حدث بالامس

[الحازم حسن]

أنا أعمل بالسعودية

وبالأمس وفي مكان عملي حدثت مشادة كلامية بيني وبين انسان سعودي في منتهى الفظاظة فطلبت منه اما التزام الادب والاحترام او اني أطرده بره وحصل اللي حصل ولما حاول يتطاول عليا بالضرب ضربته ووقعته على الأرض.

ولما مشي وتحسباً لأي طاريء أخذت رقم السيارة ولما خلصت شغلي وكنت مروح الساعة 3.30 بالليل فؤجئت ب 3 سيارات في الشارع ونزل من كل سيارة 5 بلطجية كل واحد منهم ماسك سلاح في ايده وهو كان واحد منهم

قاومتهم على قد ما قدرت لكن لاني مكنش معايا سلاح وهمه كلهم كانوا مسلحين قدروا انهم يحدثوا بي اصابات كتير ولما صيدلي مصري شاف الواقعة اتصل بالبوليس والاسعاف حضرت 3 سيارات دورية ليلية وسيارة اسعاف وسيارة بحث جنائي وانا في سيارة الاسعاف حصل استجواب بسيط وسط ضحك وابتسامات واستظراف عساكر الدورية وبلغتهم برقم السيارة وقلت لهم انها كامري سودا ولما اتصل على مركز العمليات رجع قال لي ان السيارة صاحبة النمرة المقصودة هي كرسيدا بيضاء ومش كامري سوداء قلت له ازاي انا متأكد مليون في الـ 100% وفجأة عدت سيارة كابريس من الـ 3 اللي شاركت في الاعتداء عليا فشاورت له وقلت دي سيارة من التلاتة الحقهم بسرعة قام بسلامته قال لي طيب وقام حاطط على أقل من مهله راح أخد جهاز اللاسلكيمن على كبوت العربية وركب وربط الحزام وشغل النور وبص لزمايله وقال لهم انا حطلع وراهم وطلع على سرعة 20 كيلو في الساعة وفي المستشفى وبعد الاسعافات الأولية طلبت عمل اشاعة على أماكن مختلفة في الجسم فرد طبيب سوري وقال لازم ورقة من البحث الجنائي تفيد بأنهم لا مانع لديهم من علاجي

واترميت من الساعة 4 الفجر لغاية 6 الصبح وبعد ما خرجت ورحت قسم الشرطة كان كل الضباط وصف ضباط النبطشية نايمين ولما صحيوا أول كلمة

قالها الضابط انت بتشتغل في محل عمل كفيلك

قلت له لأ

قال لي يا تتنزال عن المحضر يا اما احول ملفك لمكتب العمل

قلت له ان كفيلي مفيش عنده عمل مناسب ليا

قال لي مليش دخل يا اما تتنازل يا اما احول ملفك لمكتب العمل

قلت له انت نسيت ان فيه واقعة سطو مسلح وبلطجة وضرب وكل اللي انت فاكره مكتب العمل والجوازات وفضلت اسطوانة التنازل شغاله وكل ما يدخل ضابط عليه

يقول له هأ اتنازل يقول لا ما يبغى ..

يرد يقول له حول ملفه لمكتب العمل

اتصلت على زميل سعودي له علاقات جامدة وناس في الامارة ولما حبيت آخد رأيه في الموضوع قال لي لا تتنازل ولما شافوني وأنا بتصل طلبوا مني انهاء الاتصال فوراً قلت لهم انه محامي وأنا باخد رأيه رد عليا الضابط وقال مش من حقك الاتصال بمحامي

ولما كرر محاولاته للتنازل انفجرت في منتهى العصبية وقلت له مش حتنازل هددني مرة تانية بمكتب العمل قلت له حول الموضوع للامارة لو تقدر وبرضه مش حتنازل قال لي انه حيغرمني 10 ألاف ريال قت لهم خليهم عشرين مش حتنازل

وبعد شوية دخل مجموعة مجرمين سعوديين كانوا ضربوا على بعض نار في مستشفى المنطقة المركزية وعرضوا حياة مرضى للخطر وكان معاهم مصري لقيته بيقولهم اتفضلوا وقال للمصري بالحرف الواحد انت مصري دخلوه التوقيف " التخشيبة يعني " واتفضل المجرمين وحطوا رجل على رجل وكانت جزمهم في وش صاحبنا تقريبا

خرجن من القسم وأنا بسأل يه اللي بيحصل ده وازاي حصل معايا كده رد صاحب العمل السعودي وهو من أصل أجنبي قال لي هنا عصبية وقبلية واستحالة ينصفك وانت اجنبي على ابن بلده حتى لو كان ابن بلده ده مجرم وقال لي كمان انتم المصريين ملكوش سفارة تحميكم

حبيت أعرفكم باللي حصل خصوصاً ان محاولات الضغط عليا للتنازل مازالت قائمة

[Ghost]

أنا و الله يا حازم انعقد لساني عن الكلام

مش متخيل ان ممكن يكون في قلة ادب و انتهاك لانسان مثل ما تتكلم عن نفسك

انا بسمع حاجات كتير , لكن ظلم الغريب لك يهون و يعدي

اما السفارة المصرية ظلمها لك في هذة الحالة أشد مضاضة من وقع الحسام المنهد

ارى انك تساير الامور شوية بدون اي اضاعة لكرامتك

و اذا كنت مش محتاج الشغل و الغربة , اعمل كل ما تقدر علية و بالادب و القانون علشان ما تدخلش نفسك فس ورطة تانيه

ربنا معاك

[Salwa]

هى الحكاية دى حقيقية ؟؟

والا هى مجرد حكاية من ضمن حكايات كتير بتحصل هناك وتثبت ان المصرى على طول الخط مظلوم فى بلده وبرة بلده ؟؟

مفروض انك بتتساءل بدهشة واعتقد انك لاتنتظر اجابة من احد .....بدليل ان اى حل بالنسبة لك هو الظلم نفسه ..

ان تنازلت ....فأنت بهذا تكسر شئ جواك ...تكسره برغبتك ...تعترف بينك وبين نفسك انك لم تستطع الصمود ...وانك خائف ...وانك تخشى الايام اكثر من خشيتك منهم .

..تعترف ان ايمانك ضعيف (( تتنازل لخوفك من ضياع الرزق ))..

.وانك لم تقل الحق وانك هربت من المواجهة ....وانك وانك وانك ...

لم تستطع مواجهة شخص جائر ..

وان رفضت التنازل .....سوف تشعر بالظلم ايضا ...بل سوف تشعر بالظلم اكثر ...عندما يتم ترحيلك ...عندما يضيع مستقبلك ...وسوف يتشدق من حولك (( بسخرية )) ...بتمسكك بمبادئك ...بل سوف ينعتونك بأنك (( زودتها حبتين )) ...وسوف تسمع من يقول ...(( وهى الكرامة والبحث عن حقك الضائع والقصاص ...عملوا لك ايه دلوقت ؟؟ )) ..

بصراحة ...

بصراحة يعنى ...

يخدعك من يقول ان لديه ....الاختيار الافضل ...

فكر انت ....حسب نفسيتك وظروفك ....وقرر..

موضوعك اصابنى بغصة ...شعرت بالسخط ...شعرت بالسخط على ظروف تجبر ابناء البلد (( بلدنا الذى يحكمه من لا يبالى ))

على اللجوء لبلاد

(( اللاانسانيين )) ...

ربنا يهديك للصواب ...

كل تحياتى واحتراماتى ....

[Ghost]

انا عرفت اللي حصل يا عم و ما تشلش هم

نجفة المغرورة , ايوه , نجفة

امبارح يا سيدي لما انت بتسألها عن امتحان الايلتس , و كمان اعطتيها موقع - منيل - ترفع علية الملفات بتاعة الامتحان

هي استنت لما جيت كلمتها عن الموقع بتاعك , و ولعت الدنيا بينا , و مش بعيد تكون متأمرة

لاحظ انها اقعدت توقع بينا يا حازم , و أل ايه " بتهدي النفوس " , وممكن تكون فكرت اني داخل في المؤامرة عليك

شوفت يا سيدي مين اللي معاك و مين اللي عليك ,,, و نجفة تقول : كله علشان خاطر مصر

هههههههههههههههههه اوووووووووووووووووووووووووووووووووو

انا فاهم كل الحجات ديه من اول لحظه , و الدليل " ألولوا "

يا عم متزعلش , و فكها

انا عاوز اقوم لاحسن ايامي مع النت بقت قليليه جدا

و المسموح به اقل من القليل , مراتي يا خوياااااااااااااااااااااا

هو انا متجوز الكمبيوتر و لا الكمبيوتر ؟

سلام يا حبيبي , و خلي بالك من نجفة

[لخبطه]

طبعا نفس اللى قالوه الناس انا متعقد من نفسي بسبب موضوعك والفكره أننا كتير بنتكلم في موضوعات بعيد عننا طيب أهو الموضوع بقا في واحد فينا ماذا نحن فاعلين مش عارف اقول ايه

لكن انا هحط نفسي مكانك واقولك انا هعمل ايه

أول حاجه مافيش تنازل حتى لو ادت لترحيل ودا مش هيحصل دا مجرد تهديد من الضابط اللى مش فاهم زي باقي الشرطه هنا (روحت لواحد فيهم بقوله حصل سرقه عندي في المحل وشافوا واد بينط من شباك المحل سالني هما شافوه وهو بينط من الشباك لكن شافوه وهو بيسرق!!!!!!!!!!! )

تاني حاجه هحرك الامور على مستوى اصحابي معارفي يعني مافيش مانع ابدا الراجل بتاعك اللى عارف ناس دا يتدخل ويعمل اللى يقدر عليه

كمان هبعت فاكسات بكامل الواقعة وهقدم تظلم للجهات التالية

مجلس حقوق الانسان ( ودا نشيط أو ي لانه معمول جديد وبيتحركوا )

القنصيله المصرية

ديوان المظالم

إمارة المنطقة

مدير شرطة المنطقة

وانا هبعت لك رساله خاصة فيه حاجه ممكن تفيدك

[الحازم حسن]

أنا و الله يا حازم انعقد لساني عن الكلام

مش متخيل ان ممكن يكون في قلة ادب و انتهاك لانسان مثل ما تتكلم عن نفسك

شكرا يا ghost على مشاعرك

لكن اللي حكيته حصل فعلا وبيحصل كل يوم اللي بيخلينا نسكت عليه اننا لسه متعرضناش له

انا بسمع حاجات كتير , لكن ظلم الغريب لك يهون و يعدي

اما السفارة المصرية ظلمها لك في هذة الحالة أشد مضاضة من وقع الحسام المنهد

ارى انك تساير الامور شوية بدون اي اضاعة لكرامتك

و اذا كنت مش محتاج الشغل و الغربة , اعمل كل ما تقدر علية و بالادب و القانون علشان ما تدخلش نفسك فس ورطة تانيه

ربنا معاك

انا محتاج للغربة وده بسبب مشاكل كتير جدا في مصر

لكن مش محتاج لها للدرجة اللي تخليني أقبل اهانتها

المشكلة كانت في النحياز الغريب والرهيب تعرف لو كنت قلت ان الحرامية دول هنود أو باكستانيين كان الوضع اختلف كتير

[الحازم حسن]

هى الحكاية دى حقيقية ؟؟

والا هى مجرد حكاية من ضمن حكايات كتير بتحصل هناك وتثبت ان المصرى على طول الخط مظلوم فى بلده وبرة بلده ؟؟

آه والله الحكاية حقيقية

مفروض انك بتتساءل بدهشة واعتقد انك لاتنتظر اجابة من احد .....بدليل ان اى حل بالنسبة لك هو الظلم نفسه ..

لو مكنتش منتظر كتابة مكنتش عملت موضوع

ان تنازلت ....فأنت بهذا تكسر شئ جواك ...تكسره برغبتك ...تعترف بينك وبين نفسك انك لم تستطع الصمود ...وانك خائف ...وانك تخشى الايام اكثر من خشيتك منهم .

..تعترف ان ايمانك ضعيف (( تتنازل لخوفك من ضياع الرزق ))..

.وانك لم تقل الحق وانك هربت من المواجهة ....وانك وانك وانك ...

لم تستطع مواجهة شخص جائر ..

وان رفضت التنازل .....سوف تشعر بالظلم ايضا ...بل سوف تشعر بالظلم اكثر ...عندما يتم ترحيلك ...عندما يضيع مستقبلك ...وسوف يتشدق من حولك (( بسخرية )) ...بتمسكك بمبادئك ...بل سوف ينعتونك بأنك (( زودتها حبتين )) ...وسوف تسمع من يقول ...(( وهى الكرامة والبحث عن حقك الضائع والقصاص ...عملوا لك ايه دلوقت ؟؟ )) ..

كلام منطقي جدا لكنه زودني حيرة وأنا كنت بدور على حل

الخروج من البلد مش مشكلة اطلاقاً لكن أخاف أخرج من غير حقي

بصراحة ...

بصراحة يعنى ...

يخدعك من يقول ان لديه ....الاختيار الافضل ...

فكر انت ....حسب نفسيتك وظروفك ....وقرر..

نفسيتي زي الزفت دلوقتي

وأنا مش من النوع اللي بيطاطي

[Ghost]

أنا و الله يا حازم انعقد لساني عن الكلام

مش متخيل ان ممكن يكون في قلة ادب و انتهاك لانسان مثل ما تتكلم عن نفسك

شكرا يا ghost على مشاعرك

لكن اللي حكيته حصل فعلا وبيحصل كل يوم اللي بيخلينا نسكت عليه اننا لسه متعرضناش له

انا بسمع حاجات كتير , لكن ظلم الغريب لك يهون و يعدي

اما السفارة المصرية ظلمها لك في هذة الحالة أشد مضاضة من وقع الحسام المنهد

ارى انك تساير الامور شوية بدون اي اضاعة لكرامتك

و اذا كنت مش محتاج الشغل و الغربة , اعمل كل ما تقدر علية و بالادب و القانون علشان ما تدخلش نفسك فس ورطة تانيه

ربنا معاك

انا محتاج للغربة وده بسبب مشاكل كتير جدا في مصر

لكن مش محتاج لها للدرجة اللي تخليني أقبل اهانتها

المشكلة كانت في النحياز الغريب والرهيب تعرف لو كنت قلت ان الحرامية دول هنود أو باكستانيين كان الوضع اختلف كتير

ما تزعلش يا حازم

انت عارف لما تتكلم و تفضفض معنا هنا و مع حبايبك , هتنسى المشكلة و تهون عليك

المهم تنسى بجد و تبص لبكرة

اللي فات مش هيرجع تاني , و ما تخليش الغد متنكد بما حصل في الماضي الذى ولى و راح

خلاص

انا عارف الوش ده يا حبيبي جالك منين , نجفة

هرجع اقولك تاني

يا لا

تصبح على خير ha)

[الحازم حسن]

طبعا نفس اللى قالوه الناس انا متعقد من نفسي بسبب موضوعك والفكره أننا كتير بنتكلم في موضوعات بعيد عننا طيب أهو الموضوع بقا في واحد فينا ماذا نحن فاعلين مش عارف اقول ايه

لكن انا هحط نفسي مكانك واقولك انا هعمل ايه

أول حاجه مافيش تنازل حتى لو ادت لترحيل ودا مش هيحصل دا مجرد تهديد من الضابط اللى مش فاهم زي باقي الشرطه هنا (روحت لواحد فيهم بقوله حصل سرقه عندي في المحل وشافوا واد بينط من شباك المحل سالني هما شافوه وهو بينط من الشباك لكن شافوه وهو بيسرق!!!!!!!!!!! )

تاني حاجه هحرك الامور على مستوى اصحابي معارفي يعني مافيش مانع ابدا الراجل بتاعك اللى عارف ناس دا يتدخل ويعمل اللى يقدر عليه

كمان هبعت فاكسات بكامل الواقعة وهقدم تظلم للجهات التالية

مجلس حقوق الانسان ( ودا نشيط أو ي لانه معمول جديد وبيتحركوا )

القنصيله المصرية

ديوان المظالم

إمارة المنطقة

مدير شرطة المنطقة

وانا هبعت لك رساله خاصة فيه حاجه ممكن تفيدك

جميل يا لخبطة ربنا يبارك فيك نورتني ومعلوماتك فعلا فادتني كتير

في انتظار رسالتك الخاصة

[الحازم حسن]

أنا و الله يا حازم انعقد لساني عن الكلام

مش متخيل ان ممكن يكون في قلة ادب و انتهاك لانسان مثل ما تتكلم عن نفسك

شكرا يا ghost على مشاعرك

لكن اللي حكيته حصل فعلا وبيحصل كل يوم اللي بيخلينا نسكت عليه اننا لسه متعرضناش له

