bassem_2009 بتاريخ: 14 يونيو 2007 تقديم بلاغ مشاركة بتاريخ: 14 يونيو 2007 يا جماعة أنا فكرت إني أجمع كل قصايدي في موضوعين الأول موضوع للقصلئد العامية والتاني للفصحى وده العامية وهابدأ بأحدث قصيدة وهي موال الأسى بنبعد... وتبعد المشاوير ونغرق... ف زحمة المقادير ونعشق... حبايب يجرحوا فينا ونبكي... دموع من حزن يكوينا ونمشي... وسط الزحمة بندور على سكة... فيها البدر بينور والدمعة تجري على خدودي ويطلع منها مقصودي والدنيا دايرة ودوارة والخلق حايرة محتارة ف يوم تديك ولم تسأل ويوم بتبيع وبخسارة ***** كل الديار اتهدّمت.... وبقت خلاص من غير بيبان كل السكك إتـقـفـّـلت..... واتحكـّمت فينا الغيلان حتى الشوارع اصبحت..... أضيق كتير وبقت خلاص.... من غير أمان ***** ف البحر كانت في سفينة كانت قوية بقت سجينة والريح خلاص قطـّع شراعها وعروسة حلوة بقت حزينة والصبر داب.... والشاب شاب.... والحزن عمره ف يوم ما تاب ومدينتي صبحت ف التراب كانت ف يوم أجمل مدينة ***** سيلي يا دمعة واغسلي.... أحزان قلوب المجروحين داوي يا دمعة واقفلي.... جرحي اللي مفتوح من سنين سيلي يا دمعة ع البلاد المستباعة سيلي يا دمعة ع الكلاب المستطاعة انتي يا دمعة ويـّا دمعة ويـّا دمعة.... اعملوا أنهار دموع اشعلوا ميت ألف شمعة.... اكسروا فينا الخضوع البكا جايز يداوي.... اللي عايش ف الخنوع ***** آهٍ يا دنيا.... ثم آهٍ آه وآه الحب ضايع والوفا.... قام ضاع وراه والقلب صار من غير دفا والصدق ضايع مين لقاه والناس بقت .... متزوقة للمال بقت .... متشوقة بيبيع ومايبصش وراه بيبيع ديانته.... يبيع بلاده بيبيع كرامته.... يبيع فؤاده حتى كلامه أوسكاته.... بيبع يبيع من غير تمن آه يا ولداه آهٍ يا دنيا.... ثم آهٍ آه وآه ***** ياحبيبتي ليه.... دايما بعاد وكلامنا تايه.... ف السكات هو انتي مـُـتـِّي.... ولا انا قلبي اللي مات؟ يا حبيبتي فاكرة لما كنا.... وكنا كنا من زمان؟ وكنتي أحلى مدينة والله وكنتي آية ف الجمال ليه حلمنا أصبح سراب؟ ليه شمسنا صبحت ظلام؟ ليه أرضنا صبحت خراب؟ والحب بعد ما كان قضية.... أصبح تجارة وخد وهات ليه كل ما نقول إهتدينا.... نبتعد عن أي شط؟ ليه كل شارع نمشي فيه.... يتولد في آخره سد؟ ليه لما باضحك لك بتبكي؟ طب قولي حاجة حتى إشكي؟ والشكوى ماتت من زمان والصبر موصوف لينا لكن.... نشربه نعطش كمان نعطشه نشرب نلاقي.... الجرح طافح م الكلام ***** يا جرحي إنزف.... يا دموعي اتكلمي م الجرح تطلع ميت قصيدة.... والدمعة توحي بالكلام مهما الأمور اتلغبطت.... واللي ورا أصبح أمام في لسة نور آخر الطريق.... والشمس جاية م الظلام في لسة نور آخر الطريق.... والشمس جاية م الظلام في لسة نور آخر الطريق.... والشمس جاية م الظلام باسم زكريا وكل يوم ف حبك تزيد الممنوعات وكل يوم باحبك أكتر م اللي فات ----------(الباشا الفاجومي) ف كل كلمة أقولها أو حتى ف السكات نفسي ف العالي اشوفك ودي أغلى الأمنيات ----------(العبد لله) رابط هذا التعليق شارك المزيد من خيارات المشاركة
shahd بتاريخ: 14 يونيو 2007 تقديم بلاغ مشاركة بتاريخ: 14 يونيو 2007 فكرة جميلة انك تضم قصائدك في موضوع واحد ياباسم ربنا يوفقك :flr1: طـــــــفولــــة شــــــهـــد رابط هذا التعليق شارك المزيد من خيارات المشاركة
bassem_2009 بتاريخ: 14 يونيو 2007 كاتب الموضوع تقديم بلاغ مشاركة بتاريخ: 14 يونيو 2007 أشكرك يا شهد لكن ما قولتيش رأيك في القصيدة الجديدة موال الأسى :flr1: وكل يوم ف حبك تزيد الممنوعات وكل يوم باحبك أكتر م اللي فات ----------(الباشا الفاجومي) ف كل كلمة أقولها أو حتى ف السكات نفسي ف العالي اشوفك ودي أغلى الأمنيات ----------(العبد لله) رابط هذا التعليق شارك المزيد من خيارات المشاركة
