سؤال مجنني : حد يعرف من اللي خان الخليلي ؟

[Ghost]

من زمان و انا دائما اسال نفسي مين يا ترى اللي خان الخليلي ؟

طب الخليلي بعد ما اضحك عليه , عمل ايه في اللي خانه ؟ هل الخائن قدر يهرب بجريمته ؟

سؤال اخير معلش , بس مجنني هو الاخر

ام الخلول قبل ما تخلف خلول , كانوا بينادولها و بيقوللها ايه ؟ md2: :wub: :lol: :lol: :lol:

اللي يعرف الحل يتصل بي بسرعة حتى لو في عز الليل , لاحسن مش عارف انام من القلق و الانهيار و الحزن من اللي خان الخليلي

[miramar]

سلامتك خير ان شاء الله

المرض ده عندك من زمان

لو انت طالب يبقى اكيد متعقد من الامتحانات

و لو انت مدرس يا إما طلعوا عينك في التصحيح أو المراقبة في اللجان

شوف انت تاخد دش سخن و تلبس هدوم تقيلة و تتدفى و متنساش تشرب ينسون

ماشي و خلي ماما ترقيك

و مش ملاحظ علاقة بين خان الخليلي و أم الخلول كلهم بيخلخلوا

ميمو

اللهم اغفر للمؤمنين و المؤمنات و المسلمين و المسلمات الأحياء منهم و الأموات

[Ahmad Farahat]

لا حول ولا قوة إلا بالله العلي العظيم

شوف يا ابني متتفرجشي على برامج التليفزيون أو نشرات الأخبار

وماتكلش سمك ولا بيض

واحنا عملنا اللي علينا والباقي على ربنا

[Ghost]

و مش ملاحظ علاقة بين خان الخليلي و أم الخلول كلهم بيخلخلوا

مهو انا ان ام الخلول هي اللي خانت الخليلي ,,,, مش شايف يا ابني حرف الخاء ,, هو سبب العقدة

و الخليلي المظلوم اخر من يعلم

صعبان علي قوي

وماتكلش سمك ولا بيض

ليه , هو انا برعي ( بضم الباء )

مقتبس من شاهد ما شافش حاجة

[badroora]

يعود تاريخ خان الخليلي إلى القرن الثامن الهجري، حيث تعني كلمة خان "فندق" وكلمة الخليلي تشير إلى من قام ببناء هذا المكان، وهو الأمير المملوك "شركس الخليلي" الذي ينسب إلى منطقة الخليل في فلسطين، حيث قام ببناء الخان عام 1382 ميلادية ليستضيف فيه زملاءه من التجار، فعرفت المنطقة منذ ذلك التاريخ باسم خان الخليلي.بعدها بسنوات قليلة وتحديدا عام 1388 وفي عهد السلطان برقوق، تحول الخان إلى مركز تجاري، كان يعد من أكبر المراكز في منطقة الشرق، فقد كان عبارة عن حي صغير به سلالم وبعض البيوت. يحد الخان من الشرق مسجد الحسين ومن الجنوب حي الموسكي، ومازال معماره الأصيل باقياً على حاله منذ عصر المماليك وحتى الآن، ليظل طوال عمره الممتد على مدار 625 سنة، مقصدا مهما ‏ ‏للسياحة في مصر، حيث يشتمل على الحرف التقليدية والتراثية، ومئات العمال والحرفيين الذين يمتهنون الحرف والصناعات اليدوية، مثل السجاد والسبح والكريستال والمشغولات الفضية والنحاسية وصناعة البردي وصناعة الحلي الذهبية والفضية ‏والتمائم‏‏ الفرعونية وكانت أرض الخان قبل إنشائه أرضاً مخصصة لدفن الخلفاء الفاطميين، وتقول بعض الروايات القديمة إن المعز لدين الله الفاطمي، اختار هذه المنطقة لدفن أجداده، هؤلاء الذين اصطحب رفاتهم معه بعد قدومه من المغرب، وأنه خصص لهم على هذه الأرض مقبرة لدفنهم فيما عرفت لاحقا ب "ترب الزعفران".واستمر الحال في تلك المنطقة على هذا النحو حتى جاء قنصوه الغوري، فقام بهدم ترب الفاطميين - مقابرهم - وبنى مكانها مجموعة من "الأربع" - جمع ربع بفتح الراء - أقدمهم ربع السلحدار الذي لا يزال قائما حتى اليوم، وهو عبارة عن بناء مربع الشكل يضم غرفا كثيرة كانت مخصصة للإيجار للغرباء الراغبين في النوم والراحة.

يلا بقي طفي النور ونام وريحنا md2: .

تصبح على خير ويا رب تكون ارتحت

خان الخليلي

[عبده بيه]

خان الخليلي وام الخلول

وحاول ترجع لاساس التسميات القديمة والتي ما بعد الدولة الفاطمية هتلاقي العجب وممكن ترجع للريف المصري وانت مش هتنام بالمرة

[Ghost]

كل الكلام ده , و الواحد طول الليل مش عارف ينام و احلام اليقظة فوق دماغه

و الواحد على السرير عامل زي ما يكون في حلبة المصارعة , مش عارف بينام و لا بيتخانق

الحر المنييييل ده مخلي الواحد لا عارف يفكر في مين الخان الخليلي و لا حتى في ام اربعة و اربعين

بس الجو لما يتعدل هرجع افكر فيهم تاني :lol:

و لن يهدئ لي بال طالما ان شبرا واحد من ارض الواطن ....

اده الواحد سخن و لا اية md2: :wub: