تحب تمثل(ـي) دور إيه؟

[Sherief AbdelWahab]

لو حتمثل أو حتمثلي في السينما ، إيه الدور اللي تحب(ـي) تلعب(ـيـ)ـه في الفيلم (بشرط ما يكونش دور شخصية عامة أو تاريخية أو معروفة بالاسم)؟

دور الطيب ، دور الشرير ، دور البخيل ، دور الحرامي ، دور الأم ، دور الأب ، دور فران ، دور مهندس ، دور دكتور ..الخ..

خلص الكلام

[yasovinas]

فاكرين الراجل العجوز ابو ذقن بيضاء ونظارة اللي كان بيطلع في افلام زمان (فاكر له فيلم بتاع فريد الاطرش واسماعيل ياسين وطبعا سامية جمال) ينفع الدور دا تحجزهولي يا شريف باشا ؛؛؛ بس الاول اعرف المخرج واسمي هيتكتب فين في الاعلانات ؟؟؟؟ wst::

[امانى]

انا فى الحقيقة مبحبش التمثيل فى الحياة بس بحب اتفرج على الافلام خصوصا الافلام القديمة بس مش القديمة قوى

علشان كانت واقعيه ويغلب عليها الرومانسية اللى بنفتقدها دلوقت

بس علشان اشارك فى موضوعك اختار دور الام علشان ده اللى يناسبنى دلوقت رحم الله امرء عرف قدر نفسه

بس نتفق هاخد كام فى الدور ده ومع مين باقى الابطال وبعدين ابعت السيناريو اقرأه ونقرر بعدها

امانى

[m_alaaelden]

أخي الفاضل

فكره جديده ولكن لماذا لانطورها ونخلي فيها أدوار سياسيه ده أنت هطلع نكت

أنا ياسيدي عايز أعمل دور مفتقده في الواقع دور الحرامي

مش عارف أحقق أمالى في الواقع لكن دور الحرامي سيجعلني أحقق أحلامي

ولن أظل في دور الحرامي على طول ولكن سأصعد السلم درجه درجه

وبكره أخد دور عضو في سيد قراره وبكده أبقى وصلت وحققت حلمي الصغير والدخول

على الحلم الكبير الذي لانهايه له ...... ووسع طريييييييييق للطاااااااااااااااالع

أخوك الغلبان الفقير إلى الله الحالم ببكره يكون أحسن من النهارده { رغم شكه}

تم تعديل 9 يونيو 2007 بواسطة m_alaaelden