افيدونا عن تكاليف المعيشة بالسعودية

[M Mido]

طب يا جماعة ياريت حد يقولي تكلفة السكن لفرد اعزب في جدة بتكون كام تقريبا لو اخدت غرفة في شقة شركة مع واحد ولو اخدت شقة لوحدي من غرفة واحدة و صالة؟

[mohsen youssef]

بالنسبة لتكاليف الحياة فى السعودية فهى فعلا معقولة جدا فأنا مقيم هنا مع اسرتى - 3 اطفال - بمتوسط شهرى 3000 ريال بالسكن و مش حارمين روحنا من حاجه اما السيارات فمعاك من 3000 ريال حسب ما انت عايز و الأهم فعلا انك لو عندك استعداد انك تكون ملتزم و عايز تحمى اسرتك المجتمع هنا يساعدك جدا و ربنا يوفقك فى الاختيار الصح

[Clinical chemist]

يا جماعة ممكن حد يقولى ظروف الحياة فى ابحر الشمالية بجدة.....والسكن العائلى هناك سيكون مناسب؟ وبكام؟

[anotheraya]

يا جماعة بعد اذنكوا حد يقولي اسعار الشقق دلوقتي في جدة لان جوزي مسافر قريب ان شاء الله

[the consultant]

يا جماعة بعد اذنكوا حد يقولي اسعار الشقق دلوقتي في جدة لان جوزي مسافر قريب ان شاء الله

شوفي حضرتك طبعا على حسب الحي و مكان شغل زوجك الاسعار تختلف بس خليني اقولك رينج كدة

لو حي كويس و قريب من الشوارع و الطرق الرئسية و سكانه كويسين

الشقة غرفتين تتراوح من (16 الى 20 الف سنويا) على حسب نضافة الشقة و العمارة

الشقة 3 غرف تتراوح من ( 20 الى 26 الف سنويا ) برده على اساس نفس المعايير

مع الاخذ في الاعتبار ان معظم الشقق يا غما تكون بدون صالة اصلا او بصالة صغيرة مما يرغمك على استخدام احد الغرف كغرفة معيشة.

الدفع في الغالب بيكون على دفعتين و في بعض الاحوال قد يوافق المالك على 3 او 4 دفعات .

لو في مكتب عقاري في النص بياخد سمسرة حوالي 1000 ريال وممكن اكتر او اقل.

[Mr MAGED]

انا بس حبيت اعمل مداخله صغيره، لأني حاسس ان الأمور مختلطة عند بعض الأخوة بخصوص موضوع الكفيل

كل المشاكل اللي بنسمع عنها دي اللي بتحصل مع الكفلا، غالبا بتكون في حالة الكفيل الفردي او المؤسسات الصغيرة

اللي عدد الموظفين فيها قليل غالبا بيكون عشرة أو خمستاشر موظف، وبالتأكيد انت بيكون ليك الخيار من البداية انك تشتغل

في مؤسسة بالشكل ده، لأنك لازم تكون عارف انها بتكون ماشية علي مزاج صاحب العمل بدون أي نظم أو قوانين

وهيا دي اللي بيحصل فيها كل المشاكل اللي بنسمع عنها.

لكن في الجانب الأخر، وهو الموجود في الشركات الكبيرة أو الملتي ناشيونال طبعا ، اللي غالبا انت مش بتكون عارف شكل الكفيل

غير طبعا لما يكون مستواك الوظيفي عالي ، ودي من خلال تجربتي الشخصية في أكتر من شركة يصل متوسط عدد موظفيها

لخمسة ألاف موظف أو أكتر ، مشفتش أي شكوي من اللي باسمع عنها دي، لا كفيل يحجز جواز موظف ولا يقطع عنه المصروف ولا يمنع عنه المية السخنة

لأن الشركات دي بتكون ماشية علي نظام اداري بيمشي علي الناس كلها ، ومش بيجي الكفيل يقول والله ده مش عاجبني فاقطعوا مستحقاته

لأنه غالبا مبيكنش فاضي للتهريج ده ...

زي ما قلت قبل كده في مداخلة تانية ، ربنا ادانا عقل نفكر بيه وادانا حاجة اسمها المحاورات نسأل فيها

لما يكون جايلك عرض في أي شركة من المنطقي انك لازم تسأل عليها وعلي مستواها وعلي النظام الداخلي اللي الشركة بتتبعه

وبكده تكون متطمن، وبالاضافة طبعا للمستندات القانونية اللي بتحفظلك حقك اذا لا قدر الله حصل اي حاجة ودي بتكون عبارة عن عقد موثق

بيحتوي علي كل الشروط اللي اتفقتوا عليها، زي الراتب والبدلات والمميزات، والعقد شريعة المتعاقدين.

بكده أي واحد يكوت متطمن ويقدر يحفظ حقه.

أما بالنسبة للعيشة في السعودية او في دبي ... فهيا كلها غربة، وبيتوقف مستوي العيشة عليك انت شخصيا ً ... اه صحيح السعودية مش اوبن او فري اوي زي دبي

لكن لو انت فعلا رايح الخبر مش هتحس بفرق كتير، غير لو رحت الرياض مثلا ً ... في وسائل ترفيه كتيرة موجودة في الخبر، ويا سيدي لما تزهق عدي الكوبري في خمس دقايق

هتلاقي نفسك في البحرين .... صدقني مش هتحس بفرق كتير في العيشة ... واكيد هتعجبك السعودية ... لأني مش شايف انها السجن الموحش اللي بعض الاخوة بيتكلموا عنه

استخير ربنا وتوكل علي الله ... وصدقني هترتاح طول مانت بتاخد بالاسباب وبتتوكل علي الله.

ولو احتجت اي استفسار أخر أو اي مساعدة لا تتردد في السؤال

خالص تحياتي

[خالد]

ياجماعه الموضوع مش مستاهل كل هذه المهاترات

أنا بقالي 20 سنة في الخبر وهي مدينة جميلة وليست بكبيرة مثل الرياض ولكن بها كل شيء

والايجارات هنا في شقه معقولة حوالي 3 غرف بحدود 25000 الى 30000 ريال

اذا الراتب الاساسي يبدأ من 7000 ريال بالضافة للبدلات الاخرى وبدل سكن 3 شهور وبدل سيارة يعتبر بداية طيبة

واذا كنت في شركة محترمة مافيش حاجة اسمها الكفيل يبهدلك ولاحاجة الأمور عادية جدا

ولكن المشكلة بالسعودية انه مجتمع منغلق جدا وكمان في حاجة وحشة انك لازم تاخد بالك من عيالك كويس لأن مشكلة السعوديين في الشباب فهم عنصريون جدا ومستوي أخلاق كثير منهم متدني

[sherifsamer]

قديماً قال الشاعر

لو عايز تعيش عيشه حلوه .. يبقى عليك وعلى دُبي

ولو عايز تحوش يبقى عليك وعالسعودية

مدينة الخُبر أحسن بكتير من ينبع المحدودة جداً

الشقق فعلاً زي ما قالك زهيري

والعربيات ممكن بـ 15000 تجيب لك عربية كويسة او تخرج لك سيارة جديدة بالتقسيط المريح

الحياة في السعودية بشكل عام من حيث المصاريف معقولة جداً ولا تقارن بصراحة بدبي أو الإمارات بشكل عام .. وأنا في إعتقادي إن في ناس كتير في الإمارات اللي بتاخده باليمين بتصرفة بالشمال وعايشه هناك لله وللوطن ..

لكن أهم حاجه في إتفاقك هنا لا تقبل براتب منخفض .. ولا تقبل بأقل من 3 شهور من الراتب الأساسي سنوياً كبدل سكن ... وتذاكرك وتذاكر المدام والأولاد عليهم .. والعلاج الطبي عليهم في شركة تأمين طبي محترمه لإن مصاريف العلاج هنا نـــــــــــــــــــــــــــار .. ويا سلام لو إنت فيروود تخليهم يشيلوا مصاريف المدارس لما أولادك يلتحقوا بها .... يبقى كده هاتعمل الأرنب بدري بدري يا معلم

جزاااك الله كل خييير

[مصطفى يونس]

انا من اللى سمعته من رواتب هنا حسيت ان شغال فى البلدية

دنا باخد 6500 ريال وحاسس اننا باخد مليون معا انى بصرف نصهم هنا واستاذ فاضل هنا بيقول لابد الراتب لا يقل عن 5000 دولار ليه شغال ايه مدير مشاريع دنا المشروع اللى انا فيه المدير بتاعه بياخد 15 الف ريال وبيبوس ايده وش وظهر

تحياتى

مصطفى يونس

[MagicScorp]

السلام عليكم ورحمة الله وبركاته

أرجو الافاده من اصحاب الخبره المغتربين

معروض علي وظيفة في الدمام براتب ثابت 2000 ريال وبدل سكن 500 ريال و بدل مواصلات 200 ريال

وانا سأكون بمفردي بدون عائلتي المكونه من الزوجه وولد وبنت

فأريد ان اعرف بعد مصاريفي من الأكل والشرب واي مصاريف أخري كمكالمات او انترنت كم سيتبقي لي من الراتب الاساسي

وهل 500 ريال تكفي لسكن محترم ونظيف ؟

هل 200 ريال تكفي للمواصلات ؟

أرجو الافاده في اسرع وقت لأني في مرحلة التفاوض مع الشركه ويريدون الرد مني بالموافقه او القبول في خلال 48 ساعه

واذا كنت اخطط لأحضار عائلتي بعد سنه بإذن الله كم ستكون التكلفه وهل سيكون الموضوع سهل

وكم ستكون مصاريف السكن والاكل وما الي ذلك بالنسبه لمصاريف العائله

شكراً مقدماً لمن يرد و يساعد جزاكم الله كل خير

[elrasy]

السلام عليكم ورحمة الله وبركاته

أرجو الافاده من اصحاب الخبره المغتربين

معروض علي وظيفة في الدمام براتب ثابت 2000 ريال وبدل سكن 500 ريال و بدل مواصلات 200 ريال

وانا سأكون بمفردي بدون عائلتي المكونه من الزوجه وولد وبنت

فأريد ان اعرف بعد مصاريفي من الأكل والشرب واي مصاريف أخري كمكالمات او انترنت كم سيتبقي لي من الراتب الاساسي

وهل 500 ريال تكفي لسكن محترم ونظيف ؟

هل 200 ريال تكفي للمواصلات ؟

أرجو الافاده في اسرع وقت لأني في مرحلة التفاوض مع الشركه ويريدون الرد مني بالموافقه او القبول في خلال 48 ساعه

واذا كنت اخطط لأحضار عائلتي بعد سنه بإذن الله كم ستكون التكلفه وهل سيكون الموضوع سهل

وكم ستكون مصاريف السكن والاكل وما الي ذلك بالنسبه لمصاريف العائله

شكراً مقدماً لمن يرد و يساعد جزاكم الله كل خير

الراتب قليل جدا ولا يصلح لمتزوج ويعول

ممكن الراتب دة مع شاب بيبتدى حياتة وهياخد الفرصة دى لاكتساب الخبرة مش اكتر

بدل السكن قليل جدا ولن تجد الا شقق عزاب بها اشخاص كثريين ولن تجد الخصوصية.

انت هتصرف فى الشهر حوالى الف ريال وانت لوحدك

لكن مع الاسرة هتكون المصاريف الشهرية حوالى 3000 ودة من غير مصاريف المدارس

راى شوف فرصة تانية وربنا يوفقك