شعبى الطيب المهاود

[nancy]

وصلنى الشعر دة فى اميل حبيت تشفوه معايا

يترى مين الى بيقولة لمين

الى حيعرف له جايزة كبيرة جدا ...... من الدولة ... ممكن يشوف الى وراء الشمس :rolleyes:

رسالة لشعب مصر تقول :

يا شعبي حبيبي يا روحي يا حبيبي ياحاطك في جيبي يابن الحلال

يا شعبي يا شاطر يا جابر خواطر يا ساكن مقابر وصابر وعال

يا واكل سمومك يا بايع هدومك يا حامل همومك و شايل جبال

يا شعبي ياللي نايم وسارح وهايم وفي الفقر عايم وحاله ده حال

احبك محشش مفرفش مطنش ودايخ مدروخ واخر انسطال

احبك مكبر دماغك مخدر ممشي امورك كده باتكال

واحب اللي ينصب واحب اللي يكدب واحب اللي ينهب ويسرق تلال

واحب اللي شايف وعارف وخايف وبالع لسانه وكاتم ماقال

واحب اللي قافل عيونه المغفل واحب البهايم واحب البغال

واحب اللي راضي واحب اللي فاضي واحب اللي عايز يربي العيال

واحب اللي يائس واحب اللي بائس واحب اللي محبط وشايف محال

واحبك تسافر وتبعد تهاجر وتبعت فلوسك دولار او ريال

واحبك تطبل تهلل تهبل عشان مطش كوره وفيلم ومقال

واحبك تأيد تعضد تمجد توافق تنافق وتلحس نعال

تحضر نشادر تجمع كوادر تلمع تقمع تظبط مجال

لكن لو تفكر تخطط تقرر تشغل لي مخك وتفتح جدال

وتبدأ تشاكل وتعمل مشاكل وتنكش مسائل وتسأل سؤال

وعايز تنور وعايز تطور وتعمللي روحك مفرد رجال

ساعتها حجيبك لايمكن اسيبك وراح تبقى عبره وتصبح مثال

حبهدل جنابك وأذل اللي جابك وحيكون عذابك ده فوق الاحتمال

وامرمط سعادتك واهزأ سيادتك واخلي كرامتك في حالة هزال

وتلبس قضيه وتصبح رزيه وباقي حياتك تعيش في انعزال

حتقبل ححبك حترفض حلبك حتطلع حتنزل حجيبلك جمااااال

[Ahmad Farahat]

مش عارف ازاي محدش علق هنا يا نانسي

بجد اللقصيدة دي فرقيعة حلوة

فيها كل شيء ممكن يتقال

السخرية والعمق والموسيقى

بجد تحفة

أرسين

[العجوز]

رسالة لكل الشعوب ممكن تنسخها وتغير فيها بس آخر اسم ( بس المشكلة حتكون القافية) الله يستر ما يغيروا أسمائهم حتى تمشي مع القافية

[الفرعون العاشق]

والله ما اراك الا شاعر كبير و متمكن

ما كم السخريه التى فى القصيده هذه

انها ممتعه جدا والفاظها سهله جدا وبها موسيقى رائعه تاخد الخيال

وتجعلك تتطرب وانت تسمعها

تسلم يمينك