shahd بتاريخ: 14 يونيو 2007 تقديم بلاغ مشاركة بتاريخ: 14 يونيو 2007 أشكرك يا شهدلكن ما قولتيش رأيك في القصيدة الجديدة موال الأسى :flr1: هيا بصراحة ومن غير زعل مش عارفة اقلك ايه ياباسم معلش لازم تتقبل رأي بصدر رحب رااااااااااائعه واسلوبك فيها رقيق ومشاعر فياضه .. سلمت اناملك طـــــــفولــــة شــــــهـــد رابط هذا التعليق شارك المزيد من خيارات المشاركة
kokomen بتاريخ: 14 يونيو 2007 تقديم بلاغ مشاركة بتاريخ: 14 يونيو 2007 الأخ : باسم زكريا مساء الخير رائع ... رائع ........ رائع كلمات جميلة معبرة عن حس راقي امتعنا بشعرك الجميل ...... مع خالص تحياتي للمبدع باسم أبو أحمد الأسكندراني :flr1: :wub: :sad: أبو أحمد الأسكندراني رابط هذا التعليق شارك المزيد من خيارات المشاركة
bassem_2009 بتاريخ: 14 يونيو 2007 كاتب الموضوع تقديم بلاغ مشاركة بتاريخ: 14 يونيو 2007 شهد ألف شكر على رأيك وعلى التشويق والإثارة أخي أبو أحمد مساء النور عليك وعلى كل الاسكندرانية ألف شكر على تحياتك باسم زكريا وكل يوم ف حبك تزيد الممنوعات وكل يوم باحبك أكتر م اللي فات ----------(الباشا الفاجومي) ف كل كلمة أقولها أو حتى ف السكات نفسي ف العالي اشوفك ودي أغلى الأمنيات ----------(العبد لله) رابط هذا التعليق شارك المزيد من خيارات المشاركة
bassem_2009 بتاريخ: 15 يونيو 2007 كاتب الموضوع تقديم بلاغ مشاركة بتاريخ: 15 يونيو 2007 القصيدة الثانية ف كل كلمة وف السكات ف كل كلمة وف السكات بحبك يا مدينتي يا أجمل الحاجات نفسي ف العالي أشوفك ودي أغلى الأمنيات واحضن قلبي بكفوفك وانسى كل الآهات الحاضر كله ليكي والجاي واللي فات ياحبيبتي يا مدينتي يا أميرة البلاد ***** ف كلمة وف السكات باصرخ باقول باحبك باحبك يا بلدنا يا شمس طالعة دايما بتنور الليالي ياشعب مهما قاسى يضحك ولا يبالي يا مصر يا جميلة يا لمة ، صُحبة ، عيلة يا أمنا الكبيرة ضميني ليكي ضمي أشكي لك واحكي همي اتبعترنا في حياتنا لمينا يالا لمي يا حبيبتي يا مدينتي يا أميرة البلاد ***** ف كل كلمة وف السكات من البداية إلى الممات باشرق بحبك وانكوي واعطش واجيلك فارتوي واصرخ ف كل الكون عشانك وابكيكي لما يروح شبابك وانساكي ابدا ما انساكيش ما ارضاش لغيرك إني اعيش وازاي هبيعك دا انتي دمي دا أنا رضيعك وانتي امي وانتي أميرة لكل مينا وكل حتة من البلاد باسم زكريا 15/6/2007 وكل يوم ف حبك تزيد الممنوعات وكل يوم باحبك أكتر م اللي فات ----------(الباشا الفاجومي) ف كل كلمة أقولها أو حتى ف السكات نفسي ف العالي اشوفك ودي أغلى الأمنيات ----------(العبد لله) رابط هذا التعليق شارك المزيد من خيارات المشاركة
تصحيح بتاريخ: 16 يونيو 2007 تقديم بلاغ مشاركة بتاريخ: 16 يونيو 2007 الاخ الفاضل بسام قرأت بعناية ما سطرت يدكم الكريمة أتدري ما حدث وجدت نفسي بعد استغراقها في المعاني و المحتوي الابداعي المكتوب شعرا ألوم نفسي بشدة .. كيف فاتتني القراءة لكم .. وجدت عذرا حتي اصالح نفسي .. انها النت أخي الفاضل لست بناقد و حتي اذا كنت ذلك الناقد ..فلن أكون ندا له عملك بحاجة الي ناقد متخصص متمكن يستطيع التطفل و تشريحة لاستخراج الكم الهائل من الجماليات و الاسلوب الشعري المتميز في نصكم ناهيك عن زخم الافكار اخي الفاضل شكرا لك فَلَمَّا نَسُوا مَا ذُكِّرُوا بِهِ فَتَحْنَا عَلَيْهِمْ أَبْوَابَ كُلِّ شَيْءٍ حَتَّى إِذَا فَرِحُوا بِمَا أُوتُوا أَخَذْنَاهُمْ بَغْتَةً فَإِذَا هُمْ مُبْلِسُونَ رابط هذا التعليق شارك المزيد من خيارات المشاركة
