ماذا افعل مع المتطفلين

[بنت الشاطئ1]

لا اعرف كيف اتعامل مع المتطفلين عموما

يعنى ممكن الواحد تنهال عليه مجموعة من الاسئلة ولا يستطيع احراج اللى امامه بعدم الرد و ولا يستطيع الكذب فى نفس الوقت

صديقة لى قالت اننى ممكن استخدم التعريض لكن وجدت انه لا يجدى فى بعض الامور كالسؤال عن سعر فستان مثلا ..والاعجب انى لما اقولها على السعر ترد تقولى غالى جدا..

ومرة واحدة قالتلى انا بهذا الثمن اعمل ثلاث اطقم بدل طقم واحد

وفى مرة كنا جالسين مع بعض الصديقات وواحدة منهن كانت فاسخة خطوبتها جديد وماحدش كان عارف ساعتها واتفاجئت بواحدة بتسألها انت اللى فسختى واللا هو ..بصراحة اتصدمت من السؤال .. على الاقل السؤال المتوقع ليه فسختوا مش مين اللى فسخ!!

ياريت حد يقولى اجابه دبلوماسية

شكرا لكم

[badroora]

اختى العزيزة

الموضوع دا للاسف شائع جدا وخصوصا بين النساء فى نساء بطبيعتهم فضوليين

انا طبعا مش عرفة يعنى ايه تعريض اللى نصحتك بيها صحبتك ولكنى اقولك تصصرفي ازاى مع المطتفلين

اولا

موضوع فسخ الخطوبة

والله محصلش نصيب ودى اجابة شائعة وكافية وشافية ووافيه

وتحاول تغير الموضوع يعنى بالبلدى تخدهم فى دوكة

ومش تديهم فرصة لحد يفتح الموضوع دا تانى

موضوع الفستان وغالى جدا دى مقولة شائعة بيننا كنساء وممكن يكون ردك صحيح عندك حق انه غالى بس بصراحة الفستان كان عجبني وغيري الموضوع والهيهم فى حاجة تانية مش لازم تستسلمى ليهم وتجعليهم يسالوكى وانتى تجاوبي

وقبل كل دا لازم تختارى الصديق

يعنى انا مثلا مش بحب ارغى كتير فى حكاوى نسائية ولا بحب الكلام العائلي او فى خصوصيات حد وعود اصحابي اللى تسالنى على حاجة بهزار اقولها وانتى مالك واغير الموضوع ابقي عرفة ان فضلهم هيئتلهوم بس بدؤا يتعودوا منى على كدا

انا مش بقولك ردى عليهم كدا لا طبعا انا اصحابي اخده عليهم وعارفين طبعى فسلوبي مش بيكون قلة زوؤ ولا حاجة

بس يحتاج منك انك تعرفي تغيري مجرى الحوار وتبدءئ تسالى على اى حاجة تغير الموضوع ولا تستلمي ولا تجعلى نفسك محل تساؤل واجابة فقط .

انا بقي اصحابي يركبوا معايا العربية وهيات يا رغي واحيانا نم على مخاليق ربنا اقوم انا بقي

معاليه الكاسيت لدرجة انى بانسي انى سايقة اساسا ويروحوا هما ساكتين على طول وحفظونى يركبوا معاليا تلاقيهم من نفسهم يعلوا الكاست

نروح مكان الاقي الحوار يقلب تساؤول وتحقيقات فى حاجات ما حب اتكلم فيها .

اطرش او اتكلم فى اى حاجة فى منهم الحرك واللى بيفهم ويغير الموضوع وفى اللى يسر على انه يسال ودا بقي اللى بقولها وانتى مالك .

بس انا بقي لما اعوذ اعرف حاجة طبعا لا يهدالى بال الا لما اعرفها ولا اى حاجة تحوق فيا :rolleyes:

بس طبعا مش فى خصوصيات حد

وبس يا رب اكون افدتك

تحياتى wst::

[semsema]

الله عليكي يا نجفه..كلامك جميل..

طول عمري بقول نجفه دي عندها ابداعات..

بس ياميس نجفه لما تبقى اللي قدامك دي ..فيها غلاسة الدنيا كلها ولازم تعرف كل حاجه وبتتدخل في اللي مالهاش فيه بشكل يجيب الجنون..

ومش بتسيبك غير لما تعرف اللي في بالها ..

دي بقى تتصرفي معاها ازاي..

على فكره.. في ناس بجد كدا انا مش بهزر..

[badroora]

الله عليكي يا نجفه..كلامك جميل..

طول عمري بقول نجفه دي عندها ابداعات..

بس ياميس نجفه لما تبقى اللي قدامك دي ..فيها غلاسة الدنيا كلها ولازم تعرف كل حاجه وبتتدخل في اللي مالهاش فيه بشكل يجيب الجنون..

ومش بتسيبك غير لما تعرف اللي في بالها ..

دي بقى تتصرفي معاها ازاي..

على فكره.. في ناس بجد كدا انا مش بهزر..

اهى دا بقي بالذات يا سمسم اوعى ترياحيها

تعرفي انا باحب اوى النوعية دي وخصوصا اللى باكون فهماها كويس ومش بيريحها

وبالوقت والتعود هتلاقيها بقت تبطل تبقي فضولية

وانا معاكى اى واحده متطفلة ابقي ابعتهالى بعثة وانا اظبتهالك

ماشي

والله بفكر افتح مكتب

كيفية التعامل مع تطفل المتطلفلين من البني ادمين :rolleyes:

واهو الواحد يسترزق منه

wst::

[بنت الشاطئ1]

شكرا لك عزيزتى نجفة

اما بالنسبة لمعنمى التعريض

التعريض يسميه علماء البيان: التورية، والتورية: هي أن يكون للكلمة معنيان: معنىً قريب، ومعنىً بعيد، إذا قلت الكلمة خطر على بال السامع المعنى القريب، وأنت تقصد المعنى البعيد. مثلاً لو قلت لي: تفضل كل، فقلت لك: إني صائم، كلمة صائم إذا سمعها أي إنسان ما الذي يخطر على باله؟ يخطر على باله أنني صائم عن الأكل والشرب، وقد أقصد أنني صائم عن اللغو، كما جاء على لسان مريم عليها السلام: إِنِّي نَذَرْتُ لِلرَّحْمَنِ صَوْمًا [مريم:26] فعبر عن الكلام بالصوم، وكل شيء تنطق به يمكن أن تعبر عنه بالصوم؛ لأن الصوم في الأصل هو الإمساك

قصة قصيرة فيها تعريض

الإمام المروذي أحد أصحاب الإمام أحمد بن حنبل رحم الله الجميع، كان عليه دين لبعض الناس، فلما جاء صاحب الدين ليطالب المروذي قبل أن يصل خرج المروذي من بيته ودخل بيت الإمام أحمد ، وقال للإمام أحمد : سيأتيني الرجل يطلب دينه وليس عندي مال، فقال: ادخل. فجاء الرجل فطرق باب الإمام أحمد ثم قال له: المروذي هنا؟ فإن قال له: نعم إنه هنا.. لا فائدة من هربه. ..فقال الإمام أحمد وأشار إلى كفه ما يفعل المروذي هنا وأشار إلى كفه، فظن الرجل أنه يمكن أن يكون في البيت، فالإمام أحمد إنما أشار إلى كفه، والمروذي ليس في كفه، فهذا اسمه تعريض، وهو يشبه الكذب ولكنه يختلف عن الكذب في الحكم، فهذا التعريض إنما يكون في المباح. أما أن تعرض لأجل أن تأكل حقوق الناس، فهذا كذب وليس بتعريض،

شكرا لكل من شارك