بتحب تأكل ايه !!!

[إيزيس]

بعد إذنك يا بدورة ممكن أقول طريقتي

شوفي يا شهد تجيبي صدور دجاج مش مستعملة قبل كده وتقطعيهم شرايح رفيعة جدا وتغسليهم بالخل والملح كويس

تضيفي فص توم ناعم نصف كوب ليمون وربع خل وملح وفلفل وليمون ناشف وممكن ملعقة صويا صوص

تخلي الدجاج في الخليط على الأقل ساعتين بعدين في صينية تيفال على النار إلى أن يشرب كل المكونات وبعدين تضيفى شوية زيت وبصلتين مقطعين أجنحة وقلبي لحد ما إيدك توجعك وبعدين ضيقي طماطماية مقطعة قطع صغير وتاني قلبي لحد ما تشرب كل الصوص الموجود ورشي بقدونس عليها قبل التقديم وألف هنا وشفا

[shahd]

بعد إذنك يا بدورة ممكن أقول طريقتي

شوفي يا شهد تجيبي صدور دجاج مش مستعملة قبل كده وتقطعيهم شرايح رفيعة جدا وتغسليهم بالخل والملح كويس

تضيفي فص توم ناعم نصف كوب ليمون وربع خل وملح وفلفل وليمون ناشف وممكن ملعقة صويا صوص

تخلي الدجاج في الخليط على الأقل ساعتين بعدين في صينية تيفال على النار إلى أن يشرب كل المكونات وبعدين تضيفى شوية زيت وبصلتين مقطعين أجنحة وقلبي لحد ما إيدك توجعك وبعدين ضيقي طماطماية مقطعة قطع صغير وتاني قلبي لحد ما تشرب كل الصوص الموجود ورشي بقدونس عليها قبل التقديم وألف هنا وشفا

حلو الكلام ياجميل طيب ممكن اعمل الوصفة دي على شاورما اللحمة ولافي طريقة تانية

عشان مش بحب شاورما الدجاج :happy:

عقلي المستخبي شكلي كده حتضرب عشان طلباتي كثيرة :happy:

[إيزيس]

تنفع للاتنين يا جميل

باقولك يا شهد بالنسبة للحم خليه فترة أطول في ماء وخل و عند الطهي ضيفي ربع ملعقة ملح ليمون عشان تستوي كويس

تم تعديل 23 فبراير 2008 بواسطة قرنفل

[امانى]

العزيزة شهد

طلبت طريقة عمل الشاورما وتفضلت الاخت قرنفل بتقديم الطريقة وانا سأقدم لك طريقة لشاورما اللحم هى لا تختلف كثيرا عن

طريقة قرنفل بس ان بعملها وبتطلع زى شاورما السوق بالظبط واليط الطريقة

المقادير

نصف كيلو لحم بفتيك او تشترى نصف كيلو لحم قطعة واحدة وتتركيها بالفريزر الى ان تتجمد ثم تقطعيها طرنشات رقيقة

3 قرون فلفل خضراء كبيره

3 حبات طماطم

3 بصله متوسطه

5 معالق كسبره خضراء مقطعه قطع صغيره

قطعه ليه ضانى صغيره

3 معالق سمن

كوب الا ربع خل+ عصير ليمونه

بهارات (ملح وكمون وفلفل اسمر )

الطريقه

تقطع اللحم شرائح رقيقه وصغيره ونضعها فى الخل والليمون لمده 4 ساعات

نقطع الفلفل والطماطم شرائح فى نفس حجم شرائح اللحم

بعد مرور 4 ساعات

نرفع الحله باللحم والخل والليمون على النار ونقلبها حتى تشرب الخل تماما

ثم نضع السمن وقطعه الليه الضانى ونضع الفلفل الاخضر والبصل المقطعين وتقلب حتى يزبلوا ثم نضع الطماطم المقطعه وتقلب

وبعد ذلك نضيف البهارات ونقلب واخيرا نضع الكسبره وتقلب قليلا ثم نرفعها من على النار

تقدم ساخنه مع عيش قيزر وممكن اضافة قليل من الطحينه حسب الطلب

ممكن مضاعفة الكمية زى ما تحبى بس الاول جربى بهذه الكمية وقولى لى رايك

بالهنا والشفا يا شهد واى خدمة او وصفة انا فى الخدمة

امانى

تم تعديل 24 فبراير 2008 بواسطة امانى

[ام الفوز]

مساء الخير عليكم وصفاتكم طعمة وتفتح النفس وانا رايحة احكيلكم على شاورما باعملها دايما وصفها لي صاحب محل

تجيبي كيلو صدور حبش يعني ديك رومي مقطع رفيع بطول اصبع اليد بعد تنظيفه تضعي عليه علبة لبن زبادي مكثف وبنفس العلبة تعايري زيت ذرة ونصفها خل تفاح احمر وتقطعي راسين بصل كبار طرنشات رفيعة وملح وفلفل وشطة وبهارات شاورما معلقتين كبار وهيى بهارات حمراء اللون اعتقد انها تشمل بهارات الشوي (كمون شطة حب هان سماق) ثم تضعي الخليط في صينية الفرن وتضعيه في الثلاجة ساعتين ثم تخرجيه من الثلاجة للفرن وكل شويه تحركيه ياخذ حوالى ساعه حسب عمر الحبش الى ان تمتص كل مائها وتبدا تحمر طبعا في الطبقة الغير مواجهة لنار الفرن وبعدها تعملى سلطة الطحينة بالملح والخل والليمون والطحينة البيضاء وتضعيها على ناحية والسلطة الخضراء زي ماتحبيها على ناحية والمخلل المتوفر وتحضري العيش الخاص بالشاورما عيش من دون خميرة كثير يعني يشبه الفطير بس طري شوية وتضعي مسحة سلطة طحينة ومعلقة كبيرة شاورما وبعدين سلطة خضرة ومخلل وتلفي الفطيرة بالهناء والعافية .

[zizetta]

قرنفل كتبت

ززة ..... ممكن أقعد جنب بدرية

والله يا قرنفل ما شفتش المداخلة الا الآن .. معلش دخولي بقى بسيط أوي دلوقتي .. من ساعة سي السيد ما قفل لي الليلة وجاب عاليها واطيها وكسر لي الدروة اللي كنت عملاها علي الناصية وانا مش عارفة ليه كده زي اللي عين وصابتني .. ما بقاش فيه نفس ولا وقت ولما بدخل ونادرا ما بدخل المحاورات بقعد اتلفت شمال ويمين أحسن يكون جايب رجالته وجاي ورايا .. عموما .. أنا في أيدي مرمة صغيرة حخلصها وأفضي له ..

أنتي بقي يازوزتي حاجزة لك مكان برح في القلب هما أربع حجرات زي ما انتي عارفة علي اساس الشرع يعني .. لكي حتة وبدارة حتة وفولانة حتة وكان فيه واحدة قاعدة في حتة بس قعدت تخبط وترزع فيها وبعدين فلتت ورزعت الباب وراها .. عشان كده تلاقي الصمام قصدي القفل ملخلخ شوية..

اللي بعدي بقي بيحب الكبدة (مشكلة يعني حتة كلوة علي حتة قلب عشان الكبدة البتلو الصافي والنعمة المجيدة بـ 58 جنيه مصري لا غير)..

تحياتي

زيزيتا

[امانى]

قرنفل كتبت

ززة ..... ممكن أقعد جنب بدرية

..

أنتي بقي يازوزتي حاجزة لك مكان برح في القلب هما أربع حجرات زي ما انتي عارفة علي اساس الشرع يعني .. لكي حتة وبدارة حتة وفولانة حتة وكان فيه واحدة قاعدة في حتة بس قعدت تخبط وترزع فيها وبعدين فلتت ورزعت الباب وراها .. عشان كده تلاقي الصمام قصدي القفل ملخلخ شوية..

اللي بعدي بقي بيحب الكبدة (مشكلة يعني حتة كلوة علي حتة قلب عشان الكبدة البتلو الصافي والنعمة المجيدة بـ 58 جنيه مصري لا غير)..

تحياتي

زيزيتا

يا خسارة يا زيزيتا كنت فاكرة انى انا كمان ليا حته عندك حتى مش ضرورى حجرة كاملة يعنى ركن كدة صغنن اقعد فيه على جنب

لكن انت حددتى الاربعة للاسف وانا مش منهم اما عن قلبى فهو زى ما بتقولى اربع حجرات بس حجراته واسعة بتساع من الحبايب

كتير وانت موجودة فى حجرة من حجراته يالااااااااااااااااااااااااه لنا ربنا

انا بموت فى الكبدة خصوصا لما بعملها بطريقتنا الاسكندرانية وتبقى ريحتها فايحة والجيران كلها تعرف اننا بناكل كبدة حتى ولو كانت

نصف كيلو المهم الريحة وعلى راى المثل قليل من البر ولا الحرمان

امانى

[zizetta]

مانون يا قمر .. انتي ما تعرفيش المفاجأة اللي أنا محضراها للأربعة حجرات .. وهي ان فيه خلو رجل حيتدفع مقابل الإنتفاع .. والا هي المشاعر كده مرمية ومالهاش صاحب .. انتي عارفة يا مانون غلاوتك عندي انتي (بيت ) الكلاوي كله مش (حجرة) في القلب بس ..

طبعا نص كيلو كبدة ده يكفي أسبوع .. و حلو قوي على كده بقى مثل قليل من البر ولا الحرمان ده .. تصدقي انا بتبل الكبدة بتتبيلة السمك .. يعني ثوم وكمون ولمون وفلفل اخضر وملح وفلفل اسود ولخبطيطة وبعدين أقليها بالبيض والبقسماط علي نار هادية .. عملتها مرة في الإجتماع العائلي ومن يومها كل ما واحدة تقابلني او تكلمني تسألني عن الطريقة .. ما يعرفوش ان السر هو نفس ست الكل .. علشان كده تلاقيني واقفة في المطبخ عمالة أنهج نفس داخل ونفس خارج .. علشان الأكل يتظبط ..

بالمناسبة اعملي حسابي في اوضة واسعة شوية بس علشان النفس برضة..

تحياتي يا مانونة .. وسلامي لجميع حبايبي من المحاورين والمحاورات ..

اللي بعدي بقى بيحب كفتة الرز باللحمة الجملي ورز قليل .. واللي بتكتب بتموت في الملوخية بالعيش مش بالرز .. علشان بس اللي عايز يعزمني ..

تحياتي

زيزيتا

[إيزيس]

اللي بعدي بقى بيحب كفتة الرز باللحمة الجملي ورز قليل

باموووووووووووووت فيها وجارتي في مصر ( وزة برده)بتحضرهالي أول ما أنزل

هاعزمكوا عندها ياااااااااااله

مين بيحب الخضار السوتيه بخضار مصر الطازة الجميل

تم تعديل 2 مارس 2008 بواسطة قرنفل

[Folana]

قرنفل كتبت

ززة ..... ممكن أقعد جنب بدرية

والله يا قرنفل ما شفتش المداخلة الا الآن .. معلش دخولي بقى بسيط أوي دلوقتي .. من ساعة سي السيد ما قفل لي الليلة وجاب عاليها واطيها وكسر لي الدروة اللي كنت عملاها علي الناصية وانا مش عارفة ليه كده زي اللي عين وصابتني .. ما بقاش فيه نفس ولا وقت ولما بدخل ونادرا ما بدخل المحاورات بقعد اتلفت شمال ويمين أحسن يكون جايب رجالته وجاي ورايا .. عموما .. أنا في أيدي مرمة صغيرة حخلصها وأفضي له ..

أنتي بقي يازوزتي حاجزة لك مكان برح في القلب هما أربع حجرات زي ما انتي عارفة علي اساس الشرع يعني .. لكي حتة وبدارة حتة وفولانة حتة وكان فيه واحدة قاعدة في حتة بس قعدت تخبط وترزع فيها وبعدين فلتت ورزعت الباب وراها .. عشان كده تلاقي الصمام قصدي القفل ملخلخ شوية..

اللي بعدي بقي بيحب الكبدة (مشكلة يعني حتة كلوة علي حتة قلب عشان الكبدة البتلو الصافي والنعمة المجيدة بـ 58 جنيه مصري لا غير)..

تحياتي

زيزيتا

السلام عليكم ورحمة الله...

يعنى انا عمالة اقول فى عقلى بالى مدام زيزيتا نسيتنى خالص وبابكى بحسرتى ...اتارى اسمى مكتوب..طب مش تبعت لى مكتوب؟....(الله...ايه الشعر العظيم ده...ده انا بقيت اضاهى شاعرنا العظيم امرؤ الزهيرى فى نظم الابيات)...ميرسى يا زيز على المجاملة دى واحنا كمان كلنا بنحبك...بس لازم قلبك يبقى استرتش علشان يكفى السبعة الالاف عضو هنا....

اتأخرتى علينا جدا أوى خالص يامدام زيزيتا....هى النت مقطوعة عندك ولا بيعتها..ولا ايه؟.....مش تفكى الرهنية بتاعتها بقى وترجعى تكتبى تانى ؟...ولا ماهو علشان الشتا خلص وماشفناش لا بروفل ولا شيرز ولا حتى منديل تريكو يقينا برد الشتاء :D

وبعدين انا مش بحب الكبدة ...مش حاكل ..بس هه....اعمل لى مسقعة .. :wub:

منتظرين عودتك يامدام زيزى

صباح الفل.........

[إيزيس]

المسقعة عندي أنا يا جميل من عيني أنا مدمنة مسقعة

طيب و الفول بالطماطم مين بيحبه يوم الجمعة الصبح ( أساسي في الأكلة )

[zizetta]

حبايبي الحلوين .. ها أنذا ... أخيررررررررراً .. فكيت الرهنية وغيرت الدي اس ال وعملت اشتراك لوحدي .. ياسلام محلاها عيشة الحرية .. لا حط الفيشة ولا شوف الروتر ولا النت فاصل .. وعلى ذلك فبمجرد اني وصلت الدي اس ال امس فقط الا والنحس اشتغل والكمبيوتر الجديد باظ والويندوز ضرب وانا بشتغل دوقتي علي البي سي القديم يعني يظهر ان العين صايباني ورب العرش نجاني .. ياللا اهو حاجة بتفدي حاجة ..

بالمناسبة يا فولانة هانم والست قرنفل والست أماني وكل أصدقائي (مش عايزة أنسي إسم علشان محدش يزعل - علي طريقة الفنانين في المهرجانات) .. كنت بقول ايه .. آه .. بالمناسبة ... بالمناسبة بقى انا استخرت الله وبعد تردد وتفكير عميق وسهر 3 ليالي وحرقة دم و3 علب سجاير و 5 شيشة .. ولفتين بانجو .. اتسطلت وقررت اني اعمل ر جيم .. يعني مش حدخل الموضوع ده تاني أحسن أكون من النادمين ..

مين يعرف فيكو بقي خالد دراهم / راضا بهنوس / مصطفي ساري/ ماجد زيتون / محاسن عبد الفتاح ...ألخ .. ألخ .. ألخ أهم كل دول أنا مسجل خطر عندهم .. لكن بعد المسقعة والكفتة والكبدة والمحشي والزلابية والحلابيسة والذي منه ان شاء الله ان شاء الله ولا قوة الا بالله (علشان العين بس وانا نجمي خفيف اوي) حبتدي رجيم الشهر الجاي :amb:

تحياتي

زيزيتا

[Folana]

السلام عليكم ورحمة الله....

ميرسى يا جرنفلة...انا بحبك كده لله فى الله من غير ايتهوا حاجة...بس ايدك على وصفة المسقعة بقى...

مدام زيزيتا عندنا ...يامرحبا يامرحبا...يامحاسن الحلو ومحاسن الصدف وكل المحاسين اللى فى الدنيا....انت كنت داخلة شرك فى النت ؟....طب كفارة بقى....

وعمالة تبخرى وتدخنى ورافعة حالة الطوارق :amb: ولسه حتبتدى الشهر الجاى...؟....طب لو حد من المسجلين خطر دول جاب نتيجة معاك وقدرتى تتخلصى من بضعة جرامات ابقى قولى لنا.....

اللى بعدى بيحب الملوخية.... -_-

[Modest]

اللى بعدى بيحب الملوخية....

أنا مش باحب الملوخية :)

نينة بتسأل عن اللي بيحب الملوخية يابني :amb: .. هو إنت لازم تبوظ كل موضوع تدخلُه؟ -_-

[galaxy]

بحب كتير اللازانيا................................. و اللي بعدي بيحب الكشري

[badroora]

بقي يا زيزي تقوليلي انى انا الوحيدة اللى قلبك وقفلة على

بالمفتاح وسيبانى خماشر سنه

واليوم حد من الاخوة الله يجبر بخاطرة فتحلى ودخلت لاقيتك قلبتى قلبك قطر يا زيزى وكل الناس دي فيه :unsure:

بجد وحشتينى جدا جدا ومش باتصل بيكي عشان مقموصة وحسه انك مشغولة كتير عنى .

:)

انا باموت فى الكشري وخصوصا فى مص ر او هنا فى البحرين عندي واحدة صحبتى بتعملة تحفة

اللى بعدي بيحب الويكة :)

[badroora]

زيزي نسيت سمعت انك هتعملى ريجيم وعندى ليك نظام فظيع جدا ومجرب وجايب نتايج هايلة من اول ايومين والله .

نظام متقوليش لعدوك عليه ومش خسارة فيكي يا قمر .

وتعالى انا وانتى نعمل برنامج الخاسر الاكبر بي عالخاص او الاميل عشان بس محدش يحسدنا ونتكلم عن الوزن براحتنا وتقولىلى وقولك خسيتى كام كيلوا فى الاسبوع .

ونخس فى الخباثة ونبقي احسن من نانسي وهايفة :unsure:

واليكي البرنامج

[zizetta]

وحشاني يا بدارة والله .. وبيوصلني سلامك .. ووصلت رسالتك كمان .. ان شاء الله نتواصل علي الخاص .. حلوة حكاية القطر دي .. بس مش كنتي تروحي إنجلترا والا أيرلاندا مثلا بدل الهند .. :happy: ... بجد وحشاني يا قمر .. تخيلي بقى تصاريف القدر ان امس حاولت اتصل بعيادة الدكتورة بتاعة الرجيم لقيتها نقلت عيادة تانية .. اتصلت بصديقة لي تقرب لها واديتني تليفونها الخاص .. وارن .. أرن .. أرن انها ترد .. أبداً وأبعث مسجات اطلب رقم العيادة انها ترد أبداً .. قولي لي بقى مش ده فال اني ما أروحش .. عموما ان حشوف النظام بتاعك اللي ارسلتيه لما أرجع اليوم لأني نازلة شوية مشاويييييييييييييير كتيييييييييير الآن ...

بالمناسبة انا اسمع عن الويكة لكن عمري ما أكلتها .. لكن أظن يعني ان اللي بعدي بيحب أم علي ( بالمناسبة تحضرني هنا دعابة عن أم علي .. لما كان د. علي لطفي رئيس الوزراء منع استيراد المكسرات .. فكنا لما نقول احنا عاملين ام علي من غير مكسرات طبعا .. كنا نقول عاملين ام علي لطفي .. :blush2:

تحياتي

زيزيتا

[galaxy]

انا بعشق ام علي و بعملها حلوة كمان ...............واللي بعدي بيحب محشي ورق العنب ...........وانا كمان :rolleyes:

[امانى]

انا باموت فى المحشى بوجه عام كرنب ورق عنب كوسة كله كله بحب اى نوع من المحشى وعلشان كدة انا بتخن اليومين دول

من المحشى والذى منه هتبع البرنامج اللى قالت عليه بدريه ونجرب وبلاه المحشى دلوقت ونشوف النتيجة

اللى بعدى بيحب صينية السمك السنجارى اوعو تقولو منعرفهاش لو ده صحيح ممكن اقولكم عليها وادعولى

امانى