هو في ايه؟

[amrhoras]

'>http://news.bbc.co.uk/hi/arabic/middle_east_news/newsid_6699000/6699391.stm

اعتقال 3 مرشحين من الاخوان لانتخابات الشورى

اعتقلت الشرطة المصرية ثلاثة مرشحين لانتخابات مجلس الشورى، ينتمون إلى جماعة الإخوان المسلمين المحظورة.

واعتقل المرشحون الثلاثة في محافظة الدقهلية في منطقة الدلتا.

وبهذا يرتفع عدد من ألقي القبض عليهم من جماعة الإخوان المسلمين في المحافظة إلى ثلاثة وستين شخصا منذ أعلنت الجماعة في وقت سابق هذا العام أنها ستخوض انتخابات مجلس الشورى.

وذكرت جماعة الإخوان المسلمين في بيان إن مرشحيها الثلاثة اتهموا بالانتماء إلى تنظيم غير قانوني واستخدام شعارات دينية في حملتهم الانتخابية.

وتأتي هذه الخطوة بعدما انتقدت السلطات المصرية وفدا من الكونجرس الأمريكي بسبب عقده لقاء مع نواب في مجلس الشعب ينتمون إلى جماعة الاخوان المسلمين.

واتهم سليمان عواد المتحدث باسم الرئيس حسني مبارك الوفد الأمريكي بازدواجية المعايير، وذلك بتمييزه بين جماعة الاخوان المسلمين كجماعة محظورة وبين نوابها في مجلس الشعب، في حين لا يفعل الامر نفسه حين يتعامل مع حركة حماس الفلسطينية التي فازت في الانتخابات التشريعية الاخيرة.

وخاض اعضاء الاخوان المسلمين الانتخابات النيابية الاخيرة كمستقلين وحصلوا على 88 مقعدا في مجلس الشعب المؤلف من 454 مقعدا عام 2005 لتصبح الجماعة بذلك القوة المعارضة الرئيسية في مصر.

موضوع من BBCArabic.com

http://news.bbc.co.uk/go/pr/fr/-/hi/arabic...000/6699391.stm

منشور 2007/05/29 00:12:56 GMT

© BBC MMVII

سؤال بسيط جدا

ليه كل هذا يحدث اعتقال واتهامات وجماعات محظورة واجتماعات سريه ومعارضه ؟

الحكاية اصبحت من كتر ما بنقراها بتعدى كأنها خلاص الروتين بتاعنا وساعات لما الواحد ميلقيش الحاجات دى عاد بيقلق هم معتقلوش ليه انهاردة ؟؟؟؟؟!!!!! ياترى فى ايه ؟؟؟ حد من الحكومة تعبان؟ ولا مكسوفين من عملة عيشة وزيرة قصدى است عيشة بتاعة ربات البيوت؟ فيغطوا عليها باحبه اعتقلات موسعة

طب سؤال تانى انا نفسي حد يريحنى بجواب مقنع ايه اللى عمله اخوان المسلمين لما دخلو مجلس الامه قصدى الشعب ؟ واللى كنت بسمعه ايام لما كان عندى تلفزيون انه الاخوان بيقولو ان الامريكان كفره ومن تعامل معهم كافر ليه بقى الان فى اجتماعات؟

طب معلش عارف مش منظم الاسئله هى بتيجي كدة لوحدها

هى الحكومة سابت كل قضايا الفساد وبتلملم وتقش ليه الاخوان دلوقتى ماهم قدامها من زمان؟

طب ماهو اللى قتلو السادات الله يرحمه كان من الاخوان برده على حد علمى والله اعلم يعنى كان من باب احسن انهكم فى ساعتها انهو عليها

معلش حتقل فى سؤال واقف فى زورى

انا عارف ان الاسلام دين حنيف وفيه كل حاجة حتى السياسة وفى مواقف كتييير من عهد الرسول سيدنا وسيد الخلق ونبينا محمد عليه افضل الصلاة والسلام بس بصراحة انا جيت في فتره وكنت بحضر ندوات او اجتماعات اسلامية فى مساجد كبيرة بس مكدبش عليكم كانت فى جماعة انصار السنه ( توضيح انا مش بنحاز لان الاسلام عندم دين واحد مش جماعة معينه اقدر اقول عليها انها مسلمة اكتر او لا) بس اللى لاحظته انى اول ما بدأت احضر كان كنت فى مجموعة كبيرة من شباب الجامعةويصراحة كانت دعوه من احدهم لينا المهم انا حضرت وفعلا حبيت احضر الندوات وحبيت استمع واتعلم اصول الدين بتاعنا وكنت بحب استمع الى قصص الخليقة والخلق والانبياء وانشديت جدا لدرجة انى بدأت انسي حياتى وبدأنا فى السنة النبويه الشريفة وقعدنا 3 شهور نتعلم وحفظت جزء من القرآن للأسف جزء واحد بس كان نفسي اكمل

بعد كده بدأنا فى اللبس الفضفاض والجلباب القصير اسوة بسيد الخلق

المهم بدأنا ندخل فى موضوعات حساسة شوية كان بدايتها الزواج وليه نتجوز كبار السيدة عائشة تزوجت النبي عليه الصلاة والسلام عن عمر يناهز 10 سنوات ولازم وانا بقولكم الزواج وتعدد الزوجات عشان العنوسه وبلاش نتعب شبابنا فى امور الدنيا ونشغله عن امور الاخره

وبدأنا ندور على اشغال شرائط المسجل فى الجامعة و الكتب الدينية على ابواب الجوامع و جمع الزكاه بس الصراحة انا مشتغلتش ولا عملت كدة لانى مش مقتنع اه ننشر اه بس دى اشغال لشباب قوى عفى

* هى دى خطط الجماعات الاسلامية فعلا للنهضة بالشباب

بعد كدة بدأنا ندخل فى السياسة ومناقشة وسائل الاعلام كان ايامها عم صفوت وزير الاعلام وكفروه ويحل دمه وعادل امام برده عن فيلم الارهابي

ودخلنا اكتر فى اوامر من الامريكان انا متفق معاهم فى نقط اننا بناخد اوامرنا من الامريكان ده بالنسبه للعتوله الكبار انما احنا ان شاء الله لا

وبدأنا نتكلم فى الجهاد كنت انا بدأت ايه انهار فعلا بجد لانى انقطعت عن كل حاجة بقيت من البيت للمسجد وده اجمل حاجة طبعا بس ربنا مقسم وقت للعباده ووقت للعمل لاحظت ان كل وقتهم ندوات من صلاة الظهر حتى صلاة العصر فى جامع فلان ومن المغرب حتى بعد العشاء ندوه فى مسجد فلان ثم ندوة دينيه بعد الفجر طب انتو كدة حتشتغلو امتى انا مش بمانع ولا ضد حد بس عاوز افهم العقليه دى ايه ؟؟؟

المهم بدأت اشم ان فى جواسيس بدأت تحضر وبدأت اعتقالات لصحابي وبصراحة انا مش بحب لا اكون متشدد لا فى ديني ولا فى حياتى مش ناقص يضيع مستقبلى التوسط فى كل حاجة احلى واجمل

وبدأت فعلا ابعد بس اخدت واتعلمت حاجات حلوه وسيبت حاجات فى نظري مش مفيده والله اعلم دى بقى احتفظ بيها لنفسي

فا اللى انا عاوز اقوله ان مش كل اللى داخل معتقل برىء ولا كل معتقل على حق انا الاتنين بصراحة مش مقتنع بيهم

عاوز افهم بس ايه الاصلاحات بتاعة الاخوان اللى عملوها من خلال المناصب القيادية؟ زى مجلس الشعب

صدقونى مش كل شعار نمشي وراه ونقول هو ده فى ناس عارفه نقطة ضعفنا ( النزعة الدينية) وغيرتنا على الدين مش عاوز يتلعب بينا لانها مش ناقصة خراب كفاية على اد كدة

تانى حاجة انى مش شايف ان الاعتقالات لكام واحد هى دى علاج مشكلة او رهبه للشعب او كل من قال لا بالعكس ممكن تكون ذرة انفجار شعبي من كتر الكبت

تالت حاجة انا مؤمن ان كل شعب مسئول عن حريته يعنى مش محتاجين مساعدات امريكية ولا شعارات دون عمل

رابع حاجة انا مش ضد او بكره حد كل اللى بكرهه الظلم

مستني تعليقاتكم حتى لو كان الموضوع فى اخطاء منى عاوز اعرف الحقيقة مهما كانت

شكرا