حسبي الله ونعم الوكيل...

[بنت شعنونة]

من كام شهر سالتكم عن افضل مشروع ممكن اعمله

وربنا هداني وعملت مشروع صغير

وفي تالت اسبوع من افتتاحي

شرفني مفتش الصحة ومفتش مكتب العمل و السجل المدني والسجل اضريبي

:(؟؟؟

ها اموت واعرف وصلولي منين

واليكم تجربة صغيرة بائت بفشل ذريع

ايجار اقل محل مش اقل من 400 جنيه لو عاوزة في حتة معقولة ومساحة معقولة

الكهربا كانت خاولي 100 جنيه مع انه اللمبات كلها نيون بس!!!!

الزبالة (اكرمكم الله) عاملة 30 جنية!!!!!!! ليه مش عارفا

عشان اشتري بضاعة للمحل يلزمين يوميا ما ياقارب 100 جنية

:(

واحسب ياللي بتحسب

يعني من الأخر

المشروع خسرني الاف الجنيهات دا غير مشاكل حكومية هايلة

:(

مين كان بيسال بيقول نرجع من الغربة والا لا؟؟

اوعوووووووووووووووووووو ترجعوووووووواااااااااااااااا

وبعد كل دا

يجيلي التكليف على المنـــــــــيــــــــــا؟؟؟؟؟؟؟؟؟؟؟

:(

كاتها نيلة اللي عايزا خلـــــــــــــف :mad: :?

[ابو حلاوه]

عارفه يا شعنونه و عسي ان تكرهوا شيئا و هو خير لكم

بعد البكالوريوس و احساس باكتئاب يلازم اي طبيب حديث التخرج و السؤال التقليدي اخرتها ايه

كنت بافكر اترك الطب و اعمل في اي مجال اخر لكن و بعد كام سنه بهدله الحمد لله الدكتوراه بتاعتي ناقشتها امبارح بس

و الرساله بتاعتي هتتنشر كمان

الطب مهنه ليس لها اي مثيل و اي تخصص طبي حتي لو ماكانش عاجبك افضل بعد كل السنين القاصيه في الكليه من ممارسه اي مهنه اخري معلهش هو مصيرنا كده لكن اكيد بعد الصبر الامور بتتحسن

نصيحه انتي في ايدك كنز ما تبعيهوش رخيص

[achnaton]

الأخت شعنونة ..

والله زعلتينى .. بعد كل المناقشات دى .. دول ست صفحات .. والآخر تقع فى مطب الحكومة الخايبة .. دول يفترسوكى يا بنتى .. وبعدين دا داخل موسم .. كويس أن عسكرى المرور لم يمر عليكى ولا بوابين المنطقة ..

على العموم الخبر الطيب فى المداخلة إنك رايحة المنيا .. وده فى حد مكسب كبير .. توكلى على الله ومش حتندمى .. المنيا بلد حلوة وناسها طيبيين جدا وحيحطوكى فى نن عنيهم .. ولما تستقرى هناك .. وأعتتقد إنك لن تحتاجى لوقت كبير .. حا أقولك على مشروع .. من أب لبنته .. وربنا يساعدك .. وكل سنه وانت طيبة واهلا بك فى مو طن اخناتون

اخناتون الحفيد

[بنت شعنونة]

والله يا اخ ابو حلاوة

انا دخلت الطب لأني سليلة عائلة طبية بحته

:?

و انا لا غاوية طب ولا نيلة ولا قلبي يستحملة... وبعد ما نزلت مصر واتعلمت الطب فيها وشفت اسلوب الدراسة و الكوســـــــة و الــــقــــرع

كرهته الف الف مرة

وحالفة مهما حصل مش عاوزة اشتغل بالطب ابدااااااااا :mad:

ومش عاوزة اقولكم ان مشروعي كان محل خضار وفاكهة

وعندي استعداد اجرب حظي في الف الف شغلة مهما كانوا المهم ما يكنش فيها ريحة الطب

كفايا عليا كدا

يبقى لا دراسة ولا فهم و مهنة و لا فلوس كمان!! :D :? :(

[بنت شعنونة]

اخي اخناتون

والله انا ما ااعرف المنيا دي فين اصلا

انا اخري اسمع عن اسوان

انما المنيا دي؟؟؟؟

الله اعلم هيا فيييييييييييييييييييين

:roll: :roll:

[Farida]

المشكله يا أخت شعنونه انك ما فتحتيش مخك معاهم يعنى لا زم لكل واحد منهم شهريه انت مش عايشه هنا ولا ايه .... انا قريب لى فاتح محا البا ن و لمل ما فتحش مخه اخده عينه من اللبن و بيتوها يومين و قالوا ان اللبن بايظ !!!!!!!!!

[mnman]

معلش يا شعنونة تعيشي وتخدي غيرها ومحدش بيتعلم بالساهل...علي العموم المشروع الجي تفتحي مخك مع حبيبنا الحلوين علشان يسبوكي في حالك ماذا والا.. مش حيعمرلك مشروع..

وعلي رائ الشاعر..

لاخير في قوم تذل كرامهم ويعظم فيهم نذلهم ويسود

ومش نذلهم بس دة لصهم ومنافقهم وكلة..

والله المستعان...

[Set_Amina]

قلبي معاكي ياشعنونة وانا يمكن اكتر واحدة حاسة باللي انتي فيه من ألم الخسارة بعد ضياع تحويشة العمر وان صح التعبير بعد ضياع سلفة البنك.. عموما انا سمعت ان المشاريع الزراعية بتكسب وناجحة جدا بس طبعا لازم يكون معاكي شريك بيفهم في الزراعة.. حد سمع عن حاجة زي كده، الحقوني قبل ما اندفع واتطورت في مشروع للمرة ا لثانية علشان نفسي ارجع مصر.

[felfel]

ياأخونا مفيش مشروع ناجح اليومين دول

السوق فى حالو ركود غير عادية والقوى الشرائية معدومة , يعنى السوق فى عرض زائد عن الحاجة. المشروع الوحيد اللى شغال كويس هو الكافى شوب الشيك ويقدم شيشة وكام بنت حلوة علشان تلاغى الزباين (ودى منتشره جدا فى البلد اليومين دول )

لاأنصح أى حد أنة يغامر بفلوسة فى أى مشروع للأنك هاتخسر , اللى معاه قرشين يحولهم دولارات ويحطوهم تحت المخدة للأن سعر الدولار هيزيد اليومين الجايين

[arabawy]

انا سمعت ان المشاريع الزراعية بتكسب وناجحة جدا .

مفيش اي حاجة في مصر تكسب . وتكسب اية من شعب معندوش فلوس يصرفها وبعدين مين حيسيبك تكسب وانت ابن مين في مصر انت ؟ عشان عايز تشتغل وتكسب.. يعني تلاقي نفسك خسران ومديون ومفلس ومحبوس ..اهي دي مصر ياعبلة ..

[Faro]

مازال الفول والفلافل من أحسن المشاريع إذا وجد الفول.

رمضان كريم

[بنت شعنونة]

اللي يقول ان البلد ما فيهاش فلوس يبقى راجل طيب

فيها

المهم انت تجيبها منين

لو غضينا نظرنا عن الحكومة والضرايب ومكتب العمل وغيره

بامكاني اقولكم ان مشروع الخضري دا كان ناجح جدا ومربح

كفايا انكم تعرفوا انك بتكسب في الخضار 200% و الفاكهه يعني ممكن من 2 الى 100% انت وبختك وحسب السعر اللي انت شاري فيه

