هل نحن حقا (شعب مالوش في التجارة)؟

[لكلوك]

هل نحن حقا (شعب مالوش في التجارة)؟ هذا السؤال يا شباب ضرب في دماغي وفكرت فيه وهو ليس من مخيلتي لكن احد اصدقائي المقربين رجع من الامارات وحسب معلوماتي او اللي فهمته انه معاه قرشين كويسين وهو هنا في مصر عاوز يحطهم في البنك ويرجع لوظيفته الحكومية سألته قلت له ليه ما فتحتش بالقرشين دول مشروع في الامارت؟ او شاركت حد في مشروع هناك؟ الراجل يا جماعة بص لي بصة ولسان حاله بيقول ده عبيط ده والا ايه ورد قال لي ما انت عارف احنا شعب مالوش في التجارة احنا نشتغل نحوش لنا قرشين اما نبني بيهم بيت او نحطهم في البنك للمستقبل احنا كمصريين مالناش في التجارة ووجع الداغ اللي من نحيتها ،انتهي كلامه في الموضوع وده اللي خلاني افتكر الفترة اللي اتغربت فيها عن مصر ما بين تلات دول خليجية السعودية والامارات وقطر فعلا يا جماعة رغم اننا كمصريين جاليات مشرفة في الخليج دكاترة ومهندسين ومدرسين ومحاسبين بل واحيانا قضاة حتي اني سمعت انه النائب العام في الكويت مصري بل انه دراسة اتعملت عن طريق مجلس التعاون الخليجي عن العمالة الوافدة قالت انه القطاع التعليمي في الخليج 74% ممن يعملون فيه من الحضانة ولحد الجامعة هم مصريين بل انه المستشار في مجال التعليم للملك عبد العزيز الله يرحمه كان مصري وهو حافظ وهبه لكن فعلا لم اسمع عن مصريين يحترفون التجارة ويمارسوها في الخليج علي نطاق واسع فاغلب الاسماء الرنانة في الخليج عموما من الاثرياء اصحابها من اصول اما يمنية او ايرانية او فلسطينية او سورية او لبنانية واعتقد الاخوة المغتربين حيعرفوها يعني مثلا :-

الحريري لبناني

اكرم عجة سوري

رشاد فرعون واولاده سوريين

الزعيم سوري

بايزيد سوري

عبد اللطيف جميل وابنه محمد فلسطينيين

جمجوم فلسطيني

ابو الجدايل فلسطيني

الجفالي فلسطيني

صاحب مطاعم البيك فلسطيني

المطعم السعودي صاحبه فلسطيني

بيت الشوايه صاحبه فلسطيني

بروستيد الافندي صاحبه فلسطيني

توفيق السعيد سوري

عبد الخالق سعيد وابنه احمد ايرانيين

الفطيم ايراني

صاحب محلات باريس جاليري ايراني

وكالةMEMS للاعلانات في دبي صاحبها لبناني

القرقاوي صاحب سما دبي ايراني

بولند ايراني

المصري صاحب مزارع استرا ومشاريع اخري في السعودية فلسطيني

العقاد فلسطيني

بن لادن يمني

صالح كامل يمني

بن محفوظ يمني

الكبيسي عراقي

محمود سعيد فلسطيني

صاحب شركة ccc فلسطيني

ارابتك صاحبها فلسطيني

تعمير صاحبها فلسطيني

شركة املاك صاحبها سوري

وغيرهم كتير يا شباب كتير الذاكرة مش راضية تسعفني صراحة المهم كلهم يا شباب من اصول يمنية وايرانية وفلسطينية وسورية ولبنانية واحيانا عراقية ما فيش ولا واحد مصري فانا عاوز افتح باب للمناقشة معاكم هل احنا فعلا شعب مالوش في التجارة صح والا غلط الكلام ده واذا صح ليه صح هو احنا ننقص ايه عن الجنسيات السابقة علشان يبقوا عندهم العقلية التجارية واحنا لأ مع اننا عندنا ناس تشرف في كل المجالات في الخليج وغير الخليج زي ما ذكرت سابقا،أرجو منكم المشاركة يا شباب.

