أضحك ... أضحك ...أضحك...أضحك

[عماد حمدي]

النهارده نكتة واحدة بس !

لكن رخمه رخامة ملهاش حدود :D

بيقولك إية بقا يا سيدي ..

الزوجة (في الموبايل) :انتا فين ؟! mf-:

الزوج : انا في مشوار ياحبيبتي

الزوجة : في انهي داهية يعني :angry2: ؟!

الزوج : فاكرة الجواهرجي اللي شوفتي عنده عقد وعجبك وقولتيلي حموت واجيبه

الزوجة : ايوة ياحبيبي hg)::

الزوج : فاكرة لما قولتلك حجيبهولك بس معييش فلوس دلوقتي

الزوجة : ايوة ياحياتي .. فاكرة :)

الزوج : انا قاعد دلوقتي مع صحابي في القهوة اللي في وش المحل بتاعوا بالظبط أموت أنا في الألش دا ههههههههههه

تم تعديل 27 سبتمبر 2011 بواسطة omda2006

[ابوهنا]

اذا وجدت فتاة جميلة

و

عاقلة

و

ذكية

... و

ملمة بأشغال البيت

و

ليست مادية

و

متواضعة

و

مثقفة

و

حنونة

و

صبورة

و

تقبل تسكن مع أمك

"

"

"

"

"

"

"

"

"

"

"

"

فاعلم أن الحشيش الي معك اصلي يا كبيييير:

[عماد حمدي]

يا جماعة لو سمحتم أنا حطيت الإعلان دا هنا ..

علشان عارف أن ناس كتير بتدخل التوبيك دا بالذات ..

فى بنت صغيره تبلغ من العمر 15 سنه

نزلت من البيت ومحدش يعرف عنها حاجه خالص

ارجو من الجميع اللى يشوفها

يضربها على وشها علشان نزلت حافيه jmb-) :P :D

صباحك ألشة ههههههههههـ أموت أنا في الألش دا ;)

[طارق مصرى]

شفت يا أخ عمدة ادى اخرة النكت الرخمة؟ أهو حد من الاعضاء دعى عليك الظاهر و جالك برد و صداع وحالتك صعبة cld: ربنا يشفيك ..

عموما بمناسبة اننا فى موضوع نكت و بمناسبة البرد و بمناسبة الرخامة أهديك هذه النوكته

واحد عنده برد.. راح للدكتور..

فالدكتور سأله.. انت بتهوى بيتك كويس..

فقاله لا ..

فقاله افتح الشبابيك كل يوم قبل ما تنزل وتعالى ليه بعد 3 ايام

بعد تلات ايام جاله الدكتور

سأله

ها البرد راح ؟؟

فقال له البرد راح والتليفزيون راح والرسيفر راح و التليفون راح ..... :tease:

[عماد حمدي]

شفت يا أخ عمدة ادى اخرة النكت الرخمة؟ أهو حد من الاعضاء دعى عليك الظاهر و جالك برد و صداع وحالتك صعبة cld: ربنا يشفيك ..

عموما بمناسبة اننا فى موضوع نكت و بمناسبة البرد و بمناسبة الرخامة أهديك هذه النوكته

واحد عنده برد.. راح للدكتور..

فالدكتور سأله.. انت بتهوى بيتك كويس..

فقاله لا ..

فقاله افتح الشبابيك كل يوم قبل ما تنزل وتعالى ليه بعد 3 ايام

بعد تلات ايام جاله الدكتور

سأله

ها البرد راح ؟؟

فقال له البرد راح والتليفزيون راح والرسيفر راح و التليفون راح ..... :tease:

كله رااااااح ههههههههه :D

الظاهر كدة يا استاذ طارق حد فعلاً دعى عليا ..

بس برده هرخِم :P يا أنا يانتوا في التوبيك دا bsh:)

[عماد حمدي]

حُـقنه بسيطة كدا .. لحد ما أخف و أرجعلكم بالرخامة بقا اللي ع أصولها :P

http://www.youtube.com/watch?v=IXDqgVha7Hw&feature=share

تم تعديل 28 سبتمبر 2011 بواسطة omda2006

[عنبو]

لما مبارك مأمرش العادلى بضرب المتظاهرين بالنار يبقى المجلس العسكرى حما الثوره من ايه بالضبط

اكيد حما الثوره من الراجل اليى واقف ورا عمر سليمان

[عماد حمدي]

الثورة فى شهرها التاسع .... لو مولدتش طبيعى هنولدها قيصرى :P

[باهى الطائر الحزين]

اتجه أحدهم بشاحنة يحمل فيها البندورة للثوار،

لكنه وصل خطأ إلى موقع تحتله كتائب القذافي التي

أمرته بأن يأكل كل ما في الشاحنة».

«بدأ الرجل بالأكل وكان يصرخ مع كل حبه

«يا ويل محمد»، وعندما سألوه «من هو محمد»، قال لهم:

«الرجل سيصل إلى هنا بعد قليل بشاحنة محملة بالفلفل الحار».

( طرفة بو شفشوفه الجذافي )

[Dreamwithme]

نظر المعلم للتلاميذ وقال لهم:

أنتم مصابيح المستقبل

نظر أحد الطلاب إلى زميله فوجده مستغرقاً في النوم

فقال: يا أستاذ يا أستاذ

.

.

.

.

.

.

.

.

.

اللمبة اللي جنبي اتحرقت

[لماضة مصرية جدا]

السلام عليكم و رحمة الله و بركاته

ازيكم ايها الضاحكون و الضاحكات

اليكم البيان التالي

واحد فشار قاعد بيفشر على واحد صاحبه

قال : تصدق اني يوم ما رحت لافريقيا كنت ساكن فى فندق فى وسط الغابه

فتحت الشباك لقيت المناظر حلوه

قلت لمراتي البسي نطلع نتمشى بالغابه لبست (فى دقيقتين) ونزلنا

و احنا بنتمشى طلعلنا نمر عاووز ياكلنا

جريت عليه واديته شلوط وموته

ثواني وطلعلنا 5 نمور طلعو صحاب النمر اللي قتلته عاوزين ينتقمو مني

بوكس بوكس فى شالوت عالماشي حصلوا صاحبهم

الراجل التانى وقع من الضحك

قاله الفشار : ايه يا عم مالك ؟.

قاله: يحرقك ده انت كداب كدب ... مراتك لبست فى دقيقتين بس؟ !

[لماضة مصرية جدا]

مرة عجوزة متهمة فى جريمة قتل قالت

والله أنا بريئة صدقوني؟؟؟؟

فرد عليها القاضي بذكاء :

.لكن مواصفات القاتلة كلها تنطبق عليك : بنت جميلة رشيقة وجذابة

العجوزة اتكسفت ونزلت راسها لتحت وقالت :

والله ما كنت ناوية اقتله

[لماضة مصرية جدا]

قصـة مؤثــرة جـدا

ذهب طفل إلي أمه و قال لها:

ماما ماما اعطيني نقود لاعطيها لرجل مسكين يصرخ في الشارع

فرحت الام لقلب طفلها الطيب و اعطته النقودثم سألته و لماذا يصرخ هذا الرجل يا ولدي

فرد الطفل

قاعد ينادي ....آيس كريم....آيس كريم

[لماضة مصرية جدا]

مرة ,واحد عصبى كان بيتكلم مع مراته قال لها انا هقول لك موضوع حصل معاى بس انتى مش هتصدقينى وهتقولى على كداب بس انا مش كداب انتى الكدابة واهلك كدابين روحى وانتى طالق

[لماضة مصرية جدا]

كان فى 3 سلاحف مسافرين

التلاته أستعدوا واخدوا معاهم إزاّزاه بيبسى كبيره علشان

لما يعطشوا فى السكه يشربو منها

بعد10 سنين لما وصلوا ع الحدود إفتكروا أنهم نسوا الباسبورات بتاعتهم

قعدوا يفكروا مين إلى يروح يجبهــا قامت أصغر سولحفه فيهم قالتلهم أنا إلى

هاروح بس بشرط

محدش يفتح الآزازه لحـــد ما أرجع

قالولها ماشى ووافقوا ع الكلام

بعد 8 سنين السولحفتين حسوا بالعطش وكانوا خلاص مش قادرين

قامت الكبيره قايله للوسطانيه أنا مش قادره رديت عليها الوسطانيه ولا انا.

ولسا بيفتحوها علشان يشربوا

قامت طالعلهم السلحفه التالته من ورا الصخره بتقولهم أهو علشان خاطر النداله دى مرضتش

أرووووووووووووووووووح

[لماضة مصرية جدا]

مزيعة بتسأل واحد بتقولة ما هو الأسم الأول لأبوتريكة الراجل قالها ” صالح ” قالتلة لا قالها ” صالح ” قالها انا سمعت المعلق بيقول وفاول لصالح ابو تريكة

[لماضة مصرية جدا]

خلاااااااص محدش يزوقني....

دي اخر نوكتة الليلادي...و احب اهديها للرجالة الحمشة اوي....(وش عيل لمض بيطلع لسانه و بيطلع يجري)

حرامى دخل شقة ليسرقها فالقى واحد ومراتة فسال مراتة اسمك اية قالتلو مديحة قالها انا مش هقتلك علشان اسمك على اسم امى الله يرحمها وسال زوجها اسمك اية قلو ابراهيم وبيدلعونى بيقوللى يا مديحة

[مغتربة]

ست بتوعى بنتها المتجوزه و بتقولها يا بنتى الرجاله دول ملهومش امان

لازم كل يوم تفتشى جاكت البدله بتاعه جوزك بعد ما يرجع من بره

و لو لقيتى شعرا صفرا اتخانقى معاه و قوليلوا مين يا بيه الست الشقرا الى بتخونى معاها

و لو لقيتى شعرا سودا اتخانقى معاه و قوليلوا مين يا بيه الست السمرا الى بتخونى معاها

امال يا بنتى لازم تكونى حويطه

البنت مكدبتش خبر

استنت لما جوزها رجع من الشغل و جريت على الجاكت بتاعه تقلبه يمين تقلبه شماله

مش لاقيه و لا شعرايه

راحت متخانقه معاه و قيلاله

مين يا بيه الست الصلعه الى بتخنى معاها

تم تعديل 30 سبتمبر 2011 بواسطة مغتربة

[لماضة مصرية جدا]

ست بتوعى بنتها المتجوزه و بتولها يا بنتى الرجاله دول ملهومش امان

لازم كل يوم تفتشى جاكت البدله بتاعه جوزك بعد ما يرجع من بره

و لو لقيتى شعرا صفرا اتخانقى معاه و قوليلوا مين يا بيه الست الشرا الى بتخونى معاها

و لو لقيتى شعرا سودا اتخانقى معاه و قوليلوا مين يا بيه الت السمرا الى بتخونى معاها

امال يا بنتى لازم تكونى حويطه

البنت مكدبتش خبر

استنت لما جوزها رجع من الشغل و جريت على الجاكت بتاعه تقلبه يمين تقلبه شماله

مش لاقيه و لا شعرايه

راحت متخانقه معاه و قيلاله

مين يا بيه الست الصلعه الى بتخنى معاها

ايوة كده يا وديع...قصدي يا وديعة انتي

احنا نحط النوكتة دي بقي في باب

النصايح الذهبية...لحياة زوجية :P

عايزين الراجل يا ولداه يلف حوالين نفسه ميبقاش ملاحق الضربة جايلاه منين :blink:

مش هو ده الحب :wub:

[مغتربة]

ست بتوعى بنتها المتجوزه و بتولها يا بنتى الرجاله دول ملهومش امان

لازم كل يوم تفتشى جاكت البدله بتاعه جوزك بعد ما يرجع من بره

و لو لقيتى شعرا صفرا اتخانقى معاه و قوليلوا مين يا بيه الست الشرا الى بتخونى معاها

و لو لقيتى شعرا سودا اتخانقى معاه و قوليلوا مين يا بيه الت السمرا الى بتخونى معاها

امال يا بنتى لازم تكونى حويطه

البنت مكدبتش خبر

استنت لما جوزها رجع من الشغل و جريت على الجاكت بتاعه تقلبه يمين تقلبه شماله

مش لاقيه و لا شعرايه

راحت متخانقه معاه و قيلاله

مين يا بيه الست الصلعه الى بتخنى معاها

ايوة كده يا وديع...قصدي يا وديعة انتي

احنا نحط النوكتة دي بقي في باب

النصايح الذهبية...لحياة زوجية :P

عايزين الراجل يا ولداه يلف حوالين نفسه ميبقاش ملاحق الضربة جايلاه منين :blink:

مش هو ده الحب :wub:

هههههههه

شوفتى ازاى

بس ايه رايك فينا

جبارين مش كدا :P