مواقف مضحكة

[Diab]

من 4 أيام وأنا رايح الشغل متعود أخد معايا سندوتشات ومياة زمزم وعصير في كيس وفي الكيس التاني بأرمي الزبالة في الصندوق اللي تحت كل يوم الصبح لأن الزبال مبيطلعش البيوت في السعودية ولاحظ أن الكيسين شبه بعض

أيه اللي حصل ؟

أيوة ما أنا هأقول أهه صبركم بالله

رميت الكيس في الزبالة و

أخدت الكيس التاني في العربية ولسى هأدور الموتور وباحط أيدي في الكيس عشان أطلع العصير لقيته كيس الزبالة

آه والله

أتاريني رميت السندوتشات العصير في الزبالة :blush2:

صباح التوهان :lol:

[semsema]

ههههههههه ..

اول مره اضحك من يوم ما قالوا الامتحانات بعد اسبوعين..

خد بالك المره الجايه..

[semsema]

سؤال مهم نسيته ..

ياترى فطرت ايه في اليوم ده..

[واحد تاني]

رميت الكيس في الزبالة وأخدت الكيس التاني في العربية ولسى هأدور الموتور وباحط أيدي في الكيس عشان أطلع العصير لقيته كيس الزبالة

آه والله

أتاريني رميت السندوتشات العصير في الزبالة :blush2:

صباح التوهان :lol:

لو نظرت للجانب المشرق في الموضوع :)

ستجد انك في هذا الموقف افضل حالا بكثير من لو كنت رميت كيس الزبالة في عربيتك واخدت كيس الساندويتشات وحاولت تركب صندوق الزبالة :)

صباح الروقان

[yasovinas]

بس حلوة حكاية السندوتش اللي بتاخده معاك كل يوم دا

:blush2:

[shahd]

من 4 أيام وأنا رايح الشغل متعود أخد معايا سندوتشات ومياة زمزم وعصير في كيس وفي الكيس التاني بأرمي الزبالة في الصندوق اللي تحت كل يوم الصبح لأن الزبال مبيطلعش البيوت في السعودية ولاحظ أن الكيسين شبه بعض

أيه اللي حصل ؟

أيوة ما أنا هأقول أهه صبركم بالله

رميت الكيس في الزبالة و

أخدت الكيس التاني في العربية ولسى هأدور الموتور وباحط أيدي في الكيس عشان أطلع العصير لقيته كيس الزبالة

آه والله

أتاريني رميت السندوتشات العصير في الزبالة cr((:

صباح التوهان bv:- gt:

امبارح صاحية من بدري .. عادي زي كل يوم.. وبقول هو بابا نايم ليه ؟؟ مش حيوصلني ولا ايه العبارة :lol:

استنيت شويه لقيته نزل .. وانا واقفة جمب باب السلم لسه ما نزلتش .. فبصلي كده وقالي انت رايحه فين؟؟

قلت له رايحه الشغل.. :lol:

شغل مين يا بنتي النهاردة الجمعه :blush2:

جمعه مين يا بابا النهاردة السبت.. ومصممة انه سبت يعني سبت :blink:

ياصباح الزهااااااااااااااااااااااااايمر :wub:

[Diab]

جماعة معارفي عملوه في واحد منهم حتة مقلب

كان عامل زي ساعة بيج بن لا بيقعد معاهم يهزر ولا يتكلم معاهم من شغله للبيت ومن البيت للشغل وكل حاجة عنده زي الساعة ..أيه بقي اللي حصل

هو بيستلم وردية في الشغل الساعة 5 قبل الفجر بشوية

المهم صحيوا الساعة 12 بالليل وراحو قافلين الستاير وظبطوا الساعات علي أنها 4

وتمموا علي كل حاجة وراحو ظبطوا المنبه باع أخينا وراحوا في النوم ولا كان في حاجة

المنبه رن وصاحبنا صحي أخد دش و لبس وفطر وتمام التمام راح نازل وأخد عربيته راح مكان الشغل

دخل شاف صاحبه راح قايله صباح الخير صاحبه راح قايله خير أيه اللي جابك دلوقت قاله جاي أستلم نابتشية ( وردية يعني ) صاحبه أستلقي علي قفاه من الضحك زي ما بتوع اللغة العربية مابيقولوا وقاله انت عارف الساعة كام دلوقت قاله لأ راح قايله الساعة 1 صاحبك أسبهل أزاي ده حتي ساعة أيدي بتقول أن الساعة 5 فكر شوية راح قال مفيش غير ولاد %&^#!!* هم اللي عملوها بس بعد ما كل واحد منهم خد علقة سخنة من صاحبنا أياه

بس هم كمان شردوه في المنطقة وحكوا لطوب الأرض

ههههههههههههه

تم تعديل 4 أغسطس 2007 بواسطة Diab

[صـــــقـــــر]

جامدة جامدة يا دياب

[Diab]

للرفع للأجيال الجديدة

[Diab]

بس حلوة حكاية السندوتش اللي بتاخده معاك كل يوم دا

:blush2:

قريت فيها يا ياسو

فين أيامك يا راجل يا طيب

بعد 3 سنين ونص من الحكاية دي بطلت خلاص

مانا كنت لسة عايش في دور المدرسة

دلوقت بقعد بال 18 ساعة هي كوباية شاي بالكتير

تم تعديل 22 سبتمبر 2010 بواسطة Diab