تم تعديل 20 أغسطس 2007 بواسطة لكلوك

[mesryforever]

كلا سليم مليون في المائه إن المصريين مبيعرفوش في التجارة أي شئ

تعال وشوف اللبنانيين والفلسطينيين والإيرانين والهنود أول ما يشفوك يفضلوا يعطوك معسول الكلام بس بطريقة مهذبه حتى لو مش عاوز تشتري - وحتى لو مش هتشتري النهارده هم شايفيين إنك ممكن تشتري بكره نتيجة لتعاملهم الطيب معاك ويحسسوك إنك صاحب المحل وكل ده بطريقة مهذبه

إحنا المصريين عندنا ثقافة واحده فقط لاغير (الإنسان بيني على الطمع يا حضرت إذا مجزرتهوش هو هيجزورك) ده طبعاً مش كلام دي حته من فيلم (السفير عزيزة لما واحد من موظفين الشعب حب يعاتب جزار الحته)

المهم إنه بيع مرة وأشمط الزبون ورجع الزبون تاني رجع رجع مرجعشي عن أهله ما رجع تاني

المصري بقه بيعمل إيه بيفضل يرخم عليك ب ياباشا وسعادتك والكلام اللي لا بيودي ولابيجيب ده هو بيفتكر إن دي شطاره بالعكس دي بيزهق الزبون وبيفضل وراك بطريقة تخليك تضاييق من المحل وصاحب المحل واللي شغالين في المحل والمنطقة كلها علشان خاطر الشخص إللي موقفينه في المحل علشان يبيع البضاعه

المفروض الشخص إللي واقف في المحل عليه إنه يساعد الزبون في الإختيار مش في إقناع الزبون غصب عنه إن البضاعه دي كويسهمع العلم إنه ممكن يكون متأكد مليون في المائه إن البضاعه دي مش مناسبه للشخص ده - بس المهم إنه يدبس الزبون في أي حاجه وخلاص ، ما بيبصوش لقدام إن الزبون ده ممكن يجي تاني وثالث وممكن يجيب صحابه يشتروا

[لكلوك]

كلا سليم مليون في المائه إن المصريين مبيعرفوش في التجارة أي شئ

تعال وشوف اللبنانيين والفلسطينيين والإيرانين والهنود أول ما يشفوك يفضلوا يعطوك معسول الكلام بس بطريقة مهذبه حتى لو مش عاوز تشتري - وحتى لو مش هتشتري النهارده هم شايفيين إنك ممكن تشتري بكره نتيجة لتعاملهم الطيب معاك ويحسسوك إنك صاحب المحل وكل ده بطريقة مهذبه

إحنا المصريين عندنا ثقافة واحده فقط لاغير (الإنسان بيني على الطمع يا حضرت إذا مجزرتهوش هو هيجزورك) ده طبعاً مش كلام دي حته من فيلم (السفير عزيزة لما واحد من موظفين الشعب حب يعاتب جزار الحته)

المهم إنه بيع مرة وأشمط الزبون ورجع الزبون تاني رجع رجع مرجعشي عن أهله ما رجع تاني

المصري بقه بيعمل إيه بيفضل يرخم عليك ب ياباشا وسعادتك والكلام اللي لا بيودي ولابيجيب ده هو بيفتكر إن دي شطاره بالعكس دي بيزهق الزبون وبيفضل وراك بطريقة تخليك تضاييق من المحل وصاحب المحل واللي شغالين في المحل والمنطقة كلها علشان خاطر الشخص إللي موقفينه في المحل علشان يبيع البضاعه

المفروض الشخص إللي واقف في المحل عليه إنه يساعد الزبون في الإختيار مش في إقناع الزبون غصب عنه إن البضاعه دي كويسهمع العلم إنه ممكن يكون متأكد مليون في المائه إن البضاعه دي مش مناسبه للشخص ده - بس المهم إنه يدبس الزبون في أي حاجه وخلاص ، ما بيبصوش لقدام إن الزبون ده ممكن يجي تاني وثالث وممكن يجيب صحابه يشتروا

اخيرا يا راجل في حد عبر الموضوع ده انا كاتب الموضوع من زمان ما حدش رد علي واضح انه كتير هنا الكلام ما عجبهمش واضح للاسف ان الكلام صح وكلامك واضح واؤيدك فيما تقول بس في كلامك نقطة ضوء يعني احنا برضك ناس بتفهم في شغل التجارة بس المهم نغير طريقتنا في التعامل مع الزبون ما نطمعش ونبص للمستقبل

[pearl]

هارد عليك بمثال بسيط انا مقيمه في الامارات من فتره حوالي 6 سنوات بتعامل مع جزار مصري ومع بتاع خضار وفواكه ايراني

على مدار الست سنوات باطلب بالتليفون بتاع الخضار الايراني بيجبلي احسن حاجه كاني انا اللي مختاراها واحسن والله وارخص من بره وبيوصلها بالتاكسي لحد البيت والراجل اللي بيطلعها مابيخدش ولا درهم زياده حتى لو اتحيلت عليه نص ساعه والله ده مش اي كلام ده بجد بجد لكن ده طبعا لاني زبونه وعلشان كده انا عاملاله دعايه مجانااااا من غير مايعرف

نيجي بقى للجزار المصري واللي انا صابره بس عليه علشان مصري

نادرا نادرا مايديني لحمه كويسه لو طلبتو بالتليفون لازم اروح واختار واقف على ايده ولازم كل مره يوجع قلبي ويقولي ان اللحمه غليت مره كنت مشغوله وجوزي راحله علشان يشتري كبده من عنده والله والله انه كمل كيلو الكبده الاسكندراني بلحمه مقطعه صغيره جواه وانا ماكتشفتش الا عند الطبخ وطبعا الكبده بتستوي اسرع وولا نفعت ناكلها كبده ولا لحمه

مره وكانت اخر مره عملتله دعايه عند وحده قريبتى وكلمته يجبلها لحمه البيت وقالها من عيني نص ساعه اكون عندك ولحد دلوقتى مارحلهاش مع ان الكلام ده من سنه ولا حتى فكر يتصل يعتذر

وكل ده وانا زبونته

شفت ليه المصريين ماينفعوش يشتغلو في التجاره!!

[أبو مروان]

اسمحلى يا اخى الكريم انا مش متفق معاك كليا ... بالنسبة للاستاذ اللى بيفسر فشلنا فى التجارة بسبب البياع اللى فى المحل او ما الى ذالك و لكن من وجهة نظرى انا هناك اسباب اخرى للفشل و هى:

1- الخوف من المغامرة (وهذه خاصة بمعظم المغتربين اللى كونوا ثراوتهم من المعاناه فى بلاد الخليج) و هذا ان دل على شىء يدل على ضعف الايمان بالله سبحانه و تعالى فقد قال رسولنا الكريم (ص) و هو كان تاجرا " اعقلها و تؤكل" و هو ما ينطق عن الهوى و لكن هو وحى يوحى علمه شديد القوى .

2- قلة الخبرة و عدم دراسة المشروع دراسة متـأنية شاملة توضح جوانب الضعف و القوة و الاكتفاء بتقليد خطوات الاخريين الذين قاموا بنفس النشاط مما يؤدى فى النهاية الى الفشل السريع.

3 - الاستعجال و عدم الصبر ... حيث ان الصبر هو مفتاح الخير فى التجارة.

هذا والله تعالى اعلم

اخوكم

أبو مروان

[لكلوك]

هارد عليك بمثال بسيط انا مقيمه في الامارات من فتره حوالي 6 سنوات بتعامل مع جزار مصري ومع بتاع خضار وفواكه ايراني

على مدار الست سنوات باطلب بالتليفون بتاع الخضار الايراني بيجبلي احسن حاجه كاني انا اللي مختاراها واحسن والله وارخص من بره وبيوصلها بالتاكسي لحد البيت والراجل اللي بيطلعها مابيخدش ولا درهم زياده حتى لو اتحيلت عليه نص ساعه والله ده مش اي كلام ده بجد بجد لكن ده طبعا لاني زبونه وعلشان كده انا عاملاله دعايه مجانااااا من غير مايعرف

نيجي بقى للجزار المصري واللي انا صابره بس عليه علشان مصري

نادرا نادرا مايديني لحمه كويسه لو طلبتو بالتليفون لازم اروح واختار واقف على ايده ولازم كل مره يوجع قلبي ويقولي ان اللحمه غليت مره كنت مشغوله وجوزي راحله علشان يشتري كبده من عنده والله والله انه كمل كيلو الكبده الاسكندراني بلحمه مقطعه صغيره جواه وانا ماكتشفتش الا عند الطبخ وطبعا الكبده بتستوي اسرع وولا نفعت ناكلها كبده ولا لحمه

مره وكانت اخر مره عملتله دعايه عند وحده قريبتى وكلمته يجبلها لحمه البيت وقالها من عيني نص ساعه اكون عندك ولحد دلوقتى مارحلهاش مع ان الكلام ده من سنه ولا حتى فكر يتصل يعتذر

وكل ده وانا زبونته

شفت ليه المصريين ماينفعوش يشتغلو في التجاره!!

والله كلامك الحقيقه بيقول ويحكي مواقف جربتها في الغربه بدرجات واشكال مختلفة بس الحقيقه صدمني، وهو ايه اللي وصلنا كمصريين ان عقيدتنا في التفكير تبقي هي الفهلوه يعني ومن كلامك انا هنا اتاكدت اننا شعب يملك العقلية التجارية لكن لا يملك الامانه وهي اساس التجاره خصوصا مع شدة المنافسه في الخليج انا اري انه ان كان جاء علينا اليوم اللي فيه نتخلص من عقلية الفهلوه دي احنا حنبقي لا نقل عن اليمنيين والفلسطينيين واللبنانيين والسوريين والايرانيين في شغل التجارة خصوصا ان الجنسيات السابقة بالعه اقتصاد الخليج في كرشها برضك هم مش احسن منا ان فعلنا ما قلته مسبقا.

[لكلوك]

اسمحلى يا اخى الكريم انا مش متفق معاك كليا ... بالنسبة للاستاذ اللى بيفسر فشلنا فى التجارة بسبب البياع اللى فى المحل او ما الى ذالك و لكن من وجهة نظرى انا هناك اسباب اخرى للفشل و هى:

1- الخوف من المغامرة (وهذه خاصة بمعظم المغتربين اللى كونوا ثراوتهم من المعاناه فى بلاد الخليج) و هذا ان دل على شىء يدل على ضعف الايمان بالله سبحانه و تعالى فقد قال رسولنا الكريم (ص) و هو كان تاجرا " اعقلها و تؤكل" و هو ما ينطق عن الهوى و لكن هو وحى يوحى علمه شديد القوى .

2- قلة الخبرة و عدم دراسة المشروع دراسة متـأنية شاملة توضح جوانب الضعف و القوة و الاكتفاء بتقليد خطوات الاخريين الذين قاموا بنفس النشاط مما يؤدى فى النهاية الى الفشل السريع.

3 - الاستعجال و عدم الصبر ... حيث ان الصبر هو مفتاح الخير فى التجارة.

هذا والله تعالى اعلم

اخوكم

أبو مروان

والله برضك يا جماعة الاخ ابو مروان جاب اسباب منطقيه فعلا وده اللي شعرت بيه فعلا وانا في الغربه والله يا اخي انا اللي عاوز اوصل له ان الناس دي مش افضل مننا علشان تتميز في المجال ده واحنا لا وانت معاك حق هو يمكن الفرق بينا وبينهم روح المغامرة اللي اسلوب تربيتنا خلينا نفقد الكثير منها.

تحياتي لك . الف تحيه يا كبير

تم تعديل 20 أغسطس 2007 بواسطة لكلوك

[رئيس التحرير]

تأكيدا لكلامكم ... ذهبت أمس لشراء بيض من واحد مصري وأنا أضع ثقتي لما يكون البياع مصري .. المهم قلت له إعطيني طبقين بيض وكانت معي زوجتي وإبني .. المهم لم أناقشه في السعر وكان يهمني الجودة .. إختار هو طبقين فوق بعض لاحظت زوجتي إن فيه بيض مكسور في الطبق العلوي فغيره لها واثناء مابيغيره الطبق الأسفل كان فيه بيضة مكسورة من ناحيتي يعني أراها مباشرة فراح مدور الطبق أثناء مازوجتي يتعطيله الطبق العلوي بعد تغيير المكسور علشان المكسور مايبان من ناحيتي .. وهو يهم بلف الطبقين قلت له خلاص كده كله سليم ؟ !!!!! فقال لي فيه حاجة ؟ .. قمت بلفت نظره إلى الييضة المكسورة في الطبق السفلي وليه تغير وضع الطبق ؟ بمايعني إنك بتستغفل الزبون وده عيب ... فماكان منه إلا أن تغيرت ملامح وجهه وكان فيه واحد سوداني واقف ومعاه زوجته فقام قالي تقصد إيه وقد صوته في العلو بحده مرضية .. قلت له يعني إنا واضع ثقتي فيك يعني تديلي أحسن حاجة مش تستفلني .. المهم نزع البيض وقالي مش حابيع لك .. قلت له وأنا مش حأشتري منك لأنك غير أمين .. ثارت ثائرته وقال أنا أأمن منك ومن بلدك ... المهم هذه عينة من البائعين المصريين الذين يسيئون للبلد .. مافيش حاجة وجعتني غير حكاية أنا أأمن منك ومن بلدك وكأنه إسرائيلي ... طولت عليكم بعد كده رجعت له وفهمته إنه غلطان ومش لازم تكون تعاملاته بهذا الشكل .. وإعتذر ... بس بعد إيه !!!!!!!!!

[pearl]

صح يا اخ لوكلوك المصريين لو يبطلو فهلوه ويزودو الامانه ويعترفو بالغلط و يريحو الزبون و و و و و و هايبقو تجار ناجحين :wub:

اللي قال ان التجاره شطاره مكدبش ماقالش فهلوه

الصراحه في الغربه بيبان قوي فشل المصريين في التجاره وذلك لوجود منافسه قويه من جنسيات تانيه فاهمة التجاره صح صح

وانت في مصر مابتخدش بالك من حجات بسيطه التجار الشاطرين بس هم اللي بيفكرو فيها

يعني المصري يهمو انك تتدبس المره دي وخلاص ما بيفكرش يرضيك كزبون علشان تجيله تاني وتعمله سمعه حلوه

[sagi]

اتهام المصريين بأنهم شعب مالوش فى التجارة، فى اعتقادى اتهام مبالغ جدا فيه ومالوش اساس من الصحة، معروف ان المصريين بطبعهم توجهاتهم علمية ولكن ده لا ينفى عنهم انهم تجار من الطراز الرفيع وفى فرق كبير بين بياع على عربية كارو أو بياع فى سوق سمك أو تاجر خردة او قهوجى بلاموطى بيبعلك شاى على ميه بيضه وبين التجارة الحقيقة، مفهوم الفهلوه والاونطه سببه ومرجعه الرئيسى حالة الشعب الاقتصادية المتردية بسبب سوء إدارة الدولة وتفشى الفساد، خدناها من الملك فاروق الجنية المصرى يعادل سبعة جنية استيرلينى، النهاردة الجنية الاستيرلينى بيزيد عن 11 جنية مصرى! خدناها من فاروق وبريطانيا العظمى مديونة لمصر، النهاردة مصر مديونة للى يسوا واللى مايسواش! واوعى تفكرنى بترحم على الملك وايامه، انا بترحم على حالنا واللى جرالنا بسبب شوية عساكر بصمجية مالهومش لا فى السياسة ولا ادارة الاعمال فما بالك بإدارة دولة وشعب! المهم نرجع لموضوعنا، الفهلوة سببها قلة الحيلة وخوف المصريين من مشاريع التجارة فى مصر سببه ان البلد مافيهاش قوانين ولا نظام تجارى ثابت يسمح بمناخ تجارى صحى، لا للتاجر ولا للمستهلك! شوية حرامية ماسكين مقدرات البلد واللى يلعب معاهم يعيش، اما اللى يلعب مع نفسه يكسرو عضمه! هو فى دولة على وش الكرة الارضية بتاخد من اللى يجيب عربية من الخارج ضريبة 200% إلا مصر! وعلى ايه؟ على السيارات الاقتصادية الجديدة، وشوارع البلد 90% منها عربيات كهنة بتطرد عادم يسم البدن! على اى حال المصريين فى مصر لهم عذرهم، اما المصريين فى الخارج فأنت قولت انهم بيرفعوا الراس ودى حقيقة، حتى فى التجارة وانا اقصد التجارة الراقية مش المطاعم زى اللبنانين، عندك على سبيل المثال صاحب واحدة من اكبر واشهر الجرائد الفرنسية فرانس سوار، مصرى اسمه رامى لكح، وغيره صاحب واحدة من اكبر واعرق المحلات التجارية الفخمة فى انجلترا، هارولدز، مصرى اسمه محمد الفايد، وهو ايضا صاحب اكبر فندق عريق فى فرنسا، فندق الريتز، الليلة فيه بـ 15 الف دولار، يعنى ملوك البترودولار يخافو يهوبو ناحيته! صاحب اكبر واشهر شركة هندسة معمارية ومقاولات فى سويسرا، مصرى اسمه عزت جلال، الذى تحدث عنه الاعلام السويسرى مؤخرا مشيرا الى اصوله الفرعونية لنجاحة فى بناء ملحق ضخم بفندق جراند هوتيل فى مدينة مونترو برغم رفض العديد من الشركات السويسرية تنفيذ هذا المشروع الضخم لكونه يقع فى منطقة اقل من منسوب ارتفاع مياة بحيرة ليما، وغيره صاحب شركة الهندسة والمقاولات العالمية الشهيرة فينيكس وله انشطة عديدة فى الدول العربية وفى مصر، مصرى اسمه شريف حافظ، وكلى ثقة ان هناك العديد من التجار المصريين الناجحين جدا فى جميع انحاء العالم ولا اعلم عنهم شيئ! الخلاصة، ان المصريين اوجدلهم مناخ صحى وقوانين تحمى ادميتهم هتلاقيهم بيبدعوا فى اى مكان.

[لكلوك]

اتهام المصريين بأنهم شعب مالوش فى التجارة، فى اعتقادى اتهام مبالغ جدا فيه ومالوش اساس من الصحة، معروف ان المصريين بطبعهم توجهاتهم علمية ولكن ده لا ينفى عنهم انهم تجار من الطراز الرفيع وفى فرق كبير بين بياع على عربية كارو أو بياع فى سوق سمك أو تاجر خردة او قهوجى بلاموطى بيبعلك شاى على ميه بيضه وبين التجارة الحقيقة، مفهوم الفهلوه والاونطه سببه ومرجعه الرئيسى حالة الشعب الاقتصادية المتردية بسبب سوء إدارة الدولة وتفشى الفساد، خدناها من الملك فاروق الجنية المصرى يعادل سبعة جنية استيرلينى، النهاردة الجنية الاستيرلينى بيزيد عن 11 جنية مصرى! خدناها من فاروق وبريطانيا العظمى مديونة لمصر، النهاردة مصر مديونة للى يسوا واللى مايسواش! واوعى تفكرنى بترحم على الملك وايامه، انا بترحم على حالنا واللى جرالنا بسبب شوية عساكر بصمجية مالهومش لا فى السياسة ولا ادارة الاعمال فما بالك بإدارة دولة وشعب! المهم نرجع لموضوعنا، الفهلوة سببها قلة الحيلة وخوف المصريين من مشاريع التجارة فى مصر سببه ان البلد مافيهاش قوانين ولا نظام تجارى ثابت يسمح بمناخ تجارى صحى، لا للتاجر ولا للمستهلك! شوية حرامية ماسكين مقدرات البلد واللى يلعب معاهم يعيش، اما اللى يلعب مع نفسه يكسرو عضمه! هو فى دولة على وش الكرة الارضية بتاخد من اللى يجيب عربية من الخارج ضريبة 200% إلا مصر! وعلى ايه؟ على السيارات الاقتصادية الجديدة، وشوارع البلد 90% منها عربيات كهنة بتطرد عادم يسم البدن! على اى حال المصريين فى مصر لهم عذرهم، اما المصريين فى الخارج فأنت قولت انهم بيرفعوا الراس ودى حقيقة، حتى فى التجارة وانا اقصد التجارة الراقية مش المطاعم زى اللبنانين، عندك على سبيل المثال صاحب واحدة من اكبر واشهر الجرائد الفرنسية فرانس سوار، مصرى اسمه رامى لكح، وغيره صاحب واحدة من اكبر واعرق المحلات التجارية الفخمة فى انجلترا، هارولدز، مصرى اسمه محمد الفايد، وهو ايضا صاحب اكبر فندق عريق فى فرنسا، فندق الريتز، الليلة فيه بـ 15 الف دولار، يعنى ملوك البترودولار يخافو يهوبو ناحيته! صاحب اكبر واشهر شركة هندسة معمارية ومقاولات فى سويسرا، مصرى اسمه عزت جلال، الذى تحدث عنه الاعلام السويسرى مؤخرا مشيرا الى اصوله الفرعونية لنجاحة فى بناء ملحق ضخم بفندق جراند هوتيل فى مدينة مونترو برغم رفض العديد من الشركات السويسرية تنفيذ هذا المشروع الضخم لكونه يقع فى منطقة اقل من منسوب ارتفاع مياة بحيرة ليما، وغيره صاحب شركة الهندسة والمقاولات العالمية الشهيرة فينيكس وله انشطة عديدة فى الدول العربية وفى مصر، مصرى اسمه شريف حافظ، وكلى ثقة ان هناك العديد من التجار المصريين الناجحين جدا فى جميع انحاء العالم ولا اعلم عنهم شيئ! الخلاصة، ان المصريين اوجدلهم مناخ صحى وقوانين تحمى ادميتهم هتلاقيهم بيبدعوا فى اى مكان.

