ألف رحمة عليك يا سادات

[حسام يوسف]

السلام عليكم

اخى مهيب انا افهم كلماتك

لو انى اختلف معها

السادات أجل الحرب

أكتر من مرة

ولما الحرب قامت

افسدها اكثر من مرة

وممكن طبعا تقرا مذكرات سعد الدين الشاذلى

وبعدين انا لا افكر بشكل مطلق

دة حير تماما

ودة شرير تماما

لكن السادات شخص لا يجيد سوى الكذب

والتلفيق

وحكاية رجالةناصر والتكية

لا اعتقد فيمن هو فى ثقافتك انك تصدق حكاية المؤامرة والتصحيح والفيلم البنغالى الهابط دة

ولو كنا ننظر لأخطاء عبد الناصر

فانى ارى من وجهةنظرى الشخصية

ان من ابرز اخطاء عبدالناصر هي تقريبة لشخص كالسادات

وهو خطأ فادح

وبعدين التوبيك دة لو نقدنا السادات

والله ما هيقضى السلبيات

يكفى الفكر اياة اللى طلعة م القمقم وجابنا لورا سنين

وما زال فاعلا ويحاول ان يقصينا للتخلف

تقبل تحياتى

ومعلهش اختلفنا انا وانت المرة دى

حسدونا وباين فى عنيهم

(مع الاعتذار لعبدالوهاب)

[tahereyad]

يا كل من تكره السادات و تهاجمه,, أنت ممكن نفسيا كده مش بتحب السادات,, يعني,, الأرواح جنود مجنده, ما تلاقي منها أئتلف و ما تنافر منها اختلف,,, و يمكن في سلبيات في فترة حكم السادات مش عاجباك و مش عاجبة ناس كتير,, لكن احنا عاوزين نحسبها حسبه منطقيه,,, بمعني اننا ممكن نعتبر فترة حكم السادات عباره عن صندوق مقفول, مش هانفتحه و نشوف اللي جواه,,, لكن هانشوف مصر قبل الصندوق كانت عامله ازاي و بعد الصندوق بقت عامله ازاي؟ السادات استلم مصر و كانت أحوالها كالتالي:

الحاله الأقتصاديه,, طبعا معروف وقتها الناس كانت عايشه ازاي و بتاكل اللحمه كل أد ايه,, وازاي ان كانت ميزانيات الحروب المتتاليه اللي مصر كانت بتدخلها و تنهزم فيها كانت واكله كل الدخل القومي و بالتالي الفقر ساعتها كان شئ عادي ولا يقارن بالفقر اللي الناس بتتكلم ليه دلوقتي,,, لأن زمان ببساطه الفقير كان مش بيلاقي اللقمه الحاف بالكام يوم,, مش زي فقرا دلوقتي اللي مش بيلاقوا اللحمه و الفراخ و معندهمش موبايلات..

الحاله العسكريه: كام حرب مصر دخلتها سواء علي أرضها أو أراضي بلاد تانيه و أحيانا كنا بندخل حروب و مش عارفين ليه بندخلها و أخيرا انهزمنا ف 48 و 56 و 67,,, سلسله مستمره من الهزيمه و الموت و الدمار,,, و في الآخر,,, انتهت باحتلال جزء غالي من أرض مصر و استشهاد عدد كبير جدا من أولاد مصر و عودة الباقي حافيين من الجبهه,,, و في الآخر,, لا جيش ولا أسلحه ولا طيارات و نفسية محطمه

الحاله الداخليه: تسمع عن مراكز القوي؟؟,,, راجع كتاب التاريخ باب مراكز القوي و أجب الاسئله التاليه؟؟ من هم مراكز القوي؟ و من أتي بهم؟ و من اين استمدوا قوتهم؟ و هل علاقتم بالإقطاع علاقه ورث ولا علاقة غرام,,, و عملوا ايه فالشعب المصري و هل القلم السياسي بتاع صلاح نصر و عادل أدهم ليه علاقه بالإقطاع ولا كل واحد منهم كان ماشي فسكه لوحده؟

الحاله الدينيه: إيه أخبار الشباب ايامها,,, أعتقد ان اللي كانت بتلبس تحت الركبه كانو بيقولو عليها رجليها وحشه و مخبياها,, و اللي بتغطي شعرها بيقولو عليها متطرفه,,, واللي كان بيفكر انه يروح يصلي فالمسجد كان أبوه بيطرده من البيت,,,, كل ده عادي,,, اللي مش عادي بأه ظهور و اعتناق الأفكار الشيوعيه اللي كانت منتشره جدا أيامها و كنت طبيعي جدا انك تلاقي واحد فالجامعه و عالقهوة و فالشغل بيروج للأفكار الشيوعيه و الناس بتسمعله و متمخمخه و حاسين انه راجل مثفق و دماغه كبيره,, راجع فيلم فوزيه البرجوازيه.

الحاله النفسيه للشعب: قبل ماتكلم فالنقطه دي عاوز أفكرك بالناس اللي ربنا بيكرمهم دلوقتي بفرصه شغل فالخارج و فالخليج,,, شوف لما بيخرجوا بيقولو ايه علي مصر,, بالذات اللي كان ظروفه صعبه و مش بيشتغل أصلا و بيدخل في مقارنه بين مصر و أي دوله هو فيها,, طيب هي مالها مصر دلوقتي,,, موبايلات نوكيا و عربيات لانسر ماليه الشوارع و عمارات و مدن جديده بملايين وطلعت مصطفي و الناس بتشتري و العمارة لسه سوي الأرض و تجاره و مشاريع وفلوس و سياحه و مارينا,,,,

ممكن بأه تفكر دلوقتي فالناس اللي هاجرت من مصر زمان بعد النكسه,,, الناس دول خرجوا من مصر عاملين ايه و بيفكروا في مصر ازاي,, و شوف الناس دول ازاي نجحوا بره و اثبتوا نفسهم,,, و شوف اللي زيهم كان قاعد في مصر عامل ازاي و شوف في كام زويل نجح بره مصر و كام زويل مات جوه مصر,

الشعب المصري بعد ماشاف الهزيمه ورا الهزيمه فقد الثقه فكل حاجه و شاف الدنيا سودا و مابقاش يصدق اي خبر حلو,,, و أسأل الناس اللي سمعت أخبار حرب اكتوبر لأول مره قالت ايه,,, طبعا كانو متأكدين أن الحكومه بتضحك عليهم زي ماضحكوا عليهم ف 67 و قالولهم ان الجيش بيحارب اليهود في رفح

اللي فات ده ممكن ببساطه جدا بحاله مصر بعد الصندوق,, أقصد فترة حكم السادات,, الناس عرفت طعم اللحمه,, قصدي الفرحه و الشباب ربي دقنه وبقوا بيصلوا فالجوامع و الفنانات اتحجبت و بقوا داعيات للاسلام,, و ده لأن الراجل لما جه يحارب الشيوعيه اللي كانت ماشيه فالبلد حاربها بالعوده لكتاب الله اللي كان قارئ ليه و كان دايما علي لسانه فكل مناسبه,,, و لولا كده كان مصير مصر هايبقي زي مصير تركيا العلمانيه اللي مش طايقين ناس لهم أي علاقه بالدين يمسكوا البلد,,, و كان زماننا دلوقتي مسلمين و مسيحيين بقينا علي دين واحد,, و هو الشيوعيه,,

السادات قبل ماينتصر علي أعداء مصر فالخارج, انتصر عليهم فالداخل,,, راجع كتاب التاريخ باب ثورة التصحيح سنة 71 يعني قبل انتصار أكتوبر ب 5 سنين, و طبعا مش هاتكلم علي حرب أكتوبر عشان أكيد انت راجعت كتاب التاريخ باب انتصار أكتوبر العظيم,,, و بعدين في نقطه مهمه,, و هي ان السادات لما حب ينعش الحاله الماديه شويه للبلد عمل سياسة الانفتاح و فعلا ثمرتها كانت ظهرت و الحاله الاقتصاديه العامة اتغيرت,,, لكن في ناس أساؤو استخدام السياسه دي و هرّبوا و استوردوا أكل فاسد و تاجروا فالمخدرات,, و دي طبعا ماكنتش من أهداف الانفتاح

و أخيرا, بالنسبه لنقطة المعتقلات في عهد السادات أعتقد والله اعلي و أعلم ان مافيش رئيس مسك مصر دلوقتي الا و في بدايته أطلق كل المعتقلين القدامي عشان يفضي مكان للمعتقلين الجداد في عهده,,, و ده حصل مع السادات و مع اللي قبله و اللي بعده,, و بعدين دوله بحجم مصر و فيها العدد الكبير من السكان ده كله لازم يكون فيها معتقلات تليق بالمقام....و الراجل كان شايف انه حقق إنتصار كبير و قطع شوط و مكانش عايز حد يكون عقبه في طريق النجاحات.. وجهة نظر

ربنا يرحم السادات, و يتجاوز عن خطاياه,, و يجعل كل ما فعله لمصر في ميزان حسناته,,,, و أحسبه عند الله شهيدا

[حسام يوسف]

السلام عليكم

بداية الموضوع مايدخلش فية نفسيا

لاننا بنتكلم عن ارفع منصب مصرى

ومنصب لة تأثيرات بالغة على الشعب كلة اثناء وبعد حكم الرئيس

بالنسبة للحالة الاقتصادية حصل انتعاش

فقط

للحرامية والهليبة وبتوع الانفتاح

لم تتحسن احوال المواطن العادى اقتصاديا

برغم زوال السبب الذى تغنى السادات بأنة السبب الرئيسى لمشاكل مصر الاقتصادية

الحرب

الا ان الحال لم تتحسن

عسكريا

كنا هنحارب يعنى هنحارب

بناصر

بالسادات

باى حد

كنا هنحارب

يعنى اية صاحب قرار الحرب؟

لشعب المصرى كلة كان صاحب القرار

كل ما فعلة السادات

ان اجلها اكثر من مرة

وفى الاخر

افسد الحرب

وحتى حين انتهت الحرب

وحان وقت الانتعاش الاقتصادى

لم يذق مصرى اى تحسن فى الناحية الاقتصادية

اللهم الا حرامية الانفتاح والعائلة والاصهار

ناس تحارب

وناس تغرف وتعبى

وبعد ما كنا مش لقيين اللحمة

مبيقناش لاقيين العيش

ولم يحدث تهريب وتخريب للثروة الاقتصادية مثلما حدث مع السادات

وحكم الشلل والرقايب

والنسايب

(مرعوبين مرعوبين للشيخ امام ونجم)

واعتذر انى سأكمل الرد فى مشاركة لاحقة

تقبل تحياتى

تم تعديل 13 يوليو 2008 بواسطة حسام يوسف

[أبو محمد]

أخى مهيب

أعدتنى إلى هذا الموضوع رغم أنفى .. عندما فتحت صفحة الموقع كان أول ما لفت نظرى رابط الموضوع وأسمك كصاحب آخر مشاركة فيه .. وأنا من عشاق كتابتك .. فلم أستطع منع نفسى من استهلال تصفحى بقراءة الموضوع ...

أوجزت فأنجزت يا عزيزى ...

أخطاء السادات وربما تكون بعضها خطايا هى أخطاء وخطايا البشر ، كما كانت أخطاء وخطايا من قبله ومن سيجئ بعده إلى أن يرث الله الأرض ومن عليها ... والأخطاء التى يتحمل السادات مسؤوليتها كزعيم سياسى "كما يُنسب إليه فضل اتخاذ أكبر قرارين فى التاريخ الحديث "الذى أعتبر نفسى شاهد عيان عليه بل ومشاركا مع الملايين فى صنعه" وهما قرار الحرب وقرار السلام مع إسرائيل .. أقول إن تلك الأخطاء المسؤول هو عنها تركزت - فى رأيى - فى ثلاث نقاط رئيسية :

1) السماح بانفتاح الاستهلاك والسبهللة وعدم وأده فى المهد .. فللحقيقة - وكشاهد عيان - لم تكن النية والقصد من وراء اتباع سياسة الانفتاح السياسى هو إغراق البلاد بكل مستورد من السلع الاستهلاكية ، وإعطاء الفرصة "للقطط السمان" (وهو تعبير - مع زميله تعبير "السلع الاستفزازية" - سابق لفترة رئاسته وكان يُطلق فى الصحف ومجلس الأمة على جبابرة استغلال سياسة الانغلاق من عتاولة الاشتراكية) .. لقد انقضَّت تلك القطط على سياسة الانفتاح الاقتصادى وأوصلته - مع ورثتها من بعدها - إلى ما نحن فيه الآن من خراب ووضع اقتصادى مائع بين اقتصاد السوق والاقتصاد الموجه لمنفعة الحلفاء أو الأزواج .. "أقصد الزواج الباطل بين المسؤولية السياسية ورأس المال المنهوب" .... وكشاهد عيان ، أشهد بأننى سمعت السادات أكثر من مرة ينتقد هذا الوضع ويبرره فى نفس الوقت ... عجيبة ، أليس كذلك ؟ ...

كان قرار اتباع سياسة الانفتاح الاقتصادى والتعددية السياسة (بدأت بثلاث منابر .. اليمين والوسط واليسار .. داخل التنظيم السياسى الأوحد ثم انقلبت إلى أحزاب ثلاثة) .. كان هذا القرار وغيره من القرارات هو نتاج ورقة عمل سُميت "ورقة أكتوبر" اشترك إشترك فى وضعها مثقفون من كافة الاتجاهات وأعتقد أن من صاغ الورقة كان الكاتب المعروف بيساريته أحمد بهاء الدين عليه رحمة الله ..

كان السادات ينادى بتصحيح مسار الانفتاح الاقتصادى وأطلق فى سبيل ذلك شعار "الانفتاح الإنتاجى" كمقابل لسياسة "الانفتاح الاستهلاكى" ... ولكنه بكل أسف برر الانفتاح الاستهلاكى ولم يقضى عليه فى المهد ... كان تبريره أن الشعب خارج من مرحلة حرمان من كل ما هو جيد من السلع (أعود هنا إلى تعبير "السلع الاستفزازية" والذى كان يُطلق على السلع المهربة بواسطة الاشتراكيين الكبار مثل التفاح وصابون لوكس وكامى وعطر الأولد سبايس والكاسيتات .. نعم .. كانت هذه السلع تستفز السواد الأعظم من الشعب الذى كان يأكل الأرز الكسر ببطاقة التموين ويحصل عن طريق نفس البطاقة على صابون كان أرقاه نوع إسمه ج 11 وكان من الطبيعى أن يدخل الضيف على مضيفه بهدية عبارة عن كيس أرز أو سكر أو كام متر كستور (والله أنا لا أبالغ)

وعندما اتخذ قرار تحويل بورسعيد إلى منطقة حرة بعد فتح قناة السويس للملاحة الدولية فى 5 يونية عام 75 قال إنه قد آن الأوان لتعويض مواطنى مدن القناة عن سنوات عجاف وتهجير إجبارى بعد هزيمة 5 يونية 67 .. وكان قرار إنشاء المنطقة الحرة متزامنا مع إنشاء منطقة جبل على أو سابقا عليها .. وعندما بدأت كان الهدف استقطاب الشركات والمصانع العالمية الكبرى لتنتج هنا بما فى ذلك من فوائد نقل التكنولوجيا وتعليم الكوادر الوطنية وخلق فرص العمل والاستحواذ على نصيب كبير من سوق الشرق الأوسط ... وفى أواخر السبعينيات وأوائل الثمانينيات لمست بنفسى ميزة الحصول من بورسعيد على مواد صناعية (سواء المصنعة فى المنطقة الحرة أو التى كانت متوافرة لغرض إعادة التصدير) وهى مواد كان الحصول عليها يستغرق شهورا .... وأيضا ، وللأسف تحولت بورسعيد إلى معقل من معاقل التهريب واستنزاف العملات الحرة بعدما كان مخططا لها أن تكون معقل من معاقل التصنيع وتجارة الترانزيت ....

2) محاولة ضرب التيارات المعارضة بأعدائها الطبيعيين .. وذلك عندما أطلق مارد التيار السياسى المتأسلم من القمقم الذى وضعه فيه النظام السابق له وشجعه على النمو لضرب التيارات المعارضة وبالذات التيارين اليسارى والناصرى .. كانت هذه لعبة خطيرة لا زلنا نعانى من نتائج عدم إتقانها ... بل كان هو شخصيا من أوائل ضحاياها بعدما بانت خطورتها على الوحدة الوطنية التى نهشها التطرف الدينى من الجانبين

3) عدم قدرته على التخلص من ثقافة الحكم الشمولى .. وتجلى هذا فى اعتقالات سبتمبر 1980 بحجة قلقه على إتمام الانسحاب الكامل من سيناء والذى كانت إسرائيل بزعامة الليكود ومناحم بيجن تتلمس الذرائع للمماطلة فى إتمامه كعادتها .. وأذكر التذرع بفندق طابا ومستعمرة ياميت "مستعمرة واحدة يا أولى الألباب" وكان رده على بيجن الذى طالب فيها بتعويضات خرافية أنه لا يريد فيها بناءً قائما وطالبهم بحرثها أو حرقها عند انسحابهم منها ... ورفض مبدأ التوفيق (الذى اقترحته إسرائيل بناءً على اتفاقية كامب دافيد) بالنسبة لطابا وأصر على الذهاب إلى التحكيم مباشرة الذى جاء لصالح مصر بعد ثمان سنوات من الجهد القانونى الرائع الذى اشترك فيه فريق من الخبراء من كافة الانتماءات السياسية والفكرية وعلى رأسهم الزعيم الوفدى وحيد رأفت المحامى يرحمه الله

تغلبت بداخله جينات الحكم الشمولى والديكتاتورية فقام باعتقال معارضيه من كافة الاتجاهات والانتماءات السياسية وخاصة أولئك الذين تربوا على الحروب الميكروفونية وأساطين الإعلام أحادى الفكر .. بحجة أنه لا يريد إعطاء إسرائيل أى ذريعة بدعاوى العودة إلى الكفاح المسلح لإرغام إسرائيل على الانسحاب .. لم يطق صبرا على المعارضة السياسية .. ولم يقو على محاربيه فى الداخل المصرى والخارج العربى إلا بالعودة إلى سياسة الاعتقال التى شجبها فى بداية عهده وحصل على تأييد شعبى منقطع النظير بالتبشير بعكس تلك السياسة والعودة إلى الديموقراطية بعد ويلات الديكتاتورية وإلى التعددية السياسية بعد كوارث نظام الحزب الأوحد

تلك فى رأيى أهم أخطاء أو خطايا السادات ...

ومع ذلك فأنا أعتبره من أكثر الزعماء المصريين تعرضا للظلم فى حياته وبعد موته ...

ولكن عندما يتلاشى صدى الصوت العالى الذى يلطخ إنجازات الرجل ، سيبدأ التاريخ - حتما - فى إعادة الاعتبار إلى زعيم من أصحاب الرؤى السياسية البعيدة .. ولنسأل أنفسنا سؤالا بسيطا - وأشهد عليه كبار السن ممن عاصروا مماطلة إسرائيل فى الانسحاب بحجة مستعمرة ياميت - ماذا لو كنا انسقنا وراء المحاربين بالميكروفونات وسلكنا نفس طريق سوريا الأسد وسمحنا لإسرائيل بزرع سيناء بالمستوطنات ؟؟ ماذا لو انسقنا وراء خبراء المفاوضات السرية والعلنية الذين لا يزالون يتحادثون ويتفاوضون بينما أراضيهم تغطيها المستوطنات التى ستحتاج إلى معجزة لإزالتها ؟؟؟

[samady]

مع كانل غحترامي لكل المشاركات اسمحولي أضيف أو أوضح بعض الحقائق اللي لازم تتحط في الميزان عند الحديث عن ماضي أو تاريخ مصر

1) الحرب مش مجرد صواريخ وقنابل ودبابات وفي الأخر احتل ارض أو أحرر أرض وخصوصا لما نتكلم عن ارض سينا لأن سينا بالذات هي أض صحراوية غير قابلة لتغييرات جغرافبة جوهرية على عكس القدس او غزة أو الضفة الغربية أو حتى الجولان والدليل زي مالأخ أبو محمد قال إن طول 6 سنين اسرائيل احتلت فيها سيناء مابنيتش فيها غير مستعمرة واحدة ده بالأضافة إن اسرائي غير قادرة من ناحية تعداد السكان على الأقل على ملئ كل أرض سيناء ناهيك عن العوائق الأقتصادية والجغرافية والأجتماعية وخلافو وبالتالي سينا كانت راجعة راجعة بس طبعا كل ماوقت طال كل مالشعب المصري كان بيحس بالمهانة والذل وبالتالي بردو قرار الحرب كان لازم يأخذ لمنع حالة غليان داخلي من تخاذل الحكومة في استرداد الرض ، أرجع تاني للحرب نفسها وأقول ان الحرب تمتد لتشمل العمل السياسي اللي بعد الحرب لأن مش معقول ان بعد اسبوع حرب مصر واسرائي هيبقو حبايب أكيد هيكون في حلاب سياسية مستمرة حتى الأن وطبعا ناتيجتها واضحة تماما ومش محتاجة نقاش بس المشكلة الفعلية ان الوضع ده بدا مباشرة بعد النصر العسكري التاريخي اللي الفضل فيه يرجع الى القادة العسكريين اللي خططو والى الجنود والعساكر اللي نفذو واللي بعده علطول بدأت سلسلو من التنازلات ( على الرغم من ان احنا اللي انتصرنا) ولسة التنازلات مستمرة لحد الان

