حسنى عبد ربه ومعتز اينو فى الاهلى

[تيتو]

انتقال حسنى عبد ربه رسميا من نادى ستراسبورج الفرنسى إلى النادى الاهلى

مقابل 700 الف يورو .

هل سيحقق حسنى عبد ربه ما حققه بركات والشاطر والنحاس

وهل سيتكرر سيناريو محمد صديق وطارق السعيد فى الاهلى مع اينو

اعتقد ان حسنى عبد ربه سيكون صفقة رابحة وسيحقق مفاجأت اما اينو فأعتقد انه سيرحل سريعا .

[Ahmad Farahat]

شوف يا تيتو

زي ما اختلفنا على بطل الرولان جاروس

هختلف معاك دلوقتي في إينو

وهنشوف

[kokowawa1979]

راجل فاهم كورة يا تيتو بصراحة

تصدق يا أرسين أنا زعلت منك في حكاية إينو دي !!!!!

[Ahmad Farahat]

راجل فاهم كورة يا تيتو بصراحة

تصدق يا أرسين أنا زعلت منك في حكاية إينو دي !!!!!

أنا مبتكلمش كتير

سيب الملعب يحكم

[تيتو]

صـــح

نسيب الملعب يحكم

[kokowawa1979]

تيتو كتب :

صـــح

نسيب الملعب يحكم

طبعا ده إذا إينو لعب

[Ahmad Farahat]

تيتو كتب :

صـــح

نسيب الملعب يحكم

طبعا ده إذا إينو لعب :unsure:

بالمناسبة يكوكو

تجربتي معاك بتؤكد

إني في 90% من الأمور باكسب دايما

أما مسألة إينو يلعب أو ميلعبش فمش ده الرهان

الرهان الحقيقي إن إينو في أي مباراة للأهلي يلعب فيها ولو لخمس دقائق سيبدو لاعبا خطيرا وسط كوكبة النجوم

فقط عليه أن يتجاوز المشكلة الأولى

وهي أنه ليس مقيدا في القائمة الأفريقية

[تيتو]

المهم الاستمرار مش يلعب مرة حلو

وعشرة وحش . وانا بشك انه يستمر فى مستوى عالى .

وهنشوف عبد ربه هيعمل ايه .

[kokowawa1979]

فيه نقطة غايبة عنك ياعم أرسين إيه هي :

إينو خطيب بنت أحمد شوبير !!!

مش هاقول لك أكتر من كدة - وطبعا إنت عارف مدى الكراهية اللي بيكنها مانفيلا جوزيه لشوبير - ومش هاقول أكتر من كدة دلوقت - وماتقولش إن جوزيه مدرب محترف وميعرفش الكراهية - والدليل أحمد بلال !!

فما بالك بزوج المستقبل لبنت شوبير !!!

حتى في جميع الأحوال لايمكن أن يجلس شوقي أو حسن مصطفى او حسام عاشور أوابوخيبان- أو الوافد الجديد لتكملة فريق الاسماعيلي بالأهلي احتياطي للاعب ربع لبه مثل إينو !!!

وفعلا الملعب هو الحكم !!!

وأتمنى لك أن تكسب هذه المرة أيضا لإني نفسي إينو يلعب وبكدة نضمن الأهلي بيلعب 10 زي الزمالك لما يلعب حازم إمام :rolleyes:

[أبو حميد]

بعد كل التأكيدات السابقة يبدو أن حسني لن ينتقل للأهلي وتبعا لموقع في الجول

ضغوط مكثفة على الأهلي للتراجع عن صفقة عبد ربه

أشارت مصادر مطلعة إلى أن ضغوطا كثيرة تُمارس حاليا على النادي الأهلي من أجل إنهاء أزمة اللاعب حسني عبد ربه وتركه للنادي الإسماعيلي حتى في حال صدور قرار الاتحاد الدولي لكرة القدم (الفيفا) لصالحه في الشكوى التي قدمها الإسماعيلي ضد نادي ستراسبورج الفرنسي بشأن اللاعب.

وقالت المصادر لـFilGoal.com يوم الأحد إن تلك القضية ستشهد خلال الأيام القليلة المقبلة تطورات مثيرة تنتهي بتراجع الأهلي عن إتمام التعاقد مع عبد ربه ، لا سيما وأن النادي الأحمر لم يصدر عن أي تصريح رسمي حتى الأن بشأن تعاقده مع اللاعب.

وفي غضون ذلك ، قال والد اللاعب لصحيفة "المساء" يوم الأحد إن حسني سوف ينتظم مع الإسماعيلي في معسكره الذي سيقام بالإسكندرية ، نافيا أن تكون العلاقة بين ابنه والمهندس يحيي الكومي رئيس النادي الاسماعيلي وصلت لطريق مسدود.

وأكد والد حسني أن الساعات القليلة القادمة ستشهد انفراجاً في أزمة ابنه بعد تأكيداته بالبقاء مع الإسماعيلي وإبلاغ النادي الفرنسي والأهلي بذلك.

علما بأن جريدة الدستور نشرت خبرا مفاده بأن القائم بالضغوط هو السيد/ علاء مبارك نجل الرئيس. والغريب أن اللاعب قد تلقى تهديدات بالقتل بعد الإعلان عن انتقاله للنادي الأهلي.

ولن نعرف هل الضغوط على الأهلي أن التهديدات هي من غيرت مسار الصفقة؟؟؟!!!

تم تعديل 9 يوليو 2007 بواسطة أبو حميد

[Ahmad Farahat]

فيه نقطة غايبة عنك ياعم أرسين إيه هي :

إينو خطيب بنت أحمد شوبير !!!

مش هاقول لك أكتر من كدة - وطبعا إنت عارف مدى الكراهية اللي بيكنها مانفيلا جوزيه لشوبير - ومش هاقول أكتر من كدة دلوقت - وماتقولش إن جوزيه مدرب محترف وميعرفش الكراهية - والدليل أحمد بلال !!

فما بالك بزوج المستقبل لبنت شوبير !!!

وأتمنى لك أن تكسب هذه المرة أيضا لإني نفسي إينو يلعب وبكدة نضمن الأهلي بيلعب 10 زي الزمالك لما يلعب حازم إمام :lol:

شوف يا ريس

إينو وشوبير قدام بعض نفوا الحكاية دي

أما مانويل جوزيه فهو الذي أعاد أحمد بلال إلى الحياة

بس خلاص

[تيتو]

فعلا يا أبو حميد شكلها كده إن حسنى عبد ربه

هيفضل فى الاسماعيلى

حتى الكورة بييدخلوا فيها

حسبى الله ونعم الوكيل

[Ahmad Farahat]

فعلا يا أبو حميد شكلها كده إن حسنى عبد ربه

هيفضل فى الاسماعيلى

حتى الكورة بييدخلوا فيها

حسبى الله ونعم الوكيل

لا أعتقد هذا يا صديقي

وحسني في الموسم القادم بالفانلة الحمراء

[تيتو]

انا اتمنى انه يكون فى الاهلـــى

بس كان فى تصريح قريب من الكومى انه هيفضل فى الاسماعيلى

بس شكلها تصريحات اونطه

[Ahmad Farahat]

انا اتمنى انه يكون فى الاهلـــى

بس كان فى تصريح قريب من الكومى انه هيفضل فى الاسماعيلى

بس شكلها تصريحات اونطه

ده لو الكومي قال غير كده

يبقى مش هييجي الأهلي

لو أن الكومي قال إن الشمس تشرق من الشرق

فعليك أن تتأكد من صدق معلومته

[sweet girl]

يا رب يا عمو حسنى تيجى الاهلى وترفع راسنا

بس انا عايزه اعرف حاجه قعدو يقولو ابو جلبان ابو جلبان

ده لعيب ومش عارفه ايه

الراجل دخل النادى وما بيعملش حاجه خالص

واقفلى فى النص يتفرج عالعيبه

يارب يا اونكل حسنى ما تعملش زيه لو جيت الاهلى