مستوطنات يهودية فى قلب القاهرة

[عصام أبوالفتح]

هل نشهد ذلك قريبا ؟!!

لا أستبعد الفكرة التى طرحها فيلم عايز حقى من قبل على سبيل السخرية من الغنى والثراء الذى عليه مصر والفقر المدقع الذى يعانيه أهلها

واذا كان الفيلم قد انتهى برفض جماعى لبيع ارض مصر للمستثمرين الأجانب الذين كنا نعلم من هم وفلا نفس الوقت لا تعلم ايضاً

فان الواقع المخزى الذى تشهده مصر يقرر بكل أسف أن مصر للبيع - لأعلى سعر ..!!!!!!!

وبسبب السياسة الرعناء لوزارة الأسكان فى هذا العهد الشديد الظلمة من تاريخ مصر ..فان كل ما تحت الأقدام المصرية هو للبيع ..شركات مصانع بنوك اراضى ..

واخير البشر (وهذه والحق يقال من ابتداع وزارة القوى العاملة وليس الاسكان فيما يسمى بفضيحة خادمات 2010 )

ونرجع للاراضى التى هى دليل السيادة الوطنية والمرجع الأول والأخير لتحديد معنى الوطن بحدوده ومعالمه .. ان التسرع الأحمق فى بيع هذه الأراضى للاجانب اى كانت جنسيتهم تحت ضغط الديون الداخلية لهو دليل قاطع على العجز المطلق للحكومة ,, ويبنبغى لمجلس الشعب ان يسحب الثقة منها

فى هذه الحالة وتشكيل حكومة اخرى تعرف قيمة الانسان والبلد وتحاول الحفاظ عليها.

ولنتأمل موضوع بنك الاسكندرية الذى اشتراه بنك اسرائيلى تحت اسماعنا وابصارنا متخفيا وراء البنك الايطالى وارجع لمقال الكاتب فهمى هويدى حين يقول

------------------------------------------------------

لم أبتلع فكرة بيع الأراضي لغير المصريين‏,‏ أولا‏,‏ لأنها أصول من نوع خاص جدا‏,‏ ينبغي عدم التفريط فيه‏,‏ وخصوصيتها تنبع من أن موضوعها هو تراب الوطن‏,‏ وهذا وحده سبب كاف للتشبث به‏,‏ ثانيا لأن البيع لغير المصريين لا يخلو من مغامرة قد لا تكون مأمونة العاقبة‏,‏ ولنا في حكاية بنك الاسكندرية عبرة‏,‏ فإنه حين عرض للبيع لم يتمكن أحد البنوك الإسرائيلية من شرائه‏,‏ فتخفي وراء بنك إيطالي قام بالشراء‏,‏ وبعدما انتقلت إليه الملكية‏,‏ أعلن اندماجه مع البنك الإسرائيلي‏!.‏-----------------------------------------------------------------------------------------

وما حدث من بيع لمساحات ضخمة من الاراضى لشركات خليجية لا نعلم توجهاتها المستقبلية ولا ندرى ماورائها ربما يجرنا الى حالة مشابهة لما حدث مع بنك الاسكندرية .. وجود أجنبى وسيادة على اراضى ليست محتلة وانما مشتراه ( وبأعلى سعر ) مستوطنات لا تخضع لقوانين الدولة ولا لسيادة قانونها..هو احتلال من نوع جديد ..لا ليس جديدا .. فلسطين بدأ احتلالها بهذه الطريقة .. بالبيع الفردى للبيوت والاراضى فى ظل عدم وجود قانون يمنع ذلك .. واشترى اليهود .. المصيبة فى حالتنا ان الدولة هى من يبيع وبدون استشارة الشعب فى ذلك سواء مجلس الشعب او الشورى

فى عالم البورصة اى شركة صغيرة او كبيرة تستشير جمعيتها العمومية قبل اى قرارات مهمة ..

الان حكومة مصر تصفى الشراكة بين المصريين وتبيع الاصول .. وهى كارثة كبرى على مستقبل هذا البلد

وقد قالوا من قبل :

عواد باع أرضه .. شوفوا طوله وعرضه

الان عواد قرر بيع عرضه بكسر العين .. كسر العين بجد .. وكسر القلب ايضاً

[amrhoras]

[quote]بشكر الأخ عصام أبو الفتوح على لإثارة قضية من ضمن قضايانا المهمة بل الأهم 
وهي الأرض وكلنا فعلا سمعنا قضايا وفضايح كتيييير عن بيع ملايين الامتار لمستثمرين مصريين وأجانب وكلها حدثت في الخفاء وتحت الترابيزة 
الي أين هذا السكون أيها المصريون ؟
هل ياتى اليوم الذى نجد فيه أنفسنا مباعين لمستثمر ما
هل ياتى اليوم ونجد أجسادنا نفسها ليست ملك لنا ؟
أى حياة تلك؟ الـي متى هذا الغش والخداع تحت ستار من الديمقراطية والقرار في يد من يخون مهما كان موقعه فهو خائن ولا يستحق مصريته شكراََ [/quote]لاتعليق

[darlengs]

اللي فعلا محيرني في الموضوع دا عده نقاط 00 وارجو من الاخوه افادتي لو كان حد عنده اجابه علي تساؤلاتي:

1 - في القانون المدني من حق الوكيل التصرف في ممتلكات موكله بشروط معينه 0000 يعني لو التوكيل بيسمحله بكدا ولو التصرف لمصلحته و الا ممكن يدعي عليه بخيانه الامانه لا سمح الله 00

فهل من حق حكومتنا 00 اقصد حكوماتنا المتعاقبه التصرف في ممتلكاتنا اللي هي اراضينا و مصانعنا و شركاتنا الحيويه بهذا الشكل؟؟؟؟ 00 دا بافتراض اننا وكلناها بادارتها اصلا00 لكن مسأله التصرف فيها معتقدش ان حد موافق علي كده 00

2 - و لو فعلا دا من حقها بصفتها وكيله عننا 00 هل اسلوب البيع برضو في الخباثه كدا صح ؟؟؟00 يعني اي مناقصه او مزايده صغيره بتنشر في الصحف الرسميه و الناس كلها بتعرفها و اللي عايز يزايد او يناقص بياخد اجراءاته 00 لكن الناس بتتفاجا بنشر خبر ان في حد معين من المستثمرين الاجانب اشتري او لسا بيتفاوض علي شرا شركه كذا 00 طب افرض مثلا ان فيه مجموعه من المصريين عيزا يتدخلو للشراء ( يعني عاملين جمعيه مثلا ) اكيد دا برضو من حقهم كمصريين اولي بلشفعه في الشراء عن الاجانب بغض النظر عن جنسياتهم 00000000000ولا ايه ؟؟؟

3 - بالنسبه للبيع و ما بعد البيع 000مش المفروض الوكيل يقدم كشف حساب علني يعني دخلت شركه كذا و كذا للشراء بمبالغ كذا و كذا لكن رجحنا الشركه الفولانيه لانها الاعلي سعرا 00 و ينشر ذلك علي الملا 00 يعني حتي للمصداقيه و الشفافيه اللي بنسمع عنها ليل و نهار 00

هل انا بتكلم غلط ولا ايه ؟؟؟ ياريت حد يعرفني لو عارف

[yasovinas]

وهنا تكمن المأساه "فمن يعتبروا ممثلوا الشعب هم نفسهم اسرع ابناء الشعب للموافقه ومباركة ما فعله الوكيل "

[Lembic]

هل نشهد ذلك قريبا ؟!!

لا أستبعد الفكرة التى طرحها فيلم عايز حقى من قبل على سبيل السخرية من الغنى والثراء الذى عليه مصر والفقر المدقع الذى يعانيه أهلها

واذا كان الفيلم قد انتهى برفض جماعى لبيع ارض مصر للمستثمرين الأجانب الذين كنا نعلم من هم وفلا نفس الوقت لا تعلم ايضاً

فان الواقع المخزى الذى تشهده مصر يقرر بكل أسف أن مصر للبيع - لأعلى سعر ..!!!!!!!

وبسبب السياسة الرعناء لوزارة الأسكان فى هذا العهد الشديد الظلمة من تاريخ مصر ..فان كل ما تحت الأقدام المصرية هو للبيع ..شركات مصانع بنوك اراضى ..

واخير البشر (وهذه والحق يقال من ابتداع وزارة القوى العاملة وليس الاسكان فيما يسمى بفضيحة خادمات 2010 )

ونرجع للاراضى التى هى دليل السيادة الوطنية والمرجع الأول والأخير لتحديد معنى الوطن بحدوده ومعالمه .. ان التسرع الأحمق فى بيع هذه الأراضى للاجانب اى كانت جنسيتهم تحت ضغط الديون الداخلية لهو دليل قاطع على العجز المطلق للحكومة ,, ويبنبغى لمجلس الشعب ان يسحب الثقة منها

فى هذه الحالة وتشكيل حكومة اخرى تعرف قيمة الانسان والبلد وتحاول الحفاظ عليها.

ولنتأمل موضوع بنك الاسكندرية الذى اشتراه بنك اسرائيلى تحت اسماعنا وابصارنا متخفيا وراء البنك الايطالى وارجع لمقال الكاتب فهمى هويدى حين يقول

------------------------------------------------------

لم أبتلع فكرة بيع الأراضي لغير المصريين‏,‏ أولا‏,‏ لأنها أصول من نوع خاص جدا‏,‏ ينبغي عدم التفريط فيه‏,‏ وخصوصيتها تنبع من أن موضوعها هو تراب الوطن‏,‏ وهذا وحده سبب كاف للتشبث به‏,‏ ثانيا لأن البيع لغير المصريين لا يخلو من مغامرة قد لا تكون مأمونة العاقبة‏,‏ ولنا في حكاية بنك الاسكندرية عبرة‏,‏ فإنه حين عرض للبيع لم يتمكن أحد البنوك الإسرائيلية من شرائه‏,‏ فتخفي وراء بنك إيطالي قام بالشراء‏,‏ وبعدما انتقلت إليه الملكية‏,‏ أعلن اندماجه مع البنك الإسرائيلي‏!.‏-----------------------------------------------------------------------------------------

وما حدث من بيع لمساحات ضخمة من الاراضى لشركات خليجية لا نعلم توجهاتها المستقبلية ولا ندرى ماورائها ربما يجرنا الى حالة مشابهة لما حدث مع بنك الاسكندرية .. وجود أجنبى وسيادة على اراضى ليست محتلة وانما مشتراه ( وبأعلى سعر ) مستوطنات لا تخضع لقوانين الدولة ولا لسيادة قانونها..هو احتلال من نوع جديد ..لا ليس جديدا .. فلسطين بدأ احتلالها بهذه الطريقة .. بالبيع الفردى للبيوت والاراضى فى ظل عدم وجود قانون يمنع ذلك .. واشترى اليهود .. المصيبة فى حالتنا ان الدولة هى من يبيع وبدون استشارة الشعب فى ذلك سواء مجلس الشعب او الشورى

فى عالم البورصة اى شركة صغيرة او كبيرة تستشير جمعيتها العمومية قبل اى قرارات مهمة ..

الان حكومة مصر تصفى الشراكة بين المصريين وتبيع الاصول .. وهى كارثة كبرى على مستقبل هذا البلد

وقد قالوا من قبل :

عواد باع أرضه .. شوفوا طوله وعرضه

الان عواد قرر بيع عرضه بكسر العين .. كسر العين بجد .. وكسر القلب ايضاً

سؤال بريئ بجد ... مع العلم بأنى أرفض بيع أرض مصرية لغير مصرى .. السؤال هو أين تذهب أموال بيع الاصول (أراضى وخلافه) المصرية؟ مجرد سؤال.

[Abdulaziz Omar]

والله يااخوانا انا سالت اخونا الفاضل اخناتون ان كان الهرم لسه موجود في مكانه.....قاللي ده اتباع من زمان بس انت موش واخد بالك

ارجوا ان الكلام ده يكون غير صحيح

طيب يااخوانا الافاضل.....ايه اللي فاضل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[amrhoras]

هو في ايه

ماهى مصر انباعت من زمان وغيروا اسمها بقت بلد المستثمر الاجنبي مصرتكو اراضي عقارات للبيع و عملو عرض قالو لو اخدت 3 اهرامات تاخد عليهم ابو الهول هدية لفتره محدودة اغتنم الفرصة

بشر خدم موظفين للبيع او الايجار

اتصل على 077000000 يمكن تلاقى حد يرد او متهيألى باعوه امبارح

معدتش فى حاجه خلاص للبيع فاضل حاجة واحده يمكن أغلبنا لسة محافظ عليها شرفه وكرامته ودى بقى مش للبيع اسفين

[الشعب]

الحكومة باعت بدل ما تعترف انها فشلة فى تكملة الاصلاح نفسى اعرف فيها اية لو مسك وزير مثلا وقال لرئيس الدولة برنامجى عبارة عن كذا كذا كذا والتنفيز فى الزمن كذا واذا لم يوفى بوعدة تكون استقالتة موجودة

مش كدة هيجى الرجل المناسب اللى الحكومة مش عارفة تلاقية

وبعدين يعنى اية ( مواطن مصرى)

عند الحكومة كل شوية يقولو

بنعمل مشاريع ومش عارف اية وكل دة كذب دة حتى انا كنت سمعت ان فى صندوق اجتماعى بيقدم قروض فرحت اوى علشان اقدم واخد قرض ابداء بية مشروع والدنيا تفتحلى صدرها روحت قدمت وبعدين الورق اتقبل وعملت كل اللى طلبوة وقلت انى عندى المكان سالونى فين قلتلهم محل ماجرة والدى وبدل مهو شغال من تحت لتحت نكبر بمساعدة الحكومة قالو مينفعش المكان دة سكنى ميتعملش فية مصنع اصلا وقلتلهم طب اية الحل قالو تقدم على مصنع واحنا نسلمك مصنع تشتغل فية قولت يا كمان هستلم مصنع ماشاء اللة عمار يامصر هههههه وبعدين قالولى قدم وقدمت ثم اتقبل الطلب وعملو يوم التسليم علشان التصوير وكدة واستلمت المصنع طبعا دة عبارة عن الموافقة مش المكان بجد دة اللى انا فهمتة بعد كدة سالت طب اعمل اية علشان استلم بجد قالو انت كاتب اية بقة يا حلو قولت مصنع و 50 الف قرض قالو كويس اوى هات 2 موظفين ميقلش مرتب كل واحد فيهم عن 2000 اعتقد لانى مش فاكر اوى المهم قولتلهم انا ابويا وامى موظفين بس شركتهم اتخصخصت قالو مينفعوش قلت طب اية الحل قالو انت عايز كام قرض طيب قلت اللى انا كتبة قالو سيب وديعة فى البنك بقيمت القرض ههههه دة على اساس انهم هيدونى فلوسى انا سلف الظاهر واكيد هينقصو لان اللى هيسلم وكدة بياخد رشوة اكيد

المهم سبت البلد سافرت بس انا بحب البلد اكثر من نفسى فرجعت بسرعى لانى اشتغلت فى بلد تانية بمرتب كبير

المهم قولت اجيب شقة اسكن فيها قراءة عن بنك الاسكان بعت صحبى يسالى علشان اجيب شقة قالى فى بس الاسعار اللى فى الجرائد دة مش ليك علشان عيزين مرتب موظف ضمان او تدفع 50 % مقدم طب الواحد لو ماكان سافر وكان لسة فى البلد كان هيجيب من فين ومن يقصد الرئيس( بمحدودى الدخل) اللى بيساعدهم هل هم الموظفين اللى بيتشحنو فى الاوتوبيسات يوم الانتخابات ويقولو نعم بس وبعدين انا البلد اللى انا فيها الان بتسلم كل شاب بالبطاقة قطعة ارض علشان يبني فيها بيتة غير ان فى شباب بتاخد الارض وتبيعها علشان يستفيدو من فلوسها

[عصام أبوالفتح]

الاخوة الأعزاء شاكر على الردود القيمة و واحدة واحدة يا جماعة عشان الموضوع كبير بجد .

الأخ الفاضل amrhoras

مشاركتك الاولى اكدت على المشكلة والمشاركة الثانية فقدت فيها أعصابك وانا اعذرك لان الموضوع مهين ومقزز وزير بيبع ارض والتانية بتبيع البشر

احب اقولك ان طبيعة المصرى فى الازمات تدفعه للانفعال الزائد الذى دائما ما تضيع حقه

اذا فكرنا مع بعض فى حلول بهدوء يمكن نواجه المشكلة دى وغيرها

عن نفسى اجريت عدة اتصالات دولية بمحامى مصرى معرفة وسألته عن دستورية الاجراءات التى بتهببها الحكومة دى و رد عليا بما معناه انهم واخدين احتياطاتهم اكيد ومستغلين ثغرات بينفذوا الاعيبهم بها ، وفى ونفس الوقت وعدنى ببحث الموضوع مع استشاريين كبار والرد على فى اقرب وقت ،

