أضحك ... أضحك ...أضحك...أضحك

[mamdowh]

مرة موظف اتصل بتليفون مديره غلط قال له :

جيب لي شاي على مكتبي بسرعة يا زفت ولو اتأخرت ها امرمط أبو اللي جابك فى الشركة

رد عليه المدير: أنت عارف انت بتكلم مين؟

... ... ... ...

قال الموظف: لأ

قال له: أنا مدير الشركة يا حيوان

رد عليه الموظف: وأنت عارف أنت بتكلم مين ؟

قال المدير: لأ

قاله طيب :الحمد لله ... سلام

[نوران]

الظابط: معاك رخصة؟

السواق: اه يا باشا

الظابط: وريني!

السواق: اتفضل ورقة طلب الرخصة

الظابط: وحياة ...... ! انت فاكرني شغال في لجنة الانتخابات؟؟ :P

[mamdowh]

صعد "جحا" يومًا إلى المنبر

وقال: أيها الناس هل تعلمون ما أقول لكم؟

فقالوا: لا.

فقال: حيث إنكم لا تعلمون ما أقول فلا فائدة للوعظ في الجهال، ونزل من فوق المنبر.

ثم صعد يوم آخر وقال: أيها الناس هل تعلمون ما أقول لكم؟

قالوا: نعم .

قال: حيث إنكم تعلمون، فلا فائدة من إعادته ثانياً، ونزل من فوق المنبر.

فاتفقوا إن صعد مجددًا على أن يقول جماعة منهم: نعم، وجماعة: لا.

ثم صعد "جحا" يوماً آخر وقال: أيها الناس هل تعلمون ما أقول لكم؟

فقال بعضهم: نعم. وبعضهم الآخر: لا .

فقال لهم: على الذين يعلمون أن يعلموا الذين لا يعلمون..ونزل!!

[سهران]

b]

مرة واحد زهقان من نفسه جدا فقرر انه يتمشي علي البحر

وهو بيتمشي لقي ازازه ففتحها راح طلعله عفريت

قاله: شبيك لبيك تطلب ايه ؟

...

قاله ابوس ايدك انا خاطب بقالي 5 سنين وعاوز اتجوز ومش لاقي شقه عاوز شقه

.

.

.

.

.

راح العفريت ضاربه بالقلم وقاله يا غبى :

هو لو انا كنت لاقي شقه كنت نمت في الازازه السنين دي كلها ؟

[الدكتور ياسر]

نصيحة من علبة عصير :

رج مـخـك جيداً قـبـل فـتـح فـمـك :)

[mamdowh]

حوار بين طفل وامه

الطفل :ماما عاوز اشرب

الام : باطبخ .. قوم هات لنفسك

الطفل : باتفرج على التلفزيون .. هاتيلى اشرب وارجعى كملى الطبيخ

الام : وبعدين بقى .. هاجى اضربك ..

الطفل : طيب وانتى جايه تضربينى هاتي معاكى كوباية ميه ..

تم تعديل 23 أبريل 2012 بواسطة mamdowh

[mamdowh]

1

مره قعدت مع واحد عنده 104 سنوات

الراجل لسه ماسك نفسه .. ويخبط إيده في الحيط تطلع من الناحية التانية .. أنا بس كان

اللي مضايقني منه إنه طول ما هو قاعد يطبطب عليا .. خلع لي كتفي ما هو ميه وأربعه سنة يخبطوا على كتفك

لما تكون إيه مش ح تستحمل .. والمعمرين دول عمرهم ما أدولنا روشته حقيقية تخلينا نعيش زيهم ..

ومعظمهم عايش كده بركاوي .. وبيرتكبوا أخطاء صحية تقصف عمر أجدعها شاب .. إنما نقول إيه .. عمرهم كده بأه ..

الأعمار بيد الله .. الراجل قاعد بيشرب معسل قص .. والحجر متغمس .. وشارب ييجي 17 كباية شاي عامل زي الحبر ..

والكباية فيها ولا سبع معالق سكر .. ويا أخي لا ضغط ولا سكر ولا أي حاجة .. وبيموت في هيفاء وهبي .. هي تطلع في التليفزيون

وهو يفتح بُقه .. طبعا مفيش ولا سِنّة في بُقه ..

وفي يوم قابلت واحد من المعمرين دول .. ما أنا أصلي غاويهم .. ما كانش كبير قوي .. كان عنده 93 سنة .. شد على إيدي جامد

وأنا باسلم عليه وبرغم إن إيده دي عاشت في الدنيا قد اللي إيدي عاشته مرتين ونص إنما تحس إنه لسه مستلمها أول إمبارح ..

كلابش حديد والله .. أكيد طن الحديد على أيامه كان بجنيه وربع .. قلت له بعد ما نبهته إني ما بحبش حد يطبطب عليا ..

قولي يا حاج .. أنا عاوزك تحكيلي ..

قال لي .. أنا اتولدت في مغاغة سنة 15 .. أول ما اتولدت بأه ..

قلت له .. لا يابويا .. أنا عاوزك تختار لي الأحداث المهمة اللي أثرت على حياتك

ما إحنا لو مشينا بالترتيب احتمال ربنا ما يكتبليش وأحضر نهاية الحكاية ..

التكملة في الرسالة القادمة ..

[الدكتور ياسر]

حتى الطفل الصينى منتج ..

طقم البيبى الصينى , لبسه لأبنك و حط أبنك على الأرض , عدى كمان ساعة هتلاقى الأرض بتبرق.. :)

تم تعديل 24 أبريل 2012 بواسطة الدكتور ياسر

[mamdowh]

2

قال لي .. على راسي حاضر ..

أول حادثة مهمة .. خناقة حصلت بيني وبين واد معايا في الكُتاب ..

لما كنت لسه تلميذ .. أيوه .. أنا فاكر اسم الواد .. حاجيبه أيواااه إسمه حمدي .. كان واد قُزعة كده

وبتاع مشاكل .. قاعد أنا في الكُتاب .. الكلام ده بقاله بتاع 85 سنة دلوقتي ..

وألاقيلك كف على قفايا أعوذ بالله .. كرباج سوداني .. بألف .. لقيته هو .. حمدي ..

والله باكلمك وكأن اللي حصل ده حصل إمبارح ..

بتضربني ليه ياحمدي ؟! ده أنا اللي باسأل .. ما لحقتش أكمل السؤال ولقيته راح مناولني بوكس في مناخيري جابت دم ..

إزاي ده قزعة ما يجيش قد ركبتي .. يضرب بونيه زي دي ! مش عارف لحد دلوقتي ..

وقعت على ظهري .. وهو نازل ضرب بالشلاليت ..

كنت أقدر أقوم أعجنه .. إنما الشيخ حسنين الأستاذ بتاعنا كان واقف وأنا ما أقدرش أضربه قدام الأستاذ ..

آه لو ما كانش الشيخ حسنين واقف يوميها .. تلاته بالله العظيم كنت ضحضحته ..

ودي كانت أول مرة في حياتي أسيب حقي ..

وبعدين ؟

الحادثة الثانية بأه حصلت لي في التوجيهيه ..كنا بنلعب كوره في حوش المدرسة وإحنا بنعلب ..

الواد حمدان درديري قاللي .. والله أنا مكسوف أكرر الكلام اللي قاله .. نهايته قال لي كلمة أبيحة ..

تخص والدتي يعني .. وأنا كنت شاب في عزي .. وطول بعرض .. رحت قايل له .. أهو إنت ..

الواد ابن المجنونة نزل فيا ضرب كأنه بيضرب في حمار واقف في مطلع ..

ده إنت اللي شتمت يا درديري الله يخرب بيتك ..

وعملت معاه إيه ؟

كنت أقدر أقطعه نساير .. إنما أنا متربي ومن بيت .. أهالينا ما ربوناش على كده ..

أه لو ما كنتش مترببي كنت عرفت اربيه .. إنما سبته ..

يتبع ..

[ام سلمي]

الجزيرة بتقولك انباء عن وفاة مبارك !!

هى دى المرة الكام الى بيموت فيها ؟؟

حد يقوله ان الموت الكتير ده خطر على صحته

[ام سلمي]

كل زوجة ليها اسلوب وهى بتوصل جوزها وهو نازل من البيت

اللبنانيه : تقبرنى هالعيون ترجعلى بالسلامه

الخليجيه : والله راح اشتاقلج مره يا بعد عمرى

الفرنسيه : mon amour Je t'aime

الامريكيه : baby take care i love u

السورية : دخيلك ما تتاخر ، بشتقلك كتير

المصريه : خد كيس الزبالة فى ايدك وانت نازل

[الدكتور ياسر]

يقوﻟﻮن ﺃﻧﻪ ﻛﻠﻤﻪ ( ﺑﺤﺒﻚ ) ﻫﻲ ﺃﻗﻮﻯ

ﻛﻠﻤﻪ ﺑﺎﻟﻌﺎﻟﻢ !

.

.

.

.

.

.

.

.

.

.

ﺑﺲ ﺃﻧﺎ ﺑﻘﻮﻝ ﺍﻧﻬﺎ ﻭﻻ ﺣﺎﺟﻪ ﺑﺎﻟﻨﺴﺒﻪ

ﻟﻜﻠﻤﻪ ( ﻣﻠﻐﻰ ) ﻭﺃﻧﺖ ﻗﺎﻋﺪ ﺑﺘﺬﺍﻛﺮ ،،

إمضاء طالب لايص

[mamdowh]

الحلقة الثالثة

ومرة قاعد ع القهوة بالعب طاولة

راح سليمان الفرماوي ماسك الطاولة وملبسهاني في وشي .. فجأة كده عشان اتغلب ..

وراح ماسك كباية الشاي وهي مولعة نار وراح حاذفني بيها ..

أهو شايف آثار الحريق اللي في وشي ده تحت خدي ..

أنا بيني وبينك فاض بيا .. ولسه ح أقوم بأه أفرّجه ..

لقيت أبويا بينده عليا من البلكونه ..

أنا كنت باحترم أبويا جداً .. كنا نبوس إيده أول ما نشوفه ..

أنا شفت أبويا من هنا وكتمت اللي جوايا وأخذت بعضي ومشيت ..

آه لو ما كانش أبويا ظهر ساعتها

عليا النعمة كان سليمان ده اندفن في القهوة .

**************

وبعد كام سنة خطبت واحدة ..

وماشين أنا وهي بالليل .. طلع علينا أربع عيال صيّع

راحو شادين خطيبتي مني ..

كنت لابس بالطو ثقيل جداً مخلي حركتي ثقيلة ..

حاولت أجري وراهم .. أدافع عن خطيبتي ..

إنما البالطو كان معاكسني ..

آه لو ماكنتش لابس البالطو ده ..وديني ما كانوا اترحموا مني .

الله يخرب بيت البالطو يا شيخ !!

يتبع ..

[عطر الجنة]

من صفحة جارتى على الفيس

طلعت فوق السطوح هز الهوا كمى ..

كل العيال اتجوزوا وانا لسة جمب امى.

..............

يا حبشتكة يا حبشتكة .. القلب من الحب اشتكى ..

يوم دمع و حزن ويوم فرح و هشتكة

.................

حبيبى يا ناس حلقلى و سايق ف التنفيض ..

قلوله يرحم قلبى و ميعملش فيها عبيط

.............

اللى يشوفك يفتكرك فارس ف ساحته ..

ميعرفش انك حتى الشراب شحته

...............

يا روش و آخر روشنة .. يا طبيعى من غير تنشنة ..

عيش عالناس كلها و متعش عليا انا

..............

يا ملقح جوا ف قلبى وانا قلبى مش متين ..

من حبك جالى سكر ادينى انسولين

.................

حبيبى طالع فيها فاكرنى ح دلعه ..

ياما نفسى يدينى ظهره و على أففاه ح لسعه ·

[mamdowh]

الحلقة الرابعة

جيت بعد كم سنة اتجوزت

ما هي دي ما كملتش معايا طبعاً .. المهم بعد شهرين من الجواز

ألاقيلك مراتي داخله عليا زي المجنونة .. وعماله تضرب فيا بالشبشب

وقلة حيا تخلي الواحد يخرج عن شعوره ..

ما قدرتش أسكت بأه .. لسه ح أجيبها من شعرها وأمسح بيها بلاط الشقة

ألاقيلك أمي داخلة عليها .. أخ .. فلتت بنت اللذينه من إيدي ..

ربنا بيحبها لولا دخلة أمي عليها كانت بأت ليلة سوده ..

بس أنا ما قدرتش أزعّل أمي وعديت الموقف عشان خاطر أمي بس ..

هو فيه أغلى ولا أعز من الأم ..

في يوم تاني نايم في أوضتي لوحدي .. وألاقيلك حرامي داخل من الشباك ..

حرامي داخل يسرقنا .. ح تعمل إيه لو كنت مكاني .. ما تجاوب..

قلت أقوم أضربه بحاجة على دماغه أكومه على الأرض ..

بس قلت لنفسي وافرض إنه مات .. القانون ح يسامحني .. وافرض

القانون سامحني .. أنا أزاي ح أسامح نفسي بعد ما قتلت إنسان ..

حطيت دماغي تحت المخده وسبته يسرق اللي هو عاوزه ..

ربنا بأه هو المنتقم .. والا إيه ؟

يتبع ..

تم تعديل 27 أبريل 2012 بواسطة mamdowh

[أشرف حسين]

صحبت زوجة زوجها إلى الطبيب . بعد أن قام بالكشف على الزوج

طلب الطبيب الزوجة في مكتبه وحيدة وقال لها

إذا لم تقومي باتباع التالي فإن زوجك بالتأكيد سيموت:

1. كل صباح, جهزي له إفطار صحي .

2. كوني لطيفة وتأكدي أنه في مزاج جيد .

3. للغداء, اعملي له وجبة مغذية .

4. للعشاء, أعدي وجبة خاصة لطيفة .

5. لا ترهقيه بالروتين والمشاكل خصوصا إن كان يومه صعب .

في الطريق إلى البيت, سأل الزوج زوجته ماذا قال الطبيب لك ؟

أجابت الزوجة: قال بأنك ستموت !! :closedeyes:

[الدكتور ياسر]

[نوران]

[الدكتور ياسر]

قال يا مستنى الفلول ينهضوا بمصر , يا مستنى نتنياهو يصلى العصر ..

[Alshiekh]

يامستني السمنة من بطن النملة ... يامستني الاخوان والسلفيين يوصلوك الجنة