bassem_2009 بتاريخ: 16 يونيو 2007 كاتب الموضوع تقديم بلاغ مشاركة بتاريخ: 16 يونيو 2007 أخي الفاضل إطرائك لم أحتمله أصابني الخجل أرجو أن أكون أستحقه وكل يوم ف حبك تزيد الممنوعات وكل يوم باحبك أكتر م اللي فات ----------(الباشا الفاجومي) ف كل كلمة أقولها أو حتى ف السكات نفسي ف العالي اشوفك ودي أغلى الأمنيات ----------(العبد لله) رابط هذا التعليق شارك المزيد من خيارات المشاركة
امانى بتاريخ: 17 يونيو 2007 تقديم بلاغ مشاركة بتاريخ: 17 يونيو 2007 الاخ الفاضل باسم قرأت موال الأسى ثم قرأت فى كل كلمة وفى السكات اسلوبك بسيطلكنه يحمل معانى كبيرة وهذا هو السهل الممتنع كلماتك تصل للقلب يفهمها الكبير والصغير باسلوب يحس به القارئ وكانه يقول انت تعبر عن ما اريد ان اقول سلمت اناملك فانت شاعر بحق تعبر عن احساس ملايين احساسك عالى وانتماءك لوطنك يضيف جمال لكلماتك مشاعر فياضة واحساس عالى الى المزيد اخى امانى الصداقة كنز لا يفنى لازم نحافظ عليه رابط هذا التعليق شارك المزيد من خيارات المشاركة
Abdulaziz Omar بتاريخ: 18 يونيو 2007 تقديم بلاغ مشاركة بتاريخ: 18 يونيو 2007 (معدل) اخي الاصغر او ابني العزيز باسم انا بصراحة مابيعجبنيش اسلوب المجاملات اللي في المنتدي وحكاية كل واحد يكتب حاجة الناس تقعد تقوله: ايه الحلاوة دي..ايه الجمال ده..ده مافيش احسن من كده لان ده ...بدون زعل... لا هو نقد ولا هو تشجيع ده بصراحة كلام لايودي ولايجيب مافيش شك ان عندك موهبة واحساس جميل...لكن ده لايكفي....لازم الدراسة واضح ان ماعندكش فكرة عن الاوزان عشان ماتضيعش موهبتك.....لو عايز تبقي شاعر...لازم تدرس الوزن فيه كتب كتيره في السوق بتشرح ما يسمي بعلوم الخليل.......نسبة الي الخليل بن احمد....الراجل اللي جمع الاوزان وشرح القوافي كلها كتب في متناول اليد ولو فيها حاجة موش واضحة ممكن تسال الاصدقاء......انا شايف هنا في المنتدي ناس كتير بتكتب شعر موزون.....واضح ان عندهم فكرة كبيرة عن الاوزان....موش عيب ان الواحد يسال ارجو ماكونش جرحت احساسك كان ممكن ابعتلك علي الخاص....بيني وبينك... بس انا بصراحة زهقت من المجاملات اللي باشوفها انت موهوب.....ربنا يوفقك عمر تم تعديل 18 يونيو 2007 بواسطة Abdulaziz Omar رابط هذا التعليق شارك المزيد من خيارات المشاركة
bassem_2009 بتاريخ: 18 يونيو 2007 كاتب الموضوع تقديم بلاغ مشاركة بتاريخ: 18 يونيو 2007 أماني أشكرك على إطرائك ومجاملتك الرقيقة أستاذي الفاضل عمر طبعا انا موافقك في موضوع المجاملات ولكن عذرا فحضرتك من الواضح أنك لا تتابع كتاباتي فأنا أكتب في الفصحى شعرا عموديا موزونا مثل هذا النص http://www.egyptiantalks.org/invb/index.php?showtopic=31111 أرجو من حضرتك أن تتطلع عليه وطبعا الجدل ثائر منذ سنوات حول الشعر العمودي والشعر الحر وهو جدل موجود والمدرستين موجودتين وأنا حين أكتب الفصحى لا أكتب إلا موزونا أما العامية فلا أكتب موزونها لأني أشعر أن العامية أخف من ذلك وكثير من الشعراء الكبار في العامية لا يكتبون الموزون وفي النهاية أقدر لحضرتك اهتمامك ونقدك باسم زكريا وكل يوم ف حبك تزيد الممنوعات وكل يوم باحبك أكتر م اللي فات ----------(الباشا الفاجومي) ف كل كلمة أقولها أو حتى ف السكات نفسي ف العالي اشوفك ودي أغلى الأمنيات ----------(العبد لله) رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان