هيفاء وهبي تتعرض لحادث ارتطام لسيارتها كاد يودي بحياتها

[Ghost]

يا فرحة الستات فيكي يا فوفه يا اوختي , يا عيني عليك يا صغيرة :lol:

تعرضت هيفاء لحادث اليم - قوي قوي - خربش وشها و زعلها قوي :blink:

هيفاء مع اليسا و نانسي عجرم + فتيات العلانات و الفديو كليب مسئولين - حسب دراسة عربية حديثة - عن ارتفاع نسبة هجر الازواج لزوجاتهن و حالات الطلاق ( لأن الازواج يقارنوا بين هذا و ذاك )

و بالرغم من تقليلي لعدد ساعات الجلوس الى النت عموما تدريجيا , و ستصل بعد ثلاثة ايام الى مستوى متدني جدا يتجم عنة غياب شبة كامل للسحب المتوسطة و المنخفضة .... قصدي وجودي بينكم , الا ان هذا الخبر استوقفني كثيرا ,,, لانه اكيد هيريح سيدات المنتدى كثيرا ,, و احتمال يزعل رجالة المنتدي - المدردحين - شوية :lol: :lol:

الخبر من العربية نت

تعرضت المطربة اللبنانية هيفاء وهبي إلى حادث ارتطام طائرة بسيارتها أثناء تصوير مشهد في كليب جديد لها، كاد أن يودي بحياتها في مطار "رياق" العسكري بمنطقة البقاع شرق لبنان. وكانت المطربة اللبنانية تصور مشهدا لكليب أغنيتها الجديدة "حاسة ما بينا في حاجة"، حيث تطارد طائرة مروحية سيارتها المكشوفة، لكن الطيار اقترب أكثر من اللازم فارتطم بالسيارة وتطاير زجاج السيارة وأصيبت هيفاء بجروح في رأسها، كما اندلعت النيران بالطائرة جراء حدوث ثقب في خزان الوقود، فسارعت عناصر قوى الجيش اللبناني لإنقاذ الموقف، بحسب تقرير نشرته صحيفة الأنوار" اللبنانية الاثنين 25-6-2007.

ونقلت هيفاء إثر ذلك إلى مستشفى "خوري" العام، حيث تم علاج الجرح في رأسها وتنظيفه من نثر الزجاج، حيث أكد الطبيب المعالج أنها بخير، واقتصرت الإصابة على رضوض في الرأس والعنق، وبعض التشنج في العضلات. وقال الطبيب إن هيفاء نجت بإعجوبة نظرا لقوة الضربة التي تلقتها على منطقة حساسة من الرأس يوجد تحتها شريان كبير لو جرح لكانت إصابتها في منتهى الخطورة.

المطربة هيفاء عبرت عن شكرها "لله أولاً واخيرا" على نجاتها لإيمانها "العميق بأن أعجوبة حقيقية" هي التي خلصتها. وكانت المؤسسة اللبنانية للإرسال LBC قد بثت تقريراً مفصلاً ليلة أمس حول تفاصيل الحادث، وأجرت لقاءا مع هيفاء في المستشفى، التي تحدثت عن لحظات الرعب التي عاشتها لحظة الارتطام.

[Ghost]

من اجمل التعليقات التي قرأتها على النت بخصوص هذا الخبر , و اضحكني كثيرا هو

" قال ايه هيفاء وهبه تشكر الله .. زمن ***.. يا ريت الطيارة نزلت عليكي و عجنتك عجن لنخلص من شيطان كبير في هالزمن الأغبر .. و بوس الواوا يا رجب " :lol: :blink: :lol:

قلت في نفسي دي اكيد واحدة مفقوعة منها على الاخررررررررر

تم تعديل 26 يونيو 2007 بواسطة Ghost

[semsema]

لأ لأ لأ ..

مش معقوووووول دي زي القط بسبع او(تسع ) ارواح .. بسمعهم يقولوا كدا..

ياريت كانت راحت فيها وارتحنا من تقل دمها و غلاستها..

عارف يا غوست تافهه وهبي عندها كام سنه؟؟

تتوقع كام كده؟؟؟

اهي عدت الاربعين سنه .. عقبالي ..

عمليات التجميل بقى واللي بتعمله..

بس حلوه حتة تشكر الله اولا واخيرا دي..

[Ghost]

اهي عدت الاربعين سنه .. عقبالي ..

معقول يا ناس , 40 سنة ايه

يعني ايه الكلام ده , الواحد ممكن يضحك عليه في الجوازة التانيه بتاعته

الواحد يتجوز واحده لبنانية شبساوية .... تطلع أد مامته

استرها علينا يارب _ بصوت خافت : في الجوازة التانيه - :lol:

[Ahmad Farahat]

هيفاء عندها أربعين سنة!!!!!!!!!!!!

بجد

مش ممكن

مش ممكن

مش ممكن

أمال لو عندها عشرين هيبقى شكلها إيه وهتعمل إيه

عموما أنا متكلمتش عن الحادثة لأن سنها في حد ذاته على اللي بتعمله حادثة في حد ذاتها

[semsema]

ايوه عدت الاربعين... انا كنت بقول عقبالي بس بعد الشر عليا..

على فكره انا عندي صوره ليا قبل ما تعمل عمليات التجميل( الكتيره) اللي عملتها..

بس..

بس..

يادي الاحراج..

مش عارفها انزلها ازاي.. كان نفسي تشوفوها..

[Ahmad Farahat]

ايوه عدت الاربعين... انا كنت بقول عقبالي بس بعد الشر عليا..

على فكره انا عندي صوره ليا قبل ما تعمل عمليات التجميل( الكتيره) اللي عملتها..

بس..

بس..

يادي الاحراج..

مش عارفها انزلها ازاي.. كان نفسي تشوفوها..

شوفتها

بس أنا باتكلم على إنها مش محترمة سنها

متصابية يعني

[اسيرة الاحزان]

Ghost

يا فرحة الستات فيكي يا فوفه يا اوختي , يا عيني عليك يا صغيرة

تعرضت هيفاء لحادث اليم - قوي قوي - خربش وشها و زعلها قوي

هيفاء مع اليسا و نانسي عجرم + فتيات العلانات و الفديو كليب مسئولين - حسب دراسة عربية حديثة - عن ارتفاع نسبة هجر الازواج لزوجاتهن و حالات الطلاق ( لأن الازواج يقارنوا بين هذا و ذاك )

لا حول ولا قوة الا بالله اللهم لا شماتة نحمد الله على سلامتها

لماذا انت شمتان يا استاذ اي حد ممكن يتعرض لمثل هذا الحادث ايضا مش شايفة اي تعليق من اي ست فى المنتدى يعني محدش فرحان كما تقول

عن ارتفاع نسبة هجر الازواج لزوجاتهن و حالات الطلاق ( لأن الازواج يقارنوا بين هذا و ذاك

ليس ذنب هيفاء ونانسي واليسا وروبييييييييييييييي لا تنسى روبي ان كانوا هؤلاء الازواج عيونهم زيغة ايضا الوم زوجاة هؤلاء الازواج لان المرأة العربية حين تتزوج وتنجب الاطفال تهمل هندامها وشكلها لا تجدها اللا فى المطبخ تنسى انها انثي وعليها واجبات اتجاه زوجها كل زوج ينظر الى امرأة اخرى كن متأكد يوجد تقصير فى بيوتهن اوك

[اسيرة الاحزان]

اهي عدت الاربعين سنه .. عقبالي ..

معقول يا ناس , 40 سنة ايه

يعني ايه الكلام ده , الواحد ممكن يضحك عليه في الجوازة التانيه بتاعته

الواحد يتجوز واحده لبنانية شبساوية .... تطلع أد مامته

استرها علينا يارب _ بصوت خافت : في الجوازة التانيه -

عمرها 37 سنة وليس اربعين

ولماذا تتزوج لبنانية ما دامك تقول المرأة اللبنانية مش عجباك خليك مستور مع مراتك الاولى بلاش تتزوج تاني

ولماذا تسخر من المرأة اللبنانية ؟؟؟؟؟؟؟؟؟؟؟؟؟؟؟؟؟

هي بس المرأة اللبنانية تجري عمليات تجميل لا اخي ابحث جيدا فى النت لان معلوماتك كلها غلط

ليه الكل واخد فكرة وحشة عن الست اللبنانية

يا أخوان لبنان فيه 3 مليون مسلم ومسلمة

بيعبدوا ربنا زي كل المسلمين لبنان ليس هيفاء ونانسي و المحطات الفضائية لا تاخذوا بكلام الاعلام

حسبنا الله ونعم الوكيل في كل فنانة أعطت صورة غلط عن بلدها

ايضا ليس بالضروره ان تكون المحتشمه على خلق و التي تتعرى وتلبس القصير المخالف للدين على خلق ولكن لا يعني هذا ان نعمم ونقول كل النساء باخلاق نانسي وهيفاء وروبي او كل امرأة محتشمة على خلق

مع احترامي لكل النساء اعطيك مثل والدتي حجت بيت الله الحرام ثلاث مرات

امرأة ملتزمة بكل معنى الكلمة

وتلبس لباس شرعي محجبة حجاب شرعي

هل امي تنضم لإقائمة هيفاء ونانسي

لا حول ولا قوة الا بالله

بسبب هيفاء ونانسي الثلاث ملاين مسلم ومسلمة سمعتهم فى الطين شيء لا يصدق ازي الناس بتحكم على بلد باكلمها بسبب فنانة سمعتها سيئة

لا اقول اللا الله يهديك يا هيفاء ونانسي وروبي وامثلكم من الفنانات

لكني لا أقبل أبدا بهذه الإهانة للمرأة اللبنانية

لاني بصراحة انا امرأة لبنانية وافتخر

تقبل مروري

تم تعديل 3 يوليو 2007 بواسطة اسيرة الاحزان

[اسيرة الاحزان]

لأ لأ لأ ..

مش معقوووووول دي زي القط بسبع او(تسع ) ارواح .. بسمعهم يقولوا كدا..

ياريت كانت راحت فيها وارتحنا من تقل دمها و غلاستها..

عارف يا غوست تافهه وهبي عندها كام سنه؟؟

تتوقع كام كده؟؟؟

اهي عدت الاربعين سنه .. عقبالي ..

عمليات التجميل بقى واللي بتعمله..

بس حلوه حتة تشكر الله اولا واخيرا دي..

اتقي الله يا اخت سمسمة حرام عليك تتمني الموت لشخص ربنا هوا اللي خلقنا وهوا سبحانه اللي يموتنا

وليه بتقولي عليها تافهة احب اقولك يوجد اتفه منها بكتير تحياتي

لماذا هذه الهجوم على المرأة اللبنانية لماذا ؟؟؟؟؟؟؟؟؟؟؟؟؟؟؟؟؟

تم تعديل 3 يوليو 2007 بواسطة اسيرة الاحزان

[semsema]

اولا احب اقول ان انا مجبتش عمر هيفا وهبي من دماغي انا دايما كنت بقرا في المنتديات والمواقع ان هيا فعلا عدت الاربعين.. ع العموم مش دي المشكله..

وبعدين ممكن اعرف فين الهجوم اللي ع الست اللبنانيه ده.. احنا ما هجمناش حد وهنهاجم اللبنانيات لييييه دول حتى عسل وسكر كمان..

يعني هوا مش عشان جبنا في سيرة هيفا واتكلمنا عليها يبقى اتكلمنا عن اللبنانيات جميعا وهاجمناهم..

وكمان عادي يعني لو اتمنيت ان اي شخص يموت ما دام الشخص ده مخرب وووووو..

يعني بالله عليكي انت ما اتمنتيش الموت لحد خالص.؟؟!!

اما بالنسبه ل: وليه بتقولي عليها تافهة احب اقولك يوجد اتفه منها بكتير ..

ده كلام صحيح يوجد من هو اتفه منها بكتيير زي روبي واليسا وغيرهم كتير بس ده ما يمنعش انها تبقى تافهه..

اللي تسيب بنتها وما تشوفهاش دي تبقى تافها وستين تافها كمان..

شفتها مره بالصدفه ع ال بي سي في برنامج مش فاكره اسمه ايه المهم مقدم البرمامج سألها سؤال عن بنتها اللي ماشفتهاش بقالها كام سنه الله اعلم..

قوليلي وحده زي دي تبقى تافها والا لا..

وبعدين ياستي حقك على راسنا من فوق وما تزعليش احنا ما قلناش حاجه وحشه خالص عن اللبنانيات وانا كمان عندي صديقات لبنانيات وهما محترمات جدا وبحبهم خالص ..

وما تزعليش مني لوكنت قاسيه في كلامي.. انا بس لسه صاحيه من النوم

والورده دي عشانك.. وعليها بوسه كمان..

تم تعديل 3 يوليو 2007 بواسطة semsema

[الحازم حسن]

أهلا بأسيرة الأحزان في منتدانا الجميل

سوء تفاهم ولبس غير مقصود

كله تمام .. سحابة صيف وعدت

[اسيرة الاحزان]

اولا احب اقول ان انا مجبتش عمر هيفا وهبي من دماغي انا دايما كنت بقرا في المنتديات والمواقع ان هيا فعلا عدت الاربعين.. ع العموم مش دي المشكله.

السلام عليكم اخت سمسمة اعتذر عن اسلوبي الفظ نعم مش دي المشكلة المشكلة فى نص الموضوع اللي بيتكلم عن الست اللبنانية انا لا يهمني اذا كنت هيفاء اربعين او سبعين سنة ربنا يديها طول العمر ويديك ايضا طول العمر ويهدي هيفاء وامثالها من الفنانات الى سراطه المستقيم اللهم امين

وبعدين ممكن اعرف فين الهجوم اللي ع الست اللبنانيه ده.. احنا ما هجمناش حد وهنهاجم اللبنانيات لييييه دول حتى عسل وسكر كمان..

يعني هوا مش عشان جبنا في سيرة هيفا واتكلمنا عليها يبقى اتكلمنا عن اللبنانيات جميعا وهاجمناهم..

ده مش اول موضوع اقرأ عن الست اللبنانية كل يومين اقرأ فى منتدايات اسلامية واشوف هجومهم على المرأة اللبناينة مثلا قرأت فى منتدى سعودية من فترة عن لسان امرأة سعودية حاقدة وتكره المرأة اللبنانية تنعت المرأة اللبنانية بالساقطة والفاجرة لماذا لان الرجل السعودية يحب جمال المرأة اللبنانية وهي كانت تعمم لن تحدد شخص معين كانت تقول المرأة اللبنانية وايضا حصل نفس الشيء فى منتدى مصري وكويتي كله كلام مسيء عن المرأة اللبنانية انا رديت بهذه العصبية لاني قرأت كلامكم وسخريتك من امرأة تعرضت لحادث وكادت ان تموت هذا الكلام احزنني جدا ايضا هذه الجملة استفزتني كثيرا

الواحد يتجوز واحده لبنانية شبساوية .... تطلع أد مامته

الاستاذ قال الواحد يتجوز واحدة لبنانية هوا عمم فى كلامه ولن يحدد من تكون هذه اللبنانية

يعني ممكن تكون اي واحدة من نساء لبنان يعني هوا بيسخر من كل امرأة لبنانية وليس فقط هيفاء

وكمان عادي يعني لو اتمنيت ان اي شخص يموت ما دام الشخص ده مخرب وووووو..

يعني بالله عليكي انت ما اتمنتيش الموت لحد خالص.؟؟!!

نعم تمنيت الموت لبوش وشارون بل اتمنى ان اقتلهم بيدي لانهم مجرمين حرب بيقتلوا المسلمين فى كل مكان وبيفتنوا الشعوب العربية وخصوصا المسلمين فى بعض هؤلاء المجرمين لو قتلتهم ساعتها حخلص الكرة الارضية من شرهم لانهم نشروا الفاسد والظلم فى كل انحاء العالم لكن عمري ما اتمنى الموت الى اخ او اخت مسلمة مهما كانت سمعتهم سيئة بل اطلب لهم ان يهتدوا عن طريق الضلال اللي هم فيه

ده كلام صحيح يوجد من هو اتفه منها بكتيير زي روبي واليسا وغيرهم كتير بس ده ما يمنعش انها تبقى تافهه..

اللي تسيب بنتها وما تشوفهاش دي تبقى تافها وستين تافها كمان..

شفتها مره بالصدفه ع ال بي سي في برنامج مش فاكره اسمه ايه المهم مقدم البرمامج سألها سؤال عن بنتها اللي ماشفتهاش بقالها كام سنه الله اعلم..

قوليلي وحده زي دي تبقى تافها والا لا..

اختي سمسمة انا لا اريد ان ادافع عن هيفاء وغيره لكن هيفاء عمرها ما اتخلت عن ابنتها بل زوجها سابقا هوا من انتزع منها ابنتها وحرمها من رؤيتها فى لبنان القانون يحكم للزوج فى رعاية الاطفال لو تم الطلاق بين الزوجين حتى لو كانت اشرف امراة على وجه الارض ده لو الزوج عايز اولاده يعيشوا معاه وزوج هيفاء اخذ ابنته عشان تعيش معاه وحرم امها من رؤيتها دي كل الحكاية

وبعدين ياستي حقك على راسنا من فوق وما تزعليش احنا ما قلناش حاجه وحشه خالص عن اللبنانيات وانا كمان عندي صديقات لبنانيات وهما محترمات جدا وبحبهم خالص ..

انت كمان حقق على راسي لاني كنت قاسية فى ردودي اعذروني انا كنت بدافع عن المرأة اللبنانية وليس هيفاء يوجد الكثير من النساء الشرفاء فى لبنان

وما تزعليش مني لوكنت قاسيه في كلامي.. انا بس لسه صاحيه من النوم

والورده دي عشانك.. وعليها بوسه كمان..

شكرا جزيلا على الورود كلك ذوء كتير حلوين انا مش زعلانة اخت سمسمة انا فقط عقبت على ردك لان ردك فعلا كان قاسي لكن انت كشخص انا احترمك كثيرا واحبك فى الله انت اختي فى الله ولا يمكن ازعل منك ولا من اي اخ او اخت هنا الاختلاف فى الرأي لا يخلف للود قضية اوك

اعتذر من اصحاب الموقع لان دي اول مشاركاتي هنا وما كنت اتمنى تكون بالشكل ده

احبكم جميعا فى الله انت اخواتي واتمنى امضي معاكم اوقات جميلة استفيد منكم وافيد من خبرتي القليلة

wst:: :wub: :wub:

تم تعديل 6 يوليو 2007 بواسطة اسيرة الاحزان

[اسيرة الاحزان]

أهلا بأسيرة الأحزان في منتدانا الجميل

سوء تفاهم ولبس غير مقصود

كله تمام .. سحابة صيف وعدت

جزاك الله خيرا اخي الحازم حسن

اهلا بحضرتك وشكر على الترحيب بيا

وباقة الورود اتمنى ان امضي معاكم اوقات جميلة

بارك الله فيكم جميعا

[ابو محمود]

تعرف فلان ؟اعرفة ! عاشرتة ؟ لأ يبقى ماتعرفوش

انا احب لبنان كل شيء جميل يوجد فى هذا الشعب انهم مميزين لانهم شعب ليس بهم متكاسل او خانع انة شعب جميل حقا ومتطلع الى الكمال تعاملت معهم وجدتهم على خلق وامانة وحب للعمل الجاد ولاكن يعامل المرىء على شاكلتة فأن عاملت انسانآ بأدب بادلنى نفس المعاملة وان عاملتة دون ذلك كان ردة لى كذلك ان المرأة اللبنانية مجاهدة فى اسرتها مثقفة وعلى خلق ولننظر عظمة هذا الشعب اللذى يبنى نفسة رغم قساوة العدوان انة شعب عريق وهذا اقل ما يوصف بة الشعب اللبنانى فلتحيا المراة اللبنانية التى تقدم للامة شهداء قدمو دمائهم فداء لهذا الوطن ورغم ذلك تكافح من اجل بناء الوطن فمرحبا بأى لبنانى او اخت لبنانية فى وطنها الثانى وبين اخوانها المصريين فمرحبا واهلآ وسهلا ونورتينا ياأسيرة الاحزان وكلنا أخوة لكى فهيا الى التناغم والتفاعل مع اخوانك فى المحاورات

[الحازم حسن]

حسبي الله ونعم الوكيل في كل من شوه صورة المرأة اللبنانية

لبنان بوجهين وجه اعلامي قبيح تظهر فيه النساء عرايا الصدور والبطون وهؤلاء قلة قليلة جدا من أبناء الشعب اللبناني كما يحدث عندنا في مصر فبناتنا كلهم متدنين والحمد لله ووجه آخر للبنانيات لا يظهر إلا في وقت الحروب حيث نرى محجبات مهجرات من منازلهم او جثث هامدة في احضان اطفالهم تحت انقاض منزل في مجزرة اسرائيلية

المستفز في الموضوع ان الوجه الاخير لا يظهر أبداً الا في الحروب فقط بينما الوجه الاول الخاص بهيفاء وغيرها يختفى وقتها تماما مثل هيفاء التي انتظرتها طائرة خاص من رجل أعمال كويتي .. شهم .. ونقلتها قبل الحرب الاخيرة على لبنان بـ 24 ساعة إلى خارج لبنان.

لو كان الاعلام رجلا لقتلته

[kokowawa1979]

وياترى فيه حاجة فرقعت من السليكون ؟؟؟؟؟

[semsema]

شكرا جزيلا على الورود كلك ذوء كتير حلوين انا مش زعلانة اخت سمسمة انا فقط عقبت على ردك لان ردك فعلا كان قاسي لكن انت كشخص انا احترمك كثيرا واحبك فى الله انت اختي فى الله ولا يمكن ازعل منك ولا من اي اخ او اخت هنا الاختلاف فى الرأي لا يخلف للود قضية اوك

اعتذر من اصحاب الموقع لان دي اول مشاركاتي هنا وما كنت اتمنى تكون بالشكل ده

احبكم جميعا فى الله انت اخواتي واتمنى امضي معاكم اوقات جميلة استفيد منكم وافيد من خبرتي القليلة

واحنا كمان بنحبك خااااااالص.. واعتذرلك مره تانيه يا قمر

[semsema]

حسبي الله ونعم الوكيل في كل من شوه صورة المرأة اللبنانية

لبنان بوجهين وجه اعلامي قبيح تظهر فيه النساء عرايا الصدور والبطون وهؤلاء قلة قليلة جدا من أبناء الشعب اللبناني كما يحدث عندنا في مصر فبناتنا كلهم متدنين والحمد لله ووجه آخر للبنانيات لا يظهر إلا في وقت الحروب حيث نرى محجبات مهجرات من منازلهم او جثث هامدة في احضان اطفالهم تحت انقاض منزل في مجزرة اسرائيلية

المستفز في الموضوع ان الوجه الاخير لا يظهر أبداً الا في الحروب فقط بينما الوجه الاول الخاص بهيفاء وغيرها يختفى وقتها تماما مثل هيفاء التي انتظرتها طائرة خاص من رجل أعمال كويتي .. شهم .. ونقلتها قبل الحرب الاخيرة على لبنان بـ 24 ساعة إلى خارج لبنان.

لو كان الاعلام رجلا لقتلته

عارف يا استاذ حازم ..انا كنت باسأل بابا وبقوله: بابا مش لبنان اغلبها مسلمين امال ايه اللي احنا بنشوفه منهم في الفضائيات انا حاسه ان الشعب اللبناني كله كدا باستثناء صديقاتي..

رد عليا وقالي نفس الكلان اللي الاستاذ حازم قاله.. وقال بعده حسبي الله ونعم الوكيل في كل اللي شوه صورة لبنان..

وانا كمان بقول حسبي الله ونعم الوكيل في كل من شوه صورة لبنان والمرأه اللبنانيه..

[semsema]

وياترى فيه حاجة فرقعت من السليكون ؟؟؟؟؟

اونكل كوكو مش كدا احنا لسه طالعين من مشاده كلاميه مش عايزينها تتحول لمضاربه حقيقية..

حضرتك شكلك لسه صاحي من النوم .. مش كدا والا ايه؟؟