اضحك من القلب just lough heheheheeh‎

[badroora]

:closedeyes: واحد بلدياتنا حب ينتحر من الدور العاشر رمى نفسه من الخامس مرتين

2.

واحد بلدياتنا فتح محل جواهرجى عمل أول يوم ببلاش " ياحرااااام"

3.

واحد بلدياتنا بيقول لصاحبه شوف العالم الهطلة يدفعوا 25 مليون دولار علشان بن لادن أمال لو كان بن محوج كانوا عملوا إيه

4.

واحد بلدياتنا سافر بره خمس سنين متواصلة لما رجع القاهرة لقاهم بيحتفلوا بسبوع إبنه بقى ماشي فرحان أوي ويقول موجودين بنخلف مش موجودين برضه بنخلف

5.

واحد بلدياتنا راح أمريكا لقى الناس لابسين تي شيرتات مكتوب عليها بيبسي وكوكاكولا لما رجع البلد كتب على التي شيرت بتاعه عصير جصب

6.

الأمريكان والروس بيترسموا على بعض ... الأمريكان يقولوا إحنا أول ناس طلعنا القمر والروس يقولوا لا إحنا أول ناس طلعنا القمر ... واحد بلدياتنا كان واقف إضايق أوي قالهم إنتوا لما طلعتوا القمر لقيتوا إيه هناك ؟؟؟ قالوله طوب ورمل وزلط قالهم إحنا اللي مطالعينه

7.

واحدة بتقول لجوزها الواحد بلدياتنا عمرك ماقلتلي كلمة تحسسني إن أنا مرآتك قالها إنتي طالق

8.

جماعة صعايدة سمعوا عن إختراع إسمه السيفون حبوا يعرفوا هو إيه بعتوا واحد منهم أمريكا لما رجع قالهم أما السيفون ده حتة إختراع يا رجاله تدوس على السيفون ويا تلحق تشرب يا متلحقش

9.

واحد بلدياتنا مفتاح عربيته ضاع ميكانيكي جه فتحاله بطفاشة تاني يوم عمل نسخة من الطفاشة

10.

واحد بلدياتنا حب واحدة إتجوز أختها علشان يضمن يشوفها كل يوم

"ياعينى على الحب"

11.

واحد بلدياتنا خرج من الجيش ومعهوش أي صنعة فتح كشك شرطة عسكرية

12.

اتنين صعايدة بيلعبوا شطرنج الملك مات مشلول "اكييييييييييييييييد"

13.

بيسألوا واحد واحد بلدياتنا بيقولو له المصري بنى الأهرامات والياباني بنى إيه ؟؟؟ قالهم بنى سونيك

14.

واحد بلدياتنا إشترى كمبيوتر شال الفارة وحط جاموسة

15.

واحد بلدياتنا عاوز يزور فلوس جاب ورقة بعشرين جنيه وزورها بالضبط بس غلط وكتب بدل الـ 20 (18) وراح يفكها من القاهرة راح لأول واحد قاله عايز أفك الورقة دي الراجل قاله الله يخرب بيتك زورتها إزاى وخد الورقة ومشي وإستغرب أوي إن الراجل عرف دي مزورة منين وقال أنا هآرجع البلد أفكها من هريدي ولد عمي راح لهريدي قاله والنبي ياهريدي فك لي الورقة دي قاله والله مفيش جنيهات تآخد ورجتين بتسعة

16.

عشرة صعايدة ماشيين ورا بعض وقعوا في حفرة واحدة

17.

واحد بلدياتنا إشترى موبايل ركبله جهاز إظهار رقم الطالب

18.

واحد بلدياتنا إتفرج على إعلان مارلبورو تاني يوم راح إشترى حصان

19.

واحد بلدياتنا جاى ينزل من باب العربية لقي الدنيا بتمطر راح نازل من الباب التاني

20.

عملوا مسابقة للي يجيب أكبر قطة جابوا واحد بلدياتنا وألماني وأمريكي الألماني دخل جاب قطة 5 كيلو والأمريكي دخل جاب قطة 10 كيلو الواحد بلدياتنا دخل ساعة ساعتين ولسه مخرجش دخلوا يشوفوه لقوه ماسك فيل وقاعد يضربه ويقوله هتنونو يعنى هتنونو

21.

واحد بلدياتنا دايخ في كل محلات الموبايل ومش لاقي طلبه وراح شركة نوكيا برضه مش لاقي طلبه علشان عايز موبايل بقرص

22.

واحد بلدياتنا إشتري عربية شبح طلع على الطريق السريع علشان يجربها فشغل الراديو لقي المذيع بيقول هنا لندن الواحد بلدياتنا قال يلعن أبو السرعة

23.

واحد بلدياتنا بيعمل كشف نظر طلع نظره 6/6 فبيقول لصاحبه أنا كنت ممكن أجيب أكتر من كده بس الدكتور اللي لخبطني

24.

واحد بلدياتنا صغير بيسأل أبوه بيقوله ليه ربنا خلق لنا الودان قاله علشان نعرف العمة هتجف لحد فين

25.

واحد بلدياتنا واقف قدامه 5 شياطين 1 بيوسوسله و 4 بيفهموه

26.

واحد بلدياتنا نزل في محطة الرمل رجله غرزت

27.

مدرس حشاش كان بيعلم التلاميذ في الفصل ج ضمة ج جوزة ... ح فتحة ح حشيش ... ب فتحة باء بانجو

28.

بيحششوا في متحف برونز حصل كبسة الثلاثة عملوا تماثيل أول واحد الضابط ضربه بالقلم قال أي الضابط خده تاني واحد الضابط ضربه بالقلم قال أي الضابط خده ثالث واحد الضابط بيضربه بالقلم راح قايل تنننننننننن

29.

مسطول بيقول لصاحبه إمبارح شفت فيل أحمر طاير فوق عمارتنا صاحبه قاله ياكذاب هو فيه فيل أحمر

30.

مسطول راح محطة بنزين لقي شلة بنات واقفه حب يترسم قاله إملالي بـ 500 جنيه بنزين

31.

مسطول إتصل بنمرة قالهم محمود موجود قالوله لأ النمرة غلط قالهم مادام النمرة غلط بتردوا ليه

32.

مساطيل دخلوا متحف لقوا هيكل عظمي مكتوب عليه 1600 ق .م فواحد بيسأل الثاني إيه 1600 ق.م دي ؟؟؟ قاله تلاقيها رقم العربية اللي خبطته

33.

مسطول ماشي لقي زحمة جامدة أوي فبيسأل فيه إيه ؟؟؟ قالوله دول بتوع الأرصاد بيشوفوا هلال رمضان فالمسطول طلع وقف معاهم وهم مش لاقيين الهلال فالمسطول بيبص كده لقي الهلال راح قايلهم أهه الهلال أهه إنبسطوا منه أوي وإدوله 10 جنيه فرح أوي راح باصص الناحية التانية وقايلهم فيه هلال تاني أهه

34.

مسطول بيقول لصاحبه تصدق إن بوش جاي مصر بكرة ..!!!؟؟؟ قاله علي الطلاق الأهلي يغلبه

تم تعديل 17 يونيو 2007 بواسطة نجفة المغرورة

[قديم]

18. واحد بلدياتنا إتفرج على إعلان مارلبورو تاني يوم راح إشترى حصان

اشتــري حصان برد و يا تحفه تحصل باكبر العائلات ..

حلويييييين يا تحفــه . ورايقين . \دائم مواضيعك حلوه وخفيــفه ..

بس صار لك كم يوم تجمعي فيهم ..

[الحازم حسن]

المرة دي حلوين :closedeyes:

[semsema]

تسلمي يا نجفه..

جايه في وقتها المناسب بعد الامتحانات الله ياخدها .. ويخليكي لينا..

[Ahmad Farahat]

نجفة

بصراحة نكت مبدعة

روعة

ربنا يخلي أيامك كلها سعادة

[badroora]

الحمدلله انهم بسطوكوا

الاخ قديم : النكت جمعها لن يكلفنى شيء هى جتلى عالاميل قول اشارككم بيها

الاخ الحازم حسن : الحمدلله انهم عجبوك :lol:

العزيزة سمسمة يا رب يجعل كل ايامك سعادة وتسعدنى بنجاحك ونباركلك يا رب

العزيز ارسين : ربنا يباركلك وينجحك ونباركلك قريب يا رب

[kokowawa1979]

عايزين كل يوم من ده يا نجفة - مش يوم آه و10 لأ :lol:

[عبده بيه]

برافوا عليكي يا نجفة هانم

[النسر المصري]

هم اي نعم قدام شوية ياسيستر نجفه..... :lol:

بس حلوين بردو :)

بالذات النكته بتاعت المسطول والهلال دي...... :)

دي كنت بقولها لصحابي واحنا في الابتدائيه زمان....كانو بيسخسخو على روحهم من الضحك :D

