تلقيح كلام في الفسحة من الجمهورية

[se_ Elsyed]

مما لا شك فيه إن جرايدنا القومية بقيادة

الاهرام

الأخبار

الجمهورية

اللي كبيرهم يتلف فيهم طعمية مزيته.. بيتبعوا سياسة " هبشك عليه "

يعني الدول أو الأشخاص اللي مالهمش في النظام وبيعارضوا أو ينتقدوا النظام .. فبيفكوا الحبل ويسيبوا الجرايد دي عليهم تلقح بقى كلام .. تطلع إشاعات .. المهم تطلع فيهم القطط الفطسه والسلام

ولإن محمد حسنين هيكل من ساعة الإنتخابات الرئاسية الهزلية إبتدى ينتقد نظام مبارك بطريقة مباشرة ..

فما فيش مانع من وقت للتاني نلقح كلام عليه وعلى عيلته

خدوا الحته دي في الجمهورية النهاردة

700 مليون دولار أرباح ابن هيكل في بيع المصرية للأسمدة

كتب هاني صالح :

حقق كونسرتيوم شركة سيتادل كابيتال والتي يديرها المستثمر المصري أحمد هيكل ابن الكاتب الصحفي محمد حسنين هيكل ارباحا تقترب من 700 مليون دولار في صفقة اعادة بيع 100% من أسهم الشركة المصرية للأسمدة الي شركة أبراج كابيتال الاماراتية.. دفعت الشركة الاماراتية 4.1 مليار دولار للاستحواذ علي الصفقة والتي سبق لكونسرتيوم مصري خليجي شراؤها منذ عامين بمبلغ 700 مليون دولار ل 100% من الأسهم.. أكدت المصادر أن شركة صافولا السعودية للمنتجات الغذائية هي اكبر مساهم في شركة أبراج كابيتال الاماراتية.. سجل سعر السهم في الصفقة الجديدة 41.4 دولار للسهم ل 320 مليون سهم.. بدأت مفاوضات بيع المصرية للأسمدة في ابريل الماضي.. وعلمت الجمهورية أن الشركة الاماراتية عهدت الي المهندس عادل الموزي برئاسة مجلس الإدارة حتي تشكيل مجلس الإدارة الجديد.

شركة إستثمارية شاطرة بتبيع نفسها

وإنتوا مالكو ؟

مش تشوفوا نفسكو الأول اللي نازلين بيع في ممتلكات الدولة بتراب الفلوس

بمناسبة البيع والأوكازيونات الصيفية المصرية

شميتوا ريحة صفقة بيع أراضي في ميدان التحرير - أعتقد إنها أرض المجمع وهتأكد من الكلام ده - لشركة فرنسية بسعر المتر 10 ألاف جنيه ؟

يا بلاش

مع إن الحد الادنى لسعر المتر هناك هو 60 ألف ج .. وهنيالك يا فاعل الخير والثواب

بالمناسبة

تقدر الأهرام وإخوتها الأشرار يقولوا شيء عن إبن مبارك أو إبن عاطف صدقي او أبناء أسيادنا وتوج راسنا أعضاء الأسرة الحاكمة المصرية ؟

ولا إحنا فالحين في تلقيح كلام حريم قاعدين في الفسحه بس

من عينة : إسكتي يا أم ابراهيم .. شوفتي الواد أحمد إبن هيكل بتاع الجزيرة " مع هيييييييييييييييكل " .. بيقولك ياختشي قال خير اللهم اجعله خير باع شركته وعكم فيها 700 مليون دولار ؟

أم أبرهيم : والسبعميت مليون زُرار دول يطلعوا أكتر ولا اقل من الألف جنيه ؟

[kokowawa1979]

طبعا ياعم س.س الجمهورية كتبت الكلام زي انت ماقلت تلقيح جتت على محمد حسنين هيكل والغرض منه الجرسة والفضيحة للزعيم المتبقي من فلول الاشتراكية - وماكانش في دماغهم إن عم سي السيد هايلقط الحتة دي ويجرس هو الحكومة ببيع القطاع العام بتراب الفلوس - وعلشان تراب الفلوس ماكفاش راحت عيوشة بايعه بناتنا للسعودية برضه بتراب الفلوس !!!

فيه حتة كمان مش قادر أفهمها كنت قريت من فترة إن الحكومة هاتستعيد 6 شركات من الشركات السابق بيعها - حد فاهم حاجة عن النقطة دي أحسن أنا مخي محتاج سمكري بواجير ينفضه !!!!!!

