اسمحوا لي بالاستراحة

[Ghost]

بعد طول اخذ و رد مع نفسي

لقيت النت ده يا اخونا رهيبببببببببببب و الله وهيبببببببببببببب

جاذبية لا تقاوم

عامل زي عفريت الفانوس السحري , لما تعوز اي حاجة , تدعك الفانوس ( النت ) و تجيب اللي انت عاوزه :lol:

النت عندي مسئول كبير عن زيادة الوزن و ارهاق العين :sad:

النت مسئول عن ضياع الوقت بافراط

النت جعل مراتي بتشد شعرها مني و عاوزه تكسر لوحة المفاتيح فوق دماغي

النت ادمان عصري لذيذ , جعل الواحد عنده لا مبالاه بما حوله و كل نشاطه من خلاله :happy:

قلت لا و الف لا

احنا رجاله و وقفنا و قفة رجاله

و بعد المداله و الدفاع صدر حكم بتقليل الجرعة من النت علشان مستوى النت في الدم عالي جدا و ممكن يصل للمخ و انتم عارفين المخ مش ناقص

و ها كون معاكم باذن الله , انتم احبابي و اخواني و اصحابي

تقبلوا قبلاتي :wst:: :roseop:

تم تعديل 24 يونيو 2007 بواسطة Ghost

[عادل أبوزيد]

التعامل مع الإنترنت يتطلب نوعا من الإنضباط الذاتى ، التعامل مع دور الكتب و المكتبات العامة و الصالونات الثقافية فى الواقع الحقيقى تحكمه ضوابط نلتزم بها مثل مواعيد الصالونات و مواعيد فتح و إغلاق المكتبات العامة.

ما سبق كان إستهلالا لابد منه

الوضع بالنسبة للإنترنت يختلف كثيرا فالشبكة الدولية مفتوحة طوال الأربع و العشرون ساعة كما أنه من العادى أن تقرأ معلومة معينة ثم تبحث ورائها فى مئات المواقع و قد تجد إضافات أو قد لاتجد.

كما أنه من الممكن أن تتعامل مع الإنترنت كوسيلة لإضاعة الوقت بلا هدف و بلا إهتمام جاد بما تقوم به و يظهر ذلك من مواقع "طق الحنك" حسب تعبير الشوام.

أرى أن الملائم هو أن تضع لنفسك الضوابط المنطقية لإستعمال شبكة الإنترنت و بالنسبة لتعاملك مع محاورات المصريين كصالون ثقافى و سياسى أرى أن يكون تركيزك فى إثراء الحوار الراقى لو وجدت ما يستحق الإضافة أو قل أرى أن تحصر مشاركاتك متابعاتك فى مكان واحد فقط - أيا كان هذا المكان - لأن غير ذلك يؤدى إلى أن تستدرج فى حوار هنا و نقاش هناك و ثرثرة فى مكان ثالث و يضيع منك الكثير من الوقت دون أن تدرى.

يمكن أيضا أن تخصص بعض الوقت للمشاركة فى المواقع المهنية و الإخبارية و أيضا من المستحسن إختيار موقع واحد فى كل حالة.

بالنسبة لمشاركاتك فى محاورات المصريين أرى أن مشاركاتك دوما تمثل إضافة جادة أنا شخصيا أسعد بها جدا.

و فى النهاية الأمر الذى لا يدرك كله لا يترك كله.

[badroora]

انا اتفق مع زوجتك يا غوص يا اخويا

بس لي عندك عتاب صغير من اخت ليك

يعنى انا بعانى من نفس المشكلة وباقعد فى اليوم اكثر من 12 ساعة عالنت بس طبعا معظمهم قراية وبحث يعنى للاسف مش بقيت اعرف امسك كتاب واذااكر منه اى حاجة عاوزاها الج للنت

بس عندى اسبابي

اولا انا فى غربة ومش باحب الخروج كتير اذن النت هو وسلتى الوحيدة

ثانيا بيني وبين التلفزيون عداوة يبقي مافيش غير النت

صحبتي اللى مشركانى فى الشقة مدمنة تليفزيون يعني عشان اقعد معاها اكلمها يبقي لازم اقعد قدام التلفيزيون يبقي مافيش غير النت

قدامى

اما انت بقي يا اخى العزيز متجوز واكيد عندك اولاد انا لو منك اقعد العب مع ولادى لحد ماتهد وانام والنت دا يبقي كدا خفافي

هو النت حلو وبياكل الوقت لكن لا تنسي ان فى ناس مسئولين منك وليهم حق عليك ووقتك لازم يكون معظمة ليهم

انا مبسوطة اوى انك اخدت خطوة ايجابية

وسعيدة جدا ومتفقة تماما مع راى الاب الفاضل عادل ابوزيد

وانا بردة هاحاول ارجع للكتب تانى لان النت هتاخد نظرى ومش معقول هاتبقي بالونة ونظارة كدا هتشرك خالص

مبروك يا غوص عودتك للحق wst::

[Ghost]

بالنسبة لمشاركاتك فى محاورات المصريين أرى أن مشاركاتك دوما تمثل إضافة جادة أنا شخصيا أسعد بها جدا.

شكرا استاذ عادل , سأعتبر هذة الجملة قلادة شرف احملها على صدري , و سأضع نصيحتك محل اعتبار

اما انت بقي يا اخى العزيز متجوز واكيد عندك اولاد انا لو منك اقعد العب مع ولادى لحد ماتهد وانام والنت دا يبقي كدا خفافي

ما تيجي يا نجفة تقعدي بدل مني و تلعبي و تفرحي بالعيال , مش انا بس , دا ام العيال راخرة عاوزة حد بدلها يقعد و يلعب مع العيال , ما هو على رأي المثل " اللي ايده في الميه مش زي اللي اللي ايده في النار"

[Ahmad Farahat]

والله يا جوست أنا زيك

لدرجة إني بحمد ربنا إني لسه ماتجوزتش

تم تعديل 25 يونيو 2007 بواسطة Arsen loben

[بنت الشاطئ1]

وانا بردة هاحاول ارجع للكتب تانى لان النت هتاخد نظرى ومش معقول هاتبقي بالونة ونظارة كدا هتشرك خالص

والله ضحكتينى يا نجفة

بالمناسبة انا سألتلك ناس متخصصين فى موضوع البالونة وقالوا ان ليها اعراض جانبية

وقالوا الطرق العادية احسن واضمن

جربى كاس ماء دافئ على الريق ..بيخلص الجسم من الدهون

والله واحده قريبتى مجرباه ده طبعا مع الرجيم وجاب معاها نتيجة مذهلة