جدة والا الرياض

[mama nona]

توكلو على الله واستخيرو وقراركم يبقى مبنى على اساس المدة الزمنية اللى متبقية لكم فى الغربه لو مفتوحة يبقا طيران على جده لكن لو محدودة سنتين مثلا يبقى الافضل الاستقرار مكانكم

عارفة ماما نونا انا بعانى تلك الايام من هذا الموضوع بس فى حالتى معكوسة انا شغلى هنا مستقر ومنصب ادارى محترم

والزوجه بتعمل فى مدينة الملك فهد وجاى لها عرض هناك فى IMC راتب اعلى لها ومميزات افضل وهتكون بجوار اهلها ومعارفنا

لكن عشان اقبل عرض زى ده لزوجتى يبقى لازم انقل شغلى الى جده ورحلة البحث عن وظيفة جديدة وده اكيد غاية فى الصعوبة

الموضوع صعب ومحتاج لدراسة واجتهاد وبالتوفيق

اهلا alrefaey

شكرا على رد حضرتك

هو اكيد شغل حضرتك هو الاساس فالبيت لانه ممكن زوجة حضرتك تقعد فالبيت فأى وقت

وعلشان كده اكيد متفكرش فالنقل من مكان لاخر الا لو فيه بديل مؤكد

انا طبيبة وبيجيلى عروض شغل فكل المملكةوفالامارات والبحرين

بس عمرة ما فكرت انقل

لان شغل زوجى هوالاساس

انا مهما كنت فالاول والاخر ربة منزل

وبالفعل انا كنت شغاله ورزقت بمولود فاضطريت لترك العمل

وف موضوعى ده زوجى هو ال جايله العرض الجديد

واكيد لو ربنا كرمنا واتوفقنا فيه هدور على شغل هناك\

[mama nona]

لأ حاسبي يا طنط

انتي كده غيرتي كلامك

انا باحسب هاتتنقلوا من الرياض لجده

اتاريكم هتنزلوا نهائي وبعدين ترجعوا

فلازم تحسبوهها كويس

ارباح وخساير

خساير شقتكم اللي هاتسبوها بحالها ومالها ... والعربية .. وفلوس المدرسة اللي ممكن تروح عليكم

وفسخ العقد .. واحتمال الناس تغلس عليه وبالتالي تضيع مستحقاته .....

لأ لازم يفكر تاني

وخلي بالك

اوعي يكون الراتب كويس بس المهنة في التأشيرة نجار مسلح ولا بتاع وتحتاسوا في الاستقدام ..

عارفه لو العقد في الرياض

كنت قلت لك لو الامور كانت ماشيه كويسه واخدتوا نهائي بسهولة وكده .. فممكن زوجك ينقل العربية باسم اي حد من اصحابه وتسيبوا الشقة زي ما هي بأسمكم .. عادي يعني

اهلا سى السيد

شكرا على كمية التخويف ال خوفتهالى

وانا اساسا كنت خايفة لوحدى مالبداية

انامتخوفة من موضوع النقل ده

وشايله همه

بالنسبة للفيزا طبعا مفيش المسميات دى المسمى كويس

انا ال مخوفنى الفركشة ال هنتفركشها فجأة وبدون مقدمات

حتى انى فكرت انى انقل كفالتى على حد مضمون

وزوجى ينزل بالفيزا الجديدة ويرجع

بس برده متخوفة

نسألكم الدعاء

[okwaitme]

القرار النهائي......؟؟

[fatfouta]

القرار النهائي......؟؟

هما دلوقتى فى جدة

وربنا يوفقهم ويوفق الجميع يارب

[okwaitme]

thanks .... f - - f - - - a

[ashrafashraf]

السلام عليكم ياجماعه

هو خلاص مبقاش حد يدخل يقول اي حاجه

[Nileman]

و الله عن تجربة 7 سنين في الرياض و اسبوعين في جدة خد الآتي :

• الرياض منظمة أكتر من حيث المرور و تقسيم الشوارع
  
• الرياض فيها خدمات اكتر و بنده و العثيم و الحاجات دي حتلاقي في كل ناصية في واحد
  
• المدارس الإنترناشيونال في الرياض أرخص بكتير من جدة
  
• خدمات صندوق رعاية المصريين كلها مركزة في الرياض و معدومة في جدة
  
• الرياض مافيهاش رطوبة بس جدة فيها بحر و كورنيش رائع
  
• سهل تلاقي تداكر طيران من الرياض للقاهرة في اي وقت بس مش سهل تلاقي من جدة
  
• جدة جوها الإجتماعي قريب من مصر (وفيها شيشة في القهاوي) لكنها الرياض مقفلة شوية و ان كانت اتحسنت كتير عن ايام زمان
  

و ده رأي الشخصي و الله أعلم