2) من الناحية الأقتصادية اعتقد ان ثورة الجياع (كما يحلو للبعض ان يسمبها) هي خير تعبير عن ماكان يعانيه السواد الأعظم من الناس اللي مستحملوش ان الأسعار تزيد ولو حتى ذيادة بسيطة

ده كان توضيح بسيط لراي المتواضع

[م بـدران]

الف رحمه ونور تنزل عليك يا سادات

للرفع ولي عوده بعد القراءه الكامله للموضوع

[otaka]

السادات فعل فى لبنان ما فعل مبارك فى غزه

من لا يمثل الشعب لا يستحق ان يتذكره الشعب

[أبو محمد]

السادات فعل فى لبنان ما فعل مبارك فى غزه

من لا يمثل الشعب لا يستحق ان يتذكره الشعب

جديدة دى يا أوتاكا

أنا أعرف إن الحرب الأهلية فى لبنان اندلعت فى أبريل 75 .. كان الراجل وقتها بيفكر يفتح قناة السويس للملاحة الدولية .. يعنى لا كان بيفكر يخون (بمبادرة زيارة القدس عام 77) ولا كان لسه انبطح بتوقيع كامب دافيد (فى 79) وكلها تواريخ زى ما انت شايف بعد قيام الحرب الأهلية التى سببها التواجد ال ... ولاَّ بلاش دلوقتى ..

نخللى الأسباب بعد ما تشرح لنا كيف فعل السادات بلبنان كما فعل مبارك بغزة ..

[Alshiekh]

السادات فعل فى لبنان ما فعل مبارك فى غزه

من لا يمثل الشعب لا يستحق ان يتذكره الشعب

خلاص ياأستاذ اوتاكا

مصر بلد وحشة ورؤساءها وحشين وناسها وحشين

أتركوا مصر فى حالها وقبل ان تحاسبوها وزعوا عليها عوائدخيرات الارض ثم اطلبوا منها ان تكون الشقيق الاكبر والقائد الذى يطاع أو أبحثوا همن لايتاجر بآلام وبقضايا لبنان او فلسطين او سوريا او السودان او الصومال او ليبيا او موريتانيا او العراق او اليمن السعيد أو المغرب أو الجزائر أو تونس .

الا يوجد غير مصر؟ الكل يريد ان يحملها تبعات واخطاء الصغار ؟ مالكم كيف تحكمون؟

السادات يا أخى بح صوته بقولته المشهورة " أرفعوا ايديكم عن لبنان " ولم يرفعوها الا وهى تحتضر.

ومبارك قال لهم اتفقوا ، ولكنهم اتفقوا على الا يتفقوا ، ماهو المطلوب من مصر بالضبط؟ تفك لهم الاعمال والعكوسات؟ ام تنظم لهم حفلة زار؟

يكفى كلمة حق قالها هويدى فى لقاء من عدة ايام عن مبادرة السادات وكيف ان الشعب كان سعيدا بها ، ولكنهم هم حملة المباخر وهو منهم هم الذين عارضوها.

وهو طبعا لم يقل حملة المباخر ولكنه قال " الحقيقة ان الشعب كان مع السادات واحنا اللى كنا معارضين "

[م بـدران]

لقد قرأت كل الطروحات التي ناقشها الأخوه الأعضاء الذي عايش معظمهم عهد أنور السادات والذين ناقشوا فيها المساوئ والإنجازات التي لم أعايشها ولكنني لمست

فيها معاني كثيره سواء مع أختلاف الأولويات أو تباين الآراء على فترات حكم الرئيس عبد الناصر أو الرئيس أنور السادات إلا أنني أعتقد أنه كلنا اجتمعنا قبل أي شئ

في حب هذا الوطن الذي أتشرف بالإنتماء اليه قلبا وقالبا ..

وأتشرف كثيرا أن بلدي قد حكمت من الرئيس الذي أعزه الله عز وجل بالفضل والنصر من عنده وسود وجه كل من لا يرد لمصر أن تهنئ بيوم واحد تعيش

فيه مصر بسلام وطمأنينه ..

كــ مصرييـن

دعونا نتفق أن هذا الرجل هو أول من صفع وجه الغرور الإسرائيلي واسقط فناعه واستطاع ان يقود احد أشهر الحروب العسكريه المنظمة التي تدرس الآن في العالم

وكيف استطاع فيها أن يثبت أنه لا يوجد جيش في العالم لا يقهر ..

دعونا نتفق أن هذا الرجل هو الذي أخرج مصرنا من غياهب المستنقع القومجي العربي الذي كان يعاني من شيزوفرينيا الشعارات والأمجاد والبطولات الزائفة وماكانوا

يستطيعون التفرقة بين القضية الفلسطينية و قضية القدس و المسجد الأقصى ..

دعونا نتفق أن هذا الرجل هو أول من صفع وجوه القومجيه العرب ذوات ال 24 حنجره وأعطاهم درسا في كيفية إدارة المعارك ووضعهم أمام شعوبهم المغيبه

في الحجم الذي يستحقونه ..

دعونا نتفق أن هذا الرجل أول من أستطاع أن يضع لبلده هدفا واستراتيجيه نجح في تحقيقها إقليميا بالحرب المنظمه وقام بتسويقها عالميا بالسلام العادل والشامل

رغم الخذلان القومجي العربي حينها ..

دعونا نتفق أن هذا الرجل هو أول من رسم لهم الخط السياسي الواقعي الذي يصلح لإستعادة الحقوق المغتصبه والأرض المحتله .. والذين يمشون فيه الآن

دون ذرة عرفان أو شكر ..

