اسعار الشقق ولعت نار

[LinuxMan]

السلام عليكم

انا مش مصدق ان الواحد يبقي معاه 50 الف ومش قادر يشتري شقة حتي لو هيدفعهم دفعة اولي بس .. ايه اللي حصل ده يا جماعة؟

المدن الجديدة زي القاهرة الجديدة والعبور والشروق الاسعار فيها عاليه جدا ومفيش تقسيط معقول :rolleyes:

مفيش حد عنده اخبار عن شقق في العبور او الشروق وتكون اسعارها معقوله؟

[MABELGABRY]

توجد وحدات للبيع في فيلات في الحي الرابع في العبور والتسليم المبدئي خلال سنة -- تبدأ الأسعار من ـ 232 الف و المساحة من 185 متر. نظام الدفع 30% مقدم وتقسيط على اربع سنوات --- اعتقد المقدم كده يبقى حوالي 70 الف

وتوجد وحدات جاهزة للبيع في الحي الاول في العبور بأسعار 1000 جم للمتر -- لكن المنطقة شعبية شوية والدفع كاش --- المساحات تبدأ من 70 متر

اعتقد بما ان س س حكمدار العبور موجود في مصر ممكن يقولنا الاسعار دي اخبارها ايه ......

[أبو حميد]

سعر المتر 1000 جنيه لم يعد متاحا إلا في المناطق الشعبية والأسعار تزيد كل يوم بشكل دراماتيكي صديق لي حجز شقة 160 متر بالعبور في عمارة خاصة بمقدم 104 آلف من اجمالي 220 ألف وبعد ثلاثة شهور من دفع الدفعة المقدمة عرض عليه المالك أن يسترد ما دفع وزيادة 36 آلف ويترك الشقة ولكن صديقي رفض أرجو أن تحسبوا معي معدل زيادة الأسعار

[tarek nokia]

والله ولعت نار نار ولا حد بيشتري ولا حد ببيع هل الاسعار ممكن تنزل ولا حتزيد

[essamalshaaer]

عزيزي طارق .... على فكرة في هبوط في العقار هيحصل وده أنا متوقعه والله أعلم ....

وده لاحظته من خلال متابعتي للأسعار والعروض العقارية على مدار 6 أشهر

في المواقع العقاري المعروفة والعروض المقدمة تلاقي أن في تسهيلات في السداد

كانت غير موجودة زي الأول ...كما ان هناك زيادة في عروض الشركات الي بتقدم شقق

بنظام والأقساط .... قد يكون سببها نقص السيولة أو إن التجار متوقعين حدوث ركود كبير

قد يكون سببه مشكلة أرض مدينتي مع أنني أعتقد أنه قرار سياسي لا دخل له بالعقار

قد يحدث تحرك للأسعار بسبب إننا الأن في موسم عودة المسافرين من الإجازات .... والله الموفق

[tarek nokia]

بصراحة الواحد نفسه الاسعار تنزل بدل الارقام الفلكية الي الواحد بسمعها ده اسعار الشقق بقت حلم انا مش عارف الي حيشتري شقة ب 500 الف نص تشطيب ويشتطبها وطبعا عايز عربية وعربية جديدة < وشوف اسعار العربيات بكام > عشان تستحمل طول مسافة الطريق ومطباته عايز كم سنة غربة عشان تحوش المبلغ ده على كلام السعودين والله قهر

[justtrying]

شكلنا كده مش هنتنيل في سنتنا :blink:

وعلى رأي المثل إذا عكت فلا تلومها

تم تعديل 27 يونيو 2010 بواسطة justtrying

[Howayda Ismail]

بصراحة الواحد نفسه الاسعار تنزل بدل الارقام الفلكية الي الواحد بسمعها ده اسعار الشقق بقت حلم انا مش عارف الي حيشتري شقة ب 500 الف نص تشطيب ويشتطبها وطبعا عايز عربية وعربية جديدة < وشوف اسعار العربيات بكام > عشان تستحمل طول مسافة الطريق ومطباته عايز كم سنة غربة عشان تحوش المبلغ ده على كلام السعودين والله قهر

:blink: شكلنا كده مش هنتنيل في سنتنا :lol:

وعلى رأي المثل إذا عكت فلا تلومها

للاسف ان الاسعار مش حاتنزل والسبب فى كده الحكومة الزفت وبيعها لشركات الاسمنت للاجانب ادى لاحتكار هذه السلعة

الاستراتيجية واللى بيدفع التمن دلوقت الشعب وكذلك الحرامى احمد عز اللى بلع حديد الدخيلة فى كرشه ببلاش

ومنع اصدار قانون الاحتكار وفعل قانون الاغراق ليمنع استيراد الحديد وبذلك استطاع انه يحكم قبضته على السوق

ويحدد السعر اللى يعجبه وكانت النتيجة اسعار الشقق ارتفعت بمعدلات رهيبة فى الفترة الاخيرة وزاد من كده ايضا تشيجع

الحكومة للاجانب لتملك الوحدات وده واضح جدا فى المدن الجديدة خاصة 6 اكتوبر ولان الشقة اللى كنت بتدفع فيها

50 الف بيشتريها عرب الخليج ب100 و 150 وده راجع لطمع السماسرة واصحاب تسقيع الاراضى والشقق.

المصيبة اللى جايبة من الحكومة انها حتزيد الضرائب على 3 سلع من اول يوليو (الحديد _الاسمنت_ السجائر)

والطبيعى ان هناك نية من المنتجين لزيادة الاسعار يعنى من الاخر اللى بيعانى هو المستهلك وهو اللى حيتحمل الزيادة

الجديدة لان مصاصين الدماء مش حايتزلوا عن قطرة دم واحدة من دم الشعب وخلى المليارات تتطلع برة من خيبتنا.

حسبنا الله ونعم الوكيل

ال

[tarek nokia]

في مشروع في 6 اكتوبر طريق الفيوم مساحة الشقة 160 م اتصلت بالشركة اسئلهم عن سعر الشقة طبعا حتستلمها على المحارة نص تشطيب بكام 550 الف جنيه تخيل 160 م 550 الف وعلى طريق الفيوم والمكان عايز عشر سنين حتى يتسكن والله حاجة غريبة قوي

[حازم عادل]

شقة للإيجار في حي الملز شارع جرير في منطقة راقية

الشقة عبارة عن نصف دور في فيلا مكونة من :

2 غرفة كبيرة مساحتها 5*4 متر

وصالة وحمام ومضبخ

والإيجار مناسب جدا ( 15 الف ريال سنوي )

للاستفسار يرجى الاتصال على

****

الرجاء المراسلة على الخاص

ابو ادهم

[حموزة]

طيب أسعار الشقق في المدينة المنورة يا اخواني وتكون قريبة من الحرم النبوي ؟