أنا اتسرقت يا شباب

[Ahmad Farahat]

قصيدتي التي نشرتها على موضوعي أزهار الخريف بعنوان سائلة

قام شخص يدعى العجمي بسرقتها

وقد كانت السرقة من على المنتدى

هذا هو رابط قصيدتي من عندكم

دوس هنا

أما هذا فهو رابط القصيدة المسروقة

الحرامي

ارجو أن تدعموني يا أصدقاء

[Salwa]

اوعى تزعل ياارسين ...

سبق لنا هنا وحصل ان ايمان ( البنت المصرية ) ربنا يمسيها بالخير ...

فوجئت بشخص ( يقتبس ) القصائد ويضع عليها اسمه ....وطبعا كلنا عملنا ثورة عليه لحد ما ترك المنتدى ...

وبالنسبة لموضوعك ...

هذا الشخص اعترف وقال انها (( ملطوشة من ارسين لوبين )) ....يعنى شوف التعبير ؟؟ ...

(( هل تتخيل ده لفظ يقوله شاعر ؟؟ )) ...وواضح جدا جدااااااا.....انه قالها بمنتهى العصبية !!!!

على فكرة هو تقريبا (( اقتبس كل ازهار الخريف !!! ارجو قراءة كل مواضيعه !!))

شئ غير طبيعى فعلا .....

سبق لى وقلت ان دى سرقة لافكارنا وسرقة لمجهود عقلى ..وسرقة ..لاحساسناا الصادق ...

انت الاصل ياارسين ...

انت الاصل...

يكفى انه يبرر ما فعل بقوله ........((.انا اقتصادى )).......؟؟؟؟

وهل ياترى (( هذا الاقتصادى )) ...يتصرف فى عمله .............نفس التصرف فى (( هواياته ؟؟ )) ....ويسرقها من الغير ؟؟

عموما ...

الحمدلله انك عرفت الموضوع ده.....والحمدلله انك وضحت موقفك ...وحذار اى شئ من هذا القبيل يؤثر عليك ....

البقاء دائما للأصل .....وليس ..(( للنيجاتيف )) ...

والحل اننا لو رأينا موقف مماثل ينبغى ان ....(( نفضح السارق علنيا ونوضح اننا اصحاب حق )) ...

ان كان لديك اى حل آخر ....اعرضه علينا ...

على فكرة ياارسين ...فيه موضوع عندهم ( فى المنتدى الاقتصادى ) يتحدث عن الملكية الفكرية !!! ..

و اعتقد ان كاتبه شخص عقلانى يسمى الطيب ...(( طالما انت سجلت هناك فمن الممكن ان تعلمه بالموضوع ولنرى رد الفعل !!!

الشئ الغريب توقيع.... ( العجمى ).....هل لاحظته ؟؟ .....ينادى بالصدق ..!!!!

لاتعليق...

تحياتى ياارسين ....

[Ahmad Farahat]

بصراحة أنا معنديش حل غير إن مجموعة من أعضاء المحاورات يبلغوا إدارة المنتدى ده بعملية السرقة خصوصا إن الرجل ده شكله مش ولا بد

بس بجد مبقتش عرف ليه يحصل معايا أنا كده

بجد أنا زعلان قوي من الموضوع ده لأن دي أعمالي ومن حقي

أنا شاكر لكلام حضرتك

يعني

رفع من روحي المعنوية شوية

تم تعديل 26 مايو 2007 بواسطة Arsen loben

[Ahmad Farahat]

ماما سلوى

أصدقائي الأحباء

الموضوع انتهى وقام السارق بحذف القصيدة من على منتداه

أشكر سم مصرـا التي نبهتني

وأشكر تعاطفكم معي

وأشكر ربنا اللي وقف جنبي

وأشكر ربنا اللي وقف جنبي

وأشكر ربنا اللي وقف جنبي

[shahd]

فعلا السرقه دي حاجة تحرق الدم ...

حصلت معايا قبل كده يا ارسين .. في اكثر من موضوع.. وفقدت اعصابي ايامها تماماً

لكن اللي ريحني الدعم اللي لقيته في المحاروات .. كان شيء رائع .. بارك الله في الجميع

وفعلا زي ما قالت ست الحبايب ماما سلوى الأصل هو الباقي

تحياتي لك ارسين والحمدلله ان المشكلة اتحلت

[محمود الشاعر]

يا عم ارسين ولا يهمك تعيش وتاخد غيرها انا الديوان بتاعي كله اتسرق والحمد لله مرجعش تاني بس اقول لك حاجة يمكن يكون ده دافع ليك اكتر على الكتابة تعرف عمنا جابريل جارثيا ماركيز قال اية ان المبدع الحقيقي مش بكمية ما ينشره لكن بكمية ما يرميه فى سلة المهملات فميهمكش يا صاحبي يا طيب تعيش وتاخد غيرها وتكتب احسن منها ثم هو مصيره هينكشف هينكشف لكن الابداع الحقيقي ما بيموتش ابدا وياسيد ديما الكبار هما اللي بيتسرقوا

[kokowawa1979]

معلهش ياعم أرسيم استحمل wst::

بس أغرب تعليق قريته : إن واحد بيقول للعجمي ( الحرامي ) - إنت أشرف إنسان :lol:

وبعدين ياعم أرسين ما شهادات الدكتوراه بتتلطش بالكامل - وهانروح بعيد ليه عندك مصر - عارفها - ماهي برضه مسروقة بالكامل !!

السرقة للأسف أصبحت شيء طبيعي في الوقت الحاضر !!!

وتضامنا مع أخي وحبيبي أرسين - لك على أسجل في هذا الموقع وعينك ما تشوف إلا النور في اللي هايحصل في حرامي القصيدة !!!

[الحاج فوزى]

عزيزى ارسين ..

لا اعتقد انك وحدك المسروق هناك ..

فلو قرأت ما يكتب ، لشعرت ان كل مداخلة تحمل روح ونمط كاتب مختلف ..

لا تحزن .. فالسرقة وإدعاء الملكية اصبحت سمة متعارف عليها .

لك تحياتى .

[Ahmad Farahat]

أصدقائي الأعزاء شهد وكوكو وحسين ومحمود الشاعر

لقد انتهى الأمر ولا داعي لأي مشكلة مع العجمي خاصة وأنه حجبني عن المنتدى

يكفيني هذا الشعور منكم يا أصدقاء ويكفيني أن أعمالي صارت مطمعا للصوص

[Ahmad Farahat]

إلى الأصدقاء المحاورين

هناك عضو جديد يحمل اسم العجمي دلف إلى المنتدى منذ أيام

لست أعرف إن كان هو الشخص الذي حدثت معه مشكلتي أم لا

لكنني

بصراحة

وبصدق شديد

لم أعد أحمل في قلبي أي ضغينة له

ويسعدني وجوده هنا

ولا أريد لأحد منكم أن يتعرض له بسوء

الرجل حذف القصيدة التي انتحلها

وانتهى الأمر ويكفيني هذا تماما

أما إذا أراد أن يكون عضوا فاعلا هنا فأنا أول المرحبين به

وإن أراد هذا وصدق في ما يريد

فإنني اطلب من الإدارة حذف هذا الموضوع الذي ينعته بالحرامي

لكن شرطي الوحيد

فقط

أن يكون عضوا فاعلا ومفيدا فقط

فهو كاقتصادي لم يفهم ما تعنيه القصيدة بالنسبة إلي

ولا أعتقد أنه لو كان في مكاني وسرق منه بحث اقتصادي أنه كان سيسامح سارقه أبدا

لكنني سامحته

وأتمنى مخلصا أن يكون معنا

ملحوظة

هذا ليس ضعفا يا سيد عجمي

ولا خوفا ولا طيبة

ولا سذاجة أيضا

لكن هذه شخصيتي وأنا أعتز بها

ملحوظة أخرى

لا أريد أن تعود عضويتي في منتداك

وأنا شاكر مقدما أي محاولة منك لفعل ذلك

ملحوظة أخرى

إلى المحاورين

أرجوكم وبصدق والله العظيم

بجد

سيبوا الراجل معانا لو عايز يبقى معانا

طلب أخير

لا أريد أي مديح

من فضلكم

فأنا لا أقول هذا للإستهلاك المحلي

وإنما أقوله لأنني أريده فعلا

تم تعديل 8 يونيو 2007 بواسطة Arsen loben

[Ahmad Farahat]

بالمناسبة

إلى كل المحاورين

بما فيهم العجمي :sad: :sad: :sad: h): wst:: wst::

تم تعديل 8 يونيو 2007 بواسطة Arsen loben

[Ahmad Farahat]

تخيلوا والله أنا مكسوف منكم

لقيت الأخ ده برضه سارق قصيدة تانية

وتحديدا حبيبتي

لأ وسارقها من البلوج اللي انا لسه هاتعلم تنظيمه قريبا

مش عارف أعمل إيه مع الراجل ده

ومش عارف ليه أنا حاسس إن آخر ردين مكانش ليهم لزمة

بجد أنا مكسوف منك والله يا شباب