ايييه بقى الكلام ده بقالو سبعه وعشرين سنه :lol: والله زمان يازمان

[desert_eagle70]

شكراً على الإبتسامات الحلوة دى . جاية فى وقتها

[badroora]

عايزين كل يوم من ده يا نجفة - مش يوم آه و10 لأ :lol:

حاضر يا كوكوا انت تئمر كل ماتوقع فى ايدي اى حاجة ترسم البسمة على شفاه الخلق مش هتردد فى ادراجها هنا :lol:

[badroora]

برافوا عليكي يا نجفة هانم

ميرسي جدا ليك يا عبده بيه :lol:

[badroora]

شكراً على الإبتسامات الحلوة دى . جاية فى وقتها

لا شكر على واجب

بس فعلا زى ماقولت مش عرفة لية الايام دى حسة انى مهمومة ومخنوقة وعشان كدا بحاول الاقي اى حاجة تبسطنى واعملها ولاقيت النكت دى نستنى شوية الزهق اللى انا فية قولت ندرجها هنا جايز تنسي الناس شوية من الهموم اللى احنا فيها

تحياتى :lol:

[badroora]

هم اي نعم قدام شوية ياسيستر نجفه..... :lol:

بس حلوين بردو :)

بالذات النكته بتاعت المسطول والهلال دي...... :D

دي كنت بقولها لصحابي واحنا في الابتدائيه زمان....كانو بيسخسخو على روحهم من الضحك ;)

ايييه بقى الكلام ده بقالو سبعه وعشرين سنه :lol: والله زمان يازمان

معلش يا نسر استحملهم بقي واعتبرهم تجديد لزكرى شبابك المجيد :) :D

[قديم]

مجمــوعه نكــــت .

وعنا لامــر السيده / نجفــه المغروره

محشش شاف لافتة مكتوب عليها: مزرعة أبقار... سأل راعي المزرعة: كيف تزرعون البقر ؟ قال له بإستعباط : نرش سكر ويطلع بقر . راح المحشش ثاني يوم ورش سكر .. رجع ثاني يوم شاف النمل مجتمعين ، قال : ياحليل البقر وهم صغار !

محشش يقول لمحشش جنبه : عيني حمراء ، وش أسوي ؟ قاله ‎: اذا صارت خضراء امش !

محشش وأهله قاعدين حول أبوه يبي يموت ، يوم تقلبت عيونه صارت بيضاء ‎...

قال المحشش ‎: بس وخروا وخروا يبي يرجع ريوس

محشش قاعد يناظر مباراة ريال مدريد ، سمع المذيع يقول فاول لصالح رونالدو ‎،

قال ‎: تصدقون توني أدري ان اسمه صالح!

محشش محمل حجاج وقاعد يوصيهم ‎:إن شديتوا حيلكم رجعنا قبل العيد !

محشش طلعت له حبه في رأسه... قال له الدكتور: تحكك ؟ قال : لا أنا أحكها

واخيـــرا .

رأى ثعلب غراباً فوق شجره وفي فمه قطعة جبن .. فقال : ياغراب غني لي بصوتك الجميل . فوضع الغراب قطعة الجبن تحت جناحه .. وقال : تحسبني الدلخ اللي بكتاب المطالعة

تم تعديل 20 يونيو 2007 بواسطة قديم

[badroora]

مجمــوعه نكــــت .

وعنا لامــر السيده / نجفــه المغروره

محشش وأهله قاعدين حول أبوه يبي يموت ، يوم تقلبت عيونه صارت بيضاء ‎...

قال المحشش ‎:

بس وخروا وخروا يبي يرجع ريوس

جميلة اوى اوى اوى

محشش محمل حجاج وقاعد يوصيهم ‎

:إن شديتوا حيلكم رجعنا قبل العيد !

.

حلوين تسلم ايدك

تم تعديل 20 يونيو 2007 بواسطة نجفة المغرورة

[mohamed_mido87]

السلام عليكم

ازيك يا نجفه بجد نكت جميله قوى

اول مره اضحك من قلبى من اول الامتحانات تسلم ايديكى

احلى سلام

[shahd]

نجفة الأمورة نكت حلوة جدااااااا.. اضحك الله سنك :lol:

[تيتو]

هايلين اوى يا نجفة

شكرا ليكى

وفى إنتظار المزيد

[نبض الابداع]

نياهاهاهاهاهاهاهاهاهاهاهاهاهاها

تسلمي ضحكتبنا حنه ضحيكة