بتحب تأكل ايه !!!

[badroora]

بحب سلطه الرمان باللبن و الاممه علشان بيفكرونى برمضان زمان

و بحب فى الحلويات المقروض علشان المدام رحمه الله عليها كانت هريانى منه لما ادمنت

الله يرحمها يا رب

يعنى اية مقروض

[بنت الشاطئ1]

:rolleyes: الاستاذ الكبير الهايل

عندى كذا سؤال بس لا تضحك على اوك اتفقنا !!

الكشك دا اساسا عبارة عن اية انت قولت ويضاف الكشك

انا فكرت الكشك دا عبارة عن ارز بس اتضح غير كدا

معزرة اصل امى عمرها ماعملت لنا كشك فغشان جدية مش عرفاه

اما بوصفتك الهايلة هاعمله وهاجبلك شوية

اما بقي بخصوص الفول

:blink: بقي اصبت ويسلام لو جنبة فحلين بصل وطعمية

ياااااااه بتجوعونى كدا

اللى بعدي بيحب

البسبوسة

عزيزتى نجفة بالنسبة لتساؤلك اعتقد اننى فهمت قصدك

المقادير اللى ذكرها الأستاذ علاء وطريقة العمل كل هذا بعد ما تنتهى منه اسمه كشك علشان كدا هو قال البصلة تضعيها على الكشك

وممكن بدل المرقة تستخدمى شوربة دجاج وممكن لو عندك صدر فرخة مثلا يكون زاد من وجبة امس ممكن تقطعيه قطع صغيرة وتضعيه مع الكشك

طعمه جميل وان شاء الله سأقول طريقة المقلوبه بالسمان المرة الجايه لأختنا امانى لأنى جعت قوى

[otaka]

بحب سلطه الرمان باللبن و الاممه علشان بيفكرونى برمضان زمان

و بحب فى الحلويات المقروض علشان المدام رحمه الله عليها كانت هريانى منه لما ادمنت

الله يرحمها يا رب

يعنى اية مقروض

المقروض هو حلوى تنتشر فى شمال افريقيا و هى تصنع من سميد و سمن و يمكن عملها بالتمر او باللوز ممكن تكون زى الكعك بس مش زيه قوى

[badroora]

:rolleyes: الاستاذ الكبير الهايل

عندى كذا سؤال بس لا تضحك على اوك اتفقنا !!

الكشك دا اساسا عبارة عن اية انت قولت ويضاف الكشك

انا فكرت الكشك دا عبارة عن ارز بس اتضح غير كدا

معزرة اصل امى عمرها ماعملت لنا كشك فغشان جدية مش عرفاه

اما بوصفتك الهايلة هاعمله وهاجبلك شوية

اما بقي بخصوص الفول

:blink: :blink: بقي اصبت ويسلام لو جنبة فحلين بصل وطعمية

ياااااااه بتجوعونى كدا

اللى بعدي بيحب

البسبوسة

عزيزتى نجفة بالنسبة لتساؤلك اعتقد اننى فهمت قصدك

المقادير اللى ذكرها الأستاذ علاء وطريقة العمل كل هذا بعد ما تنتهى منه اسمه كشك علشان كدا هو قال البصلة تضعيها على الكشك

وممكن بدل المرقة تستخدمى شوربة دجاج وممكن لو عندك صدر فرخة مثلا يكون زاد من وجبة امس ممكن تقطعيه قطع صغيرة وتضعيه مع الكشك

طعمه جميل وان شاء الله سأقول طريقة المقلوبه بالسمان المرة الجايه لأختنا امانى لأنى جعت قوى

اختى الكريمة بنت الشاطيء

مشكورة يا غالية ربنا يخليكي

على الا ضافة والتوضيح

ويلا بقي اطلعى لنا بالمقلوبة وخالى امانى تشترك معايا فى الريجيم بعد المقلوبة والكشك

يلا يا امانى فى انتظارك فى الجيم :blink:

[badroora]

بحب سلطه الرمان باللبن و الاممه علشان بيفكرونى برمضان زمان

و بحب فى الحلويات المقروض علشان المدام رحمه الله عليها كانت هريانى منه لما ادمنت

الله يرحمها يا رب

يعنى اية مقروض

المقروض هو حلوى تنتشر فى شمال افريقيا و هى تصنع من سميد و سمن و يمكن عملها بالتمر او باللوز ممكن تكون زى الكعك بس مش زيه قوى

يسلام بالصورة اللى حطتها دى اكيد اى حد هيحبة فكرتنى بالعيد

عموما الف الف شكر واكيد بحبة ويسلام لو معاه شاى وعالصبح يبقي احلى فطار

انا بحب المقروض واللى بعدي بيحب

القطايف بالمكسرات :rolleyes:

[بنت الشاطئ1]

اعتقد ان المقروض حلوى تونسية الأصل

طعمها جميل لكن مش احلى من الكحك المصرى

ولا حتى تشبهه شكلا وموضوعا

ان شاء الله سأحضر اكلات جميلة بالصور وخصوصا الكشك سأعمله اليوم واصوره

ولكن لما الحالة الصحية تتحسن ان شاء الله سأنزل الصور على المنتدى

دعواتكم

[hooba]

يا جماعة الموضوع ده بقي متعب قوي ......و الاخت نجفه صراحه بتختار حاجات في الجوووووون .....

قطايف بالمكسرات يعني رمضان و فوازيير .....و بعد اكلة فطار ملهاش حل و تكوون مرمي علي الكنبه كده مش حاسس بأي حاجه ...

و المهم يكوون العسل بتاعها خفيف و تكوون مقرمشه شوية من بره .......

في كمان بما اننا بدأنا في اكلات رمضان ....سمبوسك باللحمة المفرومة ....و كبيبه ...

[hooba]

آسف جداً جداً .........لتجاوز رد الاخت بنت الشاطئ .....

و ربنا يشفيكي و يعافييكي ...........

[badroora]

اعتقد ان المقروض حلوى تونسية الأصل

طعمها جميل لكن مش احلى من الكحك المصرى

ولا حتى تشبهه شكلا وموضوعا

ان شاء الله سأحضر اكلات جميلة بالصور وخصوصا الكشك سأعمله اليوم واصوره

ولكن لما الحالة الصحية تتحسن ان شاء الله سأنزل الصور على المنتدى

دعواتكم

اختى العزيزة الف الف سلامة عليكي ويا رب تقومى بالسلامة وتكونى احسن

وعشان تعرفي ان صحتك تهمنا جدا وبنخاف عليكي مافيش داعى تصورى الكشك انتى اعملية واعزمينا عندك فى البيت ناكلة ونغسلك الاطباق :lol: شوفتى بقي اخواتك قلبهم عليكي ازاى

الف الف سلامة عليكي :lol:

[badroora]

والله يا نجفة جيتى على الجرح

انا نفسى فى الأكله ديه من زمان بس مش بعرف اعملها

ياريت تقوليلى على طريقتها ينوبك ثواب

ايه رأيكوا فى المقلوبة بالسمان

والله بالسمان ليها طعم تانى خالص الرز لوحده حكاية

اختى العزيزة سورى والله ماخدت بالى عير دلوئتى انك بتتسائلى عن الفتة هو بصراحة انا ماعرف اعملها ولا عمرى عملتها بس مخلصنيش فبحثت وجبتهالك من عالنت ويا ريت لو الايتاذة الطباخة بتاعتنا امانى بردة تلقي نظرة عالمقادير وتتضيف لنا شيء من الواقع اللى هى بتعملة

المقادير علي حسب عدد الافراد الذي يتفضلوا علي الغذاء لحم بالعظم ارز عيش (خبر محمص بالفرن)

صلصه طماطم 1 حبه طماطم 2فص ثوم مدقوق ناعم 1 ملعقه خل 2 بصل 2ملعقه سمنه

الطريقه نضع اللحم في حله علي النار مع حب الهيل وبصله صغيره ورشه فلفل اسود وتترك علي النار حتي النضج

ثم نقوم بتسويه الارز الابيض ثم في حله اخري نقطع البصل قطع صغيره ونحمر في السمن ونقشر حبه الطماطم ونضيفها الي البصل ونحمره شويه مع بعض تم نضيف اليهم علبه الصلصه ونتركها تتسبك علي النار ثم ناخذ شويه في حله صغيره من الصلصه بعد النضج ونضيف اليهم مقدار 3 اكواب من الشوربه بتاعه اللحم بعد ان تكون استوت وضبط الملح والتوابل عليها حسب الرغبه

ثم نقطع الخبز بعد ان نكون حمصنه فب الفرن واصبح لونه ذهبيا

اخضري طبق غويط او صنيه بايركس علي حسب ما تحبي تقدمي الفته

ضعي الخبر في الصنبه اوالطبق الكبير وصبي عليهم الصلصه المضاف اليها الشوربه ثم ضعي طبقه من الارز الابيض ثم ضعي طبقه من الصلصه المسبكه علي وجه الارز ثم قومي بتشويح اللحمه تشويحه خفيفه ( تحمير خفيف ممكن في نفس الحله التي تمت عمليه تسوبه اللحمه فيه بدون ان تضيف اي ماده دهنيه فقد ضيفي فلفل اسود ناعم وملح حسب الرغبه ثم قومي بتوزيع اللحمه في الصنبه واسكوبي باقي الصلصه المسبكه ثم في مقلي ضغيره قومي نتحمير الثوم وعند ما يحمر ضيفي اليه ملعقه الخل ثم ضيفي اليها شويه من الشوربه او الصلصه مقدار 3 ملاعق ثم ضفيهم الي الصنيه علي الوجه مع مراعاه ان تقومي بتوزيعهم علي كل الصنيه

