متابعة رياضية لمسابقة كأس مصر

[se_ Elsyed]

خلص الدلع .. ودخلنا في الجد

دور الثمانية إنتهى أمس بالنتائج التالية

1- الزمالك - المنصورة 3-0

2- إنبي - بترول أسيوط 0-2 في مفاجأة كبيرة لإنبي صاحب كأس مصر العام قبل الماضي

3- الأهلي - طلائع الجيش 3-1

4- الإسماعيلي - حرس الحدود فوز الإسماعيلي بضربات الترجيح

الدور قبل النهائي سيبدأ بلقاء الأهلي والإسماعيلي الجمعة القادمة تحت لقاء التار ولا العار

الزمالك - بترول أسيوط ... صباح الكلام الفاضي والزمالك في النهائي بدون شك وهو في مصلحة الأهلاوية اللي بيدعوا ربنا ده يحصل عشان الأهلي يكسب الإسماعيلي ويطلع يقابل الزمالك في الجمعة بعد القادمة وبكل تأكيد نريدها مباراة ممتعة والأفضل هو من يفوز

وكلنا عارفين إن الأفضل هو الأهلي وسنكرر فوز العام الماضي .. ليجمع الاهلي جميع الألقاب المحلية للعام الثاني على التوالي

دوري

كأس

كأس سوبر

بالمناسبة لو الأهلي فاز على الزمالك في نهائي الكأس فهو هايبقى بطل الدوري والكأس ومش معقول يلاعب نفسه .. فهايتعطف ويتطلف ويلاعب الزمالك في مباراة السور بصفته الطرف الثاني في الكأس .

[النسر المصري]

يالهوي يالهوي على اللي هيحصل للزمسعالويه يالهويييييييي....

والنبي يا س س ياخويا انا خايف عليهم من الخضة..!! :closedeyes:

تصدق وتآمن بالله يا س س ...انا متخيل منظر لاعيبة الآسماعيلي والزمالك لما يشوفو العتاولة بتوع الأهلي وهم نازلين الملعب....!! ولسان حالهم بيقول (ياماما....ده شكل ابووتريكه ومتعب وفلافيو وبركات والشاطر والنحاس وشوقي نازلين ورجليهم بتعوعولنا..........يمامااااااااااااااا!!!!!!

يانهاري على اللي هيحصل!!!

خليهم يتفرجوا على جون ابو تريكه التاريخي ويعرفوا اللي هيحصلهم!!!

[KANE]

معلش المره دي ياسي السيد إنت ونسر

اسمعو الكلمتين دول مني قبل ما يدخل الزمالكاوية والاسماعلاوية

لا يعجبني في الأهلاوية طريقة كلامهم التي تدل على إستعلاء شديد

هل سيغلب الأهلي الأسماعيلي أولاً ؟

طيب والاسماعيلي غلب الأهلي رايح جاي

وفي المره الأولي كان الأهلي بكامل نجومه وكان في عز مجده

فلما تخلصوا من الإسماعيلي أبدأو اتكلموا عن الزمالك

"إحنا جايين نهدي النفوس" :closedeyes:

[se_ Elsyed]

أنا شايف موديست على إيدك اليمين داخل يتحسب وبيرا الموضوع في توخوبوث

يا كين أنا بأقول بإذن الله هانهزم الإسماعيلي

وبإذن الله فريق الزمالك الشقيق يعدي من بترول أسيوط ونتقابل في النهائي

[kokowawa1979]

النسر كتب :

خليهم يتفرجوا على جون ابو تريكه التاريخي ويعرفوا اللي هيحصلهم!!!

انت مصدق يانسر انه جون بصحيح-!!!!!!

ادعوا لفهيم عمر اللي قلب لكم المباراة !!!!

[النسر المصري]

النسر كتب :

خليهم يتفرجوا على جون ابو تريكه التاريخي ويعرفوا اللي هيحصلهم!!!

انت مصدق يانسر انه جون بصحيح-!!!!!!

ادعوا لفهيم عمر اللي قلب لكم المباراة !!!!

أنا في الأول قعدت أشوف الهدف وأعيد وأزيد فيه عسى ألاقي شيء خطأ من اللي بيقول عليه كوكو واوا!! :closedeyes:

وقعدت أقرا التصريحات والأخبار وكلام الناس بما فيهم كلام طلعت يوسف المدير الفني للجيش واللي بيأكد فيه انه هيعاقب حسامم عبدالعال اللي قعد يعترض على الهدف لوحده (يمكن بيعترض عشانه هدف تاريخي وكان نفسه في واحد من ده )

المهم اني عرفت في الآخر ان الاستاذ الفاضل كوكوواوا ...والأب الروحي للزمالكاوية...... حب يعمل زوبعة في الزلعة..بس ياعيني الزلعة ضربت منه المرادي دي كمان وطلعت آوت بردو كالعادة..!!

وبما ان الفضول دايما وأبدا بيثيرني مع كلمات الحبيب كوكو واوا

فاني بدوره أسأله ...ماهي هي وجهة نظرك العلمية الفذه في شكوك في الهدف!!

[Ahmad Farahat]

هل رأيتم الفريق بعد الراحة؟

لقد عادت الثقة والحاجة غلى الكرة

بالمناسبة يا شباب

عندما فاز افسماعيلي على الأهلي في الدور الأول ذكر اللاعب السابق ميمي عبد الحميد أنه باستخدام الأجهزة الحديثة فإن لاعبي الأهلي قل معدل جريهم في الملعب بنسبة الثلث

لا أريد من الزملكاوية والإسماعلوية أن ينخدعوا بالنتائج السابقة

وإلا سيكون هناك مقلب كبير في انتظارهم

بالمناسبة يا سين سين

مفيش تعليق عى قرعة الزمالك

ده ولا فريق لاعبوه عدل

مش عارف بني سويف والمنصورة وحاجات من اللي بتلعب كورة مكعبة

يعني أحب أعرف تعليقك

[Modest]

أنا شايف موديست على إيدك اليمين داخل يتحسب وبيرا الموضوع في توخوبوث

هانقطّعكوا :rolleyes:

[Modest]

انت مصدق يانسر انه جون بصحيح-!!!!!!

ادعوا لفهيم عمر اللي قلب لكم المباراة !!!!

أما أمرك غريب يا كوكو .. فيها إيه لما يسند الكورة بإيده علشان يجيب جول تاريخي؟!!

و بعدين ده أبو تريكة يا أخي .. عايز تحسب على أبو تريكة لمسة يد "قصدي سندِة دراع" علشان تحرمه من هدف تاريخي؟!!!!! .. مالكش حق أبداً زي ما كان مالكش حق لما زعلت إنه وقع خارج منطقة الجزاء و اتحسب له ضربة جزاء في مباراة الحرس إياها.. طيب ما الراجل سجد شكر لله بعد احتساب ضربة الجزاء.. عايز إيه أكتر من كده؟

و فيها إيه كمان لما الحكم يطرد لاعب من الجيش و محدش يعرف السبب لغاية دلوقتي!! .. فيها إيه يعني؟ أما انت لك أراء عجيبة صحيح يا كوكو :sad:

فوّرت دمي و انا باحتسي قهوة الصباح :rolleyes: