عمرو دياب, سميرة سعيد, نوال الزغبي.. "عالمية" ولا بلطجية؟؟!؟

[على أوتار الحقيقة]

هذا موقع عن الأعاني المسروقة لعمرو دياب, سميرة سعيد, نوال الزغبي, الخ

http://groups.yahoo.com/group/arabimpact

----------------------------------------------------------

عمرو دياب ده إيه

نشال وعامل بيه

فاكر نفسه بقى ميت فل

وبسرقته بيضحك عالكل

بيسرق من ريكي مارتن واللاتيني

ويقول أنا "الجديد" يا شباب إلحقيني

يغني ويدلل عالبيبسي

ويقول أنا مالي بالمقاطعة يلا نفسي

يجيب شويّة نسوان يشخلعوا المؤخرات

وهو وشريف صبري يسلطوا الكاميرات

عمرو دياب ده إيه

نشال وعامل بيه

----------------------------------------------------------

سخافات إغرائية وأغاني هبابية

بقى هي دي متطلبات "العالمية"؟

كهل بيترقص زي الأراجوز

وبيشتري الجوايز زي الموز

بيتنطّط من سرقة لسرقة زي فرقع لوز

وعامل نجم "جامد" و"عالمي" وبيضرب بوز

ويا عيني على إلّـي عاملين "مطربات"ـ

بقوا زي أرتيستات الكباريهات

نازلين تقليد في المغنيات الأجنبيات

لا صوت ولا صورة ولا ثقة بالذات

عمليات البلاستيك والسرقة بقت موضة

والدعاية الكدابة ما تـخشّش على ولد في روضة

صفحات المجلات بقت شقق مفروشة للإيجار

والمنتج بقى بلطجي ومع كلمة الحق له تار

قلة الأدب الإعلام يسمّيها جراءة

والتفاهة يسمّوها عفوية وبراءة

الفضائيات على الجهل والفلوس لافية

وشاشاتهم على الصدق والإحترام قاسية

عاوزين يزغّطولنا هيافتهم بالعافية

بقى ده فن ده ولاّ مافيا!!!؟

----------------------------------------------------------

إيه إلي فاضل فيك نوال يا نوال

بعد البلاستيك وفقدان الجمال

إيه بعد التقليد الجاري شلال

غير إن نجاحك يدمره زلزال

وبالتميز نوال بقت فقيرة

وحطت محبينها في حيرة

ويا جماعة من غير طول سيرة

نوال بقت نسخة باهتة من شاكيرا

----------------------------------------------------------

سميرة سعيد كانت بنت الطرب

لكن الظاهر دِلوقت مـُخها ضرب

جريت ورا عمليات المناخير

و ده لصوتها أبداً ما جابش خير

بقت تسرق من اليونانية حبة حبتين

وبتقليد الأمريكان باصمة بالعشرين

فين أيام مش حتنازل وجاني بعد يومين

يوم ورا يوم إنحدرت وبصّوا وصلت فين

--------------------------------------------------------

جميع هذه الأشعار هي من تأليف "متأنتك"

[اللمبى]

يعنى ايه؟؟؟؟؟ :( ؟؟؟

ولا مؤاخذه...... مين عمرو هباب وسنيرة سنيد ون... ن... نوال؟؟؟؟؟

[Sherief AbdelWahab]

أصالة بتنوح و بيقولوا بتغني!

فلان حرامي و بيقولوا متعثر!

الدكتور علان بيخرب و بيقولوا بيطور!

الكلب بيهوهو وبيقولوا بينونو!

مين فينا اللي عاقل؟

بالمناسبة..بعد ما الست أصالة غنت "مابقاش أنا"..ومحمد فؤاد "إبقى قابلني"..و كسبوا ملايين من هذه السوقية التي تجد من يدافع عنها في كل مكان..فكرت أن أعبي شريط بصوتي من شرائط الأغنية التشليقية..سيكون عنوانه المبدئي هو :أبيعك لمين! و من أهم أغانيه أغنية بتقول:

طلعت عين حضرتي

آخرتها إيه وياك

اطلعلي بعد العشا

وماتجيبش حد معاك

ح اخلي عين حضرتك

تضرب سلام لقفاك!..

و فيه كلام شركة "روطانا"-من الطين يعني-هي اللي ح تنتج الشريط اللي ح أوزع معه نغمات محمول نوكيا و سامسونج و سيمينس و إيديال!

خلص الكلام

[اللمبى]

ايوه كده الله يسترك ... كلمنى بالهجايص علبشان افهمك يا باشا .......

اصل الكلام الكبير بتاع المثئفين ما بافهموش ؟؟؟؟

يعنى خلى الكلاف فى العالى اجيبوهلك طوالى ..

( هذا هو حالنا الان وحال 70 % من طاقه مصر الشبابيه !!!!! كما فى الاسم الذى اخترته لنفسى .... ولا عزاء للاحساس او العقل )

[هشام عبد الوهاب]

اغلق الموضوع لتدنى مستوى الحوار واحتواء الموضوع على سب علنى واتهامات غير لائقة .. النقد يجب ان يكون بأحترام ..