أضحك ... أضحك ...أضحك...أضحك

[Howayda Ismail]

حكايه سندريلا 2010

مرات الاب : بت يا سندريلا اصحى يا بت كاك خابط فى نفوخك

سندريلا : اييييه يا مرات ابويا خمسه اخطف حلم سريع بس وحقوم

مرات الاب: قومى يا بت قامت قيامتـك

وصحيت سندريلا وهى بتأفأف وتفتــف

مرات الاب : يـاله قومى اكنسـى وامسحى على ما نيجى

سندريلا : وانتو رايحين فين ومتزوقين كده وكل واحده عامله نيو لوك روش

مرات الاب : رايحين حفله الامييير اللى حيختار واحده عشان يتجوزهـا

سندريلا : خدونى معاكو انا عاوزه اروح بليز بليييييييز

مرات الاب : ايه بليز دى كتك القرف وتروحى فين يا مو***ـه بلبسك المهرول ده انا عايزه ارجع الاقى البيت بيبرق من نضافته

ومشيت مرات الاب وبناتهاالخمسة وقعدت سندريلا تعيـط وتئوأء

وفجــأه طلعتلها الســاحره من البوتاجاز

الساحره : مالك يا سندريلا

سندريلا : كان نفسى اروح معـاهم الحفله بتاعة عمرو دياب بس لبسى مقطع و موبايلى مفهوش كريدت(رصيد) ولابسه شبشب بصباع

الساحره : ولا يهمك

وطلعت الساحرة من جيبها الموبايل وطلبت الاتليه بتاع مدام لولو يبعتو فستان وجزمه اخر موديـل

فرحت سندريلا ولبست وحطط الايشادو و الجليتور ورشت البرفان

بس الساحره قالتلها : قدامك للساعه 12 لازم ترجعى والوقت كالحبل ان لم تقطعة ربطك وكعبلك وقعد يخنق فيكى...........

انا صعيديه ودمى حامى ومعندش بنات تتأخر

و لو اتأخرتى حترجعى زى ما كنتى بلبسك القديم وسط الناس يامعفنة انتى بت بيئة صح

سندريلا : حاضر حاضر اما ساحره زبالة صحيح

سندريلا من البيت لقت الساحره مجهزة عربية هوندا ركبت سندريلا وراحت ع القصـر

ولفت جمــالها كل اللى موجودين و اول ما عين الامير وقعت عليها راح وطلب يرقص معاها و وافقــت

نظرات ... همسات .... صمــت ........ حــــب

ترررررررررن ترررررررررررن

سندريلا : ده الساحره بتدينى ميسد كول .. يا خبر الساعه 12

وقامت طالعه تجرى وقال ايه ... وهى بتجرى فرده الجزمه اتخلعت.. و خدها الامير المعجب و نده للوزير

الامير : يا وزيرهيثـــــم

الوزير : امرك مولاى

الامير : خد الجزمه دى اسحبلى صورتها اسكانر

و نزل صورتها فى كل الجرايد و ع الويب سايت بتاع قريتنـا وعلى قناة ميلودى افلام

واكتب الى صاحبه هذه الجزمه التوجهه للقصـر الملكــى فوراااااااااا

بنات كتير جدا راحو و يا سبحان الله الجزمه مجتش على مقاس حد فيهم (ال يعنى سندريلا مقاس رجليها رجل معزه )

وبعد كده شاهدت سندريلا الاعلان عن فرده الجزمه على ام بى سى تو

مع انه معملش اعلان خالص على القناة دى

وقامت بالتوجهه الى القصر وتزوجت هى والامير

وعاشو فى تبات ونبات و خلفو تؤام ملتصق وشويه بنات والحياة بقت بمبى بمبى......................

.................................................. .................................

منقووووووووووووووووووول

[أبوعمار]

شوية نكت سياسية

على غرار (حلوة على غرار دي) القصائد السياسية

مع حسني مبارك مش هتقدر تغمض عينيك

ولا تفتح بقك حتى

مبارك : عارف يا ابليس ياخويا, انا عاوز اعمل في الشعب المصري حركه تطلع من نافوخهم

أبليس : طب هات ودنك وخد الفكره دي .....وش وش وش وش

مبارك : لالا يا ابليس الفكره دي مش نافعه , عاوز حاجه أشد

أبليس : طب خد دي ...... وش وش وش وش

مبارك : لالا , برضه مش نافعه , ايه يا ابليس انت بقيت خرع كده ليه , هات بقه ودنك وانا اقولك انا نويت اعمل فيهم ايه

وش وش وش وش وش

ابليس : لا يا راجل حرام عليك

------------------------------

واحد اتحشر في زحمة المرور فلقى واحد بيخبطله على شباك السيارة

فتح الشباك و سأله عايز ايه

قاله : الرئيس حسنى مبارك خطفوه و الفدية 5$مليون دولار

و لو الفدية ماتدفعتش .. الخاطفين هددوا يدلقوا

عليه بنزين و يولعوا فيه

و احنا بنجمع تبرعات .. تحب تشارك ؟

الرجل سأل: " و في المتوسط الناس بتتبرع بكام"

الرجل الثاني : " من 5 الى 10 لتر بنزين

---------------------------

مره حسنى مبارك راح مدرسه ابتدائى فلما جت فتره الاسئله ولد رفع ايده

مبارك ساله اسمك ايه فقاله رامى فقاله ايه سؤالك يا رامى ؟

رامى : انا عندى اربع اساله

1 - ليه انت رئيس بقالك 25 سنه ؟

2 - لسه معينتش نائب ؟

3 - ليه ولادك ماسكين كل حاجه فى البلد ؟

4 - ليه مصر حالتها الاقتصاديه سوفت و انت مبتعملش حاجه ؟

ساعتها بالظبط رن جرس الراحه وبعد الراحه رجع مبارك وقال احنا كنا فين بقى؟ مين عنده سؤال ؟

ولد صغير تانى رفع ايده فمبارك سأله اسمك ايه قاله تامر فقاله سؤالك ايه يا تامر ؟

تامر : انا عندى 6 اساله

1 - ليه انت رئيس بقالك 25 سنه ؟

2 - لسه معينتش نائب ؟

3 - ليه ولادك ماسكين

كل حاجه فى البلد ؟

4 - ليه مصر حالتها الاقتصاديه سوفت و انت مبتعملش حاجه ؟

5 - ليه جرس الراحه رن ربع ساعه بدرى ؟

6- فين رامى ؟؟؟؟؟؟

--------------------------------------

*كان فى سرير المرض حينما أخذ يلقى بوصاياه الأخيرة لوزيره نظيف :

- وصيتك الحكم من بعدى يا احمد ..

- فى رقبتى يا ريس .. كله تمام والسلطة هياخدها جمال ..

(ثم راح فى غيبوبة .. أفاق منها بعد قليل )

- وصيتك الشعب من بعدى يا احمد .

- ما تخافش يا ريس .. الشعب ياكل الزلط ...

(ثم راح فى غيبوبة .. أفاق منها بعد قليل )

- احمد

- نعم يا ريس؟

- ماتنساش .. توكيل الزلط لعلاء

-------------------------------------

* بيقولك جمال مبارك بعد الخطوبة ..أبوه حب

يضمنله مستقبله ..جابله عقد عمل فى السعودية ..وشغلوه برضه ابن رئيس جمهورية بالساعة.

---------------------------------------

* بيقولك فى عيد ميلاد حفيد حسنى مبارك ..كل وزير جابله هدية ..اللى جابله طيارة لعبة ..واللى جابله مسدس مية ..حبييب العادلى جابله تلات عربيات أمن مركزى وأربع مخبرين لعبة.

--------------------------------------

* اشتكى حسنى مبارك لحبيب العادلى إن "حمو النيل "ما بيخلهوش ينام ..بعد تلات تيام اتصل بيه حبيب العادلى وقاله تمام يا فندم قبضنا على كل اللى اسمهم حمو وجارى ردم النيل سعادتك.

----------------------------------

* سبب عدم غناء محمد ثروت فى الحفلات الوطنية إنه مرة غلط وغنى :الله أكبر فوق كيد المعتدى.

------------------------------

* حسنى مبارك ركب طياره هو وعيلته. طلع ورقه بمية جنيه من جيبه وقال انا حأرمى المية جنيه دى واللى حيأخدها حأسعده. سوزان قالت له طب ما تخليهم ورقتين بخمسين وتسعد إتنين. علاء قال طيب ماتخليهم خمس ورقات بعشرين وتسعد خمسه . جمال قال طيب ماتخليهم عشر ورقة بعشره جنيه وتسعد عشره. الطيار قال طيب ما ترمى نفسك وتسعد 75 مليون

-------------------------------

مرة واحد ركب تاكسي ولقي السواق معلق في العربية صور جمال عبد الناصر وانور السادات وحسني مبارك

الراجل استغرب سال السواق مين اللي انت معلقهم صورهم عندك

قالة دا جمال عبد الناصر الزعيم المصري الراحل

ودا انور السادات قائد حركة السلام والامن في البلد

ودا حسني مبارك أبو علاء شريكي في التاكسي

----------------------------------

مبارك ماشي في الصحرا شاف تمثال ، قال لحبيب العادلي شوفلي التمثال ده بتاع مين يا حبيب ، ربع ساعة رجعله حبيب العادلي و قاله : ده

رمسيس التاني يا فندم ، مبارك قاله : عرفت منين ، العادلي رد : اعترف يا فندم

---------------------------

بيقولك واحد تانى لقى الفانوس السحرى ده دعكه طلعله العفريت وقاله:شبيك لبيك تطلب أيه؟ قاله الراجل: أنا عايز كوبرى بين القاهره وأسوان العفريت قاله: دى صعبه قوى نقى

حاجه تانيه الراجل قاله:خلاص خلى حسنى مبارك يسيب الحكم؛العفريت قاله:أنت عايز الكوبرى رايح جاى ولا رايح بس

------------------------------

منقول طبعا

[Simba]

واحد

زمالكاوى خطيبته بتقوله انا عايزه اعترفلك بحاجه انت مش اول راجل فى

حياتى الزمالكاوى رفع اديه للسما وقال يارب هو المركز التانى ده ورايا

ورايا

بلدياتنا كشف نظر جاب 6\6 خرج يقول لصاحبة والله كنت هجيب اكتر بس الدكتور هو اللي وترني

البوليس عمل كبسة على شوية شمامين لقى

فيهم عيل صغير واخد ركن لواحده وعمال يسحب فقام مقرب منه و سأله: و

الشمام الصغير بقى اسمه ايه؟ قاله : كنتلوب يا باشا

بلدياتنا دخل على جوجل كتب نمرة أخويا عوضين ضروري

واحد بلدياتنا راح للدكتور الدكتور قاله امشي كل يوم بتاع خمسة كيلو كده وانت هتبقى زي الفل اتصل بيه بعد شهر قاله يا دكتور انا كده فى اسكندريه اروح فين تاني

واحد بيحب واحده من خدمه العملاء بيقولها انتى وحشتينى قالتله

للبوسه

اضغط رقم 1

للحضن اضغط رقم 2

لاكتر من كده متضغطش عليا

واحد كل يوم يقعد يشرب

سجارتين فى نفس الوقت ونفس المكان .. فسألوه: انت ليه كل يوم بتشرب سجارتين هنا .. قالهم: اصل انا كان ليا واحد صاحبى كل يوم يشرب معايا فى نفس المكان ده وبعدين مات فأنا

بحيي ذكراه فبعد فتره لاقوه بيشرب سجارة واحدة قالوله: ايه نسيت صاحبك

ولا ايه .. قالهم: لا والله أصل انا بطلت

واحد صعيدي نفسه يعلم ابنه انجليزي في ابتدائي مش

نافع واعدادي مش نافع وثانوي برضو مش نافع وجامعه مش نافع قال بس انا أجوزه

واحده من انجلترا يتعلم انجليزي صح بعد شهر راح يزوره في انجلترا رن

الجرس مراته فتحتله قالها مستر هريدي موجود قالتله : نجوله مين

[عبيد الله]

أحلى موضوع في المنتدى كله.. ربنا يسعد قلبك يا دياب

[mamdowh]

واحد اسمهه سنجه كان قطاع طرق وبرشمجى وحرامى وبيشرب وبيرتكب كل المعاصى اللى فى الدنيا وفجاءه ربنا تاب عليه وبقى يروح الجامع ويصلى كل الفروض ...... الناس شافته فى الجامع وهو بيصلى......... ما شاء الله دا سنجه تاب أهوه وبيصلى ..... راح طالع لهم من الصلاه وقالهم وصايم كمان

[Simba]

http://www.youtube.com/watch?v=UYxO5aFSYfA

مسكين ضنايا نام ما متعشي

ساب كوباية والسندويتشي

[م تيمور المراغي]

دمها خفيف اوي يا سيمبا تسلم ايديك

السودانيين فعلا دمهم خفيف

عشان كده تلاقي السوداني على قلب السعودي زي العسل

روحي روحي روحي

:happy:

تم تعديل 5 نوفمبر 2010 بواسطة architect

[mamdowh]

واحد عنده ديدان في بطنه

المهم راح لكل الداكتره ومفيش فايده

واحد صاحبه قاله انا عندي حل

انت تروح للدكتور هاني بتاع العلاج الطبيعي..... راح للدكتور هاني

فقاله الدكتور انت تجيب بطيخه وتكون كبيره وحمرا وطعمها حلو وتقطعها نصين وتقعد عليها

هتنزل دوده تدوق طعمها وهتنادي على باقي الديدان فاينزلوا من بطنك

راح صاحبنا واشترى بطيخه وقطع راسها وقعد عليها فلما نزلت الدوده داقت طعم البطيخه لقيتها حلوه فنادت على الديدان الباقيين وقالت:دي طعمها حلو قوي ..طلعوها

[م تيمور المراغي]

جامده تنين يا ممدوح

[nightmare]

بلدياتنا اهدته صاحبته ببغاء... واتصلت تسأله ايه رأيك في الهديه ؟

قالها: عادي خالص

زي طعم الفراخ

==========================

بلدياتنا أبوه مات

قالو له ادي الراجل اللي غسله 50 جنيه

قالهم ليه هو غسل مارسيدس؟؟؟

==========================

بلدياتنا قال للصيدلي: اديني حقنة من اللي بتاخدها مراتي

الصيدلي قاله اسمها ايه ؟

قاله اسمها:... مديحة

==========================

بلدياتنا قاله أبوه افرح يا حبيبي جالك أخ صغير

قاله وحياتك ماتقولش لأمي خليها مفاجئة

==========================

بلدياتنا بيتخانق مع ابن الجيران طلعتله امه من الشباك وقالتله: ماتعملش مشاكل.؟؟؟ طخه وتعال عالبيت

==========================

بلدياتنا حب يعمل مفاجأة لمراته يوم عيد ميلادها.. طلقها

==========================

بلدياتنا جاله عقد عمل فى الكويت، يوم السفر قاعد فى المطار فالمذيع الداخلى بيقول : "على ركاب الرحله 770 المتوجهه الى الكويت التواجد بصاله الدخول"، "النداء الأخير لركاب الرحله 770 المتوجهه الى الكويت التواجد بصاله الدخول." فموظف المطار بيقوله "رحله الكويت هتطلع يا أستاذ" ، فيرد عليه ويقوله : "ايوة دول طالعين رحله ... انا طالع شغل"

==========================

بلدياتنا اشترى لحبيبته عصفورين!!

واحد بيغرد والثاني ساكت

سألته حبيبته: ليه الثاني ساكت؟

قالها: ده الملحن

مع تحياتي

[Diab]

س: ما سبب تسمية "كوبري القبة" بهذا الإسم؟

ج: حيث تم انشاؤه في القرن ال19 و عهد لأحد المهندسين الفرنسيين القيام بعمل التصامييم و الرسومات و خصص لذلك ورق فاخر من الصين و حبر نادر من إيطاليا، وعندما شرع المهندس في العمل و وضع القلم في داواية الحبر....تزحلق القلم و وقع الحبر النادر على الورق الفاخر فقال المهندس "أوبااااااااا" فتم تسميته -- كوبري الأوبا، او بالفصحى-- كوبري القبة smk:

...س: ما سبب تسمية "وادي النطرون" بهذا الإسم؟ج: حيث يذكر انه اول من سكن هذه المنطقة رجلٌ يدعى طارق و كان عندهُ ولد صغير فاشترى له الأب نطروناً صغيراً كي يلعب به فترك الإبن مذاكرته و راح يلعب بالنطرون فأمره ابوه ان يترك النطرون وان يهتم بمذاكرته فلم يطع الإبن

كلام ابيه فمسك الإب بالنطرون و ألقاه في الأرض وقال " وااادي النطرون"

فسمي المكان بهذا الإسم :closedeyes:

[Diab]

[Dreamwithme]

صعيدي راكب في طياره إيرانيه كل ركابها شيعة، جاهم مطب هوائي فصرخوا كلهم: ياعلي

جاهم مطب ثاني، فصرخوا بأعلى صوتهم: ياعلي...

استغرب الصعيدي المسكين من الموضوع , طبعا هو مش فاهم الموضوع

فجاهم مطب ثالث فصاحوا كلهم: ياعلي

:فجأة قام الصعيدي وصرخ بأعلى صوته

...جرى أيه ياعلي متسوق كويس ياعلي

عريس عصبي يوم فرحه كتب في بطاقة الدعوة: الزفت اللي هايجي ميتأخرش واللي مش جاي في ستين داهية والعيال الرذلين الصغيرين يتخمدوا فى البيت...و اللي هاتجيب موبايل كاميرا هفقع لها عينيها الاتنين...وابقوا اطفحوا في بيوتكم ....كفايه اللي دفعته للموكوسه العروسه.... اللي هتمد ايدها عالتورته هقطعهالها.... منتو زي القطط تاكلوا وتنكروا.... الرقص ممنوع والضحك بصوت ومن غير صوت ممنوع... والعيب مش عليكم العيب على الواطى اللى عزمكم

[م تيمور المراغي]

:فجأة قام الصعيدي وصرخ بأعلى صوته

...جرى أيه ياعلي متسوق كويس ياعلي

ههههههههه

روعه والله يا دريم تسلم الايادي ,,

[مصطفى يونس]

والله شكلى هترفد من الشغل بسبب التوبك ده

[Diab]

والله شكلى هترفد من الشغل بسبب التوبك ده

ليه بس بعد الشر عليك

بس شفت الراجل بتاع كوبري ألأوباااااااااااااااااااا :happy:

تم تعديل 13 نوفمبر 2010 بواسطة Diab

[Diab]

شعار فريق شيكاغو بولز لكرة السلة الجديد

[Diab]

[عمارة شم النسيم

img]http://sphotos.ak.fbcdn.net/hphotos-ak-snc3/hs067.snc3/13451_1349835418843_1020081040_815035_5165335_n.jpg

احدي غزوات الفرنجة علي فرن العيش

[عادل أبو عمر]

حوار مع مواطن مواطن مصري

# يقال إن 87%من الشعب المصرى ساخطون على الحكومة المصرية - ما تعليقك؟

- الـ13% الباقيين أكيد معاهم جنسيات أخرى.

# لماذا يطلق المصريون على زوجاتهم لقب "الحكومة"؟

- لصعوبة تغييرها مهما تسببت فى كوارث.

# أين يمكنك أن تلاحظ سوء نية المصريين؟

- عندما يغنون للطفل البريء بمنتهى الخبث قائلين.. "يا رب يا ربنا - تكبر وتبقى زينا".

# تقرير: 60% من الرجال المصريين بـ"يشَخَّروا" وهم نائمون.. ما تعليقك؟

- الـ40% الباقيين بـ"يشخُروا" وهما صاحيين.

# ما الفرق الأهم بين مصر وأمريكا؟

- الفرق الأهم إن عائد السياحة من الهرم المزيف الموجود فى لاس فيجاس مائة ضعف عائد السياحة من الهرم الحقيقى فى الجيزة.

# بماذا ستجيب كمصرى عند سؤالك عن عمرك فيما أفنيته بعد عمر طويل؟

- أفنيته فى إشارة قصر النيل مستنيها تفتح، وفى صلاح سالم مستنيه يتحرك، وعلى كوبري أكتوبر مستنى لما رئيس الوزراء يروح بيته.

# من المستفيد من الزحام الذى يسيطر على شوارع القاهرة؟

- شركات المحمول.. كله واقف فى الإشارة ماسك الموبايل بيخلص شغل أو بيعتذر عن التأخير أو بيسلى نفسه على الأقل، وبالتالى تعتبر الإدارة العامة للمرور هى المستفيد الثانى من مخالفات استخدام المحمول أثناء القيادة.

# ما الفرق بين الزوجة المصرية والزوجة اللبنانية؟

- 40 كيلو جرام.

# إمتى بتحس إن البلد حلوة؟

- ما بأحسش إن بلدنا حلوة غير لما داليدا بتقول: "حلوة يا بلدى"... بغض النظر إنها قالتها وانتحرت!!!