[shazly]

أستاذ س س, لا أفهم ما المسئ فيما نشرته الأهرام, أري محتوى خبري إقتصادي يخلو من أي رأي أو تلميح.

[shazly]

عفوا الجمهورية

[لخبطه]

دا مش الجمهورية بس بعيد عنك وعن السمعين دا الاخبار جابت جمال حماد يرد على هيكل

واخبار اليوم نشرت كاركتير زي الزفت يحمل تعريض بهيكل هفعص كدا واحاول اجيبه لكم

[لخبطه]

لقيته

[se_ Elsyed]

أستاذ س س, لا أفهم ما المسئ فيما نشرته الأهرام, أري محتوى خبري إقتصادي يخلو من أي رأي أو تلميح.

حضرتك شايف يا استاذ شاذلي إن ده عنوان محترم لجريدة قومية ؟

700 مليون دولار أرباح ابن هيكل في بيع المصرية للأسمدة

ولو قرأت بقية الموضوع هاتلاقيني سألت سؤال بريء

لو الشركة دي ملك إبن حد من الحزب الوطني - مش هاقول والعياذ بالله علاء بك مبارك -

كانت الجمهورية هاتكتب ...

150 جنية أرباح إبن مبارك في شركة ام عبدو للأنوار المضلمة ؟

[Abdulaziz Omar]

الاخ لخبطة

هذا الكاريكاتير اعتقد المقصود به هو الدكتور سعد الدين ابراهيم وليس هيكل

عموما هو لايدل الا علي تدني مستوي النقد ..... ان كان هناك نقد اصلا

اعتقد ان هذا يسمي ردح.....ولايسئ الا لمن رسمه

عمر

تم تعديل 4 يونيو 2007 بواسطة Abdulaziz Omar

[Sherief AbdelWahab]

مع رفضي لتقديس هيكل ، إلا أن فكرة الكتابة في مانشيت في جريدة قومية بعبارة "ابن هيكل" تنم عن أن الجليطة وانعدام الذوق واحتقار الأعراف المهنية أمور تسري في عروق الصحافة القومية وبالذات روزا والجمهورية ، وسجل الجمهورية المقرف في هذا الصدد وبالذات في الحوادث يضيق به هذا الباب بكامله..

بالمناسبة ، في إحدى المرات نشرت الجمهورية صورة لمجرم في صفحة الحوادث بحجم كبير وكأنها صورة مطرب على ألبوم غنائي..

خلص الكلام

[mohamed_mido87]

والله انا مش مستغرب من العنوان لان مش جديد على الجمهوريه العناوين دى لانها طبقا للسياسه الى بطبقها الجريده على كل من يهاجم مبارك او الحكومه

وبالذات عامود مختصر ومفيد كل يوم انتقاد للاستاذ هيكل والاخوان و صحيفه الدستور والصحف الخاصه عامه

ورغم انى لست مع الاستاذ هيكل فى كل يقول الا انه فى نفس الوقت احترمه بشده وعيب قوى الجمهوريه تقول كده

وعمار يا مصر مبارك

[KANE]

شميتوا ريحة صفقة بيع أراضي في ميدان التحرير - أعتقد إنها أرض المجمع وهتأكد من الكلام ده - لشركة فرنسية بسعر المتر 10 ألاف جنيه ؟

أرض الجامعة الأمريكية

[shazly]

مش تفهمنا كده من الأول يا مستر :blink:,

عموما أنا فرحان فيك بصراحة وتستاهل إللي حصلك لأنك مش مفروض إنك تقرا فضلا عن إنك تشتري جرايد النظام.

وده درس لحبايبنا الصغيرين بإنهم يبعدوا عن الجرايد الحكومية وده حرصا على عدم إصابه أطفالنا بالهطل المغولي :happy:

[المصرى اوى]

لقيته

يؤسفنى نشر سموم المسمى بعمرر فهمى

متسلق من متسلقو عصر الفساد

تسلق على خطوط الفنان مصطفى حسين ونقشها بالمسطرة

وتسلق على معاناة الناس وكرس قلمة وريشتة المقلدة لنفاق اذناب الفساد فى مصر

ثم هل قناة الجزيرة اصبحت الخبيثة من وجهة نظرة؟؟ لماذا حد يفهمنى لحسن انا اتفقعت00

[shazly]

في زمن غير الزمن ستفهم رسالة الدكتور سعد الدين ابراهيم phn: