لو لم أكن مصرياً

[عنبو]

الشده والمواقف هى من تصنع الرجال

فدلوقتى انا حابب انى مصرى وبفختر انى مصرى مهما كان فيها من مشاكل بس ان شاء الله هيجى اليوم الى هتبقى تمام

مهما طال الليل لابد من شروق الشمس

[الباشمهندس ياسر]

لو لم اكن مصريا ... اكيد اكيد كنت هحب بلادي مهما تكون و هحاول اعمل معاها الصح قد ما اقدر

بس انا مصري ابن مصري

قدري اني اجي ف وقت بلادي فيه مريييضة تماما

ربنا يسهل و أقد اكون واحد من اللي بيساعدوا في معافاة الوطن

[عصام]

مش عارف ليه تلاقى كدا كل الكلام المتفائل جاى من خارج الحدود ..

[Tafshan]

مش عارف ليه تلاقى كدا كل الكلام المتفائل جاى من خارج الحدود ..

عشان بنفكر بدون ضغوط .. يعنى الحمد لله مادياً و معنوياً الحاله ارتاحت .. و مع ذلك بيفضل شوية وجع اننا بره بلدنا و مش عارفين نرجع اها و لا عارفين حتى نعيش فيها تانى ..

على فكره مصر حتى لو معاك فلوس و عندك شقتك و عربيتك و شغلانه كويسه برضو مش ح تعرف تعيش فيها خاصةً لو عملت الحاجات دى بره مصر .. مع الوقت بنتعود على النظام و الاحترام و النظافه و بيبقى صعب فعلاً اننا نتعامل بطريقه تانيه .. بنحبها ايوا .. لكن ما ينفعش!

[miramikhail]

مش عارف ليه تلاقى كدا كل الكلام المتفائل جاى من خارج الحدود ..

أنا عايشة جو مصر و سافرت مرتين برة مصر لأختى لكن ما قدرش أسيب مصر يعنى أتولدت هنا و حعيش هنا و أنشأ الله حندفن هنا برضة

أنا بيتهيألى السبب أن الجيل بتاعنا بتاع الستينات و ما قبله لحق يعنى بلد بتخاف عليك و بتعلمك و تأكلك و فية مقاولة معروفة عندنا محدش بيموت من الجوع لأن ده حقيقى كانت الناس بتشيل بعض و لو واحد قاعد على الرصيف و مد أيدة تلاقى ميت واحد يدى له لأنه متأكد أنه محتاج مش زى دلوقتى بقيت شغلانة

[Diab]

مش عارف ليه تلاقى كدا كل الكلام المتفائل جاى من خارج الحدود ..

أنا عايشة جو مصر و سافرت مرتين برة مصر لأختى لكن ما قدرش أسيب مصر يعنى أتولدت هنا و حعيش هنا و أنشأ الله حندفن هنا برضة

أنا بيتهيألى السبب أن الجيل بتاعنا بتاع الستينات و ما قبله لحق يعنى بلد بتخاف عليك و بتعلمك و تأكلك و فية مقاولة معروفة عندنا محدش بيموت من الجوع لأن ده حقيقى كانت الناس بتشيل بعض و لو واحد قاعد على الرصيف و مد أيدة تلاقى ميت واحد يدى له لأنه متأكد أنه محتاج مش زى دلوقتى بقيت شغلانة

ده كان زمااااااااااااااااااااااااااااان

[hanzalah]

عفوا ..

هل المقصود بـ " جيل الستينات "

يعني مولود في الستينات

أم انه عاش فترة شبابة في الستينات

لانها تفرق كتير

بصراحة لو كان المقصود الحديث عن اخلاق عاصرتها حضرتك في الستينات ..

وقتها سيكون تعليق اخونا الاستاذ دياب في محله جدا جدا

ده كان زمان ..

اليوم لا يوجد مصر بها الوصف

يوجد مصر " خالد يوسف " مثال: هي فوضى .. حين ميسره .. الى آخر السلسلة عن العشوائيات ستان التي نعيش فيها ..

شكراً

[الباشمهندس ياسر]

مش عارف ليه تلاقى كدا كل الكلام المتفائل جاى من خارج الحدود ..

عشان خارج الحدود عندك فرصة كبيرة اوي تحس بنفسك

تعرف تاخد نفسك و انت مرتاح

بتدي معاد و تلحقه باللحظة و انت عارف و فاهم هتمشي ازاي و تروح منين و تيجي منين

بتخلص اي معاملة حكومية ف دقائق معدودة

محدش بيرخم عليك ف اي حتة ...

مفيش موظف مادد بوزه شبرين لان المدام ادته شبشبين الصبح قبل ما ينزل

طبيعي جدا انك تبقي متفاءل و شايف الحياة بنظرة اكثر من رائعة

انما بعد كام يوم جوه البلد

و مواعيدك اللي بتبوظ منك

و يومك اللي بيدمر تماما من كام مشوار و ترجع هتموت و تلحق السرير من التعب

طبيعي ساعتها تشوف الدنيا بنظارة تانية

تصدق يا معلمي

اول مرة اعرف ان السواقة متعبة .... الكام يوم اللي فاتوا

طول عمري بستمتع بالسواقة ... بالمعني الحرفي لكلمة استمتع

انما صلاح سالم بطوله او الاوتوستراد و يا سلام بقي ع جسر السويس .... كفيلين تماما انهم يحرقوا الجهاز العصبي لاي حد ف الدنيا

و تعالي يا سيدي لتخض غمار معركة انهاء ورقة معاملات ف اي حتة

حاجة تخليك تطلع من هدومك

[عصام]

يبقى معنى كدا ان التفاؤل اللى بييجى من خلف الحدود .. هو تفاؤل غير مبنى على أساس وغير مرتبط بالواقع .. وبعيد تماما عن الحقيقة

ويحتوى على كثير من سوء التقدير وعدم التواصل مع الواقع ..

مما يجعله أقرب إلى "مصر هى أمى" و"أرضنا الطيبة" و"ما تقولش إيه اديتنا مصر" .. إلى آخره من الكلام اللى أول مرة أسمعه فى الإذاعة من سنين كان بسبب ماتش كورة!

مصر راحت سكة اللى يروح ما يرجعش خلاص .. لو عايز تعمل لها restore يبقى لازم تغير شعب وحكومة ..

[الباشمهندس ياسر]

يبقى معنى كدا ان التفاؤل اللى بييجى من خلف الحدود .. هو تفاؤل غير مبنى على أساس وغير مرتبط بالواقع .. وبعيد تماما عن الحقيقة

ويحتوى على كثير من سوء التقدير وعدم التواصل مع الواقع ..

مما يجعله أقرب إلى "مصر هى أمى" و"أرضنا الطيبة" و"ما تقولش إيه اديتنا مصر" .. إلى آخره من الكلام اللى أول مرة أسمعه فى الإذاعة من سنين كان بسبب ماتش كورة!

مصر راحت سكة اللى يروح ما يرجعش خلاص .. لو عايز تعمل لها restore يبقى لازم تغير شعب وحكومة ..

الحكومة بس يا صاحبي

و نجيب بدالها حد بيفهم و بيحب البلد من قلبه و بيعرف يتعامل

بالمناسبة

احا كــ شعب ... نعتبر شعب لين ... سهل اوي انك تشكلنا

فاكر الجيل اللي قعد يحارب من 48 لغاية 73 ...هو نفسه الجيل اللي اقنعوه بعملية السلام و الحوار بتاعها

[myusername]

اخوانى و اخواتى الافاضل....... اذا كان هناك رغبة فى تغيير و اصلاح المجتمع.. ليه منقولش افكارنا فى الموضوع ده:

http://www.egyptiantalks.org/invb/index.php?showtopic=72188

؟؟

دى دعوة عامة لكل اللى عايز يقول ازاى نصلح البلد و المجتمع...

[د هشام ابراهيم]

علشان الراجل العظيم اللي قال المقولة نعديها

الحقيقة الواقعة اللي لا سبيل لتغييرها إننا مصريين و حنفضل مصريين حتي لو تجنسنا بجنسية تانية و أحفاد أحفادنا برضه حيفضلوا مصريين إلي ما شاء الله .....لكن

لو حنفكر بموضوعية في السؤال الافتراضي لو لم أكن مصريا كنت حاحب أبقي مصري ...... يعني لو مولود ياباني أصلي حاقول يا سلام لو كنت مصري ....صعب ......ده مش بس الياباني الأصلي ده لا الصيني التقليد و لا الماليزي المضروب حيرضي .....لو لفينا علي كل الأجناس و الأعراق يا تري مين اللي يقول وددت لو كنت مصريا .....الزمن اللي احنا فيه ده متهيألي مش كتير .... حاسيب لحضراتكم الاجابة

[ehabtaher]

يبقى معنى كدا ان التفاؤل اللى بييجى من خلف الحدود .. هو تفاؤل غير مبنى على أساس وغير مرتبط بالواقع .. وبعيد تماما عن الحقيقة

ويحتوى على كثير من سوء التقدير وعدم التواصل مع الواقع ..

مما يجعله أقرب إلى "مصر هى أمى" و"أرضنا الطيبة" و"ما تقولش إيه اديتنا مصر" .. إلى آخره من الكلام اللى أول مرة أسمعه فى الإذاعة من سنين كان بسبب ماتش كورة!

مصر راحت سكة اللى يروح ما يرجعش خلاص .. لو عايز تعمل لها restore يبقى لازم تغير شعب وحكومة ..

اعتقد عايزه زلزال يهدها

علشان تتبنى من جديد على نضافه

بدل الرقع اللى قاعدين يرقعوا فيها دى

حب يعملها السادات وينقل فى حته نضيفه

انما تعملوا ايه بقى البارانويا هى اللى وقفت المشروع

سواء بارانويا السادات انه سماها مدينه السادات

او بارانويا مبارك انه ماحبش العاصمه يبقى اسمها السادات

الحل ان مصر تتبنى تانى من جديد

ازاى

ماعرفش

[ehabtaher]

ولما تتبنى على نضافه وتلاقى فيها اشاره مرور وطريق كويس حتلاقى نفسك تقف فى الاشاره الحمراء لما مايبقاش فيه غيرك فى الشارع وتبص يمين وشمال متلاقيش عسكرى مرور واقف (برضه حاتقف فى الاشاره) لانك حاتحترم بلدك

لما البلد تبقى نضيفه واللى بيرمى حاجه فى الشارع يلاقى اللى يحاسبه حا تحترمها وتبقى مش عايز ترمى حاجه فى الشارع

لما التعليم بتاعك يبقى معترف بيه فى كل مكان فى العالم وتلاقى شهاداتك ومعادلاتك تخليك تشتغل فى كل مكان

لما المرتب بتاعك يكفيك تشتغل وتعيش وتعلم ولادك كويس واخر السنه تطلع اجازه كويسه

ساعتها حتقول وددت ان اكون مصريا

[الباشمهندس ياسر]

علشان الراجل العظيم اللي قال المقولة نعديها

ازي حضرتك يا دوك

الزعيم مصطفي كامل قال الجملة دي عقب اصدار فيلم ا نجليزي

الاحتلال قال فيه اننا شعب مستعبد منذ القدم

و كــ رد فعل للفيلم ... معظم بهواتنا تبرأوا من مصريتهم تماما و ابتدوا ينسبوا انفسهم لاجدادهم

فهذا ينتمي لبني فلان من قبائل العرب و ذلك ينتسب الي القائد الفلاني من الاتراك او الشركس و اخر ينتسب الي الالبان

فما كان منه رحمه الله الا ان اطلقها صيحة مدوية

لو لم اكن مصريا لوددت ان اكون مصريا

[د هشام ابراهيم]

الحمد لله يا باشمهندس كله تمام

ألف رحمة و نور علي مصطفى كامل و كل الزعماء الشرفاء اللي ساهموا في تاريخ مصر علي مدي العصور .....أنا متأكد إن إجابة السؤال كانت محسومة بالنسبة ليهم

[shiko]

مالقيتش حاجة ارد بيها على السؤال الوجيه ده غير مقتطفات من قصيدة عبد الرحمن الابنودى.......

أما انت خميت مصر دي خمة

يوم ما ناديت بالعشق للأمة

ورطتنا نعشق خريطة عبيطة

وبشر ما نعرفهاش

وبلاد.. ما بنزورهاش :big_boss:

يا رب...

ما تحببني في الناس الملاح تاني

يا رب

ما ترجعني أعشق

ضحكة اخواني

يا رب

كرهني في أوطاني

ما أخيبك أمَّة

ما أتعسك أمة

لا عقل... ولا همة...

لا مصدقه فعلك

ولا تحفظي كلمة.

أمة.. تدور وتلف..

تقيلة.. مش حتخف

حماسية... وحماسها

بكتيرُه ساعة.. يجف.

أمة بتتخابِط

أمة بتتعابط

أمة ومالهاش

لا زابط ولا رابط

ولا كبير عيلة

ولا قرابةْ دم

ووفكرة وهمية

ما تورث إلاّ الهمّ...

ما تحل عني يا عم..

إحنا ورثنا كلام

إحنا تاريخنا كلام

علشان كده لما تقول..

علي طول أقول:

وبكام؟؟

أنا انتمائي لأمتي...

ممسخرني. :big_boss:

لسه اللى بيبيع أمته كسبان

و كل يوم أطلع انا الخاسر

الله يجازيك يا عم عبد الناصر !!!! :blush2: