حتة دين ماتش ... روعة يا زمالك وأروع يا أهلى

[عصام أبوالفتح]

نادى القرن العملاق يتوج مسيرة الموسم الرائعة ببطولة كأس مصر

اروع ماتش شفته فى السعودية .. على الإطلاق وميروك يا أهلى يا حبى الفوز 4/3 .. والزمالك عجبنى جدا جدا فى الماتش ده

مبرووووووووووووووووووووك

ومنك يا أهلى اتعلمنا التصميم .. أكثر من الللى اتعلمناه فى الكلية

[remy_74]

يا جماعه الزمالك لعب ماتش كويس اوى واللاعبيين بذلوا مجهود يشكروا عليه فى حدود قدرتهم المهاريه والبدنيه بس انا مستغربه جدا من تصريح القبانى اللى قاله بعد الماتش على شاشه الART ده قال ان ماكنش فيه توفيق امال الاهلى يقول ايه ده الاهلى فى فرص كتيره ضاعت منه انما الزمالك الشوطه بجون ده شيكابالا ماسمعناش اسمه كتير فى الماتش ومع ذلك او مانزل جاب جون بالذمه ده مش توفيق مع كامل الاحترام لشيكابالا ومع الاعتراف بقدرته كلاعب احسبوا معايا كام هاجمه للاهلى ضاعت وانتوا تعرفوا التوفيق كان مع مين وفى النهايه يا كابتن وائل الكوره مش توفيق بس هى كمان عزيمه واصرار على الفوز (وحرفنه)وده الدرس اللى المفروض تتعلمه يا كابتن ملتستناس الحظ واشكر ربنا وقول الحمد لله على الاداء المشرف لفريقك واحمده برضه على الهزيمه لانها كانت بشرف.

اهلاويه

[ابو محمود]

انا خايف يقولو ان الاهلى غلبهم بالحظ انا بقترح عليهم انهم يطالبو بأعادة المباراة علشان يقدرو يغيرو النتيجة لانهم كانو احسن من الاهلى والريال مدريد وكل اندية العالم ؟؟؟ برضو الملركز الثانى يادوب على مقاسهم

[Ahmad Farahat]

ومنك يا أهلى اتعلمنا التصميم .. أكثر من الللى اتعلمناه فى الكلية

شكلك مهندس قرف من كليته

زيي

[semsema]

دايما لما اقرأ كلام حلو عن الاهلي بحس بفخر لانتمائي للنادي الاهلي..

لانه دايما رافع راسنا لفوق.. وهيفضل رافع راسنا علطول..

[مـي]

بسم الله الرحمن الرحيم

ألف مبروك للنادي الأهلي علىالإنتصار الرائع ده و يا رب يوفقه في المباراة الجاية ...

مبروك فوز الأهلي

[hooba]

فخوور جدا بانتمائي لهذا النادي العظيم .....

منظومه كامله رائعه من لاعبين و ادارة و مدربين ....

ماتش كان رائع جدا .....

مبروك للاهلي و مبروك برضه للزمالك للمستوي الرائع ده ....

[miramar]

بس أنا هسأل سؤال؟؟؟

هو عمرو زكي اطرد ليه؟؟؟؟؟؟؟؟؟؟؟

[se_ Elsyed]

انا مش جاي اقلب المواجع على الزملكاوية وخصوصاً صاحبي وحبيبي ابو راويه الشهير بموديست كعب الغزال يانا ياما اللي اتصلت به من ارض الجهاد في الاستاد عشان اغيظه فلقيته في زيارة خاطفه لمصر وكان هايضرب الماتش ويسافر تاني وحاولت اتصل به بعد المعركه عشان اشد من ودنه قصدي من ازره واواسيه لكن مارضيش يسمعني .. مارضيش يفهمني وكان في رسالة بتقولي " هذا الرقم لا يُمكن الاتصال به الان .. فضلاً عاود الاتصال بعد اول بطولة يحصل عليها الزمالك "

طبعاً موت يا دونكي وممكن في الحاله دي ما اسمعش صوته الحنون لمدة 10 سنوات ضوئيه قادمة

بالمناسبة سبب دخولي الموضوع هو اني عايز احيكلكو تجربتي المثيرة التي لم ولن تتكرر حيث انني وببساطة كنت معزوم على الماتتش من احد ضباط الشرطة الاصدقاء واللي كان يشرف على الامن ناحية مدرجات

مدرجات

والعياذ بالله الزمالك

ولان العزومه جت مفاجأة وقبل المباراة بساعة واحده فقط فكان نصيبي اني اجلس في معسكر الاعداء لان مدرجات الاهلي لم يكن بها موضع لصابع رجل حتى

وتخيلوا بقى 120 دقيقة عذاب وضغط عصبي

او تخيلوا وجود جورج بوش الابن في منطقة تورا بورا حيث معقل حركة طالبان وتنظيم القاعده ومش بس كده ده كان كاتب على قفاه " ملاكي واشنطن دي سي .... طريق السلامه يابو جينا "

فاصل ونواصل

[semsema]

المعلم سين سين رجع.. ايه الهنا ده

الف حمدالله ع السلامه..

كدا بقى المحاورات هترجع لسابق عهدها ..بس الاستاذ موديست اختفى تاني.. حد عارف ليه؟؟

كمل القصه انا في الانتظار..

[Modest]

انا مش جاي اقلب المواجع على الزملكاوية وخصوصاً صاحبي وحبيبي ابو راويه الشهير بموديست كعب الغزال يانا ياما اللي اتصلت به من ارض الجهاد في الاستاد

عايز احيكلكو تجربتي المثيرة التي لم ولن تتكرر حيث انني وببساطة كنت معزوم على الماتتش من احد ضباط الشرطة الاصدقاء واللي كان يشرف على الامن ناحية مدرجات

مدرجات

والعياذ بالله الزمالك

حبيبي الغالي أبو سامية

من ساعة ما طلبتني قبل الماتش و قلت لي بصوت منخفض إنك قاعد في مدرجات الزمالك قلبي زأطط من الفرحة و قلت أخيراً الفرصة جت يا واد يا موديست و هاتخلص من سين سين إلى الأبد ;) .. قصدي قلبي وقع في رجلي و قلت رحت بلاش يا سين سين :cry:

و قلت في عقل بالي أهو بدل ما سين سين يقع من بلكونة في لندن اهو الأخوة في الاستاد يقوموا بالواجب و نطلع بعدها نقول بؤين حلوين على إنك كنت بطل قومي و إن وجودك في مدرجات الزمالك كان في مهمة قومية و إنك شهيداً شهيداً شهيداً.

و كلمت الرجالة في البلد علشان يجهزوا عربية فول .. قصدي عربة مدفع تليق بمقامك :sad: .. لكن ياللا مفيش نصيب بقى :rolleyes:

ألف حمد الله على السلامة يا بطل mfb:

[Modest]

المعلم سين سين رجع.. ايه الهنا ده :rolleyes:

الف حمدالله ع السلامه..

كدا بقى المحاورات هترجع لسابق عهدها ..بس الاستاذ موديست اختفى تاني.. حد عارف ليه؟؟

كمل القصه انا في الانتظار..

أنا موجود يا سمسمة بس بيني و بينك ماكنتش باشارك من قلقي على سين سين لإني ماعرفش عنه حاجة من ساعة ما عرفت إنه قاعد في مدرجات الزمالك يوم الماتش mfb:

يرضيكي أدخل أشارك و أنا قلقان مش عارف مصير الراجل ايه؟ ;)

إلا أخبار الأوكازيونات إيه في جدة غير يا سمسم؟ :sad:

[DARWEEN]

أنا موجود يا سمسمة بس بيني و بينك ماكنتش باشارك من قلقي على سين سين لإني ماعرفش عنه حاجة من ساعة ما عرفت إنه قاعد في مدرجات الزمالك يوم الماتش

يرضيكي أدخل أشارك و أنا قلقان مش عارف مصير الراجل ايه؟

إلا أخبار الأوكازيونات إيه في جدة غير يا سمسم؟

ياطول صبرك يا س س يا أخويا ... وأتحملت تقعد في وسط دول طول الماتش :rolleyes:

منه لله أمير عبد الحميد اللي خلاهم يطلع لهم صوت ويظهروا ويتكلموا

إلا أخبار الأوكازيونات إيه في جدة غير يا سمسم؟

والله الأوكازيونات في جده غير كويسه ... بس عاوزه واحد يكون بيخرج من البيت ... أو واحد بيعرف مكان إكسترا على الأقل wst::

المفروض تسأل عن أخبار الكابتشينو مش أخبار الأوكازيونات :sad: mfb:

يالا حصل خير صحيح ... قالوا في الأمثال ...

لا تعاتب زملكاوي ولا تاخد منه نصيحة ... لو كان يتعاتب ماكانش مرتضى خرج بفضيحة ;) :cry:

[se_ Elsyed]

بعد السلامات والتحيات على كل الموجودين والموجودات ... نستكمل الحديث

المهم

كنا 5 أشخاص رايحين مع بع ويادوب وصلنا قبل الماتش بربع ساعة ... أنا وعديلي أهلاوية مجانين .. ومعانا 3 أشخاص زملكاوية مهيضي الجناح ومنظرهم باين عليه البؤس من طول الفترة اللي ماخدوش فيها ولا غطا كازوزوه أو حتى كأس صفيح في دورة رمضانية ..

لكن كانت الوصيات الجدية من عديلي بالذات لإنه أكبر مني إني أمسك أعصابي وما أبينش إني داسوس مندس خلف خطوط العدو لإن ممكن يكون في عيال مجانين يتهوروا وتحدث إشتبكات دموية ..

الناحية بتاعت جماهيرالزمالك بصراحة كانت مهوية .. يعني ممكن تلاقي في كل مدرج كراسي كتير فاضية ... وكانت رابطة مشجعي الزمالك هي اللي بتقود التشجيع وبصراحة كانو بيشجعوا في فتر ات كتيرة من المباراة وحتى بعد المباراة ما خلصت وبالرغم من حزنهم ندهوا على لعيبتهم وحييوهم

جماهير الأهلي بقى لم يكن لديهم موضع لقدم .. وبجد ومش عشان أنا أهلاوي .. لكن تشجيع جنوني وحماس طول المباراة حتى والاهلي مهزوم والمدرجات كانت بتتزلزل من تشجيعهم ... وكلام سمعته من مشجعين زملكاويه بعد المباراة وبيقولوا " هو في فريق يبقى عنده جمهور زي ده وتشجيع زي ده وما يكسبش ؟" والله هذا حصل .

أما عن ردة فعلي أنا وعديلي خصوصاً بعد تقدم الزمالك 3 مرات على الأهلي طوال المباراة .. فكان عادي وهاديء لإننا واثقين في قوة الفريق وكمان دي بطولة زي أي بطولة في الماضي أو في المستقبل والخسارة لن تؤثر في تماسك الفريق . وجماهير الأهلي كانت متأكده إن المباراة دي هي بمثابة طوق نجاة للزمالك عشان يسترجع روح الفوز تاني وبالتالي لازم يشد ويحاول يفوز عشان ترجع للاعبيه الثقة في أنفسهم .

لكن بصراحة لعيبة الاهلي كانت بتلعب لأخر ثانية ولم يهتزوا من نتيجة 1-0 ثم 2-1 وفاضل دقيقتين على نهاية المباراة وإذ باللاعب الفذ أبو تريكة وبكل هدؤ يُحرز هدف التعادل في مشهد تكرر كثيراً في مباريات الاهلي وكلنا لسه فاكرين هدفة القاتل في مرمى الصفاقسي العام الماضي والذي أعتبره أغلى هدف في مسيرة الأهلي التي امتدت مائة عام .

بالمناسبة لم أستطع أن أتمالك أعصابي بعد أحراز الأهلي لكل هدف وكانت بأقوم أهيص واللي يحصل يحصل والحمد لله جت سليمة .

وبدء الشوط الثالث وإذ بجمال حمزة يُحرز الهدف الثالث وبقت النتيجة 3-2 وإذ بحالة هستيرية تنتاب جماهير الزمالك وسمعت كمية ادعية إن المباراة تنتهي كده تخلي الواحد يعيط وبالذات كان خلفي واحد عمال يعيد بالدموع ويقول لربنا إننا بقالنا 3 سنين ماخدناش حاجه ... ومن خلفه مجموعة بنات نازلين صويت وكإنهم في ميتم ..

العجيب بقى إن كان جنبي على طول زوج وزوجة يابانيين ما همدوش طول الماتش وكانوا بيشجعوا بجنون وجايبين معاهم كمية ساندوتشات كانوا عمالين يحطوا غلهم فيها وكل ساندوتش يطلعوه كانت عيني فيه لإن في اليوم ده ماتغدتش بس واحد من اللي معانا عدى على محل حلويات وهو جاي وجاب لكل واحد فينا طبق رز بلبن وأخدنا معانا الأستاد لكن من حلاوه الماتش ما ضربتش طبقي إلا بعد الماتش .

وأنتهت المباراة وهاتك يا عياط وحزن ومرثيات وكلام من عينة

" والله حرام الحظ ده .. بقى أحنا نلعب وهما يكسبوا ؟ "

" والله العظيم يا عم فريق الأهلي إنتهى وبكره تشوف الزمالك هايعمل إيه"

ساعتها أفتكرت قصيدة الفنانة عفاف راضي " وييجي بكره أقولك بكره .. وييجي بكره أقولك بعده .. يعني النهاردة هاقولك بكره " لحد ما لخبطت الواحد وما بقتش عارف النهاردة إيه :rolleyes:

" الله يخرب مامتك يا هنري يا ميشيل .. بقى حد يركن شيكابالا الوقت ده كله "

" معليش يا رجاله .. إن شاء الله نعوض في السوبر "

قدامي بقى واحد جاي من الأرياف سايب الماتش كله ونازل شتيمه في الحكم وكرر العبارة دي اكتر من 100مرة

" يا حكم يابن الهبليه - هو قصده هبله .. بس بيكسر اللام - ده الفاول ده المفروض يتعمل للعيب الأهلي محضر مش إنذار "

والحكم طبعاً كان اسباني ومش فاهم هو بيقول إيه

المهم لم نحضر مراسم تسليم الكأس عشان نلحق نطلع في الرواقه ونلحق نركب العربية ونتوكل قبل الطرق ما تبقى عجين ...

لكن بإختصار كانت تجربة مُثيرة وضحكت فيها ضوحك ما ضحكتوش قبل كده

لكن بشكل عام كانت مباراة جميلة ومثيرة من الطرفين ..

لكن الكبير كبير

[semsema]

لكن بإختصار كانت تجربة مُثيرة وضحكت فيها ضوحك ما ضحكتوش قبل كده

:rolleyes:

الله يجازيك خير يا سين سين..

انا بجد حاسه اني هموت من الضحك..

حظ اوفر للزمالك..بس ما اعتقدتش انهم يبقوا محظوظين

:sad: mfb:

[kokomen]

مساء الخير : لكل الأهلوية

مبروك فوز الأهلي بلإصرار والعزيمة استطاع الأهلى أن يفوز بالمباراة

ومبروك للزملكاوية الأداء الممتاز رغم الهزيمة من فريق المئوية

اجمل ماتش رفع راية الكرة المصرية ... الأداء الجميل .. الأهداف الجميلة .. الروح الرياضية .للجمهور واللاعبين ..

مباراة تليق بقطبي الكرة المصرية ...... الف مبروك للرياضة المصرية

[kokowawa1979]

حبيبنا الغالي أبو أحمد الاسكندراني : حمدا لله على سلامتك - ياراجل قلقتنا عليك - نرجو أن يكون غيابك خيرا إن شاء الله .

نورت المحاورات .

[kokomen]

حبيبنا الغالي أبو أحمد الاسكندراني : حمدا لله على سلامتك - ياراجل قلقتنا عليك - نرجو أن يكون غيابك خيرا إن شاء الله .

نورت المحاورات .

الأخ الحبيب : كوكواوا

زعيم الزمالكاوية

الله يسلمك ... شكرا علي مشاعرك الرقيقة ... وأظن أن دي الروح الزملكاوية الأصيلة

المشكلة كانت عدم مقدرتي على دخول الموقع من مصر لآني في أجازة ... وأهي فرصة

للإستجمام والتأمل على شاطئ البحر الجميل .. ورزاز المياه الممزوجة بنسيم البحر ورائحة اليود المتسامي المنعشة

لكن كلكم وحشتوني خلال شهر الغياب

تحياتي القلبية الخالصة لك

:sail: :sail: