بتحب تأكل ايه !!!

[AMEIR]

انا عن نفسي بحب اكل حاجة مهما كانت لو حتى هاكل عيش ملح زي عسل بفمي لكن مابحب الشطة رغم ان كل عائلتي تحب الشطة بما فيهم زوجتي الحبيبة لكني اكلها لكن لاحب حارة جدا angl::

[badroora]

امانى انا اعرف السمك بس مش اعرف السنجارى

وكمان انا احب السمك المشوي او المقلي بس من بره او من ايد اما اما لو انا اللى هاعملة يبقي مش بحب السمك خاااااااااالص angl::

امير بخصوص الشطة

انا احب الشطة الخفيفة يعنى لسعة بسيطة بس لكن لى اصحاب بيسفوا الشطة سف

اللى بعدي يقولنا ايه هو السنجارى وشكلة وبينعمل ازاى ماشي يا امون

[zizetta]

حسب معلوماتي من بتوع السمك اللي بشتري منهم السمك جاهز دايما اسهل واحسن .. ان السواحليه بيقولوا صينية سمك سنجاري علي اللي بنقول عليه احنا صينية سمك أو صيادية ..احنا بقى بنقول سمك سنجاري علي السمك المشوي ا لمفتوح ومحشي وهو مفتوح يعني السمكة البوري تتفتح خالص وتبقي نصفين متقابلين وعليهم التتبيله والحشو بتاعهم .. ده طبعا بعد بتاع السمك ما ياخد البطارخ ..

واللي بعدي زي بيحب ياكل أي حاجة غيره اللي طابخها ..

تحياتي

زيزيتا

[مصطفى عبد الوهاب]

بسم الله الرحمن الرحيم

السلام عليكم و رحمة الله و بركاته

السمك السنجاري بيكون عبارة عن سمك بوري مخلي من العظم و لكن من ناحية الظهر و يمكن نقعة في مارينيد ( سائل التتبيل ) ثم حشوة أو حشوة مباشرة و يتم حشوة بخلطة بسيطة مكونة من بصل و فلفل و طماطم مقطعة جليان ( جوانح ) و تتم تسويته في الفرن

و هو مختلف عن سمك الصيادية .

[امانى]

حبيبتى بدرية

السمك السنجارى مش سمك الصيادية هو السمك اللى وصفه الاخ مصطفى وهيعجبك اوى ويا سلام بقى لو رصيتى فى الصينية

من تحته حلقات بطاطس ورصيتى عليها السمك وتحطيها فى فرن متوسط الحرارة تحت وبعد كدة تنقليها على الرف فوق علشان

يتحمر وشها وبعدين تعالى عندنا فى الصيف انا بوجه لك دعوة اهو وانا ااكلك جميع اصناف السمك اللى بتحبيها بطريقة

الاسكندرانية

اللى بعدى بيحب التورلى بالحمة

امانى