لكن دا في حالة واحدا فقط انه يكون عندك سحب معقول

والا ها تقعوا في المشكلة اللي وقعت انا فيها

التواااااااااااااالف

انا كنت بجيب كرتونة البلح يتباع منها 3 كيلو او 2 وبقية ال12 كيلوا في الزبااااالة

دا كان خراب بيوت مستعجل

انما موضوع ما فتحتش مخي معاهم ف دا مش عشان انا غبية لا والله

مش عايزة اقولكم ان ديتهم كانت 20 جنية لكل واحد كل اول شهر

لكن انا راعيت ربنا

مش قادرا امد ايدي وادفع رشوة

استحرمتها

قلت خليها على الله بقى وزي ما تيجي تيجي

بيني وبينكم

عندي حالة اكتئاب فظيييعه

بفكر افتح المحل وافتح في حتة تانية

وساعا افكر اروح المنيا دي واجرب ابقى دكتورة بجد

لكن رحم الله امرءا عرف قدر نفسه

خايفة اموت حد او ااذي حد بجهلي :(

ساعتها ضميري مش ها يرحمني

وساعا افكر اقعد في بتنا واضرب الدنيا طناش

:(

فقدت الأمل في كل حاجا

واحساسي بعقدة الفشل بقى اضعاف الأضعاف

كرهت الدنيا

[freefreer]

اختى شعنونة .. قلبى معاكى و الله .. معلش حقيقى كما قال الأخوة .. ما فيش حد بيتعلم ببلاش .. إنتى دلوقتى عندك خبرة فى السوق .. الواحد لما بيكون غير متخصص لازم يخسر كذا مرة قبل ما يفهم اللعبة .. ولابد يفتح مشروع يسمح بالبدئ على صغير .. ولازم يكون عندة رأس مال لكى يتحمل حسائر فى الشهور الأولى .. ولا أعلم لمذا لم تقلصى الكميات المعروضة حتى تتفادى التالف ؟ .. طب دى فلسفات الناس اللى على البر .. و اللى على البر عوام ..

معلش خيرها فى غيرها .. إن شاء الله

[Farida]

عزيزتى شعنونه انا زيك و الله با كره الرشوة لكن المفتى و لا مش عارفه مين افتى ان لو شغلك ما مشيش الا بالرشوة او لو اتعطلت و لا يوجد طريق الا الرشوة ادفعى يا أختى و الذنب على اللى بيسمح بكده ....... و عايزه اقو للك حاجه عارفه مرتب المفتشين دول كام و عارفه ان التعليم دلوقتى بقى كله دروس خصوصيه و عارفه اللحمه و السمنه و الرز بقوا بكام يا أختاه انا لما باشوف موظف مش راضى يمشى الشغل الا بالأكرميه و ابص على هيئته بيصعب عليا و اتخيله و هو مش عارف يكفى بيته و اسرته .... انا عارفه ان الموضوع ذو وجوه متعدده بس احنا فى كرب عظيم و الكل محتاج ...

[Cleo]

أختى العزيزة فريدة ..

لكن المفتى و لا مش عارفه مين افتى ان لو شغلك ما مشيش الا بالرشوة او لو اتعطلت و لا يوجد طريق الا الرشوة ادفعى يا أختى و الذنب على اللى بيسمح بكده

والنبى بلاش سيرة المفتى ده عشان بأشعر ....

يا عزيزتى المفتى استضافوه ناس من وزارة الخارجية فى لقاء مع زوجات الدبلوماسيين المصريين و انتزعوا منه فتوى بأن تقديم الخمور فى بيوت الدبلوماسيين للأجانب حلال على طريقة "دة مش عشلنى... ده عشان مصر والله" المهم أنه فعلا أفتى لهم بذلك .!!!!!

فى ظل عصر الفتاوى التفصيل و التيك أواى... علينا بالحديث الشريف "استفتى قلبك و لو أفتوك"

[اللمبى]

في حالة واحدا فقط انه يكون عندك سحب معقول

والا ها تقعوا في المشكلة اللي وقعت انا فيها

التواااااااااااااالف

انا كنت بجيب كرتونة البلح يتباع منها 3 كيلو او 2 وبقية ال12 كيلوا في الزبااااالة

دا كان خراب الفشل بقى اضعاف الأضعاف

السلام عليكم

الاخت الفاضله ..

ان ما تتحدثين عنه يا سيدتى لا يتعدى كونه مشكله تخزين اى كيف تحافظين على منجك الزراعى اطول مده دوت تلف وبالطبع هذا سوف يتاثر بكميه البيع التى تقومين بها والتى بدورها تتاثر بالمنطقه التى اخترت ان تفتحى فيها محل لبيع الخضار والفاكهه وكيف تعرضى النتج الخاص بك ومدى نظافه المكان ونظافه الزبون وكل هذه الاشياء .

اما ما يخص دراستك والتى غضبتى عليها بعد 7 سنوات من الدراسه والنجاح... فعذرا لا احد ينجح فى ما لا يحب الا ان كان ناجحا وهذا ما استطيع ان اجزم به انه فيك .

فالتى تمتلك القدره على اتخاذ مثل القرار الذى اخذتيه قى التجاره بالرغم من الشهاده التى حصلبت عليها تستحق الاحترام والتبجيل ولكن لابد ان تتوافر لديك المنطقيه .. اذا اردت التجاره فليكن فيما تعرفين ..

كالاجهزه الطبيه او المستلزمات الطبيه او مستلزمات ىالمعامل وعندها سوف تعملين فيما تعرفين وفى نفس الوقت تستطيعين الاستفاده من زملاءك فى نفس المجال ..

او العمل فى اى مشروع من المشاريع البحثيه التى تملاء مصر الان .

المهم الا تلقى 7 سنوات ادراج الريح ... لقد اخذت فيهم خبره وحتى لو لم تشعرى بها الان ...

حاولى ان تستثمرى هذا الوقت وصدقينى ستنجحين .

السلام عليكم

[بنت شعنونة]

اخي اللمبي

كلامك نفس كلام بابا :(

بس ها ارد عليك زي ما برد عليه

مافيش حد فينا اتولد عارف كل حاجا

كلنا بنتعلم

وماحدش بيتعلم ببلاش

حاليا انا بدور على محل تاني في حتة تانية هربا من المشاكل الحكومية باعلان اغلاقي للمحل ومحاولة للكسب وتسديد الدين اللي عليا

اما موضوع خسارة سبع سنين

خسارو زي دي اهون عندي من روح انسان تضيع بسببي

وعمرها ما كانت متاخرة انك تقول لازم ابتدي دلوقتي

وانا بحب التجارة

ولذلك احاول ان اجد نفسي فيها

:roll:

بدل ما كل يوم اقعد اشتم نفسي اني بعد 27 سنة في الدنيا يبقى محصلتهم صفر كبير؟؟؟؟؟ :cry: :? :(

[اللمبى]

السلام عليكم .

اذا لو كان ولابد تبقى تجاره خليها فى الى درستيه ...زى ال الفيرولجى مثلا ومواد التحاليل المعمليه او ...

صعبان عليا ال 7 سنين يا بنتى ( انا زى بابا فعلا ) .. ربما لم تواجهى من يعرفك بنفسك كما يجب ..

اعطى نفسك فرصه اخرى ..

السلام عليكم

[farasha79]

شنشن يا حبيبتي انتي بتفكريني بصديقه دكتوره اتخرجت و لم تمارس الطب حتى الان مع العلم عندها 37 سنه

بجد خساره

ليه ما تروحيش training عند دكتور و تشجعي نفسك

و بدل محل الفاكهه تبقى عياده حلوه بسيطه و تكسبي من تخصصك

و ابعدي عن بالك فكره انك هتموتي حد

الاعمار بيد الله

جمدي قلبك و فكري و مين يعلم بكره الفلوس تجري في ايدك و تفتحي مشروع الفاكهه اللي شاغل بالك في جميع محافظات مصر

ولا ايه رأيكم يا جماعه :lol:

[se_ Elsyed]

والله صديقتنا الجديدة فراشه عملت جو حلو اليومين اللى فاتوا دول ،، فهي عماله تطير وتفتح ريفريش لمواضيع قديمة بس ظريفة.

أستمري فى الطيران يا فراشتنا الصغيرة .. ودعبسي فى الحاجات القديمة علشان الجيل الجديد اللى زيي كده يعرف المنتدى كان بيحصل فيه أيه زمان :D