سؤال بسيط لمن لهم دراية بملوك و سلاطين مصر

[hafez]

أرجو من السادة الكرام الذين لهم علم بمن حكمونا منذ زمن بعيد بإيضاح ما فى الصورة ( واحد غاوى آثار و روايح الزمن الجميل قالى إنها للملك أحمد فؤاد ساعة تسليم كسوة الكعبة الشريفة و الخراج ... المحمل على ما أظن و يمكن رؤية وضع الناس أمام الجالس على العرش ) لكن أنا حاسس إنها صورة متاخدة لفيلم قديم يعنى مش أصلية لملك و لا عرش و قال لى كمان أن الملك فاروق أصدر هذه الصورة فى ذكرى والده و أنا بحكم هوايتى (غاوى تصميم و طباعة) الأصل اللى معايا مطبوع و الله أعلم خارج مصر حولى الخمسينيات و الله أعلم و لست أفتى.

أفيدونا

و التقريب للصورة

تم تعديل 30 مايو 2007 بواسطة hafez

[مهيب]

عزيزى .. لست أدر ان كنت أستطيع أن أفيدك أم لا ..

لكنه ليس السلطان حسين كامل .. و لا الملك فاروق بالطبع .. الصورة فوتوغرافية و بالتالى فهو ليس خديو .. اذن يبقى الملك فؤاد الأول ... لكن الملك فؤاد كان له شاربا واضحا لا تخطئه العين .. عندى صور له قبل و بعد تقلد العرش و جميعها يظهر فيها بشاربه المميز .

الغريب فى الأمر أن الشعار الملكى الذى يظهر خلفه ليس هو الشعار الملكى لمملكة مصر و السودان الشهير ..

الصورة فعلا محيرة للغاية

مهيب

[إبن مصر]

الحاجب الذى يرتدى الملابس البيضاء فى خلفيه الصوره هو ممثل كومبارس مشهور فى الافلام القديمه ربما تكون من فيبلم ما ولكن ماهو؟؟

كذلك الرجل صاحب النظاره الذى يقف امام الحاجب.. ايضا وجه مألوف من الكومبارس القدماء..

والوشاح المصرى القديم لم يكن أبيض واتجاه الكردون على كتف المرافق معكوس عن الاتجاه الاصلى لانه لا يوجد الا كبير اليوران من يرتدى الكردون على اليسار والباقى كله على مهما كانت رتبته على اليمين ......

اسبيلايت التشريفه القصب الموجود فى الصوره الاوللى يتنافى مع عدم وجوده من يقف بجانب الجالس على العرش.

الى جانب ان البدله ليست من بدل التشريفه المتعارف عليها فى ذلك الوقت ..

هذا مبدئيا ..

[hafez]

شكرا يا جماعة على الردود

بس هل ممكن تكون مش مصرية - يعنى لملك تانى

و الإتجاه لكونها غير أصلية زاد لما سحبتها سكان و لقيت الكواليتى بتاعة الصورة أعلى من المعتاد للصور قبل 50

على العموم أنا أظهرت معظم الوجوه الواضحة فى الصورة - حد يقدر يميز شخص معين

[Alshiekh]

الصورة ملونة ، قد لاتكون قديمة

ارى اناس راكعون فى الصورة ويشبهون شيوخ قبائل او ماشابه ذلك ، ولا اعتقد ان هذه الطريقة كانت متبعة فى مصر .

والسؤال الأهم ، أين وجدت هذه الصورة؟ قد يكون الموقع به بعض التفاصيل.

وقد يكون الموضوع بأكمله صورة من احد الافلام ، أرى أن الواقف بجوار الملك ( لو فرض انه ملك يشبه لحد كبير شكرى سرحان فى شبابه.

ولكن بما ان الطرابيش موجودة ، فبالتأكيد انها كانت خاضعة للسلطنة العثمانية ، فيلما كانت ام حقيقة.

[badroora]

دى صورة نجيب الريحانى ومعاة شوية ممثلين وهما صغيرين مش قادرة افتكرهم !!! والله اعلم

[مهيب]

خلاص .. جبتلكم الخبر اليقين ...

دى صورة من فيلم (لورانس العرب) .. و هى فعلا المفروض انها بتعبر عن ملك مصر و حاشيته فى هذا الوقت .. بالمناسبة الفيلم لسه كان معروض من يومين على قناة MBC2 و شفت هذه الصورة بالصدفة مع انى مكنتش بتابع الفيلم .. وطبعا لنا أن نتخيل هى ليه بالألوان .. و ليه الديكورات و الملابس الجامدة دى على انها تبقى فيلم عربى .. و فى نفس الوقت ليه شعار المملكة المصرية مش صحيح (عمر ماحد اتهم الأفلام الأمريكية بالدقة) .

مهيب

[hafez]

أخيراً

الصورة دى كانت محيرانى .. ، انا مش فاكر الفيلم قوى بس فاكر لبس العرب فيه كان زى الجلاليب الخلطبيطة اللى فى الصورة.

و انا اللى عمال شغال عليها باعملها ريستوريشن عشان تبقى على سنجة عشرة عشان صاحبها .. أتريها صورة من فيلم زى الواحد ما كان حاسس

على العموم شاكريين مهللين للمساعدة يا جماعة

و فى طلب بسيط ... و ممكن مايكنش بسيط ..... لو حد عنده صور قديمة لمصر أو الشخصيات البارزة القديمة ياريت يبعتها مع كلمتين كده عنها و يا سلام لو يتعمل باب جديد للصور القديمة و الأماكن مع شرح على قد ما نقدر ( تاريخ مصور ) لأيام مصر لاما كانت جميلة .. و انا اللى حابتدى إن شاء الله

[مهيب]

معاك يا حافظ باشا .. وواضح انه اهتمام مشترك .. أنا يعنى عندى شوية صور كده على قدى ممكن أبقى أشارك بيها

[المصرى اوى]

الصورة رائعة

تكاد تجسد الحقيقة وفى ثوب زاة

الاتقان رهيب فى اختيار الممثليين والملابس والاكسسوار

بس لى سؤال

يا ترى الشخص اللى علية السهم هو الرائع استيفان روستى؟؟