قليل ولكن مع الخبرة يزداد راتبك

مع العلم أن الكفلاء كلهم سواء مع بعض الاختلاف في الأسلوب

أما حكاية شراء الفيزا والفيزا الحرة أوعى...بهدلة ونصب

ربنا يوفقك

[فولان بن علان]

اقرأ موضوع أستاذنا ياسو بن فيناس فيه الخلاصة عن طلب زيادة الراتب في الرابط تحت

http://www.egyptiantalks.org/invb/index.ph...c=29691&hl=