وعن نفسى انا لا انتمى لاى تيار فكرى او سياسى .. وامثل نفسى بصفتى مواطن مصرى

وعلى استعداد لتحمل كل تبعات رفع القضية ومتابعتها

ومفيش عليا بالمناسبة اى زلة يمسكوهالى :blink:

لكن احتاج لمساندة من محامى يقتنع بالموضوع

وهنا احب اقتبس مشاركة الاخ الفاضل darlengs

لانها احد الحجج المنطقية تماما فى القضية بتاعتنا دى

واذا كان القانون يعتمد على المنطق الذى هو طريق العدل فان شاء الله فى حل

الاخ الفاضل yasovinas

ياريت الكلام اللى انت قولته ده حصل .. مجلش الشعب والشورى لم يستشار ابدا فى البيع لاى منشاة أو شركة أو أرض

العملية زادت عن حدها بجد والريحة فاحت اوى

وهنا نسأل السؤال البرئ للاخ الفاضل Lembic

أين تذهب أموال بيع الاصول (أراضى وخلافه) المصرية؟ مجرد سؤال.

وده ورد تساؤل مشابه له على لسان فهمى هويدى فى ذات المقال المشار له

http://www.egyptiantalks.org/invb/index.ph...st&p=281360

حصيلة البيع المتتالى منذ بدأت عملية الخصخصة فى اواخر التسعينات والتى وصلت ذروة بجاحتها هذا العام ... أين هى واين كشف حسابها

احد النواب المستقلين فى مجلس الشعب تسآل من قبل عن مصير 13 مليار جنيه من حصيلة الخصخصة ولا احد رد عليه حتى الان

الاخ الفاضل Abdulaziz Omar

فاضل انت وانا .. انا ماتبعتش وانت واخوانا هنا كمان متياعوش ..

الخديوى لما باع حق امتياز للقناة لمدة 99 سنة جرمه التاريخ فما بالك من يبيع مصر بحالها

وجه اليوم الى طلع فيه ابناء مصر ليأمموا القناة ويستعيدوها لمصر

وكذلك سنفعل

او اولادنا او احفادنا

المهم ان مصر هاترجع لأهلها ان شاء الله

الاخ الفاضل الشعب

مشكلتك ولو انها فردية الا ان الملايين مثلك عانوا منها .. الحلم الضائع .. والسراب الذى تجيد حكوماتنا رسمه ..

والفخاخ التى تجيد نصبها لنا .. وليس نصيها فقط .. ده رفعها وضمها وكسرها بمن فيها ايضاً

نفس السراب رسمته لى حكومة عاطف عبيد مع غيرى من الاف الاوائل على جامعات مصر .. بحلم التعيين فى الجامعة للعشرة الاوائل بكل كلية

ورغم انى الثانى تراكمة واول البكالريوس لم يتم تعيينى ولا حتى الاول اتعين !!! وطبعا طفشت من البلد .. انا وكل دفعتى تقريبا

فى النهاية حقى الفردى فى التعيين لا يقل عن حقك فى العمل ولا يقل عن حق اى شخص اخر

وهى مشكلة فردية لكن تأخذ صفى الجماعية ..

أما ارض مصر فمشكلة جماعية اساسا تهون بجانبها كل المشاكل الاخرى التى نتعرض لها

لذا دعونا نركز على القضية الاساسية .. ارض مصر

واطلب الدعم والمساندة منكم لاننى جاد فى رفع القضية .. استشيروا من تعرفون من القضاة والمحامين ودعونا نتحرك لابطال عملية البيع ورد اموال الناس

ولو من قوتنا و لو بعنا هدومنا .. لكن ولادنا يلاقوا ارض يعيشوا عليها .. مش يبقوا زى الفلسطنيين دلوقتى .. مشردين فى الارض

[الشعب]

الاخ الفاضل: عصام ابو الفتوح

فعلا كلامك سليم مليون% بس تعتقد ان القضية هتجيب فايدة اسهل حل ممكن الرئيس يعمل استفتاء

ويتشحن العربات بتاعت الموظفين ويصوت بنعم وبعدين متنساش ان مصر هى مبارك (فقط )

مجلس الشعب اغلبية من الحزب الوطنى وقائد الحزب هوة مبارك دة لو عايز راى الشعب فالشعب ايضا =مبارك

كلمة مبارك تعنى : الرئيس والشعب والحكومة والجيش والاعلام والاقتصاد وكل ما تتخيلة حتى المعارضة معين ناس تعارضة علشان يعرف المعارضة بتفكر فى اية ويقدر يكسر رجليهم بسرعة قبل ما يكبرو

ورغم كل دة انا معاك ولما انزل مصر بعد اسبوع سوف استشير فى قانونية اللى بيحصل وكيفية التصدى

[amrhoras]

الاخ العزيز عصام أبو الفتوح

شكرا لصدرك الرحب وأسف أنى فقدت أعصابي

ولكن هذا من ضغط الفساد في الداخل والخارج لم تكتفي حكومتنا بالفساد الداخلى بل واهدرت حقوق مواطنيها فى الخارج لم يسع العقل أن يفكر . ولكن فعلا لابد من الهدوء التام والتفكير والاستفسار والاستقصاء والله المستعان

شكرا لاتعليق

[عصام أبوالفتح]

فعلا اكيد فى ثغرات فى الدستور .. ومحتاجين رأى عمتا كلنا الأستاذ الأفوكاتو ..

والضيق والهموم الشخصية لا تمنعنا من التفكير فى مصالح بلدنا خصوصا ان ربنا أنعم علينا بالخروج لنرى الحقائق من خارج الكادر

عن نفسى لو أصبحت رئيس جمهورية

هأعلن تأميم الأراضى دى و أرمى كل اللى عملوا العمله السودا دى فى السجن

مش فكرة حلوة :)

[amrhoras]

فعلا اكيد فى ثغرات فى الدستور .. ومحتاجين رأى عمتا كلنا الأستاذ الأفوكاتو ..

والضيق والهموم الشخصية لا تمنعنا من التفكير فى مصالح بلدنا خصوصا ان ربنا أنعم علينا بالخروج لنرى الحقائق من خارج الكادر

عن نفسى لو أصبحت رئيس جمهورية

هأعلن تأميم الأراضى دى و أرمى كل اللى عملوا العمله السودا دى فى السجن

مش فكرة حلوة :blush2:

هو تعقيب صغنون اد كدة صغيرة جدا حتعطينى كام فدان من الاراضي دى عشان عاوز اكون مستغل الصراحة :) مش فكرة حلوه

اعتقد أن لا وقت للوقوف على المشاكل الشخصية فكل منا مسئول عن مشاكله

[عصام أبوالفتح]

فضيحة اراضى طابا التى بيعت للمتعدد الجنسية وجيه سياج بسعر المتر جنيه ونص .. ستقلب القديم والجديد حول سعر البلد

بجنيه ونص !!!!!!!!!!!

هو ارض مصر بقت قراطيس ترمس .. الناس دى بتفكر ازاى ؟

الفضيحة ستكون دولية ..

الفضيحة ستجبر الحكومة والرئيس على منع بيع اراضى مصر لاجانب مرة اخرى

وطبعا صدر قرار جمهورى بالنسبة لسيناء .. لكن مطلوب قرار اخر لكل مصر

ارجعوا هداكم الله لحق الانتفاع .. انتم تبيعون مستقبل مصر

[Ghost]

فعلا كلامك سليم مليون% بس تعتقد ان القضية هتجيب فايدة اسهل حل ممكن الرئيس يعمل استفتاء

ويتشحن العربات بتاعت الموظفين ويصوت بنعم وبعدين متنساش ان مصر هى مبارك (فقط )

مجلس الشعب اغلبية من الحزب الوطنى وقائد الحزب هوة مبارك دة لو عايز راى الشعب فالشعب ايضا =مبارك

كلمة مبارك تعنى : الرئيس والشعب والحكومة والجيش والاعلام والاقتصاد وكل ما تتخيلة حتى المعارضة معين ناس تعارضة علشان يعرف المعارضة بتفكر فى اية ويقدر يكسر رجليهم بسرعة قبل ما يكبرو

باشا و الله باشا

يا عم عصام براحة علينا شويه ,, مواضيعك سخنة قوي و تجيب رعشة ,,, شوف لنا حاجة من باب الضحك شويه في زمان اصبح العبوس و الضجر هما الاصل ,,, انا بجد خايف عليك يحصلك حاجة من تحت راس ابو جمال ,, ربنا يسترها علينا جميعا

[عبده بيه]

الفاضل عصام الله يبارك في امثالك الموضوع ده مقزز جدا وبيقلقني للغاية وكل ما افكرفيه بعد ما فات عمري في الغربة والاقي نفسي فيالشارع بلا ارض ولا عرض ادعي علي كل من باع واشتري

اتمني في يوم انااخذ حقي

انا عايز حقي باي سعر حتي لو كان بقية عمري علشان خاطر اولادي

[مومو الامور]

فضيحة اراضى طابا التى بيعت للمتعدد الجنسية وجيه سياج بسعر المتر جنيه ونص .. ستقلب القديم والجديد حول سعر البلد

بجنيه ونص !!!!!!!!!!!

