اغتيال اعضاء المحاورات واختفائهم فى ظروف غامضة !!!

[badroora]

بصراحة مش عرفة هنكتب لمين ولا لمين الاعضاء بيختفوا واحد ورى التانى اكيد دول فى اجازة بس المفروض يعرفونا عشان مش نقلق عليهم

الغالى كوكومن اختفي وليس له اثر

ياسو ايضا

اسبيدش

س س وكتبت له سمسمة نداء

وكمان موديست وكتب له ارسين نداء

وصبح

استاذ احمد محمود بقي مقل ايضا

وفلانة بقالها يوم مختفية

ومدام سلوي احنا عارفين انه مقلة بس بردة وحشتنا

وسمبا

واستاذ داروين بقي مقل الدخول خالص

ودكتور هوبا

ونانو

وناش فى اجازة

وجنان

وسندريلا

وجيهان

طبعا غوص احنا عرفين مسبقا انه هيتختفى بس بردة افتقدناه

محمد ميدو بردة مش عارفين فينه

وناس كتير اوى مش حاضرين فى زهنى دلوئتى

نداء للجميع يا ريت ترجعونا بالسلامة ويا ريت الكل مش ينسى اننا اسرة واحدة ومتتعلقين ببعض حتى لو لم تربطنا ببعض علاقة مباشرة بس اكيد بنتابع بعض من بعيد لبعيد

انا عارفة ان اكيد الناس فى اجازة ولا بيصيفوا وان شاء الله مافيش اى مكروه صاب اى حد منهم

بس يا ريت يطمنونا عليهم

وانا بضم صوتى لصوت ارسين وسمسمة وبناشدكم ترجعونا بالف سلامة

ووحشتونا بجد ويا ريت لا تغيبوا عننا وتبقوا تعرفونا لما تغيبوا عشان مش نقلق عليكم

ويضطر استاذ عادل انه يبلغ عن التنظيم اللى ممكن يكون مسئول عن اختفائكم

دى الى جميع الاعضاء اللى مش بيظهروا واسفة جدا لو نسيت اى اسم ويا ريت مش يزعلوا لان كلهم غلوتهم عندنا واحدة

يلا فى انتظاركم

نجفة

تم تعديل 5 يوليو 2007 بواسطة نجفة المغرورة

[الحازم حسن]

وجنان

وجيهان

جنان في لبنان بينها وبين القصف في مخيم نهر البارد حوالي 5 كيلو بس

ادعوا لها ربنا يرجعها بالسلامة من الاجازة

مدام جيهان حقيقي ليها وحشة لعل المانع خير ان شاء الله

[Folana]

السلام عليكم ورحمة الله.....

تصدقى بالله يا نجفة...انت اول ما سجلتى معانا كنت مش باعرف اقرا اسمك....نجفة ولا تحفة وده بسبب الخط اللى بيكون تحت الاسم..ويمكن ده عمل لبس برضه على الاعضاء..ولما عرفت انه نجفة...قلت لنفسى نجفة!!..طب اشمعنى ؟...

لكن مع مرور الوقت ...وجدت انك شعلة نشاط فعلا ..ومع زيادة تعاملى معاك حتى لو كنا اختلفنا احيانا فى وجهات النظر...تيقنت انت ليه اخترتى اسم نجفة....ووجدت انه مناسب تماما لك وبيعكس ما بداخلك من نور وجمال روح....على فكرة انا باتكلم صدقا ومش باجامل...

ربنا يبارك فيك....

بخصوص الاعضاء المختفيين...اصل...انا سمعت كده ..... :unsure: ....بيقولوا فيه عصابه واقفة على باب المحاورات بتخطفهم وتوديهم مكان بعيد ...بعيد....سكة سفر ...او سكة اللى يروح مايرجعش ....

انا بدات اخاف على نفسى....اصلهم بيقولوا انهم رايا وسكينة فى ثوبهم الجديد...تفتكرى الكلام ده بجد؟؟؟

فاكرة فيلم الاستاذة فاطمة....كان فيه صبى محامى كده واقف لها على باب المكتب كل مايجى واحد يدخل..يقوله لا تعال عند الاستاذ احسن :lol:.....اهو...عمالين نسمع من الشرق ومن الغرب يا اختشى المهم ماتمشيش وانت لابس دهب ...احنا عايزينك.....

انا باضحك طبعا.....وباضم صوتى لك وانادى على كل الاعضاء...- بصفتى عضوة وزميلة واخت لكم جميعا - واتمنى اننا نرجع مع بعض تانى نكنتب ونتحاور.......لاننا بنحب وجود بعض ونسعد بكلمات الاخر ونقاشه...حتى لو اختلفنا فى الرأى....

ومش معنى الاختلاف فى الرأى اننا نشن حرب على من يخالفنا ونوزع منشورات سرية ضده..ونعلق له المشانق....والا مش حنعرف نتوصل لحلول لمشاكلنا الاصلية حتى.....

الجملة دى اعتراضية......بس انا باحب اكتب كتير...:lol:

ربنا يطمنا على جنان يارب ...هى تبقى اخت اسيرة الاحزان؟......وفيه كمان الاخت لبنانية بقالها كتير مش بتدخل...ربنا يطمنا عليهن ...وعلى الجميع يارب

بالمناسبة سى السيد اجازة

صباحكم جميل.......

[Ahmad Farahat]

برضه البنت المصرية تقريبا مش موجودة

د.يحيي الشاعر دخوله قليل

محمود الشاعر برضه وده مهم جدا بالنسبة لي

فيه واحد اسمه التراب والمطر معرفشي راح فين

خضر برضه جه وراح ومرجعشي تاني

فيه كتيييييييييييييييييير يا شباب

[semsema]

وبنت النيل وسيوه وواحد تاني ونوره وايناس..

ومين كمان؟؟

والاستاذ ياسو فيناس..اللي مالوش حل

ومدام نانسي اللي مبتظهر غير ع الصيف

ومدام فولانه ومدام سلوى بقالهم مده طويله مش باينين..

والاستاذ مهيب ودياب وطبعا عمو موديست ..

يا جماعه دول كتار خالص هفتكر مين والا مين .. انشاء الله يرجعوا بالسلامه..

[badroora]

ميرسي جدا يا مدام فلانه على كلماتك الرقيقة ويا رب اكون عند حسن ظنكم دايما .

جنان ربنا معاها وترجعلنا بالف سلامة

وكل المختفين يرجعونا بالسلامة يا رب عشان هما وحشونا والبيت مضلم من غيرهم .

:happy: اصل اللمبات بتاعتى ضعيفة جدا مش مكفية كل المتندى تنوره

يلا تعالوا بقي

نورونا بوجودكم

:rolleyes:

[مومو الامور]

السلام عليكم

الاخت نجفه المغرورة مساء الخير

اعضاء المنتدى والقراء الكرام مساء الخير

اولا اشكر الاخت نجفه على نشاطها الدائم وارائها الجميله واود ان اقول اننى لاحظت انها شاركتنا فى 30/3/2007

وكتبت 1174 مشاركه حتى الان الله اكبر فى عنين الحسودين على صوابعها

وانا مشترك من فترة ومعملتش غير 140 بس ان دل على شيئ يدل انها عضوة متميزة

وكلنا نحييها ونشكرها وانا اقترح ترقيتها وتكون مديرة باب الاجتماعيات ونزود راتبها شويه

ولكم منى وافر التقدير والاحترام

بيانات الاخت نجفه المغرورة

المشاركات: 1174

التسجيل: 30-March 07

البلد: Two Seas

رقم العضوية.: 12538

[badroora]

السلام عليكم

الاخت نجفه المغرورة مساء الخير

اعضاء المنتدى والقراء الكرام مساء الخير

اولا اشكر الاخت نجفه على نشاطها الدائم وارائها الجميله واود ان اقول اننى لاحظت انها شاركتنا فى 30/3/2007

وكتبت 1174 مشاركه حتى الان الله اكبر فى عنين الحسودين على صوابعها

وانا مشترك من فترة ومعملتش غير 140 بس ان دل على شيئ يدل انها عضوة متميزة

وكلنا نحييها ونشكرها وانا اقترح ترقيتها وتكون مديرة باب الاجتماعيات ونزود راتبها شويه

ولكم منى وافر التقدير والاحترام

بيانات الاخت نجفه المغرورة

المشاركات: 1174

التسجيل: 30-March 07

البلد: Two Seas

رقم العضوية.: 12538

لا يا مومو باليورو والنبي عشان الدولار بيقل كل يوم

:lol: شكرا على شعورك النبيل

وهنقسم بالنص بعد مايدونى المكافأة

بس لو فنشونى يبقي رزقي ورزقك على الله

تحياتى

نجفة

[Ahmad Farahat]

هناك عضو لم يكن ينبغي لنا أن ننساه

عازفة على أوتار من الذهب

دي متتنسيشس وعيب قوي إننا ننساها

تم تعديل 12 يوليو 2007 بواسطة Arsen loben

[مومو الامور]

ونسينا العضوة الهامه مصريه يعنى مصريه

فعلا كان ليها تواجد وحضور جميل فى كل الابواب

وكمان ناش

وكم حد بطلوا يجوا

يمكن يكونوا مسافرين

ربنا يوصلهم بالسلامه

[Folana]

السلام عليكم ورحمة الله...

سكروبيــــــــــــــــــــون...يعنى سكوب...يعنى كامل الجمل........

قال انه رايح يشترى ورقة بوسته من على الناصية...ولم يعد......واتس رونج ياسكوب :sad:

والاخوة والاخوات اللى اساميهم مذكورة فى المحضر عاليه.....عايزين نطمئن عليكم كلاتكم....

وصاحبة الموضوع ...نجفـــــــــــــــــــــــة...عودى الينا ...الدوار ضلمة من غيرك ..احنا كنا معتمدين عليك فى الاضاءة...

[Ahmad Farahat]

هناك شخص آخر لم يظهر منذ مدة

هذا الشخص هو الأستاذ وليد صفوت

[semsema]

هناك شخص آخر لم يظهر منذ مدة

هذا الشخص هو الأستاذ وليد صفوت

اعتقد يا ارسين ان الاستاذ وليد في الجيش ..

انا مش متأكده خالص دا مجرد اعتقاد لاني مره قرأت جاجه زي كدا بس مش فاكره فين..

ربنا يرجعه بالسلامه..

[nash]

مساء الخير والجمال...

والله العظيم وحشتوني كلكم كلكم ومش عارفه أقول غير ربنا يخليكوا ليه..

أنا في قاهرة المعز بتفسح في ربوع الوطن...

بشكر من قلبي كل اللي سألوا علينا نحن الأعضاء المختفين من الساده المشرفين وعلي رأسهم الأخت الفاضله فولانه وصاحبه التوبيك نجفه المنورة

ويارب نرجع تاني ننور هنا

أمانه عليكوا تدعولي وتدعوا لكل الغائبين

وكل سنه وأنتم طيبين

[mohamed_mido87]

السلام عليكم

شكرااااااااااااا جدا يا نجفه على سؤالك ويعلم الله ان ابتعادى عن المنتدى لظروف العمل والسفر الدائم

وانا بحاول بقدر الامكان الظهور لقراءه الموضوعات المطروحه فى المنتدى

عامه شكرا ليكى مره تانيه وربنا يجعل ايامك كلها نور زى ما انتى منوره المنتدى بنشاطك

احلى سلام

[Folana]

السلام عليكم ورحمة الله.....

الحمد لله انك بخير يا ننوشة اجازة سعيدة ان شاء الله ..ولو عايزة اى خدمة من القاهرة..انا ساكنة فى الجيزة....ترجعى لنا بالسلامة..

حمدلله على سلامتك اخى الفاضل محمد...يارب نطمئن على باقى الاخوة والاخوات...

[badroora]

السلام عليكم

شكرااااااااااااا جدا يا نجفه على سؤالك ويعلم الله ان ابتعادى عن المنتدى لظروف العمل والسفر الدائم

وانا بحاول بقدر الامكان الظهور لقراءه الموضوعات المطروحه فى المنتدى

عامه شكرا ليكى مره تانيه وربنا يجعل ايامك كلها نور زى ما انتى منوره المنتدى بنشاطك

احلى سلام

اهلين يا ميدو حمدالله على سلامتك وان شاء الله تنورنا تانى

وربنا يوفقك ان شاء الله

[Gihan]

وجنان

وجيهان

جنان في لبنان بينها وبين القصف في مخيم نهر البارد حوالي 5 كيلو بس

ادعوا لها ربنا يرجعها بالسلامة من الاجازة

مدام جيهان حقيقي ليها وحشة لعل المانع خير ان شاء الله

الاخت العزيزه نجفه

فيكى الخير وشكرا على سؤالك

والاخ العزيز حازم

الله يخليك و كل الاخوه الاعزاء فى المحاورات وحشونى كمان

الحقيقه الكام شهر اللى فاتوا كانو ملييانين بحاجات كتير

اخر السنه وامتحانات ابنى والشغل و بعدين سافرت مصر اسبوعين واخيرا مرض فرد من العاءله هنا فى مونتريال ورحلات المستشفى

ولكن الحمد لله على كل شئ

بصراحه يا نجفه انتى اختارتى عنوان للموضوع يخلى الواحد اول ما يشوفه يبقى عايز يدخل يقراه ويعرف ايه الحكايه حتى لو داخل المحاورات لدقايق

برافو عليكى لانك عرفتى تجيبينا على ملى وشنا

وربنا يديم الموده بين اعضاء المحاورات ويسالوا عن بعض

[nash]

تسلمي يا فولانه يارب ويحفظك إلهي....

الأجازة كانت مكركبه مابين جامعه في مصرولا الرياض والحمدلله أخذنا القرار ويارب يكون قرار سليم....

ويارب دايما فضل موجودين ودايما نسأل علي بعض ونطمن علي بعض......

تسلمي يا نجفه علي موضوعك الجميل واللي بصراحه جمعنا تاني...

كل سنه وانتم كلكم طيبين وبصحه وسعاده

[badroora]

كل الناس دي مختفية بقالها مدة

ماريمار وحشتينا اوى !!

البروفيسور من زمان مختفي اين انت؟

لخبطة مش باين بقالة فترة

مدام فولانه فى اجازة نتمنى لها اجازة سعيدة وترجع بالسلامة ان شاء الله

مين تانى يلا افتكروا معانا

كوكواوا طبعا مقل الدخول عشان الاجازة يلا هنسمحوا بس لحد مالاجازة تخلص

من المشرفين

شايفة استاذ صبح مختفي بقالة فترة كبيرة

استاذ عصام شوقي

ومن باقي الاعضاء

Mohammed الاخ العزيز

اسبيديش من ساعة ما نقل من السودان لمصر وهو اخباره انقطعت يا رب يكون بخير

اخويا الغالى غوص قال انه هيقل الدخول لحد ماختفي خالص يا رب يكون بخير

مهيب ايضا مختفي من عالساحة بقالة مدة يا رب يكون بخير

سهيلة ايضا مش ظاهرة من مدة

مدام هدى درويش بردة مش باينة

دكتور ميزو طبعا فى اجازة يرجع بالسلامة

الاخ العزيز عبد العزيز عمر بردة مش طاهر من مدة

الخليفة السلفي

محمد على عامر

ابو عمر

استاذ محمود مصطفى

دكتور هوبا بردة بقالوا كتير

مدام نانوا ايضا

ناش معقول كل دى اجازة

ديم يق بردة مش ظاهر

الغالى ياسوفينوس

وباقي الناس مش قادرة افتكرهم كلهم دول اللى على بالى

عموما احنا هنسامحكم بس عشان اجازة اليصف لكن بعد كدا اللى هيغيب بدون اذن مسبق

هنوصي السادة المسئولين يدوهم لفت نظر

يا رب ترجعوا لبيتكم بالسلامة وتنوره زى مكنتم منورينه

اختكم السائلة

نجفة

تم تعديل 5 أغسطس 2007 بواسطة نجفة المغرورة