رحمة الله عليك سيدي الرئيس أنور السادات ويغفر لك خطاياك بحق هذا السلام الذي ننعم به الآن ..

تم تعديل 10 يناير 2009 بواسطة م بـدران

[مغتربة]

من واحده لم تحى فى عصر السادات و لكنى اقولها صادقه

باننى اتمنى لو كنت اعشت فى عصره

رحمك الله يا اعظم من حكم مصر بعد محمد على و يا من يحتاج العرب الى قرون ليتفهموا عبقريتك و بعد نظرك

ملاحظه (راى شخصى لا الزم به احد و افضل عدم المناقشه حوله )

[otaka]

السادات فعل فى لبنان ما فعل مبارك فى غزه

من لا يمثل الشعب لا يستحق ان يتذكره الشعب

جديدة دى يا أوتاكا :)

أنا أعرف إن الحرب الأهلية فى لبنان اندلعت فى أبريل 75 .. كان الراجل وقتها بيفكر يفتح قناة السويس للملاحة الدولية .. يعنى لا كان بيفكر يخون (بمبادرة زيارة القدس عام 77) ولا كان لسه انبطح بتوقيع كامب دافيد (فى 79) وكلها تواريخ زى ما انت شايف بعد قيام الحرب الأهلية التى سببها التواجد ال ... ولاَّ بلاش دلوقتى ..

نخللى الأسباب بعد ما تشرح لنا كيف فعل السادات بلبنان كما فعل مبارك بغزة ..

العزيز ابو محمد

اسف للتاخير

الموضوع لا يتعلق بالحرب الاهليه فى لبنان لانى اعتقد ان الحرب الاهليه نزاع بين اطراف ليس بينهم من نصفه بالعدو فكلهم اخوه لنا سواء كنا متفقين او مختلفين فبيننا كثير من المشتركات

موضوع موقف السادات من لبنان قصدت به الاتى و اليك القصه

طبعا حضرتك عارف موضوع ويزمان و بيجن فى معرفه رد فعل السادات فى الاجتياح الجزئى فى عمليه الليطانى فى ١٩٧٨

السيد محمد إبراهيم كامل رحمه الله وزير الخارجية الأسبق اتصل فى 15 مارس 1978 عدة مرات بالرئيس أنور السادات ليعرض عليه بيانا أعده لإصداره باسم وزارة الخارجية، ولكن السادات كان نائما. ولم يتصل بوزير خارجيته إلا فى الساعة الواحدة والنصف بعد الظهر وسأله فى صوت ملؤه التثاؤب عن أسباب طلبه تليفونيا، فأخبره بأن الأمر يتعلق بالهجوم الإسرائيلى على لبنان، ويكمل وزير الخارجية ما حدث بعد ذلك بقوله:

قال السادات ضاحكا: هل أعطوهم العلقة ولا لسه؟ ولم يخطر ببالى ما يقصده فقلت متسائلا: أفندم؟ فقال يعنى أدبوهم ولا لسه؟ وفهمت أخيرا أنه يقصد إن كان قد تم للإسرائيليين تلقين الفلسطينيين درسا بسبب العملية التى قام بها الفدائيون داخل إسرائيل منذ أيام.

ده مش كامل بس اللى قال بعدها فى عام 1981 قالها الاخ

عيزر وايزمان وزير الدفاع الإسرائيلى عند وقوع العدوان وأشار إلى أنه بعد دقائق قليلة من اجتياز أول دبابة إسرائيلية لحدود جنوب لبنان، اتصل وايزمان برئيس الوفد الإسرائيلى فى القاهرة وطلب منه ابلاغ رئيس المخابرات العسكرية المصرية بأنه منذ وقت قصير بدأت قواتنا عملية محدودة على الحدود اللبنانية للقضاء على الإرهابيين وأتعشم أن هذه العملية المحدود لن تعطل المحادثات بين بلدينا.

ويضيف إبراهيم بكلمات تقطر مرارة وألما: كان هذا هو جوهر الرسالة الأولى من نوعها، التى تلقاها رئيس المخابرات العسكرية المصرية وعادت بى ذاكرتى إلى المحادثة التليفونية بينى وبين السادات منذ ثلاث سنوات، وفهمت سر لهجته الهادئة ونبراته الضاحكة وهو يسألنى عن درس التأديب فقد كان يعلم قبل ذهابه إلى النوم من الرسالة التى تلقاها أن إسرائيل بدأت عملية محدودة على الحدود مع لبنان

[otaka]

السادات فعل فى لبنان ما فعل مبارك فى غزه

من لا يمثل الشعب لا يستحق ان يتذكره الشعب

خلاص ياأستاذ اوتاكا

مصر بلد وحشة ورؤساءها وحشين وناسها وحشين

أتركوا مصر فى حالها وقبل ان تحاسبوها وزعوا عليها عوائدخيرات الارض ثم اطلبوا منها ان تكون الشقيق الاكبر والقائد الذى يطاع أو أبحثوا همن لايتاجر بآلام وبقضايا لبنان او فلسطين او سوريا او السودان او الصومال او ليبيا او موريتانيا او العراق او اليمن السعيد أو المغرب أو الجزائر أو تونس .

الا يوجد غير مصر؟ الكل يريد ان يحملها تبعات واخطاء الصغار ؟ مالكم كيف تحكمون؟

السادات يا أخى بح صوته بقولته المشهورة " أرفعوا ايديكم عن لبنان " ولم يرفعوها الا وهى تحتضر.

ومبارك قال لهم اتفقوا ، ولكنهم اتفقوا على الا يتفقوا ، ماهو المطلوب من مصر بالضبط؟ تفك لهم الاعمال والعكوسات؟ ام تنظم لهم حفلة زار؟

يكفى كلمة حق قالها هويدى فى لقاء من عدة ايام عن مبادرة السادات وكيف ان الشعب كان سعيدا بها ، ولكنهم هم حملة المباخر وهو منهم هم الذين عارضوها.

وهو طبعا لم يقل حملة المباخر ولكنه قال " الحقيقة ان الشعب كان مع السادات واحنا اللى كنا معارضين "

اولا مصر مش بلد وحشه

و ناس مصر مش ناس وحشه

ده اولا

السادات ليس مصر و مبارك ليس مصر و عبد الناصر ليس مصر

كل منهم موظف عند الشعب المصرى غصبا عن عين الشعب ولذا فهم لا يمثلون لا الشعب و لا مصر بالنسبه لى شخصيا

اذا كنت ترى انهم كذلك فلك كامل الاحترام لكنى تعلمت التفرقه بين الحاكم و الشعب منذ زمن و الا لكنت اول الفرحيين باحدات ١١ سبتمبر و ٧ يوليو

ثانيا و ده موضوعنا حينما قال السادات ارفعوا ايديكم عن لبنان لم يقولها من موقف الحكمه و لكن من موقف العجز لانه لم يكن يستطيع ان يفعل شيئا فى لبنان يعنى مثلما يطل علينا الاعلام الرسمى الان قائلا ما انا قلتلهم و حذرتهم و نبهت و هنشوف

السادات قالها لسوريا من باب اداء الواجب يعنى نظام ما انا قلتلهم

هو قالها لسوريا و لم يتخذ اى موقف بعديها فكده يبقى عداه العيب

بعدين يا اخى الفاضل هو مين اللى كان كابس على لبنان علشان يرفع ايده

هو السادات و اسف فى اللفظ يستجرى يقول لامريكا و فرنسا ارفعوا ايديكوا

انا لا اعتقد ذلك

[dawn walker]

بصراحة شديدة ...الموضوع رائع ...واستفدت كثيرا من اراء كل المشاركين فى الموضوع ...ولكن هناك ملحوظة الاخوة المنتقدين للرئيس السادات ..يبالغون فى نقد التفاصبل وفى نقد اى فعل أو تصريح قاله ..وعندما ياتى الحديث عن عبد الناصر ..فيتم نسيان التفاصيل ..والحديث عن العناوين الكبرى فقط.......الله يرحم جميع موتانا وموتى المسلمين

[znaty]

قلناها زمان وقالوا اطلعوا من البلد

الف رحمه عليك يا اخر الرجال المحترمين

[fatfouta]

قلناها زمان وقالوا اطلعوا من البلد

الف رحمه عليك يا اخر الرجال المحترمين

صح والله على الاقل فى عهده جاب النصر انما مبارك جابلنا ايه غير..... ولا بلاااااااااش

[Alshiekh]

قلناها زمان وقالوا اطلعوا من البلد

الف رحمه عليك يا اخر الرجال المحترمين

صح والله على الاقل فى عهده جاب النصر انما مبارك جابلنا ايه غير..... ولا بلاااااااااش

مبارك كان احد الرجال الذين ساعدوا فى تحقيق النصر ، وهو ايضا من لم يركب موجة الابواق والميكرفونات ويكفى والشهادة لله انه لم يزج بمصر فى نزاعات عسكرية لاناقة لنا فيها ولاجمل.

أقول هذا على الرغم من عدم رضائى عن اعماله فى الداخل.

[newcomer]

انا بيتهيأ لى ان احنا ....يمكن كعاده فرعونية...مابنشكرش غير فى اللى ماتوا بس!!

حتى فى حياتنا العادية.....جيراننا ...اهلنا ....زمايلنا....كله ..كله

مابنشوفش ميزاتهم....غير لما يموتوا!!!

يمكن محتاجيين شويه.....نتبنى ثقافة ......العدل فى الاحكام على الاشخاص و الاحداث

او ثقافة ان احنا بشر ....لينا حسانتنا و سيئاتنا

و ان ممكن اكره حد ...او اختلف معاه

بس اكون عادلة فى حكمى عليه لما يعمل حاجة كويسه

يمكن برضة محتاجين نتخلى عن ثقافه " مع .... او ...ضد" الشخص على بعضه

عموما الله يرحم الرئيس السادات.....

و الله لو ماكنش ليه اى حسنات غير

قرار حرب اكتوبر.....بس

كان يبقى كفايه....

[أبو محمد]

السادات فعل فى لبنان ما فعل مبارك فى غزه

من لا يمثل الشعب لا يستحق ان يتذكره الشعب

جديدة دى يا أوتاكا

أنا أعرف إن الحرب الأهلية فى لبنان اندلعت فى أبريل 75 .. كان الراجل وقتها بيفكر يفتح قناة السويس للملاحة الدولية .. يعنى لا كان بيفكر يخون (بمبادرة زيارة القدس عام 77) ولا كان لسه انبطح بتوقيع كامب دافيد (فى 79) وكلها تواريخ زى ما انت شايف بعد قيام الحرب الأهلية التى سببها التواجد ال ... ولاَّ بلاش دلوقتى ..

نخللى الأسباب بعد ما تشرح لنا كيف فعل السادات بلبنان كما فعل مبارك بغزة ..