انا بسمع حاجات كتير , لكن ظلم الغريب لك يهون و يعدي

اما السفارة المصرية ظلمها لك في هذة الحالة أشد مضاضة من وقع الحسام المنهد

ارى انك تساير الامور شوية بدون اي اضاعة لكرامتك

و اذا كنت مش محتاج الشغل و الغربة , اعمل كل ما تقدر علية و بالادب و القانون علشان ما تدخلش نفسك فس ورطة تانيه

ربنا معاك

انا محتاج للغربة وده بسبب مشاكل كتير جدا في مصر

لكن مش محتاج لها للدرجة اللي تخليني أقبل اهانتها

المشكلة كانت في النحياز الغريب والرهيب تعرف لو كنت قلت ان الحرامية دول هنود أو باكستانيين كان الوضع اختلف كتير

ما تزعلش يا حازم

انت عارف لما تتكلم و تفضفض معنا هنا و مع حبايبك , هتنسى المشكلة و تهون عليك

المهم تنسى بجد و تبص لبكرة

اللي فات مش هيرجع تاني , و ما تخليش الغد متنكد بما حصل في الماضي الذى ولى و راح

خلاص

انا عارف الوش ده يا حبيبي جالك منين , نجفة

هرجع اقولك تاني

يا لا

تصبح على خير ha)

انت فعلا هونت عليا وقدرت تخليني أضحك تصور بقالي 26 ساعة من غير ضحك

ربنا يخليك

ولأ لأ متقولش على نجفة كده نجفة دي منورة المنتدى

تصبح على خير

[عبده بيه]

الاخ الحازم نحمد الله علي سلامتك

الحمدلله والشكر له واتمني الا تكون بك كسور اوصدمات وربنا يقويك

اخي الفاضل يبدو انك انسان متزن وعاقل وعندما يصاب الانسان بهذا الوضع يشر بجرح كبير وألم في قلبه

اخي الله يرشدك الي الخير و يهديك

ليس لدي ما اقوله حيث ان الفاضلة مدام سلوي قدمت صورة واضحة وعلي الله السلام

السلام كل السلام

[عبده بيه]

الاخ الحازم نحمد الله علي سلامتك

الحمدلله والشكر له واتمني الا تكون بك كسور اوصدمات وربنا يقويك

اخي الفاضل يبدو انك انسان متزن وعاقل وعندما يصاب الانسان بهذا الوضع يشر بجرح كبير وألم في قلبه

اخي الله يرشدك الي الخير و يهديك

ليس لدي ما اقوله حيث ان الفاضلة مدام سلوي قدمت صورة واضحة وعلي الله السلام

السلام كل السلام

[Abdulaziz Omar]

اوع تتنازل ياحازم

صدقني المشاكل موش حتحصل الا لو اتنازلت.....ساعتها ممكن يتبلوا عليك باي حاجة

انا عارف ان اللي ايده في المية موش زي اللي ايده في النار....وانت طبعا اللي في قلب المشكلة.....لكن انا بكلمك عن خبرة طويلة مع الاشكال دي

قول لنفسك انا صاحب حق وصاحب الحق لازم يدافع عن حقه مهما حصل

ربنا معاك

وبعدين ماتشيلش هم شغلك ولا تفكر فيه دلوقت......لو ربنا كاتبلك رزق هناك والله ولا العالم كله يقدر يمشيك ((واعلم ان الامة لو اجتمعت علي ان يضروك بشيئ....لم يضروك الا بشيئ قد كتبه الله عليك....رفعت الاقلام وجفت الصحف))

[الحازم حسن]

الاخ الحازم نحمد الله علي سلامتك

الحمدلله والشكر له واتمني الا تكون بك كسور اوصدمات وربنا يقويك

الحمد لله والشكر له

اخي الفاضل يبدو انك انسان متزن وعاقل وعندما يصاب الانسان بهذا الوضع يشر بجرح كبير وألم في قلبه

وأي جرح

الله يعلم بي

اخي الله يرشدك الي الخير و يهديك

اللهم آمين

[الحازم حسن]

اوع تتنازل ياحازم

صدقني المشاكل موش حتحصل الا لو اتنازلت.....ساعتها ممكن يتبلوا عليك باي حاجة

انا عارف ان اللي ايده في المية موش زي اللي ايده في النار....وانت طبعا اللي في قلب المشكلة.....لكن انا بكلمك عن خبرة طويلة مع الاشكال دي

قول لنفسك انا صاحب حق وصاحب الحق لازم يدافع عن حقه مهما حصل

والله أنا مش في نيتي التنازل أبداً

لكن ممكن اعرف من حضرتك يتبلوا عليا ازاي يعني ؟؟

ربنا معاك

وبعدين ماتشيلش هم شغلك ولا تفكر فيه دلوقت......لو ربنا كاتبلك رزق هناك والله ولا العالم كله يقدر يمشيك ((واعلم ان الامة لو اجتمعت علي ان يضروك بشيئ....لم يضروك الا بشيئ قد كتبه الله عليك....رفعت الاقلام وجفت الصحف))

صدقت والله

ونعم بالله

[Mohammad Abouzied]

تقدر تشتكي الشرطة في الامارة بكل سهولة والعسكري الى حاول يضغط عليك للتنازل هايخد جزا بالتأكيد خاصة لو اكتشفو انه من نفس القبيلة التي ينتمي لها المعتدي عليك

اما حقك كفله الشرع ومفيش في الشرع مصري ولا سعودي ولا حتى هندي وتأكد ان عساكر الشرطة وصف ضباطها مجرد مجندين لا يتعدى شهاداتهم الابتدائية ولا يملكون الا الكلام فقط

حول موضوعك على الشرع واذا كان كفيلك سايبك تعمل في اي مكان هذا لا يمثل اي تهديد لك بل هو مجرد غرامة على كفيلك فقط ولك حق في نقل الكفالة اذا تم تحويلك لمكتب العمل

علما بان الجوازات هي التي ترحل وفقط في مخالفتك انت للنظام ولا يوجد اي سلطة اخرى تستطيع ترحلك ولو انت في المنطقة الشرقية اتصل علي 0505888729 وممكن ايضا اساعدك لو انت في الرياض ايضا ولكنها سوف تكون محدوده نوعا ما

لا تفقد الثقه في تطبيق الشرع هنا في السعودية وثق في نفسك وتأكد انك ها تاخد حقك

[الحازم حسن]

بالنسبة للموبايل ده 0505888729 دا موبايل مين يا أستاذ محمد ؟

هل هو لشخص تابع للسفارة أو القنصلية

أنا في أبها في جنوب المملكة .. هل في طريقة أو مكان اتصل عليه من هناك

[Abdulaziz Omar]

اقصد ياحازم انهم يقولوا انك لفقت لهم القضية لسبب ما وهي غير حقيقية......ده حصل لو تذكر مع طبيب مصري منذ سنوات عندما تنازل عن حقه.....عموما موضوعك مختلف وواضح علي مايبدو......تمسك بحقك وربنا معاك

[Mohammad Abouzied]

بالنسبة للموبايل ده 0505888729 دا موبايل مين يا أستاذ محمد ؟

هل هو لشخص تابع للسفارة أو القنصلية

أنا في أبها في جنوب المملكة .. هل في طريقة أو مكان اتصل عليه من هناك

دا الموبيل الخاص بي

كلمني وانا اعرف ظباط في الجوازات ومن ابها وانشاء الله خير

اطمئن

الى عاوزه منك ترسل لي بياناتك كامله وايه اصل المشكلة وانا ها اعرضها على عقيد شرطه هنا من ابها وهو هايتصرف

[mesryforever]

يا أخ حازم ربنا معاك وأنا عارف إن السفارة في السعودية مش تتحرك إلا لو كانت حاجه كبيرة قوي

نصيحتي لك إنك تتصل بمقدم برنامج " 90 دقيقة" وتحكيله إلى حصل بالضبط وبدوره يمكن يصحي القائمين على السفارة

لأن التعدي على المصريين زاد عن حده في دول الخليج وطبعاً أصحاب المعالي سفرائنا لن يحركوا ساكن إلا إذا جات لهم أوامر من فوق

أو إتفضحوا على شاشات التليفزيون

ولازم الموضوع ده ميعديش بسهوله ولازم تاخد حقك كامل "ما ضاع حق وراءه مطالب"

وربنا معاك