ترحيب بعودة علياااء زعيمة النسااااء (النسر المصرى)

[النسر المصري]

يعني ايه الكلام ده يامحاورتيين!! !

يعني ايه علياء ترجع بعد سنة انقطاع وماحدش يعملها حفلة ترحيب وعوده....

انتو نسيتو مين علياء اللي كانت ملهلبه المنتدى لهلبه.....

انتو نسيتو مشاركتها ومواضيعها الجميله.........

يلا عاوز أشوف كل واحد ياخدلو رغيفين حواوشي من عالتربيزه اللي هناك دي....ويدفع هنا تلتميه اربعه وعشرين جنيه غرامة تأخير ترحيب.....واللي مش هيدفع النهارده هيتضاعف بكره.....انتو حرين

ألف الفين مليون حمدالله عالسلامه يا عليا.......وهي كلمه واحب اقولها....والله زمان ياعليا

خدي دي لحد لما الم الفلوس بس :blush2:

[Ahmad Farahat]

كل ده جميل

بس مين علياء بقى

أنا مشفتهاش غير في عبر بكمة من إحساسك

[النسر المصري]

أقولك ايه بس يا آرسين ياصاحبي.....بصراحة الجماعة فشلوني بما فيهم علياء wst::

بقى انا فاتح توبيك ارحب واهني ...ولا حدش يعبرني.....مش بالذمة ده عيب بردو :sad:

عموما لو كنت عاوز تعرف علياء...كنت هتعرفها من خلال كلام الناس وترحيبهم بيها وردودها عليهم....

بس يلا ملحلوقة

[رمضان]

معلش يا عم النسر بتحصل رده

بس مين علياء يا ريت لو تشرفنا بمداخلاتها

[shahd]

الف الف حمدلله على السلامة يا علياء .. نورتي المحاروات .. وما تطوليش الغيبة تاني..

[miramar]

يا سيدي عليا عليا على العين والراس

بس مين عليا دي

ما تفهمنا الحكاية

[مومو الامور]

يعني ايه الكلام ده يامحاورتيين!! wst:: !

يعني ايه علياء ترجع بعد سنة انقطاع وماحدش يعملها حفلة ترحيب وعوده....

انتو نسيتو مين علياء اللي كانت ملهلبه المنتدى لهلبه..... wst::

انتو نسيتو مشاركتها ومواضيعها الجميله......... wst::

يلا عاوز أشوف كل واحد ياخدلو رغيفين حواوشي من عالتربيزه اللي هناك دي....ويدفع هنا تلتميه اربعه وعشرين جنيه غرامة تأخير ترحيب.....واللي مش هيدفع النهارده هيتضاعف بكره.....انتو حرين :sad:

ألف الفين مليون حمدالله عالسلامه يا عليا.......وهي كلمه واحب اقولها....والله زمان ياعليا wst::

خدي دي لحد لما الم الفلوس بس

الاخ الفاضل النسر المصرى

السلام عليكم ورحمه الله وبركاته

بما انك من احد مرحبى قدامى الاعضاء اللى غابوا

فلماذا نسيت بقيه الاعضاء

مكنش عيش وتليفونات

ولا الغربه غيرتك

ولا قلبك جف خلاص

على العموم على قد الشوق اللى فى عيونى يا جميل سلم

سلامى لكل من عندك بالكويت

وصبح صبح يا حج نسر

اخوك مومو الامور اللى نسيته

[عليـ***ـاء]

انا مش عارفة اققولك ايه يانسر مصر بس بصراحة المحاورات اتغيرت كتيييييييييييييير ناس جداد جم والناس اللي اعرفهم مشيو فده اثر فيا وحسيت ان محدش فاكرني ومش لسه هعمل شعبية تاني وحسيت اني داخلة مكان جديد عليا ...... ما علينا

شكرا جدا يا نسر مصر علي الترحيب الجامد ده

والناس اللي متعرفنيش اعرفها بنفسي انا علياء خريجة اقتصاد وعلوم سياسية السنة دي و........... انا مبحبش ادخل منتدي الترحيب بالاعضاء بحب الناس تعرفني اكتر من مواضيعي.......... bv:- .. بس

[عادل أبوزيد]

الفاضلة علياء أضافت اليوم موضوعا جيدا و قمت بالتعقيب عليه.

و كنوع من الفضول قمت بالبحث عن موضوعات الفاضلة علياء ووجدتها فى أغلبها ذات طابع باسم على خلاف موضوعها اليوم عن الدراسة الأمريكية عن أهمية إنخراط المسلمين فى أمريكا فى الحياة العامة.

و تحية للفاضلة علياء أورد هنا قائمة بموضوعاتها.

[عليـ***ـاء]

شكرا جدا يا استاذ عادل ابو زيد بجد متتصوروش انا فرحانة اد ايه وحالة الاغتراب اللي كانت عندي راحت خلاص ......... :) :sad:

بالنسبة للتفاوت اللي حضرتك ملاحظه ممكن حضرتك تفهمه لما تقيس موقفي بموقف اغلب الاطباء ...... علي الرغم من انهم اطباء وحياتهم عملية جدا الا ان اغلبهم بيحترفو الكتابة الادبية زي دكتور نبيل فاروق واحمد خالد توفيق وغيرهم

انا زيهم تخصص علوم سياسية بس بحب الكتابة اللي فيها طابع مضحك وساخر :blush2:

انا بشكر حضرتك مرة تانية وبراحتك خالص انقل المواضيع اللي انت عايزها وانا هبقي ادور عليها بعدين .. :lol:

[DARWEEN]

طيب مش تقولي أنك جيتي يا علياء

نورتينا ونورتي بيتك

معلش والله ما اخدتش بالي .. انتي عارفه بقى السن والنظر والزهايمر

حمد الله على سلامتك ... وعودا حميدا

:sad: :) :blush2: :lol:

[Folana]

السلام عليكم ورحمة الله...

علياء طبعا من الناس الجميلة اللى موجودة معانا....حمدلله على سلامتك يا علياء نورتى بيتك بجد...ومافيش داعى للاستسلام لشعور الغربة ده...احنا دايما بنحصل على صداقات جديدة ومتعددة..ومش لازم علشان اصحابنا مش معانا يبقى نشعر باغتراب ...

كلنا اخوات وكلنا اهل.....الموجودين بالفعل والاعضاء القدامى والاعضاء الجداد ...كلهم الحقيقة بتشعرى بروحهم الطيبة وتلاقى نفسك بتندمجى معاهم...

وفعلا يا علياء مواضيعك خير بطاقة تعارف لك فكلها اجمل من بعض وبترسم صورة جميلة عنك ....مرحبا بك بين اخوانك مرة اخرى.........

[عليـ***ـاء]

شكرا يا DARWEEN الله يسلمك المنتدي منور بيكم انتم ويارب يخليكم ليا ......... :blush2:

[color="#800080"]فولانة شكرا علي كلامك الرقيق ربنا يكرمك يارب وخلاص احساس الاغتراب او الغربة دا راح بمجرد اني قرأت كلامكم الجميل ده

شكرا ليكم كلكم :sad: :)

[white rose]

أهلاا بيكي يا علياء يا قمر :)

بجد ليكي وحشة انا متابعة جيدة لمواضيعك بس ما بردش كتير

وأوعي تحسي بالغربة تاني كلنا هنا أهلك، ويا ريت تعتبريني صحبتك وأظن ان سننا متقارب،

صح؟. :sad:

تم تعديل 30 يونيو 2007 بواسطة white rose

[النسر المصري]

اخيرا رديتي ياعلياء....ياشيخه ده انا صوتي اتنبح من كتر الزعيق..<!!!

والناس تقلي مين علياء ومش عارف ايه وكانو هيودوني ف داهيه :blink:

ده حتى مومو الأمور زعل اوي اوي ومش طايقني اهو!!

بس ايه ياعلياء.....فينك وفين ايامك..كنت نجمة وزعيمه النساء هنا في المنتدى...كنت ومازلت بالطبع!!

بجد الف الف حمدالله عالسلامه.....وبس عشان تشوفي مين اللي رد عليكي ورحب بيكي.....كبار الشخصيات والقوم هنا في المنتدى

واولهم الاستاذ عادل ابو زيد..

حمدالله على سلامتك ياعليا

وفرجينا بقى مواضيعك الجميله

خدي دي مني انا بقى :blink:

mfb: