حول مصادر مياه الشرب

[shawshank]

.

[عبده بيه]

صعباتخاذ القرار بعد ما كانت المياة العادية يعني الحنفية او الطرنبة كانت في قمة النظافة واصبحت الان في قمة التلوث

واصبح الشعب المصري كله مريض بأمراض تلوث وغيره

حسبي الله ونعم الوكيل فيكم يا حكام مصر

[تيتو]

الميه دخلت ع المجارى

والمجارى دخلت ع الميه

والحياة ماشية

واهى كلها ميه والسلام

[عادل أبوزيد]

مياه الحنفية مفروض أنها مصدر جيد للمياه ، و أنا أعيش فى مدينة نصر فى الدور الأول و لا يوجد خزان مياه خاص بالمنزل.

بعض من يستخدمون خزان مياه يشكون بين الحين و الآخر من تلوث المياه و أتصور أن ذلك يرجع لتلوث الخزانات الخاصة بهم.

لاحظت تراكم ما يشبه صدأ الحديد فى الفلتر الذى تمر عليه المياه إلى صانع الثلج فى الثلاجة و سأقوم بتغيير الفلتر. و نفسى تراودنى للإنتقال إلى إستخدام المياه المعدنية و لكنى أتشكك فى مدى نقائها مقارنة بمياه الحنفية.

فى الساحل الشمالى أستخدم المياه المعدنية لأن المياه المتوفرة فى القرية تكون مخزنة لفترة طويلة و أحيانا بها رائحة عطانة.

[أسد]

إخترت مياه معدنية ومصادر أخرى ..

لأننا في السعودية لا نشرب مياه من الحنفية .. ولا مياه معدنية .. ولكن نشرب مياه شرب صحية .. وهي مياه محلاة ولكن نشتريها في قوارير . ولكن معاد تحليتها وتنقيتها ومعالجتها بشكل أكبر ..

أما مياه الحنفية في السعودية فيستحيل التعامل معها للشرب أو حتى إستخدامها في إعداد الطعام .. لأن المياه تأتي للمنزل مرتين أو ثلاثة في الأسبوع وتخزن في خزانات أرضية .. ومن ثم ترفع لخزانات علوية .. ثم تأتي للحنفية .. ولا أعتقد أن مياه مرت بتلك المراحل هي صالحة للشرب ..

أما في مصر .. فأنا أشرب مياه معدنية .. أو المياه الجوفية التي تباع في قوارير ... وأخشى من شرب مياه الحنفية .. اللهم إلا إذا كنت مضطراً بشده لذلك ... ولكن تستخدم مياه الحنفية في إعداد الطعام .. علماً بأنني أسكن في عمارة كبيرة في الدور العاشر .. ونستخدم مواتير لرفع المياه مباشرة دون إستعمال أي خزانات .. ولكني ألاحظ وجود شوائب في المياه في أغلب الأحيان .. أعتقد أنه بسبب عدم نظافة المواسير وقوة دفع الموتور ...

[Folana]

السلام عليكم ورحمة الله....

اخى الفاضل شاواشنك.....لم اشارك فى التصويت لانى مش عارفة ما المقصود بمصادر اخرى.؟.....

فانا لا استخدم مياه الحنفية ولا المعدنية - الا للضرورة - ولا الجوفيه...لتشككى فى مصادرها.......لكنى باشرب طبعا...

باستخدم فلاتر ...بس مش عارفة دى تعتبر مياه حنفية ولا لأ.....

يوجد جهاز بيركب على مصدر المياه ..على الماسورة...بيعمل على عدم تكوين اى رواسب فى المياه والتخلص من الشوائب...بالاضافة الى الفلتر العادى اللى له خزان وحوالى سبع شمعات بتمر عليهم المياه لتحصل فى النهاية على كوب ماء نظيف.....

كنت من مستهلكى المياه المعدنية بصفة دائمة حتى فى الطبخ...ولكن عندما قررت تركيب فلاتر ...قام المهندس المختص بتحليل كوب من ماء الحنفية..وكوب من ماء معدنية....ومش قادرة اوصف اللى شفته فى الكوبين...

نسبة تلوث غير عادى...واجسام غريبة بدات تطفو فوق السطح.....اكتشفت ان الماء له لون وطعم ورائحة بس احنا اللى مش واخدين بالنا...وبالفعل ..انا لو تواجدت فى مكان وشربت كوب ماء باقدر اعرف على طول انه من الحنفيه....اصبح لها طعم مختلف

.ومن يومها قررت مقاطعة المياه المعدنية الا اذا كنا فى الخارج .....ده بالاضافة الى ان ماء الحنفية اصبح محرم دوليا عندنا ...

وان كنت اعتقد ان المياه فى مدينة 6 اكتوبر وضواحيها تعتبر انقى من القاهرة ومدينة نصر...وهذا الكلام على لسان موزع الفلاتر.....

ده بالنسبة لموضوع التصويت...اما لو حنتكلم عن تلوث المياه واختلاطها بمصادر اخرى.....فهذا يحتاج لعودة اخرى...:lol:

أسعد الله صباحكم....... :unsure:

[الحازم حسن]

كنت من مستهلكى المياه المعدنية بصفة دائمة حتى فى الطبخ...ولكن عندما قررت تركيب فلاتر ...قام المهندس المختص بتحليل كوب من ماء الحنفية..وكوب من ماء معدنية....ومش قادرة اوصف اللى شفته فى الكوبين...

نسبة تلوث غير عادى...واجسام غريبة بدات تطفو فوق السطح.....اكتشفت ان الماء له لون وطعم ورائحة بس احنا اللى مش واخدين بالنا...وبالفعل ..انا لو تواجدت فى مكان وشربت كوب ماء باقدر اعرف على طول انه من الحنفيه....اصبح لها طعم مختلف

لم افهم ما هو المقصود بالتلوث المياه المعدنية أم مياه الحنفية ؟؟؟

[Folana]

لم افهم ما هو المقصود بالتلوث المياه المعدنية أم مياه الحنفية ؟؟؟

السلام عليكم ورحمة الله....

اقصد مياه الحنفية ..والمياه المعدنية.....لان المسئول عن تركيب الفلتر اراد ان يثبت لى ان المياه المعدنية ايضا غير نقيه.... وعمل تحليل لكوب ماء من الحنفية واخر معدنى...وكانت نفس النتيجة تفريبا.....لو ن الماء تحول الى السواد واحيانا الى اللون الاخضر المماثل للون الماء الراكد مع ظهور اشياء واجسام طافيه ...كانت النتيجة دى فى كوبين الماء ...وده اللى خلانى اشك ان المياه المعدنية ممكن تكون معبأة من الحنفيات ايضا....,الله اعلم

[badroora]

زمان فى بلدنا كنت احب اوى طعم ماية الطرومبه وماية ماكينة الرى والحنفية احيانا

لكنى دلوئتى مافيش طرومبة ولا ماكينة راى والحنفية بقت الماية شكلها لا يشجع عالشرب يا اما لونها مبيض او صفراء او طعمها غريب .

شكل البلد بقت بتغش حتى الماية .

هنا طبعا فى الخليج بنشرب معدنية عشان مافيش مصدر غيرها ماية الحنفيات لما تفتحها تلاقيها فيها فوووم كأن عليها صابون وغير انها بتغلى اساسا .

الله يستر عالناس وعلى اهالينا ويبعد عنهم الفشل الكلوى من اثار المياة الملوثة والنيل اساسا اللى هو مصدر مياه الحنفية بقي ملوث وبيترمى فيه اى حاجة

وانا فى الكلية كان فى تريب بنعملها بنزور كل او معظم محطاطات تكرير الماية والله كتير كنا بنلاقي حمير وحيوانات ميته جنب المصفة الكبيرة اللى بتنقل الماية للمحطة ولما كنت باشوف منظر الحاجات اللى بتطلع كنت باكره حتى اشرب الا اذا نسيت

بعد كدا عملنا زيارة لمحطات تكرير واعادة استخدام ماية المجارى :lol:

والله لاقيتها مافرقت كتير عن محطة تنقية مياه الشرب بل بالعكس الحاجات اللى كانت بتطلع كانت ااقل من اللى بنلاقيها فى مياه الشرب

وغير انها بيكرروها وينقوها وسالناهم اوعى تكونو ا بتشربونا من الماية دى قالوا لا دى بنسقي بها الجناين العامة

بس انا لا استبعد انهم استخسروها وزقوها على مياه الشرب واهو منها واليها ودى دورة الحياة

اوعى اكون قرفتكم ولا حاجة حبيت بس اشارك براى

نجفة