توكل ساخنه وبالهنا ةالصحه

على فكرة لو اكلتيها وانتى تعبانة هتخفي عشان هى مغذية اوى والف الف سلامة مرة اخرى

[badroora]

تملى يا نجوفة تختارى اكل روعة بس مش لاى حد للاكيلة بس

فته الكوارع بيموت فيها جوزى بس الاولاد مبيحبهاش بيحبو الكفته قوى وانا كمان بموت فيها وبعملها فى البيت ولا احسن حاتى

اما المقلوبة يا بنت الشاطئ بالسمان انا معرفهاش ايه اكلة عربيه يا ريت توصفيها وتقوللنا طريقتها

اختك ست من تجرب وتفشل وترجع تجرب تانى لحد ما ينظبط معاها المطلوب

واللى بعدى يمكن يطلع بيحب المكرونه بالباشميل

المقلوبة يا امانى والله اعلم اكلة سعودية او فلسطينية وبعد مالغالية تقوم بالسلامة ان شاء الله هنخد الطريقة منها

[badroora]

يا جماعة الموضوع ده بقي متعب قوي ......و الاخت نجفه صراحه بتختار حاجات في الجوووووون .....

قطايف بالمكسرات يعني رمضان و فوازيير .....و بعد اكلة فطار ملهاش حل و تكوون مرمي علي الكنبه كده مش حاسس بأي حاجه ...

و المهم يكوون العسل بتاعها خفيف و تكوون مقرمشه شوية من بره .......

في كمان بما اننا بدأنا في اكلات رمضان ....سمبوسك باللحمة المفرومة ....و كبيبه ...

:lol: فكرتنى بنفسي فى رمضان لما اقول لا انا هاكل على مراحل اشرب الاول شوربة واقوم اصلي وبعدين اكل سلطة وبعد العشاء اتعشي عادى

واول مالمغرب ماياذن وعينك ماتشوف الا النور واللى عمالين يصحوا فيا قومى بقي عالعشاء 5 دقايق عشان تلحقي تصلي المغرب :lol: دا وانا عند امى

اما هنا بقي :sad: اصحي بعد المغرب وطبعا ساندوتش جبنة فى السريع واروح الشغل وابدا افكر اكل اية wst:: wst:: wst::

سمبوسك دى اللى هى سمبوسة ولا حاجة تانية لو هى انا باحب سامبوسة الجبنة كتير اما بقي الكبيبة :lol: :rolleyes: اكلتها مرة بالغلط على انها طعمية وبعدين قالولى دا كبة شامية :blink:

اللى بعدي بيحب

صنية رقاق باللحمة المفرومة فى الفرن وجنبها شوربة ووسع

تم تعديل 12 يونيو 2007 بواسطة نجفة المغرورة

[nash]

الله الله الله علي صينيه الرقاق...حكايه بجد

وياسلام في رمضان منورة السفرة ومعاها لحمه محمرة

طيب اللي بعدي بيحب الخرشوف باللحمه المفرومه والسوتيه في الفرن؟؟

برايفت بنت الشاطيء....إن شاءالله أجر وعافيه

[امانى]

اولا وقبل كل شئ الف سلامة عليكى يا بنت الشاطئ يارب تكونى خفيتى وبقيتى بصحة وعافية

وشكرا لك انك رغم مرضك دورت على طريقة الفته وجبتيها من على النت وهى طريقة صحيحة وان كان هناك طريقة للفته

الاسكندرانى برضه مبيدخلش فيها الطماطم علشان متبقاش تقيلى على المعدة وفى نفس الوقت ميبقاش غلبتها كتير

وهى انك تسلقى اللحم حسب الطلب وبعد كدة تكسرى العيش الناشف الى قطع صغيرة فى طبق كبير وغويط

بعد كدة تصبى عليها الشربه لحد ما يطرى العيش ويتشبع العيش بالشربه تجيبى ارز معمول بالشعريه وتفرشيه على وش

الطبق كله

تحمرى اللحم فى السمن ثم نخرجيه منها فى الطبق وفى باقى السمن تحطى الثوم المدقوق وتحمريه الى ان يصبح لونه

دهبى تضيفى له الخل وتقلبيه فى السمن ثم ترشيه على طبق الفته فى كل حته وبالهنا والشفا

الى العزيزة نجفة عيزانا ياختى نروح الجيم طيب ازاى واحنا نازلين على الاكلات اللى هتخلينا نضرب ونبقى مش هقول

أجليها شوية لما نخلص الاكل كله علشان ميبقاش فى نفسنا حاجة بعد كدة

جميل الخرشوف المحشى باللحمة المفرومةوانا بحبه قوى يظهر انى مبكرهش حاجة ودى مشكلة ممكن تخلينى اتخن قوى

اللى بعدى ممكن يكون بيحب الحلويات نخليها تورتة المرة دى يا نجفة من نفسنا قبل الجيم وانا بعملها واللى عايز طريقة

بسيطة لها يقولى وأنا فى الخدمة

امانى

[badroora]

طبعا يا امانى وهل فى احد يقدر يتحكم فى نفسة امام تورتة الشيكولاتة :blush2: انا اموت فى تورتة الشيكولاتة والمكسرات وجبها بيبسي دايت لزوم الرجيم والسعرات الزيادة :)

امانى شكلى انا وانتى لازم نفتح موضوع عن التخسيس هنا عشان نعوض ونكفر عن اللى بنعملة فينا وفى الناس دى انا من الكتابة عن الاكل بس زدت 2 كيلوا مابالك بقي لو بالاكل wst::

طبعا يا امانى محتاجين مجهوداتك العظيمة فى وصف عمل التورتة وهنسميها تورتة امانى

يلا انزلى بالتورتة يا امانى

smk:

ويا ريت السادة المسؤولين ينقولولنا الموضوع دا فى باب الطبيخ

شكلنا كدا هنقلبها مرجع او قلبناها بالفعل مطبخ لكل بيت

اللى بعدي بيحب كيكة الشيكولانة :blush2:

تم تعديل 14 يونيو 2007 بواسطة نجفة المغرورة

[Folana]

السلام عليكم ورحمة الله.....

موضوع جميل ..فكرتونى بأيام المطبخ الجميلة والتفانين اللى كنا بنخترعها انا والمجموعة الطيبة اللى كانت معايا.....

من عنيه الاتنين يانجف بنور....حالا حابعت الموضوع على المطبخ.....

ومادام دخلت هنا يبقى حأرجع لمداخلة ناش واقول انا بحب الخرشوف باللحمة المفرومة فى الفرن وممكن كمان يتغطى بطبقة بشمايل خفيف بيبقى هايل...

بس ياريت ياننوش تكتبى وصفته علشان نجربها من ايديك اكيد حتبقى هايلة.....

وبالنسبة لكيكة الشيكولا....عايزين وصفتها برضه يا أمانى بعد اذنك....ولو انى ماليش فى الحلويات بس اجربها برضه...

واللى بعدى بيحب.....بيحب...قولوا انتم عايزين تاكلوا ايه.....

ممكن اقول الزلابيا....اللى هى لقمة القاضى

صباحو جميل........... :flr1:

[hooba]

بالسكر جامده و بالعسل وهمية .....

و علي فكرة لقمة القاضي بتفكرني باسكندرية و الكورنيش و الصيف و ده كلام كبيير قوي .....

المهم ......

بما ان في اسكندرية يبقي نحول علي السي فوود شوية .....

و نقووول سمك صيادية ............

[badroora]

ياه جت عالجرح لسة يا دوب اكلاه حالا مع سلطة طحينة ورز صيادية وبعد كدا عينك ماتشوف الا النور :flr1:

باموت فيها بصراحة

واللى يعدي بيحب شوربة الجمبري الحارة

[kokomen]

ياه جت عالجرح لسة يا دوب اكلاه حالا مع سلطة طحينة ورز صيادية وبعد كدا عينك ماتشوف الا النور :flr1:

باموت فيها بصراحة

واللى يعدي بيحب شوربة الجمبري الحارة

مساء الخير للجميع

نجفة هانم

شوربة الجمبري اللذيذة اللى فيها الكمون والثوم وقطع الليمون والبهارت المشطشطة

وأشرب يا حبيبي وبالهنا والشفا ... ومصمص الجمبري وأستمتع بحياتك .. ههههه

اللى بعدي بيحب البامية الويكه ... ؟؟؟؟؟؟ مش عارف حتعرفوها ولا أيه ؟؟ نشوف

أبو أحمد الأسكندراني

يحدثكم من مطعم قدورة في بحري

:sail: :wub: :sad:

[Ghost]

يا سلام , حلوة قوي منك يا ابو احمد الباميه الويكا

لكن حكاية الجمبري و الشوربه بتاعته , كان اغاخان - ابويا الله يرحمه - بياكلها لي مع شوربة السمك و انا عندي سنتين ,, طلعت صحتي ايه ؟؟؟؟؟؟؟؟؟؟؟؟ حلاوة :flr1:

الا قولي يا ابو احمد , هو انت من الاسكندرية و لا ده لقب و بس