هو ارض مصر بقت قراطيس ترمس .. الناس دى بتفكر ازاى ؟

الفضيحة ستكون دولية ..

الفضيحة ستجبر الحكومة والرئيس على منع بيع اراضى مصر لاجانب مرة اخرى

وطبعا صدر قرار جمهورى بالنسبة لسيناء .. لكن مطلوب قرار اخر لكل مصر

ارجعوا هداكم الله لحق الانتفاع .. انتم تبيعون مستقبل مصر

دم الشهيد بجنيه ونص

عليه العوض ومنه العوض

الفضيحه نفسيه احنا مفضحوين مفضحوين

المشكله فى الفضيحه النفسيه

المشكله فى الفضيحه والعار اللى هنتركه لاولادنا

المشكله اننا هنسيبها ليهم متباعه

خلصت الليله

وحسبى الله ونعم الوكيل

[mn940]

ادعو جميع المصريين للتكاتف سوياً وتحمل نفقات رسوم دعوي قضائية بالمحكمة الادارية علي يد أحد اساتذة القانون الاداري بطلب الغاء كافة القرارات الصادرة ببيع الاراضي لغير المصريين نهائياً

ومش عايزين فلوس الاجانب خالص احنا عايزين ترابنا يفضل لينا

اللي عندة استعداد لتمويل تلك الدعوي برجاء الاتصال بي

mn940@hotmail.com

لعمل صندوق يدعم تلك الحمله وتكليف احد المختصيين المعروفين بعمل كافة الاجراءات القانونية

[egycitizen]

بس احب اضيف ليكم حاجة صغيرة

ودي حاجة شفتها في لقاء لتقريبا وزير الزراعة من فترة في برنامج العاشرة مساءا

الفدان في توشكى اتباع ب 50 جنيه (ان لم تخني الذاكرة) وككمان ماتدفعش المبلغ كله

وزعلانين على المتر بجنيه ونص طب الفدان حوالي 4 الاف متر تقريبا شوف المتر واقف بكام

والله لو اعرف كنت رحت طلعت القرشين اللي تحت البلاطة واشتريت عزبة هناك :Icecream:

[مغتربة]

طب ايه رايك فى ما ساذكره لك الان و هو كلام اتحمل مسئوليته لانى واثقه منه تمام الثقه فى المناطق الحرة التى فى الاسماعيليه و بورسعيد كثرت مصانع الملابس الجاهزة و هذه المصانع يكون انتاجها للتصدير فقط و لا تدخل السوق المصرى ( هذا هو المفترض لكن طبعا الواقع غير ذلك تماما )

هذه المصانع تحصل على طلبيات تشغيلها من مكاتب عالميه متخصصه تعمل ان جاز القول كماسره بين صاحب الطلبيه و المصنع فى مصر و الطلبيه تاتى بشروط محدده فى الجوده او الاسعار او اى طلب اخر للعميل الاصلى و للاسف كثير من هذه المكاتب تاتى للمصانع المصريه بطلبيات من جهات اسرائيليه و ليست هذه المشكله بحد ذاتها و لكن الصدمه الحقيقيه ان هؤلاء العملاء يشترطوا ان الملابس المصنعه يوضع عليها علامه صنع فى اسرائيل بدلا من صنع فى مصر يعنى تكون مصنوعه فى مصر و بايدى مصريه و فى الاخر نكتب عليها انها صنع اسرائيل بدلا من مصر

و للاسف ان هذا الموضوع منتشر على نطاق واسع بين تلك المصانع ( و هذا طبعا خلافا للاتفاقيه اياها التى تفرض على المصانع استخدام مكونات اسرائيليه بنس معينه فى الانتاج حتى تحصل تلك المصانع على مميزات الاتفاقيه )

و لا عزاء لاى مصرى حر