[المهندسه]

1-اتنين مساطيل طينة طلبت معاهم ان اول واحد هيعدى من الشارع يقطعوا رقبته ويلعبوا بيها كورة فلقوا واحد معدى من الشارع اتارية مسطول اكتر منهم. المهم وقفوه وقالوله احنا طلبت معانا نطير رقبتك ونلعب بيها كورة راح مطلع سكينة وضربها فى دماغه وقالهم دا انا افسيها قبل ما تلعبوا بيها

2-مره واحد مسطول ركب تاكسى وقال للسواق انا عايز اروح كوكب تانى قام السواق نزله فى الصحراء

قام المسطول قابل واحد بيقول (انا ميت من الشمس) فرد عليه (وانا حسنين من الارض)

3-مرة واحد خلف 7عيااااااااااااااال سمى نفسة سفن اب

4-اتنين مجناين عاوزين يلعبو لعبه الجزار واحد قال انا هبيع وانت ادخل اشترى منى جه صحبنا قاله ممكن اتنين حاجه ساقعه قاله ياعم ده محل لحمه مش بنيع حاجه ساقعه بص انت بيع وانا هشترى وانت بعلى دخل صحبنا قالو سلمو عليكم قالو عليكم السلام قالو ممكن 2 كيلو لحمه قالو جبت الازايز الفضيه

5-واحد سباك راح للدكتور يكشف :الدكتور قاله مرتك الحوض بتاعها مكسور قال له مش المهم الحنفيه شغاله

6-مرة واحد غبي ماشى فى الشارع قال يارب يااااارب احط ايدى في جيبى الاقى 10جنيه يااااارب، حط ايده في جيبه لاقاه مخروم رجع يدور عليها لتكون وقعت

7-صعيدي وامريكي الامريكى قال للصعيدي وصلتوفين بالتطور الصعيدي رد وقال

ياعم تطور ايه دا اححنا رجعنا لورا، ثم سأل الصعيدي الامريكي انتو وصلتو فين بالتطور؟ الامريكي قاله اححنا وصلنا بالتطور اذا القمر الصناعى عطل في السما نقدرنصلحه الصعيدي فكر شويةوقل يااااااااااااااه هو المفك بتاعكم طوله أد ايه

8-مرة واحد رخم وقع فى الحفرة قال لنفسه احسن

9-مره واحد مسطول مروح بيته عمال يدخل فى المفتاح مش عارف فنزل الشارع لقى مراته فى البلكونه قالتله ايه يابو احمد ارميلك المفتاح قلها لا ارميلى الخرم

10-صعيدي راح يعمل عمليه انتحاريه قي تل أبيب راح

طعن نفسه بخنجر موت ثلاثه اسرائيليين من الضحك

11-مرة اتنين مساطيل واقفين فى الشارع. عدت من قدامهم جنازه فواحد منهم بيقول للتانى هى الجنازه دى بتاعت مين؟ فرد عليه التانى: دى بتاعه الحاج محسن.

بعديها بيوم نفس الاتنين واقفين فى الشارع وعدت من قدامهم جنازه تانيه فالاول سال التانى هى الجنازه دى بتاعه مين؟ فرد عليه التانى دى بتاعه الحاج محسن فرد عليه الاول: لا حول ولا قوه الا بالله هى مال الدنيا ملطشه مع الحاج محسن اليومين دول ليه

12-مره جماعه مساطيل قاعدين فى خيمه ليها بابين بيحششوا وكانوا عايزين كبريت راحوا بعتوا واحد (مسطول طبعا) يجيبلهم كبريت .راح خارج من الباب ودخلهم من الباب التانى وسالهم: الاقى معاكم كبريت. قاللوا تعالى اقعد احنا لسه باعتين واحد يجيب لما يجيى ابقى خد منه !!!!

13-واحد مسطول قاعد فى البيت بيعد فى الفلوس وبيقسمها 10 جنيه ميه ؛ 20 جنيه مواصلات؛ 50 جنيه حشيش

سمع البوليس بيخبط على الباب قام مقطع الخمسين جنيه بتاعة الحشيش

14-اتنين مساطيل شافو الشمس فالاول بيقولو هى دى الشمس فالمسطول التانى يقوله لا مش هى دى

فقاله احنا نسأل حد .. فقابله واحد بيقلولو مش هى دى الشمس؟؟؟؟ فقالهم انا مش من هنا

15-اثنين مساطيل واقفين فوق السطوح شافوا عربية حلويات معدية في الشارع الاول قال للتاني انزل هات لنا حاجة حلوة من العربية دي قام التاني ناطط من السطوح قام مات و الناس اتلمت عليه الاول بص عليه و قالو يا غبي انا قلتلك هات لنا بس مش توزع علي الناس