يا جمال يا حبيب الملايين .. - كيف تم تخديرنا ..و غسل مخنا ..

[Seafood]

من المعروف علميا - على رأى اختنا اتس مى   - انه عندما يتطرق شخص من مناقشة موضوع الى مناقشة شخصية صاحب الموضوع .. فهو دليل العجز عن مناقشة الموضوع ذاته

حاضر يا مدرسة  :angry:

[wahed_masry]

أيه يا جماعة

احنا شكلنا حنروح القسم بجد

ولو رحنا القسم تبقى مصيبة

بالشبه كده كلنا ضايعين

الي يقولوا عليه يساري والا ما اعرف شيعوي

والي شكله مش عاجباه الحكومة

واللي جايب سيرة جمال مبارك (بالخير طبعا)

واللي شكله كده يجيب على اخوانجي

شوفوا بأه

أنا ولا أعرفكو

واللي حايجيب سيرتي.....ربنا يجازيه بأه ما أنا مش حالحق أعمله حاجة

صباح الفل

واحد مصري

بس ما يعرفكوش ولا عمره شافكو.... أه العمر مش بعزقة

[Mohammad Abouzied]

لا يا حبيبي طالما انت واحد مصري يبقى لازم تتسجن

[disappointed]

من منكم أيها السادة لاحظ تركيز كاميرات تلفزيون صفوت الشريف على السيد جمال مبارك عند ذكر الرئيس لأي شأن يتعلق بالمستقبل أو بالحزب الوطني ( ومش ممكن تكون صدفه )

ياعزيزى الفاضل

اللقاء بكامله كان حيجيبلى شلل

أولا : الكاميرا مش بس كانت بتركّز على جمال مبارك أول ماتيجى سيرة الكلام عن المستقبل ...لاااا... ده السيّد المخرج نقل الكاميرا على جمال لمّا مبارك قال : الناجح لازم نشجّعه (فى معرض كلامه عن المستثمرين المتعثّرين ووجوب مساندتهم طالما كانوا جادّين ) .... ثم نقل الكاميرا على جمال مرّتين عند الحديث عن تطوير الحزب الوطنى : المرّه الأولى عندما قال مبارك : لابد للشباب أن يأخذ مكانه فى الكوادر القياديّه.... والمره الثانيه عندما قال : لابد من تشجيع كل من كان له فكر متجدّد شامل

والله.... هذه الطريقه فى النقل التليفزيونى فكّرتنى بمخرجينا فى أفلام زمان عندما كانوا يطبّقون ألف باء كلاسيكيّات السينما كمن يحفظ صمّ من الكتاب دون أن يفهم.... يعنى مثلا يجيب لك واحد مسجون بيبص من شبّاك الزنزانه وبعدين يجيب طائر فى السماء (قال يعنى بقى بيحلم بالحرّيه)... أو يجيب لك واحد وواحده فى غرفة النوم وبعدين يجيبلك صورة أمواج بتخبط فى صخره على البحر أو كوبّايه بتقع تنكسر (قال يعنى..... انتم فاهمين بقى)... وهذه الأساليب الساذجه فى الاسقاط

ثانيا : شويّة العيال الطلبه اللى لمّوهم وحفّظوهم الكلام اللى طلعوا يقولوه ده ... بالذمّه مش مكسوفين من روحهم؟؟؟ كل واحد فيهم قاعد يتمرّن أسبوع قدّام المرايه و جايبينهم مدرّسين القاء فى مسرح الكلّيه على الكلمتين اللى طلعوا يقولوهم واللى حفظناهم صم : والدى ... من الله بك علينا ....اختارك القدر لنا ...انت الأمل....انت عمرى...انت الحب.....الخ

والله شعرى بيقشعر وبأبقى قاعد مكسوف لشويّة الطلبه دول... أنا مستغرب همّه مش مكسوفين من نفسهم ازّاى ... ده مافيش فرق بينهم وبين شويّة الأطفال اللى بيجيبوهم فى عيد الأم على المسرح لسوزان مبارك ....مافيش فرق غير ان دول بيقولوا بابا والتانيينّ  بيقولوا ماما ....والاتنين بيتلجلجوا وبينسوا الكلام .... مش عيب طالب جامعى محترم وشنبه فى وشّه يطلع يشاور ويحرّك ايديه وهوّه بيتكلّم بطريقة فتّحى ياورده وتوينكل توينكل ليتيل ستار (قال يعنى القاء)؟؟؟؟؟

اختشوا على دمّكم ياشباب مصر... وياحكومه...ياحكوووووووماااااااا : مالوش لزوم أسلوب حفلات أولياء الأمور اللى يكسف ده.... فيها ايه يعنى لمّا الطالب أو الطالبه يقوم يسأل اللى فى نفسه بعفويّه وارتجاليّه وبصوره مباشره يبدئها فقط بكلمة سيّدى الرئيس بدلا من أن تحتل الديباجه 90% من مداخلته وكأنه اللى مش حيقول شعر فى الريّس قبل مايسأل السؤال حتأكله أمّنا الغوله أو حيطلع بالليل أبورجل مسلوخه أو عميد كلّيته حيحطّه فى أوضة الفيران...... عليزين نكبر وننضج بقى .... دى مظاهر لاتليق بالمراهقين ولا الأطفال فى مجال الممارسه السياسيّه...دى لاتليق الاّ بالرضّع

الله يمسّيكى بالخير ياللى فى بالى ....كان زمانها قالت : وآدى الكزرونه

:angry:

[مصرى]

حضرتك قصدك جمال ميييييييييين ؟!

أنا أفضل الحديث عن جمال الطبيعة

[mnman]

لا يا حبيبي طالما انت واحد مصري يبقى لازم تتسجن

كنت حقولها.....

المصري حيفضل مصري مبارك وراة والسجن بيستناة... ويلا بينا علي القسم بالزوق بدل البهدلة...

[Seafood]

و  نفس الخطأ الذى يقع فيه أتباع نظرية " المؤامرة الحديثة" حين يبحثون عن بطل يركنون إليه و يجدون فى أفكاره خلاصهم و تفوقهم على قوى الشر المتمثلة فى أمربكا و الغرب ... و المثال على ذلك أسامة بن لادن ....

فإن نفس الخطأ يقع فيه أنصار نظرية " المؤامرة القديمة" حين يبحثون فى الماضى عن بطل يتخذونه أسطورة و يجعلون أفكاره و سياساته المنقذ لهم ... و يعتقدون أن تلك السياسات هى التى ستعادل السياسات التى  كانت السبب فى خراب البلاد و ضياع العباد ....

فنجد أن أنصار نظرية أن عبد الناصر هو المتآمر  و الذى يمثل بوش و أمريكا  عند أتباع نظرية المؤامرة الحديثة ... نجد أن" بن لادنهم " هو السادات

أما أنصار نظرية أن السادات هو  المتآمر و الذى يمثل بوش و أمريكا أيضا عند أتباع نظرية المؤامرة الحديثة .... نجد أن "بن لادنهم "  هو عبد الناصر

و هكذا نخلص إلى أن الشرق فى الهم سواء ... ما بين أتباع نظرية المؤامرة الحديثة .... أو أتباع نظرية المؤامرة القديمة أو "البايتة" على إعتبار المؤامرة طبخت من عشرات السنين أو  نظرية "اللى كانت مؤامرة" على إعتبار أن أصحابها ماتوا و شبعوا موت ...

و ما بين قديم و حديث سنظل نتشابك بينما يتفرج علينا المتآمرون سواء كانوا أحياء أو أموات و سنظل نحن محلك سر ... و لن يخرجنا من هذه الدوامة إلا أن نصبح نحن المتآمرون  :0  :0 ....

[Mohammad Abouzied]

لكن ايه رئيكم في الاغاني الوطنية بتاعة الايام دي

لا ليها طعم ولا رائحة

تصورو ان يجي شعبان عبد الرحيم ويغني انا بكره اسرائيل وايه تضرب وتعتبر الاغنية الوطنية الأولى

مش كان افضل اغنية يا جمال يا حبيب الملايين

[wahed_masry]

أنا أفضل

يا مبارك يا حبيب المساجين

[Sayyeda Abouzied]

أما صحيح انك طلعت واحد مصري

[أسد]

ياجمال  

ياحبيب الملاليم

............

لو أطال الله فى عمره لتحولت مصر كلها الى شعب من المهجرين  

وليس بور سعيد ومدن القناة فقط  

دكتور رجب

بعد إذن سعادتك

ممكن أعرف إنت بتزعق كده ازاي باللون الأحمر

والخط الكبير (زعيق)..؟؟؟؟؟؟

شكراً جزيلاً مقدماً ..

[wa7d]

الخراب اللى سابه حبيب الملايين ليس نظرية مؤامرة  أنه قد حدث فعلا ولا يوجد تخمين أو تخيل ـ القضاء على الديمقراطية ، تعذيب وسجن ابطال الشعب ، تخريب الزراعة والصناعة ، تحطيم الجيش المصرى ، الإنهزام وضياع جزء عزيز من الوطن ، وضع مصر تحت الحتلال الروسى الكريه ، رفع قيم النفاق وفقد الشعب الإنتماء  ، ......انا ناسى إيه لسه ؟ ....... كفاية كده .... أما بالنسبة للسادات فلا يوجد نظرية مؤامرة لقد حصل فعلا ان الراجل عمل نجاحات كبيرة فى تصحيح ما أفسده ناصر وكاد يحقق الأحلام لولا ان الراجل قادم من ثورة الأشرار فالعرق نغز عليه راح قالبها ضلمة . وده يدل دلالة قاطعة ان لا يمكن ان نعمل من الفسيخ شربات . طب كنا حنعرف كده إزاي إذا لم نعيد دائما تذكر التاريخ لنتعلم منه .

بس انا معاكم إن الأغانى الوطنية أيام ناصر كانت قمة الفن والله يرحم الفنانين المصريين العظام

[Seafood]

الأخ واحد

سأرد عليك بلسان أنصار نظرية المؤامرة ... حيث قلت قبل ذلك أننى لا أؤيدها تماما , و لا أنفيها كذلك

فأقول لك ... و ماذا عن أتفاقيات سايكس بيكو ...و وعد بلفور ...و التدخل السافر من قبل أمريكا فى سياسات الشرق الأوسط ...هل هذه أوهام أم حقائق لا ينكرها ألا جاحد

ثم أنك لم تدرك ما عنيته تماماً ... فأنا لم أنفى الخراب الذى تركه ناصر  ... و لكنى أقول أن من يهاجمه قد أستحوزت عليه فكرة المؤامرة فهم يرجعون كل تخلف أصابنا أليه و ألى أفعاله... و هذا بالظبط ما يدعيه أنصار نظرية المؤامرة ... و هو : أن كل تخلفنا راجع ألى ما فعله و يفعله الغرب بنا

[Mohammad Abouzied]

ما معنى كلمة تخلف التي احنا فيها

هل هي تخلف اقتصادي اي متوسط دخل الفرد قليل عن مثيله في الدول الاخرى

ولا تخلف اجتماعي وهي انتشار العادات والتقاليد البالية المعوقة للأنسان وتقدمه الاجتماعي

ولا التخلف الثقافي اي ندره المفكرين والعلماء وانتشار الامية

أعتقد اننا شعب غير متخلف بل متسيب

حد عنده اعتراض

[Seafood]

بل نحن شعوب متخلفة عن كل ما هو حضارى...و التسيب أحد مظاهر التخلف ... و التخلف على كل المستويات ...فعلى المستوى الأجتماعى فقط و من زاوية واحدة أجعوك لتنظر الى الناس فى الشارع كيف يتعاملون مع بعضهم ... أنعدمت السلوكيات الحضارية بيننا.... فهذا يسب فى ذاك ...و هذا يمسك فى خناق آخر ...و لا تكاد تسمع أحد يشكر أحد أو يستأذن من أحد ليمر من أمامه او ليتخطاه ... بل هى سياسة " الكتف " و دون مبالاة بمن حولك ... فلا أحد يترك مساحة لأحد ليتحرك فيها ... كله بالخناق و "الزق" و العراك أن تطلب الأمر ...

و هذا كله تخلف و ليس تسيب

[freefreer]

[b:post_uid0]

احنا الشعب ..

احنا الشعب ..

اخترناك من قلب الشعب ..

احنا الشعب ..

احنا الشعب ..

اخترناك من قلب الشعب ..

يا فاتح باب الحرية ..

يا ريس يا كبير القلب  ..

احنا الشعب ..

احنا الشعب ..

يا حلاوة الشعب  و هو بيهتف باسم حبيبه ..

مبروك على الشعب خلاص السعد حيبقى نصيبة ..

يا حلاوة الشعب  و هو بيهتف باسم حبيبه ..

مبروك على الشعب خلاص السعد حيبقى نصيبة ..

يا حلاوة الشعب  و هو بيهتف باسم حبيبه ..

مبروك على الشعب خلاص السعد حيبقى نصيبة ..

و احنا اخترناك

و حنمشى وراك

احنا اخترناك

و حنمشى وراك

يا فاتح باب الحرية يا ريس يا كبير القلب

احنا الشعب ..

احنا الشعب ..

احنا الشعب ..

احنا الشعب ..

اخترناك من قلب الشعب ..

احنا الشعب ..

احنا الشعب ..

اخترناك من قلب الشعب ..

يا فاتح باب الحرية ..

يا ريس يا كبير القلب  ..

احنا الشعب ..

احنا الشعب ..

احنا حياتك و ابتسماتك و انت حياتنا ..

احنا بنفرح و انت  بتفرح من فرحتنا  ..

احنا حياتك و ابتسماتك و انت حياتنا ..

احنا بنفرح و انت بتفرح من فرحتنا  ..

احنا حياتك و ابتسماتك و انت حياتنا ..

احنا بنفرح و انت بتفرح من فرحتنا  ..

كل  ما نكبر قلبك يكبر بمحبتنا   ..

كل  ما نكبر قلبك يكبر بمحبتنا   ..

و احنا اخترناك و حنمشى وراك ..

احنا اخترناك و حنمشى وراك ..

يا فاتح باب الحرية يا ريس يا كبير

احنا الشعب ..

احنا الشعب ..

احنا الشعب ..

احنا الشعب ..

اخترناك من قلب الشعب ..

احنا الشعب ..

احنا الشعب ..

اخترناك من قلب الشعب ..

يا فاتح باب الحرية ..

يا ريس يا كبير القلب  ..

احنا الشعب ..

احنا الشعب ..

ياللى بتسهر لجل ما تظهر شمس هنانا ..

احنا جنودك سبنا فى ايدك مصر أمانة ..

ياللى بتسهر لجل ما تظهر شمس هنانا ..

احنا جنودك سبنا فى ايدك مصر أمانة ..

ياللى بتسهر لجل ما تظهر شمس هنانا ..

احنا جنودك سبنا فى ايدك مصر أمانة ..

بكرة وطنا حيصبح جنة و انت معانا ..

بكرة وطنا حيصبح جنة و انت معانا ..

و احنا اخترناك و حنمشى وراك ..

احنا اخترناك و حنمشى وراك ..

يا فاتح باب الحرية يا ريس يا كبير القلب

احنا الشعب ..

احنا الشعب ..

احنا الشعب ..

احنا الشعب ..

اخترناك من قلب الشعب ..

احنا الشعب ..

احنا الشعب ..

اخترناك من قلب الشعب ..

يا فاتح باب الحرية ..

يا ريس يا كبير القلب  ..

احنا الشعب ..

احنا الشعب ..

ياللى واعدنا بايام عيدنا هل هلالك

بكرة يا بكرة مشتاق نظرة لسحر جمالك

ياللى واعدنا بايام عيدنا هل هلالك

بكرة يا بكرة مشتاق نظرة لسحر جمالك

ياللى واعدنا بايام عيدنا هل هلالك

بكرة يا بكرة مشتاق نظرة لسحر جمالك

بكرة بطلنا بجهد عملنا يحيى امالك

بكرة بطلنا بجهد عملنا يحيى امالك

و احنا اخترناك و حنمشى وراك

احنا اخترناك و حنمشى وراك

يا فاتح باب الحرية يا ريس يا كبير القلب

احنا الشعب ..

احنا الشعب ..

احنا الشعب ..

احنا الشعب ..

اخترناك من قلب الشعب ..

احنا الشعب ..

احنا الشعب ..

اخترناك من قلب الشعب ..  

يا فاتح باب الحرية ..

يا ريس يا كبير القلب  ..

احنا الشعب ..

احنا الشعب ..

يا حلاوة الشعب و هو بيهتف باسم حبيبة ..

مبروك على الشعب خلاص السعد حيبقى نصيبة ..

يا حلاوة الشعب و هو بيهتف باسم حبيبة ..

مبروك على الشعب خلاص السعد حيبقى نصيبة ..

يا حلاوة الشعب و هو بيهتف باسم حبيبة ..

مبروك على الشعب خلاص السعد حيبقى نصيبة ..

و احنا اخترناك و حنمشى وراك

احنا اخترناك و حنمشى وراك

يا فاتح باب الحرية ..

يا ريس يا كبير القلب

احنا الشعب ..

احنا الشعب ..

احنا الشعب ..

احنا الشعب ..

اخترناك من قلب الشعب ..

احنا الشعب ..

احنا الشعب ..

اخترناك من قلب الشعب ..  

يا فاتح باب الحرية ..

يا ريس يا كبير القلب  ..

احنا الشعب ..

احنا الشعب ..

احنا الشعب ..

احنا الشعب ..

[disappointed]

نحن لسنا شعب متخلّف

نحن شعب كان من المفترض أن يكون فى حال أفضل من هذا الحال بكثير لأننا شعب يستحق ذلك ويملك الامكانيّات لذلك

[Mohammad Abouzied]

أيه الابداع دا يا صديقي فري

هات ما عندك

[Sayyeda Abouzied]

يبقى لازم في حالة التخلف الى احنا فيه دا نغني زحمة يا دنيا زحمة

الناس هتقطع بعضها يا رجاله  ;)  :D  :D  ;)

[achnaton]

والنبى يا أخ فرى إنت سكر .. إنت نكشت فين وجبت الحاجات دى .. فكرتنا بالراح وانقضى .. ومنكم لله ياللى كنتم السبب .. عسكر ومهلباتية .. وأمتى الشعب بقى اللى مفتقد المش اليومين دول .. يلاقى طبق مهلبية ؟؟

اخناتون  :inlove: