مباديء الأهلي الحقيقية

[Ahmad Farahat]

رفض النادي الأهلي تصعيد موقفه مع بشير التابعي وتم إغلاق هذا الملف نهائيا ليصبح من حق نادي الزمالك علي الرغم من حضور اللاعب للقلعة الحمراء وتوقيعه لعقد مع النادي ومع ذلك تم رفض تصعيد هذا الموقف نهائيا.

منقول من الجمهورية

بشير التابعي

أنهى نادي الزمالك مشكلة بشير التابعي المنضم حديثا لصفوف الفريق بعدما أرسل المبلغ المستحق على النادي إلى نادي ريز سبور التركي صباح الخميس، على الرغم من استياء ممدوح عباس رئيس النادي من ضغط اللاعب على النادي بالتهديد بالتعاقد مع الأهلي.

وقال محمد صبري أبو علم عضو مجلس إدارة الزمالك لـ FilGoal.com يوم الخميس : "تم دفع 150 ألف دولار للنادي التركي وننتظر وصول البطاقة الدولية للتابعي".

ومن جهة أخرى، علم FilGoal.com أن عباس أبدى استياءه الشديد من تصرف التابعي بالضغط على النادي بالتعاقد مع الأهلي، وأنه كان بصدد إلغاء الصفقة لولا الخوف من غضب جماهير الزمالك بسبب انتقال اللاعب إلى النادي الأحمر.

وكانت حالة من التضارب قد أثيرت يوم الأربعاء بعد الإعلان عن تعاقد اللاعب مع الأهلي بحسب تأكيدات من مسئولي النادي الأحمر، إلا أن اللاعب خرج إلى وسائل الإعلام خلال مباراة الزمالك وبترول أسيوط في قبل نهائي كأس مصر وقام بنفي الأمر تماما.

وأكد عدلي القيعي مدير التسويق بالنادي الأهلي في وقت سابق لموقع FilGoal.com أن اللاعب هو من طالب بضمه للأهلي بداية من الموسم المقبل بدلا من الزمالك، وأنه طالب النادي التركي بإرسال البطاقة الدولية للأهلي.

وكان التابعي قد تعاقد مع الزمالك -ناديه السابق-لمدة ثلاث سنوات بداية من الموسم المقبل مقابل 150 ألف دولار.

منقول من موقع في الجول

وكما حدث مع القباني يأبى الأهلي أن يدخل في منافسة مع أحد لايريد اللعب له

يستطيع الأهلي تدمير مستقبل التابعي كما كان يستطيع تدمير مستقبل وائل القباني

لكن الزمالك يريد تدمير مستقبل لاعبه الملتزم معتز إينو لمجرد أنه يرفضه

هذا هو الأهلي فماذا يفعل الآخرون لو كانوا مكانه

[kokowawa1979]

صباح الفل ياعم أرسين

تفتكر إن الأهلي كان يقدر يسيب فرصة زي دي تعدي من غير ما يتسبب في وقف بشير على الأقل !!!

من إمتى ياعم أرسين الأهلي بيفكر بالطريقة دي !!! طول عمر الأهلي بينتهز أي فرصه - يدق أسافين بين اللعيبة وأنديتها !!

يوم ماخد توقيع وائل القباني كان مدان لأن توقيع وائل كان قبل ال6 شهور وعرفوا إن ممكن يقعوا بمشكلة مع الفيفا تاني !!!

مش الأهلي اللي سرق لاعب الاسماعيلي أحمد جلال اللي اتوقف سنة بعد الاسماعيلي ما اشتكى - ونفس الكلام حصل مع لاعب المقاولين لكن المفاولين انهاها ودي !!! مش الأهلي اللي ينهي ودي ياعم أرسين !!!

مبادئ الأهلي الحقيقية هي المبادئ اللي أشار إليها أخونا الدكتور هوبا ( مبادئ 2007) bv:-

ملحوظة : لو كنت مكان مجلس إدارة الزمالك لقلت لبشير التابعي مع السلامة والقلب داعي لك تنضم لاخواتك : صديق الممثل- وطارق الاكتع- وإينو ملك الدراما !!!!

[أبو محمد]

نقول كمان

الموضوع مش موضوع مبادئ ولا دياولو ..

الموضوع موضوع إدارة .. هناك إدارة محترمة (بغض النظر عن رومانسيات المبادئ) .. وإدارة "على ما تُفرج" .. شوف كده كلام الخديوى :

"ومن جهة أخرى، علم FilGoal.com أن عباس أبدى استياءه الشديد من تصرف التابعي بالضغط على النادي بالتعاقد مع الأهلي، وأنه كان بصدد إلغاء الصفقة لولا الخوف من غضب جماهير الزمالك بسبب انتقال اللاعب إلى النادي الأحمر."

وفى المقابل :

وقال القيعي في تصريحات خاصة لـFilGoal.com يوم الأربعاء: "فوجئت بتلقي اتصال تليفوني من التابعي يطلب فيه مقابلتي في مكتبي، ورحبت به لأنني لا يمكن أن أرفض مقابلة أي شخص، وبعدما حضر التابعي أكد لي رغبته في الانضمام لصفوف الأهلي وليس الزمالك وطلب مني أن أقوم بالتفاوض مع ريز سبور التركي".

وأضاف: "رفضت ما طلبه مني التابعي لأننا لا نزايد على ضم أي لاعب مهما كان ونضم اللاعب الذي يريد الانضمام للأهلي فقط، لذا طلبت منه أن يرسل هو بنفسه فاكسا للنادي التركي يحمل هذا المضمون وهو ما حدث بالفعل، وأرسل التابعي فاكسا إلى ريز سبور أكد فيه رغبته في الانضمام للأهلي وطلب من مسئولي ريز ارسال بطاقته الدولية للأهلي وليس للزمالك".

وقال القيعي إن الاجتماع مع التابعي استمر ما يقرب من ثلاث ساعات "وتفاوضنا حول المقابل المادي الذي سيحصل عليه اللاعب واتفقنا أنني سأعرض الأمر بالكامل على لجنة الكرة والتشاور مع الجهاز الفني بقيادة (مانويل) جوزيه للحصول على موافقتهم لضم بشير قبل توقيع العقد الرسمي معه ووافق اللاعب على ذلك".

وأوضح القيعي أنه فوجئ بحضور التابعي مباراة الزمالك مع بترول أسيوط (في كأس مصر) في الملعب ونزوله لتحية الجماهير ثم تصريحه بأنه مرتبط بتعاقد مع الزمالك "وأنا شخصيا لا أجد تفسيرا أو سببا منطقيا لما حدث من اللاعب، ولكن ما فعله اليوم يجعل من الصعب جدا أن تكتمل المفاوضات معه لأنه من الواضح أنه لا يعلم ماذا يريد بالتحديد ونحن نرفض أن نضم لاعبا بهذه النوعية".

الأهلى كان على استعداد للتعاقد مع بشير بناء على رغبته .. وبعدين بشير راح الزمالك بناء على رغبته .. يبقى مع السلامة ..

وتلاحظ يا كوكو إنه لما بتحصل مزايدة على لاعب بتلاقى الأهلى محدد هو ممكن يدفع كام كحد أقصى .. ده اللى بيسموه ال Fall back position وده أى مفاوض محترف لازم يكون محدده قبل الدخول فى أى مفاوضة .. أما شغل الهواة بتاع توريط الإدارة فيما لا طاقة له بها خوفا من جماهير وهتافات ومركز على كرسى (المصيبة إنه تطوعى) .. فاسمح لى .. ده إسمه شغل منجدين أو مكوجية ومش شغل ناس محترفين

إدارة .. إدارة .. إدارة

[Ahmad Farahat]

يوم ماخد توقيع وائل القباني كان مدان لأن توقيع وائل كان قبل ال6 شهور وعرفوا إن ممكن يقعوا بمشكلة مع الفيفا تاني !!!

لو كلامك صحيح ليه كمال درويش طلب حل الموضوع بشكل ودي

مش الأهلي اللي سرق لاعب الاسماعيلي أحمد جلال اللي اتوقف سنة بعد الاسماعيلي ما اشتكى - ونفس الكلام حصل مع لاعب المقاولين لكن المفاولين انهاها ودي !!! مش الأهلي اللي ينهي ودي ياعم أرسين !!!

الأهل لم يسرق أحمد جلال

كل المشكلة هي رغبة اللاعب وإن كان اللاعب لا يريد اللعب فلماذا تكرهوه

مبادئ الأهلي الحقيقية هي المبادئ اللي أشار إليها أخونا الدكتور هوبا ( مبادئ 2007) :sad:

ملحوظة : لو كنت مكان مجلس إدارة الزمالك لقلت لبشير التابعي مع السلامة والقلب داعي لك تنضم لاخواتك : صديق الممثل- وطارق الاكتع- وإينو ملك الدراما !!!!

لأن دي بقى مباديء المالك مش هيحصل يا كوكو

وأما إينو فهو حتى هذه اللحظة يتمرن في ناديكم

أما مباديء الدكتور هوبا فهي دعاية كاذبة لا تقل عن الدعايات الصهيونية حول الإرهاب الإسلامي

[kokowawa1979]

أبو محمد كتب :

وأضاف: "رفضت ما طلبه مني التابعي لأننا لا نزايد على ضم أي لاعب مهما كان ونضم اللاعب الذي يريد الانضمام للأهلي فقط، لذا طلبت منه أن يرسل هو بنفسه فاكسا للنادي التركي يحمل هذا المضمون وهو ما حدث بالفعل، وأرسل التابعي فاكسا إلى ريز سبور أكد فيه رغبته في الانضمام للأهلي وطلب من مسئولي ريز ارسال بطاقته الدولية للأهلي وليس للزمالك".

ياسلام يا أبو محمد يابركة - بقى تفتكر إن لو فيه فاكس بشير أرسله لناديه التركي - عدلي القيعي ماكانش احتفظ بالأصل معاه وجمع شوشو - وميمي- وصاصا- وعلاء هندسة وراثية - علشان يقوموا بحملة تقطيع في لعيب( كشرة) في رأيي الشخصي زي بشير !!

أنا مش بادافع عن بشير لإنه مايستحقش يلبس فانلة الزمالك في رأيي - لكن لما عدلي القيعي يقول إن الاجتماع استمر 3 ساعات - وتم الاتفاق على المقابل المادي اللي هايحصل عليه بشير - ثم سيقوم بعرض الموضوع على الجهاز الفني !!! أيهما يحدث أولا ياابو محمد - الرجوع إلى الجهاز الفني أولا أم المفاوضات !!

وهل عدلي القيعي يفاوض من نفسه أي لاعب يرغب في اللعب للأهلي أم يستأذن الجهاز الفني أم يفاوض بتعليمات من الجهاز الفني ؟؟؟

ثم لماذا أعلن الأهلي عن بيع محمد صديق صاحب التمثيلية الشهيرة للمصري - بعد أن أعلن جوزيه والبدري أن الأهلي في حاجة إلى جهود صديق ولن يقوم ببيعه ( ده بعد التمثيلية الشهيرة إياها ) !!!!

وإذا كان الأهلي لايزايد على أي لاعب ( أعترف إن مرتضى منصور كان مزايدا ولكن لتغريق الأهلي مش أكتر :sad: ) فلماذا وصل سعر أكوتي أبو رجلين مخاصمين بعض إلى 11,5 مليون جنيه - والآن الأهلي باعه أو يريد بيعه مع صديق للمصري شروة كدة زي شروة التين الشوكي ب مليون جنيه للاتنين ( والله يابلاش - فين فريق قحافة يشترى الجوز على حسابي :) )

إدارة الأهلي في رأيي أسوأ من إدارة الزمالك ياأبو محمد - وفي رأيي إن الإعلام المرتشي هو من أفسد الأهلي وأفسد الكرة المصريه عموما بالتهليل والتطبيل عمال على بطال لما يسمى بالنادي الأهلي !!!!

حبيبنا الغالي أرسين :

أحمد جلال ماعرضش نفسه على الأهلي لكن هو كان موقع بالفعل للاسماعيلي و الأهلي هو اللي عصاه على النادي بإغرائه للانضمام له - وإلا ماكانش اللاعب اتعرض للإيقاف سنة كاملة !!!!

وخد عندك سعيد عبد العزيز بعد ماوقع للزمالك - برضه الأهلي وقعه في الغلط وخلاه وقع عندهم وبعد كدة سوسو ( سمير زاهر حل المشكلة للأهلي ب20 ألف جنيه غرامة مع ضم اللاعب للأهلي حسب رغبته - اللي ماكانتش موجودة بالفعل قبل الانضمام والتوقيع للزمالك !!!

أما قصة وائل القباني فقد كانت قبل 6 شهور من انتهاء عقده وده حقيقة والأهلي كان عارف كدة كويس وعارف إن المر كان نائب رئيس المجلس وكانت المسائل هاتتصاعد - يعني الأهلي لو عنده حسن نوايا زي مابتقول ماكانش سرق أحمد جلال - سعيد عبد العزيز - إسلام الشاطر- و.......... اللايحة طويلة !!!

أنا بقى في رأيي إن الأهلي مع كتيبة الإعلام المنحرف هم الإرهابيين الحقيقيين !!!

وآدي التوبيك اسخن ياعم أرسين :blush2:

وللجميع تحياتي

[miramar]

يا جماعة اهدوا شوية

دي كووورة و الكوووووورة لعبة

نتفرج عليها في أوقات الفراغ مش نتخانق عليها و ناخدها جد

ميمو

[ابو محمود]

ياجماعة انتو واجعين دماغكم لية الحكاية بسيطة جدا ... جدآ جدا

صلو على النبى

بشير التابعى دة راح الاهلى علشان يسأل عن اشاعة مفادها ان خالد بيبو هعتزل فى الاهلى السنة القادمة والاهلى وافق انة ينضم للفريق فى الانتقال الشتوى لكن المهم ان بشير كان خايف ان الاهلى هيضم بيبو لانة عايز يغير الاغنية بتاعت بيبو وبشير ويخليها ؟؟؟؟؟؟؟

><

><

><

؟؟؟؟ وبشير ؟؟؟؟ وبشير

يوم الأثنين هقولكم

صباحكم عسل

[kokowawa1979]

حبيبنا الغالي وأستاذنا أبو محمد - وحبيبنا الغالي أرسين :

أهديكم هذه النفحة بخط عبد الرحمن فهمي وهو رئيس تحرير منشور الأهلي سابقا - وقد نشرها بجريدة الجمهورية اليوم - وياريت أشوف تعليقاتكم الجميلة على المبادئ الحقيقية :blink:

العملاق عزت العشماوي

عبدالرحمن فهمي

لست من مدمني التليفزيون مثل شباب هذه الأيام.. سواء كانت برامج رياضية أو غير رياضية.. ولكن بالصدفة المحضة وقعت عيناي علي برنامج استضاف ميمي عبدالحميد ومصطفي رياض وحسن الشاذلي وحمادة إمام وحسن حمدي وغيرهم.. حرصت ان استمع للاخوة ميمي عبدالحميد ومصطفي رياض وحسن الشاذلي بالذات وهم يروون ذكرياتهم مع النادي الأهلي بالذات. فلم اسمع أهم وأخطر واقعة حدثت في الملاعب المصرية والعالمية كلها.. واقعة لم تقع من قبل ولا من بعد ولن تحدث أبدا.. واقعة فريدة في نوعها علي مستوي العالم كله.. ومع ذلك لم اسمعها من أي من الثلاثة المتحدثين.. رغم انهم هم أبطال هذه الواقعة مع المرحوم صالح سليم!!!

قلت لنفسي: "اصبر.. يمكن يروي الواقعة حمادة إمام أو عادل هيكل.. حشد من النجوم المفروض أنهم يروون أهم القصص والحكايات والبطولات عن الأهلي.. ومع ذلك لم اسمع الواقعة الغريبة التي لم تحدث من قبل ولن تحدث من بعد.

- ماذا حدث؟؟؟

- كانت المباراة بين الترسانة والأهلي علي ملعب الترسانة.. وكان مصطفي رياض يمر من اخونا ميمي عبدالحميد ظهير الأهلي كما يريد.. حتي وصلت النتيجة إلي "3-1" لصالح الترسانة.. وقبل ان يسنتر الأهلي لاستئناف اللعب بعد الهدف الثالث جري صالح سليم نحو ميمي عبدالحميد وضربه قلما ساخنا سمعنا طرقعته في المدرجات!!! وطرده من الملعب!!! قال له: "اخرج برة.. لن تكمل معنا المباراة" ولعب صالح سليم ظهيرا مكان ميمي عبدالحميد.. ومع ذلك فات منه مصطفي رياض مرتين وأحرز هدفين لتنتهي المباراة "5-1" مع الرأفة.. فلم يكن هناك نظام البدلاء ولعب الأهلي بعشرة أفراد.

- المهم ما حدث بعد المباراة؟؟

- عملاق التحكيم الذي لا يتكرر كثيرا علي مدي التاريخ ألا وهو عزت العشماوي.. مع صفارة الحكم النهائية.. علي فكرة نسيت اسم الحكم.. قرر عزت العشماوي اجتماعا عاجلا لكل الحكام.. وعلي طريقة الأستاذ والطلبة أخذ عزت يسأل كل حكم عما إذا كان يفعل لو حدث هذا في مباراة كان هو حكمها؟؟؟.. المهم ان حكم المباراة نزل عليه سهم الله ولم يفعل أي شيء ومر الموضوع دون أي قرار منه.

صمت الحكام وسألوا عملاق التحكيم عن القرار الذي كان يجب أن يتخذه الحكم.. فقال عزت العشماوي ان الحكم هو سيد الملعب.. هو الذي يطرد وينذر ويعاقب.. فإذا سلبه لاعب ما هذا الحق المقدس يكون عقابه هو الطرد.. كان علي الحكم ان يطرد صالح سليم ويبقي ميمي عبدالحميد.. وتم وقف حكم هذه المباراة عاما كاملا.. وكتب هذا في الصحف!!!.. هذه هي الذكريات يا تليفزيون.. يا!!!

وده الرابط :

http://www.algomhuria.net.eg/algomhuria/to...ts/detail04.asp

وصباحكم جميل

تم تعديل 1 يوليو 2007 بواسطة kokowawa1979

[أبو محمد]

ألله يرحم الكابتن صالح سليم .. هو فيه كباتن من النوعية دى دلوقت :blink:

وربنا يديله الصحة الكابتن ميمى عبد الحميد .. هو فيه لاعيبة بالأخلاق دى دلوقت mfb: .. أنا كنت باتفرج على الماتش ده .. الكابتن ميمى أخد القلم من هنا ، وجرى على غرف خلع الملابس دون أى كلمة أو حتى نظرة للكابتن بتاعه .. :blink: mfb:

فى الحقيقة تذكرت هذه الحادثة أثناء مباراة الأهلى والاسماعيلى الأخيرة .. بس نسخة تايوانى مضروبه .. لا الكابتن لسع اللاعيب قلم وطرده .. ولا اللاعيب جرى على غرف الملابس .. بس فى الحقيقة شفته وهو بيطلب التغيير بعد الزغدة الجامدة فى صدره يا ولداه .. مش بقولك نسخة تايوانى مضروبة .. الله يرحم زمان وأيام زمان .. كل حاجة كانت بتتعمل على أصولها :lol: :sad:

[badroora]

حبيبنا الغالي وأستاذنا أبو محمد - وحبيبنا الغالي أرسين :

أهديكم هذه النفحة بخط عبد الرحمن فهمي وهو رئيس تحرير منشور الأهلي سابقا - وقد نشرها بجريدة الجمهورية اليوم - وياريت أشوف تعليقاتكم الجميلة على المبادئ الحقيقية :blink:

العملاق عزت العشماوي

عبدالرحمن فهمي

لست من مدمني التليفزيون مثل شباب هذه الأيام.. سواء كانت برامج رياضية أو غير رياضية.. ولكن بالصدفة المحضة وقعت عيناي علي برنامج استضاف ميمي عبدالحميد ومصطفي رياض وحسن الشاذلي وحمادة إمام وحسن حمدي وغيرهم.. حرصت ان استمع للاخوة ميمي عبدالحميد ومصطفي رياض وحسن الشاذلي بالذات وهم يروون ذكرياتهم مع النادي الأهلي بالذات. فلم اسمع أهم وأخطر واقعة حدثت في الملاعب المصرية والعالمية كلها.. واقعة لم تقع من قبل ولا من بعد ولن تحدث أبدا.. واقعة فريدة في نوعها علي مستوي العالم كله.. ومع ذلك لم اسمعها من أي من الثلاثة المتحدثين.. رغم انهم هم أبطال هذه الواقعة مع المرحوم صالح سليم!!!

قلت لنفسي: "اصبر.. يمكن يروي الواقعة حمادة إمام أو عادل هيكل.. حشد من النجوم المفروض أنهم يروون أهم القصص والحكايات والبطولات عن الأهلي.. ومع ذلك لم اسمع الواقعة الغريبة التي لم تحدث من قبل ولن تحدث من بعد.

- ماذا حدث؟؟؟

- كانت المباراة بين الترسانة والأهلي علي ملعب الترسانة.. وكان مصطفي رياض يمر من اخونا ميمي عبدالحميد ظهير الأهلي كما يريد.. حتي وصلت النتيجة إلي "3-1" لصالح الترسانة.. وقبل ان يسنتر الأهلي لاستئناف اللعب بعد الهدف الثالث جري صالح سليم نحو ميمي عبدالحميد وضربه قلما ساخنا سمعنا طرقعته في المدرجات!!! وطرده من الملعب!!! قال له: "اخرج برة.. لن تكمل معنا المباراة" ولعب صالح سليم ظهيرا مكان ميمي عبدالحميد.. ومع ذلك فات منه مصطفي رياض مرتين وأحرز هدفين لتنتهي المباراة "5-1" مع الرأفة.. فلم يكن هناك نظام البدلاء ولعب الأهلي بعشرة أفراد.

- المهم ما حدث بعد المباراة؟؟

- عملاق التحكيم الذي لا يتكرر كثيرا علي مدي التاريخ ألا وهو عزت العشماوي.. مع صفارة الحكم النهائية.. علي فكرة نسيت اسم الحكم.. قرر عزت العشماوي اجتماعا عاجلا لكل الحكام.. وعلي طريقة الأستاذ والطلبة أخذ عزت يسأل كل حكم عما إذا كان يفعل لو حدث هذا في مباراة كان هو حكمها؟؟؟.. المهم ان حكم المباراة نزل عليه سهم الله ولم يفعل أي شيء ومر الموضوع دون أي قرار منه.

صمت الحكام وسألوا عملاق التحكيم عن القرار الذي كان يجب أن يتخذه الحكم.. فقال عزت العشماوي ان الحكم هو سيد الملعب.. هو الذي يطرد وينذر ويعاقب.. فإذا سلبه لاعب ما هذا الحق المقدس يكون عقابه هو الطرد.. كان علي الحكم ان يطرد صالح سليم ويبقي ميمي عبدالحميد.. وتم وقف حكم هذه المباراة عاما كاملا.. وكتب هذا في الصحف!!!.. هذه هي الذكريات يا تليفزيون.. يا!!!

وده الرابط :

http://www.algomhuria.net.eg/algomhuria/to...ts/detail04.asp

وصباحكم جميل

سالخير يا كوكواوا

كدا مبهدل الولاد تيب عشان خاترى :blink:

[أبو محمد]

يانجفة يا أختشى .. كوكو كل ما يحاول يغيظ الأهلوية بيجيبلهم حاجات تبين إن الأهلى فعلا نادى أخلاق ومبادئ .. عارفة لو كان اللى عمله صالح سليم فى ميمى عبد الحميد ده كان بين اتنين من الزمالك ؟ .. كنتى تشوفى سنج ومطاوى بتتسحب ، وأعضاء بشرية بتتطاير فى الهوا .. آه .. بلاش تسألينى انا .. إسئلى ورثة عبده نصحى ورفاعى سرور .. طبعا انتى ما توعيش على عتاولة المدبح دول .. طب إسألى كوكو كده نبيل نصير سموه نبيل بريسلى ليه ، وحمادة إمام سموه حمادة مارنجى ليه ؟؟؟؟ :blink:

[Ahmad Farahat]

الحكاية دي كوكو مش حافظ غيرها

وبعدين عبد الرحمن فهمي ده ميحبش صالح سليم

بس شوف

الكابتن زمان كان حاجة كبيرة قوي يا كوكو غير دلوقتي

وصالح كان بيعمل كده وأي كابتن مكانه كان ممكن يعمل كده

ومتحاسبش كل زمن بتقاليد زمنك وأفكاره

في العصر ده مفيش عيل بيسمع كلام أبوه لما لعيب هيخاف من كابتنه

بس خلاص

ملحوظة

إلى الصديقة العزيزة نجفة

إحنا لحمنا مر

[kokowawa1979]

أبو محمد العسل كتب :

إسئلى ورثة عبده نصحى ورفاعى سرور

طبعا أنا عارف إنك كنت تقصد إن عبده نصحي كان أبوه جزار - لكن ياأبو محمد باعتبار إنك مخضرم زي حالاتي فتعرف إن ابيض وأنقى قلب كان بين لاعبي الكرة في هذا الجيل هو عبد نصحي على الرغم من إنه كان من المذبح .

وبالمناسبه - فادية نصحي ابنة المرحوم عبده نصحي كانت المسئولة في الملكية والتصرف في الهيئة العامة للمشروعات والتنمية الزراعية - يعني كان في إيدها تملكك أرض كنج مريوط بس أنا قلت لها إنك أهلاوي قبل ما تكون اتحاداوي :rolleyes:

أرسين حبيبنا الغالي :

ياعم أرسين حكاية صالح سليم دي حكاية من مئات الحكاوي - ويمكن أخونا وحبيبنا أبو محمد بحكم الخبرة عني يحكي لك أكتر - ومنها حكايته مع أخوه طارق سليم شخصيا !! الله يرحمه بفى ادعي له .

نجفتنا العزيزة : أصل توبيكات حبيبنا أرسين غالية علي حتى لو كانت في الشعر لازم أمر عليها وأديها التحية - ولك أيضا تحياتي

[أبو محمد]

وبالمناسبه - فادية نصحي ابنة المرحوم عبده نصحي كانت المسئولة في الملكية والتصرف في الهيئة العامة للمشروعات والتنمية الزراعية - يعني كان في إيدها تملكك أرض كنج مريوط بس أنا قلت لها إنك أهلاوي قبل ما تكون اتحاداوي

أخخخخخخخخخخخ .. يبقى انت بقى يا كوكو السبب فى دوختى السبع دوخات لمدة سبع سنين .. يعنى ممكن بعد ما دفعت تمن الأرض لجهاز حماية أملاك الدولة أرجع أدفعه تانى للهيئة العامية للمشروعات والتنمية الزراعية .. ويمكن مرة تالتة لوزارة الأوقاف (أوقاف دى من "وقف" الحال) .. ومرة رابعة لجهاز إعداد الدولة للحرب .. وممكن يطلع قبر الاسكندر فى حتة الأرض دى بالذات .....

يا خبر ياكوكو .. طب إذا كنت عملت كل ده فى اخوك الضعيف أبو محمد .. أومال عملت إيه فى اخواتك التانيين (سى السيد ودارون وأرسين والنسر) ؟؟؟

خدنى معاك فى مشروع الطماطم اللى باللبن .. واضح انك كل حاجة حمرا بتحاول تبيضها ..

أيدك طايلة ياكوكو واحنا مش قدك .. يدوب بقى نخلينا فى حالنا ونعيش على ذكريات الاتحاد السكندرى .. ووعد منى ، مش حاعلق على ماتش الليلة أحسن اصحى الصبح ألاقى نفسى بدور على أوضه فوق السطوح :rolleyes:

[badroora]

طبعا بقي النهاردة مش هتشوف كوكواوا هنا فى الموضوع دا بالذات

الاهلى عمهم وحابس دمهم

[Ahmad Farahat]

من شاهد حسن حمدي ليوم في البيت بيتك

يستطيع ان يفسر نجاح الأهلي

صدقوني

لقد شعرت بالفخر

ليس لشخص حسن حمدي

ولكن لأن النظام أقوى من الأشخاص

وهو الأطول عمرا

وهو الأكثر تفوقا

[kokowawa1979]

أرسين كتب :

من شاهد حسن حمدي ليوم في البيت بيتك

يستطيع ان يفسر نجاح الأهلي

إيه ياعم أرسين هو لاسمح الله - قال إنه هايرجع الفلوس اللي نهبها من الأهرام :rolleyes:

وبعد أن شاهدت مجدي طلبة في مباراتي الجزائر وزامبيا وإصراره على الدفع بفينو للعب المباراتين أيقنت كم هي مبادئ الأهلي متأصله في أبنائه على حساب مصر !!!

هل نعاقب مصر كلها من أجل مكافأة فلتة زمانه في الكرة المصرية إينو الذي انتقل إلى نادي المبادئ التي تتلاءم معه بأن يلعب على حساب من هو أكفأ منه ألف مره !!! !!!

طبعا ما إينو ناسب عبد الله بن سلول زعيم الجبلاية الفعلي !!!

ولو مجدي طلبة ماكانش عمل كدة يبقى فعلا مش من أبناء نادي المبادئ :lol: wst::

وشوف الإعلام المحترم - ولا واحد طلع حتى يلوم مجدي طلبة اللي طلع زي الزرع الشيطاني من غير ما يدرب أي فرقة كبيرة اللهم إلا تغيير كوافيل بتوع مدرسة الكرة في الأهلي !!

نقول إيه : فلتحيا المبادئ ولتسقط مصر !!!!!!

[Ahmad Farahat]

أرسين كتب :

من شاهد حسن حمدي ليوم في البيت بيتك

يستطيع ان يفسر نجاح الأهلي

إيه ياعم أرسين هو لاسمح الله - قال إنه هايرجع الفلوس اللي نهبها من الأهرام :rolleyes:

وبعد أن شاهدت مجدي طلبة في مباراتي الجزائر وزامبيا وإصراره على الدفع بفينو للعب المباراتين أيقنت كم هي مبادئ الأهلي متأصله في أبنائه على حساب مصر !!!

هل نعاقب مصر كلها من أجل مكافأة فلتة زمانه في الكرة المصرية إينو الذي انتقل إلى نادي المبادئ التي تتلاءم معه بأن يلعب على حساب من هو أكفأ منه ألف مره !!! !!!

طبعا ما إينو ناسب عبد الله بن سلول زعيم الجبلاية الفعلي !!!

ولو مجدي طلبة ماكانش عمل كدة يبقى فعلا مش من أبناء نادي المبادئ :lol: wst::

وشوف الإعلام المحترم - ولا واحد طلع حتى يلوم مجدي طلبة اللي طلع زي الزرع الشيطاني من غير ما يدرب أي فرقة كبيرة اللهم إلا تغيير كوافيل بتوع مدرسة الكرة في الأهلي !!

نقول إيه : فلتحيا المبادئ ولتسقط مصر !!!!!!

والله بالنسبة لفلوس الأهرام متقدرش تقول حاجة قبل ماتسمع الراجل ومصطفى بكري مش قاضي قوي علشان ناخد على أي حاجة بيقولها

أما إينو فإينو لم يكن الأسوأ في منتخبنا

شيكابالا كان عاوج رقبته

كريم ذكري كان مقطوع الرقبة

عبدالله السعيد كان أي كلام

المنتخب من أوله لآخره كان مكسح