ثوره الرجال

[إبن مصر]

بصراحه بقى كده كتير قوى!!!

بجد..

لازم نثور نحن الرجال على الظلمه المفتريين .. الحلوين الطعمين..الجبارين..

النساء..

يعنى انا راضى ذمتكوا..

لو جبنا هديه وقلنا نرجع الود ... علطول نبقى عاملين عامله وبندارى عليها بالهديه..!!

لو مجبناش نبقى نسينا .. وشايفين لنا شوفه تانيه بنديهم الهديه الى احنا اصلا مجبنهاش...!!

طب وبعدين..

لو مره نسيت تقول انك هاتتاخر فى الشغل شويه ... تبقى مزوغ..

وياسلاااااااااااااام لو عديت على صحابك واتخبيت فى قهوه وقعدت معاهم نص ساعه.... نص ساعه يا مؤمن .. الله عليك بقى لو رجعت تضحك وقلت اصلك قابلت زمايلك.. يبقى يوم ابيض..

ولا لو قولت وانت راجع هاتعدى على حد.. والله لو هاتعدى على الدكتور.. لازم لها عقاب... وتلاقى الكلمه الى بعد كلامك علطول ايييييييييه.. قولوا يا رجاله ما تخافوش...

ايووووووووه صح.

طب متنساش وانت جاى تجيب معاك............. وخد عندك حاجه من الشرق وحاجه من الغرب.. لازمن ولابد نتعور...

لا انا ارفض.

انا احتج..

لابد من الثوره على هذه الاوضاع الغير ادميه .

لابد من توحيد الصفوف .

انا اقترح ننظم مظاهره .. ونطالب فيها بالمساواه بيهم..

انا ما بحبش القلقاس... ومش هاكله .. ايوه مش هاكله غصب عنى.

مبحبش اجيب طلبات علشان انا خارج .. ومش هاجيبها...

من حقى اشوف صحابى..

يا ناس انا نسيت ملامح الشارع شكله ايه......

اوعى تنسى وتسرح فى اغنيه ... بس تبقى كده ثبتت عليك يا جميل وشايفلك شوفه.. ومش مهم الاغنيه ايه..

طب انا سرحت مره فى اغنيه خلى السلاح صاحى.. كانت ليله ليلاء.. ولازم ليها ذكريات اقولها ده اغنيه وطنيه.. تقولى انت مش بتاع سياسه يبقى ليها ذكرى.

اطالب من هذا المكان بالثوره..

ايوه بحرض على الثوره ..

لابد من استقلال الرجال ..

انضموا الى وما تسيبونيش لوحدى امام التتار..

وعلى رأى صاحبى... ربنا يفك سجنه..

ربنا يقل منكم..

مليتوا البلد......................

[DARWEEN]

انا اقترح ننظم مظاهره .. ونطالب فيها بالمساواه بيهم..

لا لا لا لا

مظاهرة أيه يا عم أحمد ... أنت عاوز تفتح العيون علينا ولا أيه :)

احنا لو عملنا مظاهره ممكن نتلم كلنا في خمس دقايق يا حبيبي وحتاكل القلقاس في التلات وجبات غصب عنك :sad:

أنا أقترح وبشدة بالعمل السري المنظم ... من غير دوشة ومن غير ما نفتح العيون حوالينا ( قال يعني هيا مغمضه )

شوف يا سيدنا ... لازم العمل يكون في هدوء وروية ... وبتكتيك لوزعي

يعني ... 1- بلاش منها الهدايا خالص مالص

2- بلاش السرحان في أي أغنيه ولا أي نيله

3- علينا أن نبدأ الهجوم الكاسح على طريقة فين القميص الأحمر ( بشرط مايكونش عندك قميص أحمر من أساسه ) ... الولاعه الدهب مش لاقيها ( وطبعا الولاعة انت بعتها من سنتين ) ونزعق ونخبط في المكتب ...

4- إلتزام الصمت المطبق لمدد قصيره ( مع رسم تكشيرة على الوش )

كده ممكن نبدأ الهجوم المؤقت لحين الأستعداد للحملة الكاسحة الماحقة

يالا هاتوا شوية أفكار خلينا نتحرر بقى

[Folana]

السلام عليكم ورحمة الله....

ايه ه ه ه هوووو ده ه ه ه ....الكلام على مين؟؟....بتتكلموا علينا نحن النسوة الضعيفات الرقيقات كالفراشات ..المستسلمات والراضيات بقضاء ربنا !!!!......ده احنا ملائكة......

وبعدين يا استاذ أحمد يا محرض على الثورة هو فيه زوج اصلا بيقول هو رايح فين؟؟ولا جاى منين؟؟؟.....وايه موضوع الهدايا ده؟؟؟....انا اول مرة اسمع الحكاية دى صراحة....

ده الست الغلبانة من دول تفضل تقول انا عيد ميلادى بعد 30 يوم..بقوا 20 يوم بقوا 10...على اساس انه يلحق يلم له قرشين ويجيب لها هدية...وتفضل ياولداه تحلم وتحلم..لحد اليوم الموعود...تلاقيه مكبر واختفى طول اليوم ولما يرجع تعمل نفسها زعلانة ومقموصة...تلاقى حواجبه معقودة فوق شعر راسه....وتقول له بدلال مش ناسى حاجة؟...يقولها ايون ناسى....فين العشا؟؟...وفين الفاكهة وفين الفلوس اللى كانت فى جيبى وفين الشيرز الاحمر ...ويحط هموم الدنيا فوق راسها.....تقول لأ..مش الغرض يعنى ..اصل النهاردة عيد ميلادى....يبص لها باستنكار ويقولها بقى عندك كام سنة على كده....طب مش كنتى تقولى من بدرى...

وبعدين هو فيه زوج فى الدنيا بيجيب قلقاس؟؟؟...دى يا عين امها تقوله عايزين قلقاس يجيب قرع عسلى...طب هات سمك...يجيب قرع عسلى...طب عيش...يجيب قرع عسلى...كأنه راسم خطة دقيقة طويلة المدى لاصابتها بالضغط والسكر والانهيار القرع عسلى...قصدى الانهيار العصبى...

وعلى رأى صاحبى... ربنا يفك سجنه..

الا ماقلتش يا استاذ احمد سبب سجن صاحبك ايه؟؟ هه...ايه بقى؟.....اصلى سمعت والعهدة على الراوى انه كان ماشى فى مظاهرة بيطالب بحقوق الرجال ...قال كده صح؟...

شايف داروين اللى بيخطط فى صمت....

يا نساء المنتدى .....ثورة الرجال فى الطريق...استعدوا لمواجهة العدو الغاشم....واعدوا لهم ما استطعتم من قوة ومن اسلحة...السواطير والسكاكين والمقشات ماعندناش اكتر منها.....لازم نؤد الثورة فى مهدها....هى ناقصة ثورة كمان...

ونطبع منشورات سرية نوزعها على باقى السيدات ...او نستخدم الرسائل الخاصة كما جرى العرف ...انا عن نفسى حاعمل خير واتصل ببنت مصر واحذرها من ثورة الاستاذ احمد...واهو كله بثوابه...

قال ثورة وقميص احمر قال.........

اوووووووووووووووووففففففف.......

ومافيش صباحو جميل....ومافيش دى. ..ومافيش دى كمان..

[إبن مصر]

شوفتوا بقى قصدى ايه؟؟؟

اهو جبتش انا حاجه من عندى؟؟

انا يدوب بلمح بمطالبنا بحقوقنا ومساوتنا بالجبابره... وعلى اول ناصيه اتباعنا وطلعنا مبنجبش هدايا ولايحزنون..

قال قرع عسل قال طب دا انا بقالى سنه بادعى فى كل فجر انى اشم ريحته بس..

ومين قال مابنجبش هدايا وقبل معادها كمان..

قال قولقاس قال..

احنا لا ترهبنا الاصوات العاليه ..

نحن اصحاب مبدأ ...

لابد من المطالبه بحقوقنا... دى موريشيوس استقلت يا اخونا يبقى احنا لأ؟؟؟؟؟؟

وبعدين انا مبخافش الا من ربنا مش هاتهدد .. ببنت مصر..انا كده كده بنام فى السطوح ضربوا الاعور على عينه قال خربانه خربانه..

يالله يا اخويا يا دارون قول ورايا....

يسقط الاستقلال....

يسقط الاستقلال....

وربنا يفك سجنه كان مثال للموده ...

ربنا يقل مننكم ماليتوا البلد.................................

[jojammal]

:happy: bv:-

ماهو لو انت معودها على الحاجات دى ماكنتش استغربت وشكت فيك

والست بالكلمة الحلوة تكسبها من غير هدايا ومن غير اي حاجة .........الستات بيحبوا الكلام المعسول

ياراجل هو احنا هنعلمكو مانتوا ا حسن ناس تقول كلام من بعد اللبنانيية :sad:

[DARWEEN]

bv:- :D

ماهو لو انت معودها على الحاجات دى ماكنتش استغربت وشكت فيك

والست بالكلمة الحلوة تكسبها من غير هدايا ومن غير اي حاجة .........الستات بيحبوا الكلام المعسول

ياراجل هو احنا هنعلمكو مانتوا ا حسن ناس تقول كلام من بعد اللبنانيية :sad:

يا عم جو ؟؟؟؟ أقطع دراعي من لغاليغه إنك لا أتجوزت ولاشفت جواز قبل كده

كلمة حلوة أيه يا سيدنا ... ومعسول دي طبعا جايه من المعسل أنا فاهم قصدك ... أوعى يكون بيغرك الكلام ده

شوف أهو عندك الست فولانه هانم اهيه .... عماله تقولك قلقاس وقرع عسل ... و أراهنك إن كانت هيا شخصيا تعرف أيه شكل القلقاس ولا قرع العسل

وأدي مثال صغير أول ما أتزنقت راحت جارية تكلم بنت مصر ويجمعوا نفسهم ويعملوا ثورة مضاده ويجهضوا ثورتنا الشريفه في مهدها

بمناسبة اللبنانيه .... ياسيدي على اللبنانيه .... ياعيني على اللبنانيه .... والنبي يا اخويا ماتفكرني .... همممممممممم

اهو كده هات لنا سيرة حاجة تفتح النفس .... مش قلقاس وقرع عسل .... أهي كلها حاجات مبعجره وخلاص

وطبعا أنا لا أنكر حق زوجاتنا المصريات .... ومميزاتهن العظيمة .... فالست المصرية هي أساس مهم من أسس النكد العالمي ... تبقى داخل البيت وبتقول سترك ياستار .. ياترى خناقة النهارده حتكون على أيه ؟؟؟؟

وتقولك قلقاس وقرع عسل .... أهو ده كبيرهم وحياتك

أخي أحمد محمود .... أود أن أذكرك أن أجتماع الخليه الأولى سيكون مساء اليوم في المكان جيم ... أستعد يا أخي فقد بدأ النضال

وأبقى أعمل ريستارت للكمبيوتر قبل ما تيجي wst:: wst::

فولانه هانم .... مش مهم ترمي الصباح ... ومش عاوزين دي :happy: ولا دي :lol:

أحنا بنستعد بدي mc:

صباحكم جميل .... وأحلى تحيه للستات اللبنانيه flrt:

اللهم عجرم نسائنا ... وهيف ( من هيفاء ) أشكالهم ... آمين آمين

[إبن مصر]

يا عم جوووووووووووووووو.... الله يرضى عليك .. هدايا وجبنا .. ورد وزرعنا....شاكلاما واشترينا.. وبرضه الدكتاتوريه موجوده.. احنا ندعو كل الاطراف المعنيه بالانضمام الى الحركه التحرريه الوحدويه لاعلان العصيان التام..

يا دارون يا خويا انا بقالى اسبوع محبوس لوحدى فى البيت راحوا يصيفوا وسابونى وقفلوا عليا الباب .. يرضى مين ده..

يعنى انا دلوقتى لاقهوه بروح ولا حتى الشغل.... والله ده حرام..

انا من موئعى هذا اعلن تمسكى بكل مبادىء الثوره..

مفيش مطبخ..

مفيش شرا حاجات وانا راجع..

وهتأخر بمزاجى وارجع بعد المغرب .. ايوه هاشوف الليل وانا مع اصحابى ... ومش هاكل فراخ بلدى... انا بحب الفراخ البيضا... وماليش دعوه ..مش هاشرب نعناع.. مبحبش النعناع..

انا ليه اراده مستقله..

دارون يا خويا ... يعنى ايه نانسى عجرم.. باسمع الاسم ده كتير ..؟؟؟؟؟؟؟؟؟؟؟؟؟؟؟؟؟؟؟؟؟؟

[DARWEEN]

حبيبي يا حماده ... هي وصلت للفراخ البلدي والرجوع بعد المغرب !!!!!!!!!!!

ياسيدي ... نانسي عجرم دي هي المثال المتجسد للأنوثة المأنثة بحق وحقيقي ... مش الخدع اللي تم خداعنا بها ذات غفلة منا بعد ما شربونا حاجة أصفرا :happy:

ويقال عن نانسي بنت عجرم أنها صاحبة النظرية الشهيرة إن مافيش حاجه تيجي كده :sad:

أما عن هيفاء ... فأعتذر عن إجابتك حيث جرت الدموع في مقلتاي وأنا أحاول أن أتذكر إنسانيتها وهيا بتبوس الواوا مما أعجزني عن الوصف والموصوف

وأنا أقترح أن تكون بنت عجرم وبنت وهبي هما شعار المرحلة القادمة في ثورتنا المنشودة ... وأؤكد أن يقوم كل منا بمطالبة الزوجات بأن تكن مثيلات نانسي وهيفاء .... ويبقوا يقابلوني لو عرفوا ( على رأي المثل وإش تعمل الماشطة )

أبوس أيدك يا حمادة أوعى تقول لبنت مصر إني قلت الكلام ده أحسن تتصل بأم الدراوين وتبلغها وتيجي على دماغ أخوك ... ماهو أنا اللي حاتدبس في القلقاس وأحمد ربنا على نعمة الوحدة ووجودهم في المصيف بلاش بطر على النعمة

[jojammal]

:lol: :D

DARWEEN - أحمد محمود..................ربنا يكون فى العون وانا مش متجوز فعلا بس

ينفع ابقا امين سر الجماعة؟ حاجة انفع بيها نفسي للمستقبل الدكتاتورى

تم تعديل 18 يوليو 2007 بواسطة jojammal