العزيز ابو محمد

اسف للتاخير

الموضوع لا يتعلق بالحرب الاهليه فى لبنان لانى اعتقد ان الحرب الاهليه نزاع بين اطراف ليس بينهم من نصفه بالعدو فكلهم اخوه لنا سواء كنا متفقين او مختلفين فبيننا كثير من المشتركات

موضوع موقف السادات من لبنان قصدت به الاتى و اليك القصه

طبعا حضرتك عارف موضوع ويزمان و بيجن فى معرفه رد فعل السادات فى الاجتياح الجزئى فى عمليه الليطانى فى ١٩٧٨

السيد محمد إبراهيم كامل رحمه الله وزير الخارجية الأسبق اتصل فى 15 مارس 1978 عدة مرات بالرئيس أنور السادات ليعرض عليه بيانا أعده لإصداره باسم وزارة الخارجية، ولكن السادات كان نائما. ولم يتصل بوزير خارجيته إلا فى الساعة الواحدة والنصف بعد الظهر وسأله فى صوت ملؤه التثاؤب عن أسباب طلبه تليفونيا، فأخبره بأن الأمر يتعلق بالهجوم الإسرائيلى على لبنان، ويكمل وزير الخارجية ما حدث بعد ذلك بقوله:

قال السادات ضاحكا: هل أعطوهم العلقة ولا لسه؟ ولم يخطر ببالى ما يقصده فقلت متسائلا: أفندم؟ فقال يعنى أدبوهم ولا لسه؟ وفهمت أخيرا أنه يقصد إن كان قد تم للإسرائيليين تلقين الفلسطينيين درسا بسبب العملية التى قام بها الفدائيون داخل إسرائيل منذ أيام.

ده مش كامل بس اللى قال بعدها فى عام 1981 قالها الاخ

عيزر وايزمان وزير الدفاع الإسرائيلى عند وقوع العدوان وأشار إلى أنه بعد دقائق قليلة من اجتياز أول دبابة إسرائيلية لحدود جنوب لبنان، اتصل وايزمان برئيس الوفد الإسرائيلى فى القاهرة وطلب منه ابلاغ رئيس المخابرات العسكرية المصرية بأنه منذ وقت قصير بدأت قواتنا عملية محدودة على الحدود اللبنانية للقضاء على الإرهابيين وأتعشم أن هذه العملية المحدود لن تعطل المحادثات بين بلدينا.

ويضيف إبراهيم بكلمات تقطر مرارة وألما: كان هذا هو جوهر الرسالة الأولى من نوعها، التى تلقاها رئيس المخابرات العسكرية المصرية وعادت بى ذاكرتى إلى المحادثة التليفونية بينى وبين السادات منذ ثلاث سنوات، وفهمت سر لهجته الهادئة ونبراته الضاحكة وهو يسألنى عن درس التأديب فقد كان يعلم قبل ذهابه إلى النوم من الرسالة التى تلقاها أن إسرائيل بدأت عملية محدودة على الحدود مع لبنان

عزيزى أوتاكا

مع احترامى لك ولرأيك .. ومع احترامى لمحمد ابراهيم كامل رحمه الله إلا اننى لا أرى فيما أوردت إلا جزءا من مذكرات محمد ابراهيم كامل التى نُشرها تبريرا لانسحابه من عملية السلام .. لأنه (وهذا أحترمه فيه جدا) لم يقو على تحمل مسؤولية توقيع معاهدة سلام مع إسرائيل نخالفة لقناعته

هو كلام مذكرات يا عزيزى .. وكلام عن موقف بين اثنين من الناس أحدهما كان قد مات ولا يستطيع أن ينفى أو يؤكد أو يشرح ما قيل عنه .. قد يكون الرد أنه لم يكن مسموحا له بالكلام فى حياة ذلك الشخص "الميت" ... وفى هذه الحالة كان الأحرى به ألا يحكى موقف لا يستطيع إثباته بوثائق أو بشهادة شهود .. هو كلام تبرير .. ثم يأتى بتصريح لوايزمان ليأخذخ دليلا على ما تبريره .. وفى الحقيقة كلام وايزمان أبعد ما يكون عن ذلك ..

أنا كنت فاكرك حتقول حاجة تانية تؤكد بها ما قلته من أن السادات فعل بلبنان ما فعل مبارك بفلسطين .. مع عدم معرفتى ماذا فعل مبارك بفلسطين .. أللهم إلا كنت تردد ما بثته قناة الجزيرة على لسان عبد البارى عطوان وأمثاله من أن زيارة ليفنى لمصر كانت لأخ الضوء الأخضر .. أو لإخطار مؤسسة الرئاسة بالعدوان وغير ذلك من الكلام الذى وراؤه ما وراؤه ... على العموم هذا الكلام قُتل بحثا فى مواضيع مفتوحة إلى الآن خاصة بالعدوان الإسرائيلى على غزة

[tantrum]

لن انسى أبدا هذا المنظر و السادات يشير بإصبعه لقاتله أن يرجع...ثم يستقبل الطلقات الحارقة فى صدره دون أن يفكر فى الإختفاء خلف سور المنصة.

لن أنسى ابدا أننا قتلنا القائد الوحيد الذى إنتزع نصرا من اليهود يوم إحتفاله بذكرى النصر....

لن أنسى أنه قتل غيلة و غدرا...

و لكن التاريخ يعزينى عندما أتذكر أن الراشدون عمر بن الخطاب..و عثمان بن عفان....و على بن أبى طالب.....حدث لهم ذلك.

ولا أدرى لماذ نمجد المهزومين و نقتل المنتصرين و المصلحين.

و ليرحمك الله يا سادات و يتجاوز عن سيئاتك و يغفر لك.

تم تعديل 18 يناير 2009 بواسطة tantrum