والله كلامك رائع واعاد لي الثقة في انفسنا وانا هنا بتكلم عننا كشعب عموما وانا كنت اعرف عن الفايد ولكح لكن اول مرة اعرف بقية المعلومات الرائعة اللي انت كاتبها هنا و فعلا كلامك سليم احنا شعب موهوب لو اتوفرت لينا الظروف المتاحة للنجاح بس يا اخي الفاضل انا هنا بتكلم عن شعوب ثقافة اغلب ابنائها تجارية تماما يعني مثلا اللبنانيين والفلسطينيين والسوريين والايرانيين واليمنيين دي شعوب يا اخي الفاضل في جاليات منها بتحكم اقتصاد دول باكملها يعني النفوذ الاقتصادي للسوريين واللبنانيين والفلسطينيين في امريكا الجنوبية مثلا انت مش متخيله دول باكملها في القارة دي الناس دول حاكمين اقتصادها روح اتفرج اكبر واهم تجار في سان باولو في البرازيل من الجنسيات التلاته السابقة فنزويلا اقتصادها جزء كبير منه كمان في يد السوريين يليهم اللبنانيين يليهم الفلسطينيين خد تشيلي مثلا اقتصادها كله تقريبا في يد الفلسطينيين لدرجةانه مخرج تشيلي قال مرة متهكما (لدينا دولة فلسطينية في تشيلي 400 الف فلسطيني يحكمون تشيلي، فالفلسطينيون التشيليون هنا فاحشوا الثراء وحين أقول فاحشي الثراء فهذا يعني أنهم ضمن قائمة أغنى أغنياء العالم ، من بالباريسو إلى تاركا في المنطقة الممتدة بينهما توجد تقريبا فلسطين ثانية، غير أنها لا تهتم بما يجري في أرض أجدادها، إنهم يمتلكون بنوكا ويسيطرون على حركة التجارة، يمتلكون المراكز التجارية الكبيرة كما المزارع والمصانع الكبيرة، يمتلكون هذا البلد تقريبا، هم أثرياء جدا لدرجة أنهم يختارون الرؤساء ومنهم النواب في البرلمان) كما ان للسوريين ايضا تاثير كبير في اقتصاد الارجنتين كما هو حال اللبنانيين في الاقتصاد المكسيكي واقتصاد كولومبيا يتحكم بجزء كبير منه اللبنانيين والفلسطينيين كما هو حال بنما ايضا وهناك السلفادور وهندوراس والنفوذ الاقتصادي الفلسطيني فيهما واضح جدا او ان يكون لدينا كابناء الجنسيات السابقة الثلاث رؤساء كحال رئيس الارجنتين السابق السوري الاصل كارلوس منعم او رئيس الاكوادور الاسبق اللبناني معوض او كحال رئيس السلفادور الحالي الفلسطيني انطون السقا وغيرهم من هذه الجاليات السورية واللبنانية والفلسطينية رؤساء ورؤساء مجالس نواب كما انه الجنسيات الثلاثة السابقة تستطيع ان تقول انه لهم او لنسبه منهم بلفظ ادق هم واليمنيين والايرانيين كلمة في اقتصاد الخليج بسبب كثرة الراسماليين الكبار منهم ممن يملكون الشركات الكبيرة والمصانع وغيرها حتي في امريكا اغلب من يحترفون التجارة من العرب هم من السوريين واللبنانيين والفلسطينيين واليمنيين انا اتكلم عن التجارة كثقافة مجتمعيه بحيث تكون لنا جاليات في الخارج قوية اقتصاديا ولها نفوذ اقتصادي وسياسي قوي كما الامثلة التي ضربتها سابقا.

[لكلوك]

وانت في مصر مابتخدش بالك من حجات بسيطه التجار الشاطرين بس هم اللي بيفكرو فيها

يعني المصري يهمو انك تتدبس المره دي وخلاص ما بيفكرش يرضيك كزبون علشان تجيله تاني وتعمله سمعه حلوه

انت جبت المفيد يا معلم فعلا الله ينور عليك فعلا كلامك صح الصح في الحته دي بالذات